អន្តរជាតិ
មីយ៉ាន់ម៉ា ទាត់ចោលគម្រោងស្វែងរកការពិតរបស់ UN លើករណីហិង្សាលើជនជាតិរ៉ូហ៊ីងយ៉ា
យោធាមីយ៉ាន់ម៉ាក្នុងប្រតិបត្តិការនៅរដ្ឋ Rakhine (រូបថត AFP)
×![]()
ដោយ: តន ចាន់រិទ្ធារ៉ា
មីយ៉ាន់ម៉ា បានទាត់ចោលការសម្រេចចិត្តរបស់ក្រុមប្រឹក្សាសិទ្ធិមនុស្សអង្គការសហប្រជាជាតិក្នុងការបើកការស៊ើបអង្កេតស្វែងរកការពិតលើករណីរំលោភបំពានសិទ្ធិមនុស្ស និងអំពើហិង្សាលើជនជាតិភាគតិចរ៉ូហ៊ីងយ៉ាពីទាហានមីយ៉ាន់ម៉ានៅរដ្ឋ Rakhine ។ ក្នុងសេចក្ដីប្រកាសព័ត៌មានថ្ងៃទី២៥ ខែមីនា ក្រសួងការបរទេសមីយ៉ាន់ម៉ានិយាយការពារជំហររបស់ខ្លួនថា ការស៊ើបអង្កេតរកការពិតនេះ បានត្រឹមតែដុតកម្ដៅបញ្ហានេះប៉ុណ្ណោះ។
ក្រសួងការបរទេសមីយ៉ាន់ម៉ា ដែលមានលោកស្រី អ៊ុងសាន ស៊ូជី ជារដ្ឋមន្ត្រី បានប្រកាសថា ខ្លូនមិនអនុញ្ញាតឲ្យមានការស៊ើបអង្កេតស្វែងរកការពិតរបស់អង្គការសហប្រជាជាតិលើការធ្វើទុក្ខបុកម្នេញលើជនមូស្លីមរ៉ូហ៊ីងយ៉ា ក្រោមស្នាដៃរបស់កម្លាំងសមត្ថកិច្ចមីយ៉ាន់ម៉ាឡើយ។ មីយ៉ាន់ម៉ា និយាយថា ការស៊ើបអង្កេត នឹងធ្វើឲ្យបញ្ហាកាន់ធ្ងន់ធ្ងរ ហើយមួយទៀតនោះ ខ្លួនក៏បានបង្កើតគណៈកម្មការស៊ើបអង្កេតលើបញ្ហារួចហើយដែរ។
ក្នុងកិច្ចប្រជុំរបស់ខ្លួន ក្រុមប្រឹក្សាសិទ្ធិអង្គការសហប្រជាជាតិ បានសម្រេចកាលពីថ្ងៃទី២៤ ខែមីនា បញ្ជូនក្រុមបេសកកម្មស៊ើបអង្កេតរកការពិតជាបន្ទាន់ទៅកាន់រដ្ឋអាស៊ីអាគ្នេយ៍មួយនេះ ដើម្បីបញ្ជាក់ថាពិតជាមានករណីបំពានរបស់កងទ័ពមីយ៉ាន់ម៉ា។ បេសកកម្មនេះ នឹងផ្ដោតលើការចោទប្រកាន់លើប៉ូលិស និងទាហានមីយ៉ាន់ម៉ា ដែលជនភៀសខ្លួនរ៉ូហ៊ីងយា់ងនិយាយថា បានប្រព្រឹត្តអំពើឃោរឃៅដូចជាការរំលោភសិទ្ធិមនុស្ស បំពានផ្លូវភេទ ដុតផ្ទះសម្បែង និងសម្លាប់មនុស្សជាដើម។
