ជាតិ
×![]()
ភ្នំពេញ៖ ក្រសួងអប់រំ យុវជន និងកីឡា បានបង្ហាញលទ្ធផលតេស្តវាយតម្លៃលទ្ធផលសិក្សាថ្នាក់ជាតិ ថ្នាក់ទី៦ ឆ្នាំ២០១៦ ថា សិស្សនៅទីប្រជុំជន រៀនពូកែជាងសិស្សនៅជនបទ។ តេស្តនេះ វាយតម្លៃតាមលទ្ធផលសិក្សា និងវឌ្ឍនភាពរបស់សិស្សលើ អំណាន សំណេរ និងគណិតវិទ្យា ចំនួន ៥៩៣៩នាក់ ដោយជ្រើសរើសចេញពីសាលាចំនួន ២១០សាលា តំណាងឲ្យទូទាំងប្រទេសកម្ពុជា។
ក្រសួងអប់រំ យុវជន និងកីឡា បានបង្កើតសំណួរតេស្តសាកល្បងជាមួយសិស្សចំនួន ១២០០នាក់ ដើម្បីទទួលបានទំនុកចិត្ត និងសុពលភាពច្បាស់លាស់ ជាមូលដ្ឋាន មុននឹងយកទៅធ្វើតេស្តវាយតម្លៃទូទាំងប្រទេស។ តេស្តវាយតម្លៃនេះ បង្កើតឡើងដោយកិច្ចសហការរវាងនាយកដ្ឋានធានាគុណភាពអប់រំ នាយកដ្ឋានអភិវឌ្ឍកម្មវិធីសិក្សា នាយកដ្ឋានបឋមសិក្សា និងប្រធានក្រុមបច្ចេកទេសថ្នាក់ទី៦។
លោក អ៊ុង ជិនណា ប្រធាននាយកដ្ឋានធានាគុណភាពអប់រំ នៃក្រសួងអប់រំ ក៏បានបញ្ជាក់ពីមូលហេតុដែល សិស្សនៅតាមទីប្រជុំជនរៀន ពូកែជាងសិស្សនៅជនបទផងដែរ។ លោក អ៊ុង ជិនណា លើកឡើងថា ដោយសារតែកត្តាផ្ទាល់ខ្លួនរបស់សិស្ស រួមទាំងកត្តាអាណាព្យាបាល និងឱកាសទៅសិក្សានៅសាលារៀន។ ប្រធាននាយកដ្ឋានធានាគុណភាពអប់រំរូបនេះ បន្តថា សិស្សនៅតាមទីជនបទ មានកម្រិតជីវិតភាពមិនល្អប្រសើរដូចសិស្សនៅទីប្រជុំជននោះទេ ម្យ៉ាងទៀត ពួកគេមិនសូវបានទៅសិក្សាទៀងទាត់ និងមានឱកាសសិក្សាតិចតួច។ ចំណែកសិស្សនៅទីប្រជុំជន មានឱកាសទៅសិក្សាច្រើន និងមានសាលារៀនល្អៗផងដែរ។ លោក អ៊ុង ជិនណា បញ្ជាក់ទៀតថា កត្តាហេដ្ឋារចនាសម្ព័ន្ធក៏បានរួមចំណែក ដល់ការសិក្សារបស់សិស្សផងដែរ។
ប្រធាននាយកដ្ឋានធានាគុណភាពអប់រំ លោក អ៊ុង ជិនណា អះអាងថា ដោយសារការសិក្សា និងការធ្វើតេស្ដលើសិស្សានុសិស្សពីមួយឆ្នាំទៅមួយឆ្នាំ ក្រសួងអប់រំ បានខិតខំពង្រឹងសមត្ថភាពគ្រូ និងសិស្សនៅតាមជនបទ ឲ្យទទួលបានការអប់រំដ៏ល្អ ដូចសិស្សនៅទីប្រជុំជនផងដែរ។ លោក បញ្ជាក់ថា ការបង្រៀននាពេលបច្ចុប្បន្ន បានផ្លាស់ប្ដូរបែបបទនៃការបង្រៀនសិស្ស ពីការទន្ទេញមេរៀនឲ្យចាំ មកជាការពន្យល់មេរៀនឲ្យពួកគេយល់ និងជំរុញឲ្យចូលចិត្តអានសៀវភៅជាដើម។
បើតាមលទ្ធផលវាយតម្លៃតេស្ដសមត្ថភាព បានបង្ហាញថា ការសិក្សាគណិតវិទ្យារបស់សិស្សថ្នាក់ទី៦ មានភាពរីកចម្រើនជាងមុន ខណៈដែលពិន្ទុអំណាននៅមានការប្រែប្រួលតិចតួចនៅឡើយ។ នេះបើធៀបពីឆ្នាំ២០០៧ ដល់ឆ្នាំ២០១៦។ ការធ្វើតេស្ដវាយតម្លៃនេះ បានបញ្ជាក់ទៀតថា សិស្សនៅទីប្រជុំជន ពូកែជាងសិស្សនៅតាមជនបទ ជាពិសេស សិស្សស្រីរៀនពូកែជាងសិស្សប្រុសចំពោះមុខវិជ្ជាភាសាខ្មែរ។ ចំណែកឯផ្នែកគណិតវិទ្យាវិញ ទាំងពីរភេទទទួលបានលទ្ធផលដូចគ្នា។
