អន្តរជាតិ
×![]()
ដោយ: ធីតា
បុរសអង់គ្លេសម្នាក់ត្រូវបានតុលាការនៅក្រុង Bristol ចោទប្រកាន់ពីបទសម្លាប់សត្វមេអំបៅពីរក្បាល ប្រភេទ Maculinea Arion (ឬ Large Blues) ដែលកំពុងប្រឈមផុតពូជ និងកម្របំផុតនៅចក្រភពអង់គ្លេស។ នេះបើតាមការផ្សាយរបស់ទីភ្នាក់ងារព័ត៌មាន AFP។
លោក Philip Cullen អាយុ៥៧ឆ្នាំ ត្រូវបានចោទប្រកាន់ពីបទចាប់ និងសម្លាប់សត្វមេអំបៅ Large Blues (មហាខៀវ) ចំនួនពីរក្បាល។ មេអំបៅប្រភេទនេះ សំបូរច្រើនបំផុតនៅសម័យព្រះមហាក្សត្រីយ៍ Victoria (១៨៣៧-១៩០១) ប៉ុន្តែបច្ចុប្បន្ន កំពុងប្រឈមនឹងការផុតពូជ។
លោក Kevin Withey ដែលព្រះរាជអាជ្ញា បានអះអាងថា នេះជាករណីលើកដំបូងបំផុតដែលមានមនុស្សរងការចោទប្រកាន់ពីបទសម្លាប់សត្វមេអំបៅ។ បើតាមច្បាប់ លោក Cullen ប្រឈមជាប់ពន្ធនាគារផងដែរ ប៉ុន្តែគេមិនទាន់ដឹងថា ចៅក្រមសម្រេចយ៉ាងណានោះឡើយ ខណៈសាលក្រមនឹងត្រូវប្រកាសនាថ្ងៃទី៧ ខែមេសា ខាងមុខ។
បើតាម AFP លោក Cullen ត្រូវបានគេមើលឃើញថា លោកបានចាប់មេអំបៅ Large Blues នៅក្នុងតំបន់ការពារចំនួន២ គឺតំបន់ Gloucestershire និង Somerset ។ ប៉ូលិសបានតាមដានលោក Cullen រហូតដល់ផ្ទះ កាលពីខែកុម្ភៈ ឆ្នាំ២០១៦ ហើយបានរកឃើញសត្វមេអំបៅងាប់ជាច្រើន ក្នុងនោះមាន Large Blues ចំនួន២ក្បាល។
ក្រុមអ្នកស៊ើបអង្កេត បានរកឃើញដានមួយចំនួនទាក់ទងនឹងសកម្មភាពរបស់លោក Withey ដែលជាអ្នកចូលចិត្តប្រមូលរបស់របរម្នាក់។ បុរសរូបនេះ បានដាក់លក់មេអំបៅនៅលើ e-Bay ដោយបានអះអាងប្រាប់អតិថិជនខ្លួនថា បានទិញពីការកសិដ្ឋានចិញ្ចឹមមេអំបៅនៅអឺរ៉ុប ជាពិសេសបារាំង។
មេអំបៅ Large Blues ត្រូវបានរកឃើញដំបូងនៅអង់គ្លេសក្នុងឆ្នាំ១៧៩៥ ហើយបានបាត់ស្ទើរតែអស់ពូជនៅឆ្នាំ១៩៧៩ ។ នៅឆ្នាំ១៩៨៣ មេអំបៅប្រភេទនេះ មានវត្តមាននៅក្នុងប្រទេសស៊ុយអែត ជាពិសេសនៅតំបន់អភិរក្សជាង១០កន្លែង។
អង្គការ Butterfly Conservation បានអះអាងថា មានទីផ្សារងងឹតទាក់ទងនឹងការជួញដូរមេអំបៅ Large Blues ដោយមួយក្បាលមានតម្លៃចន្លោះពីជាង ២៤៨ដុល្លារអាមេរិក ទៅ ជាង ៣៧៨ដុល្លារអាមេរិក៕
លោក Philip Cullen អាយុ៥៧ឆ្នាំ ត្រូវបានចោទប្រកាន់ពីបទចាប់ និងសម្លាប់សត្វមេអំបៅ Large Blues (មហាខៀវ) ចំនួនពីរក្បាល។ មេអំបៅប្រភេទនេះ សំបូរច្រើនបំផុតនៅសម័យព្រះមហាក្សត្រីយ៍ Victoria (១៨៣៧-១៩០១) ប៉ុន្តែបច្ចុប្បន្ន កំពុងប្រឈមនឹងការផុតពូជ។
លោក Kevin Withey ដែលព្រះរាជអាជ្ញា បានអះអាងថា នេះជាករណីលើកដំបូងបំផុតដែលមានមនុស្សរងការចោទប្រកាន់ពីបទសម្លាប់សត្វមេអំបៅ។ បើតាមច្បាប់ លោក Cullen ប្រឈមជាប់ពន្ធនាគារផងដែរ ប៉ុន្តែគេមិនទាន់ដឹងថា ចៅក្រមសម្រេចយ៉ាងណានោះឡើយ ខណៈសាលក្រមនឹងត្រូវប្រកាសនាថ្ងៃទី៧ ខែមេសា ខាងមុខ។
បើតាម AFP លោក Cullen ត្រូវបានគេមើលឃើញថា លោកបានចាប់មេអំបៅ Large Blues នៅក្នុងតំបន់ការពារចំនួន២ គឺតំបន់ Gloucestershire និង Somerset ។ ប៉ូលិសបានតាមដានលោក Cullen រហូតដល់ផ្ទះ កាលពីខែកុម្ភៈ ឆ្នាំ២០១៦ ហើយបានរកឃើញសត្វមេអំបៅងាប់ជាច្រើន ក្នុងនោះមាន Large Blues ចំនួន២ក្បាល។
ក្រុមអ្នកស៊ើបអង្កេត បានរកឃើញដានមួយចំនួនទាក់ទងនឹងសកម្មភាពរបស់លោក Withey ដែលជាអ្នកចូលចិត្តប្រមូលរបស់របរម្នាក់។ បុរសរូបនេះ បានដាក់លក់មេអំបៅនៅលើ e-Bay ដោយបានអះអាងប្រាប់អតិថិជនខ្លួនថា បានទិញពីការកសិដ្ឋានចិញ្ចឹមមេអំបៅនៅអឺរ៉ុប ជាពិសេសបារាំង។
មេអំបៅ Large Blues ត្រូវបានរកឃើញដំបូងនៅអង់គ្លេសក្នុងឆ្នាំ១៧៩៥ ហើយបានបាត់ស្ទើរតែអស់ពូជនៅឆ្នាំ១៩៧៩ ។ នៅឆ្នាំ១៩៨៣ មេអំបៅប្រភេទនេះ មានវត្តមាននៅក្នុងប្រទេសស៊ុយអែត ជាពិសេសនៅតំបន់អភិរក្សជាង១០កន្លែង។
អង្គការ Butterfly Conservation បានអះអាងថា មានទីផ្សារងងឹតទាក់ទងនឹងការជួញដូរមេអំបៅ Large Blues ដោយមួយក្បាលមានតម្លៃចន្លោះពីជាង ២៤៨ដុល្លារអាមេរិក ទៅ ជាង ៣៧៨ដុល្លារអាមេរិក៕
Tag:
ប្លែកៗ
មេអំបៅ
Large Blues
© រក្សាសិទ្ធិដោយ thmeythmey.com