ទីភ្នាក់ងារព័ត៌មាន AFP ផ្សាយថា រដ្ឋាភិបាលមីយ៉ាន់ម៉ា បានទាត់ចោលគម្រោងនេះ ហើយមីយ៉ាន់ម៉ា ក៏បានដកខ្លួនមិនគោរពសេចក្ដីសម្រេចនេះហើយ។ ក្រសួងការបរទេសមីយ៉ាន់ម៉ាបន្ថែមថា ការបង្កើតបេសកកម្មស្វែងរកការពិតរបស់អន្តរជាតិ បានត្រឹមតែធ្វើឲ្យបញ្ហារីករាលដាល ជាជាងស្វែងរកដំណោះស្រាយសម្រាប់បញ្ហានេះ។ មីយ៉ាន់ម៉ា បានលើកឡើងពីការប្រឹងប្រែងរបស់ខ្លួនក្នុងការដោះស្រាយបញ្ហានេះ រួមតាំងការបង្កើតគណៈកម្មការមួយទៀតផង។
យ៉ាងណាមិញ ក្រុមការពារសិទ្ធិមនុស្ស និងអន្តរជាតិ មិនបានទទួលស្គាល់គណៈកម្មការដែលដឹកនាំដោយអនុប្រធានាធិបតី Myint Swe ឡើយ ព្រោះគ្មានប្រសិទ្ធភាពអ្វីទេ។ គណៈកម្មការដឹកនាំដោយលោក Myint Swe អតីតឧត្តមសេនីយ៍ ហាក់មិនបានរកឃើញមូលហេតុដុំកំភួនអ្វីឡើយ ដែលរឿងនេះធ្វើឲ្យគេយល់ថា រដ្ឋាភិបាលស៊ីវិលមីយ៉ាន់ម៉ា ជួយបិទបាំងសកម្មភាពហិង្សារបស់កងកម្លាំងយោធាតែម្ដង។
កងទ័ពមីយ៉ាន់ម៉ា បានបើកយុទ្ធនាការបង្ក្រាបដ៏ធំមួយកាលពីខែតុលា បន្ទាប់ពីក្រុមប្រដាប់អាវុធមួយក្រុមសម្លាប់ប៉ូលិស៩នាក់ នៅប៉ុស្តិ៍ត្រួតពិនិត្យក្បែរព្រំដែនបង់ក្លាដែស។ យុទ្ធនាការនេះ បានបង្ខំឲ្យជនមូស្លីមរ៉ូហ៊ីងយ៉ារាប់ពាន់នាក់ រត់ចោលភៀសខ្លួនឆ្លងព្រំដែនចូលទឹកដីបង់ក្លាដែស។ ជនភាគតិចនេះ កំពុងតែរកការរើសអើងស្រាប់ទៅហើយនៅរដ្ឋ Rakhine ជាទីដែលមានការផ្ទុះអំពើហិង្សារវាងពួកគេ និងសហគមន៍ពុទ្ធសាសនិកភាគច្រើន៕
ក្រសួងការបរទេសមីយ៉ាន់ម៉ា ដែលមានលោកស្រី អ៊ុងសាន ស៊ូជី ជារដ្ឋមន្ត្រី បានប្រកាសថា ខ្លូនមិនអនុញ្ញាតឲ្យមានការស៊ើបអង្កេតស្វែងរកការពិតរបស់អង្គការសហប្រជាជាតិលើការធ្វើទុក្ខបុកម្នេញលើជនមូស្លីមរ៉ូហ៊ីងយ៉ា ក្រោមស្នាដៃរបស់កម្លាំងសមត្ថកិច្ចមីយ៉ាន់ម៉ាឡើយ។ មីយ៉ាន់ម៉ា និយាយថា ការស៊ើបអង្កេត នឹងធ្វើឲ្យបញ្ហាកាន់ធ្ងន់ធ្ងរ ហើយមួយទៀតនោះ ខ្លួនក៏បានបង្កើតគណៈកម្មការស៊ើបអង្កេតលើបញ្ហារួចហើយដែរ។