គួរបញ្ជាក់ថា ចន្លោះពីឆ្នាំ២០០៧ ដល់ឆ្នាំ២០១៦ លទ្ធផលសិក្សារបស់សិស្សថ្នាក់ទី៣ មុខវិជ្ជាគណិតវិទ្យាមានការកើនឡើង ប៉ុន្តែមុខវិជ្ជាភាសាខ្មែរវិញ មានការប្រែប្រួលតិចតួចប៉ុណ្ណោះ។ នេះបើតាមលទ្ធផលវាយតម្លៃតេស្ដសមត្ថភាពសិស្សរបស់ក្រសួងអប់រំ យុវជន និងកីឡា៕
ក្រសួងអប់រំ យុវជន និងកីឡា បានបង្កើតសំណួរតេស្តសាកល្បងជាមួយសិស្សចំនួន ១២០០នាក់ ដើម្បីទទួលបានទំនុកចិត្ត និងសុពលភាពច្បាស់លាស់ ជាមូលដ្ឋាន មុននឹងយកទៅធ្វើតេស្តវាយតម្លៃទូទាំងប្រទេស។ តេស្តវាយតម្លៃនេះ បង្កើតឡើងដោយកិច្ចសហការរវាងនាយកដ្ឋានធានាគុណភាពអប់រំ នាយកដ្ឋានអភិវឌ្ឍកម្មវិធីសិក្សា នាយកដ្ឋានបឋមសិក្សា និងប្រធានក្រុមបច្ចេកទេសថ្នាក់ទី៦។
លោក អ៊ុង ជិនណា ប្រធាននាយកដ្ឋានធានាគុណភាពអប់រំ នៃក្រសួងអប់រំ ក៏បានបញ្ជាក់ពីមូលហេតុដែល សិស្សនៅតាមទីប្រជុំជនរៀន ពូកែជាងសិស្សនៅជនបទផងដែរ។ លោក អ៊ុង ជិនណា លើកឡើងថា ដោយសារតែកត្តាផ្ទាល់ខ្លួនរបស់សិស្ស រួមទាំងកត្តាអាណាព្យាបាល និងឱកាសទៅសិក្សានៅសាលារៀន។ ប្រធាននាយកដ្ឋានធានាគុណភាពអប់រំរូបនេះ បន្តថា សិស្សនៅតាមទីជនបទ មានកម្រិតជីវិតភាពមិនល្អប្រសើរដូចសិស្សនៅទីប្រជុំជននោះទេ ម្យ៉ាងទៀត ពួកគេមិនសូវបានទៅសិក្សាទៀងទាត់ និងមានឱកាសសិក្សាតិចតួច។ ចំណែកសិស្សនៅទីប្រជុំជន មានឱកាសទៅសិក្សាច្រើន និងមានសាលារៀនល្អៗផងដែរ។ លោក អ៊ុង ជិនណា បញ្ជាក់ទៀតថា កត្តាហេដ្ឋារចនាសម្ព័ន្ធក៏បានរួមចំណែក ដល់ការសិក្សារបស់សិស្សផងដែរ។
ប្រធាននាយកដ្ឋានធានាគុណភាពអប់រំ លោក អ៊ុង ជិនណា អះអាងថា ដោយសារការសិក្សា និងការធ្វើតេស្ដលើសិស្សានុសិស្សពីមួយឆ្នាំទៅមួយឆ្នាំ ក្រសួងអប់រំ បានខិតខំពង្រឹងសមត្ថភាពគ្រូ និងសិស្សនៅតាមជនបទ ឲ្យទទួលបានការអប់រំដ៏ល្អ ដូចសិស្សនៅទីប្រជុំជនផងដែរ។ លោក បញ្ជាក់ថា ការបង្រៀននាពេលបច្ចុប្បន្ន បានផ្លាស់ប្ដូរបែបបទនៃការបង្រៀនសិស្ស ពីការទន្ទេញមេរៀនឲ្យចាំ មកជាការពន្យល់មេរៀនឲ្យពួកគេយល់ និងជំរុញឲ្យចូលចិត្តអានសៀវភៅជាដើម។
បើតាមលទ្ធផលវាយតម្លៃតេស្ដសមត្ថភាព បានបង្ហាញថា ការសិក្សាគណិតវិទ្យារបស់សិស្សថ្នាក់ទី៦ មានភាពរីកចម្រើនជាងមុន ខណៈដែលពិន្ទុអំណាននៅមានការប្រែប្រួលតិចតួចនៅឡើយ។ នេះបើធៀបពីឆ្នាំ២០០៧ ដល់ឆ្នាំ២០១៦។ ការធ្វើតេស្ដវាយតម្លៃនេះ បានបញ្ជាក់ទៀតថា សិស្សនៅទីប្រជុំជន ពូកែជាងសិស្សនៅតាមជនបទ ជាពិសេស សិស្សស្រីរៀនពូកែជាងសិស្សប្រុសចំពោះមុខវិជ្ជាភាសាខ្មែរ។ ចំណែកឯផ្នែកគណិតវិទ្យាវិញ ទាំងពីរភេទទទួលបានលទ្ធផលដូចគ្នា។
គួរបញ្ជាក់ថា ចន្លោះពីឆ្នាំ២០០៧ ដល់ឆ្នាំ២០១៦ លទ្ធផលសិក្សារបស់សិស្សថ្នាក់ទី៣ មុខវិជ្ជាគណិតវិទ្យាមានការកើនឡើង ប៉ុន្តែមុខវិជ្ជាភាសាខ្មែរវិញ មានការប្រែប្រួលតិចតួចប៉ុណ្ណោះ។ នេះបើតាមលទ្ធផលវាយតម្លៃតេស្ដសមត្ថភាពសិស្សរបស់ក្រសួងអប់រំ យុវជន និងកីឡា៕
Tag:
អប់រំ
© រក្សាសិទ្ធិដោយ thmeythmey.com