ក្នុងកិច្ចប្រជុំរបស់ខ្លួន ក្រុមប្រឹក្សាសិទ្ធិអង្គការសហប្រជាជាតិ បានសម្រេចកាលពីថ្ងៃទី២៤ ខែមីនា បញ្ជូនក្រុមបេសកកម្មស៊ើបអង្កេតរកការពិតជាបន្ទាន់ទៅកាន់រដ្ឋអាស៊ីអាគ្នេយ៍មួយនេះ ដើម្បីបញ្ជាក់ថាពិតជាមានករណីបំពានរបស់កងទ័ពមីយ៉ាន់ម៉ា។ បេសកកម្មនេះ នឹងផ្ដោតលើការចោទប្រកាន់លើប៉ូលិស និងទាហានមីយ៉ាន់ម៉ា ដែលជនភៀសខ្លួនរ៉ូហ៊ីងយា់ងនិយាយថា បានប្រព្រឹត្តអំពើឃោរឃៅដូចជាការរំលោភសិទ្ធិមនុស្ស បំពានផ្លូវភេទ ដុតផ្ទះសម្បែង និងសម្លាប់មនុស្សជាដើម។
ទីភ្នាក់ងារព័ត៌មាន AFP ផ្សាយថា រដ្ឋាភិបាលមីយ៉ាន់ម៉ា បានទាត់ចោលគម្រោងនេះ ហើយមីយ៉ាន់ម៉ា ក៏បានដកខ្លួនមិនគោរពសេចក្ដីសម្រេចនេះហើយ។ ក្រសួងការបរទេសមីយ៉ាន់ម៉ាបន្ថែមថា ការបង្កើតបេសកកម្មស្វែងរកការពិតរបស់អន្តរជាតិ បានត្រឹមតែធ្វើឲ្យបញ្ហារីករាលដាល ជាជាងស្វែងរកដំណោះស្រាយសម្រាប់បញ្ហានេះ។ មីយ៉ាន់ម៉ា បានលើកឡើងពីការប្រឹងប្រែងរបស់ខ្លួនក្នុងការដោះស្រាយបញ្ហានេះ រួមតាំងការបង្កើតគណៈកម្មការមួយទៀតផង។
យ៉ាងណាមិញ ក្រុមការពារសិទ្ធិមនុស្ស និងអន្តរជាតិ មិនបានទទួលស្គាល់គណៈកម្មការដែលដឹកនាំដោយអនុប្រធានាធិបតី Myint Swe ឡើយ ព្រោះគ្មានប្រសិទ្ធភាពអ្វីទេ។ គណៈកម្មការដឹកនាំដោយលោក Myint Swe អតីតឧត្តមសេនីយ៍ ហាក់មិនបានរកឃើញមូលហេតុដុំកំភួនអ្វីឡើយ ដែលរឿងនេះធ្វើឲ្យគេយល់ថា រដ្ឋាភិបាលស៊ីវិលមីយ៉ាន់ម៉ា ជួយបិទបាំងសកម្មភាពហិង្សារបស់កងកម្លាំងយោធាតែម្ដង។
កងទ័ពមីយ៉ាន់ម៉ា បានបើកយុទ្ធនាការបង្ក្រាបដ៏ធំមួយកាលពីខែតុលា បន្ទាប់ពីក្រុមប្រដាប់អាវុធមួយក្រុមសម្លាប់ប៉ូលិស៩នាក់ នៅប៉ុស្តិ៍ត្រួតពិនិត្យក្បែរព្រំដែនបង់ក្លាដែស។ យុទ្ធនាការនេះ បានបង្ខំឲ្យជនមូស្លីមរ៉ូហ៊ីងយ៉ារាប់ពាន់នាក់ រត់ចោលភៀសខ្លួនឆ្លងព្រំដែនចូលទឹកដីបង់ក្លាដែស។ ជនភាគតិចនេះ កំពុងតែរកការរើសអើងស្រាប់ទៅហើយនៅរដ្ឋ Rakhine ជាទីដែលមានការផ្ទុះអំពើហិង្សារវាងពួកគេ និងសហគមន៍ពុទ្ធសាសនិកភាគច្រើន៕
Tag:
មីយ៉ាន់ម៉ា
រ៉ូហ៊ីងយ៉ា
UN
© រក្សាសិទ្ធិដោយ thmeythmey.com
