ជាតិ
បទយកការណ៍ / បទសម្ភាសន៍
«កម្មករមួយរូប កំពុងប្រមូល បោះសំរាមនៅតាមដងផ្លូវមួយនៅទីក្រុងសៀមរាប»
×![]()
សៀមរាប៖ បច្ចុប្បន្នខេត្តសៀមរាបមានទីលានចាក់សំរាមតែមួយប៉ុណ្ណោះ គឺស្ថិតនៅឃុំត្រពាំងធំ ស្រុកប្រាសាទបាគង។ ដោយសារទីលានចាក់សំរាមបានពេញទៅហើយ ហើយបច្ចុប្បន្នអាជ្ញាធរខេត្តកំពុងស្វែងរកទីតាំងថ្មី ដើម្បីជំនួសទីតាំងចាស់។ ក្នុងគម្រោងទីលានចាក់សំរាមថ្មី អាចនៅក្នុងស្រុកបន្ទាយស្រី ហើយទីលានថ្មីនេះអាជ្ញាធរខេត្តគ្រោងនឹងរៀបចំឲ្យទៅជាទីលានចាក់សំរាមស្តង់ដា ដោយក្នុងនោះអាចច្នៃសំរាមធ្វើជាជីកំប៉ុសក៏បាន ធ្វើជាហ្គាសក៏បាន។ល។
អភិបាលរងខេត្តសៀមរាបទទួលបន្ទុកផ្នែកការងារបរិស្ថាន លោក គឹម ឆៃហៀង បានប្រាប់សារព័ត៌មានថ្មីៗថា ទីលានចាក់សំរាមថ្មីមានចំងាយពីរដ្ឋបាលខេត្តសៀមរាបប្រមាណ ៤០គីឡូម៉ែត្រ គឺឆ្ងាយជាងទីតាំងចាស់១០គីឡូម៉ែត្រ។ យ៉ាងណា បច្ចុប្បន្នអាជ្ញាធរខេត្តកំពុងស្វែងរកដៃគូសហការក្នុងគម្រោងរៀបចំទីលានចាក់សំរាមថ្មីនេះ ដោយត្រូវរៀបចំជាទីលានស្តង់ដាមួយ។ ទីលានចាក់សំរាមថ្មី អាចច្នៃសំរាមធ្វើជាជីក៏បាន ធ្វើហ្គាសក៏បាន និងធ្វើអគ្គិសនីក៏បាន។ នេះជាការបញ្ជាក់របស់លោកអភិបាលរងខេត្តសៀមរាប។
ពាក់ព័ន្ធនឹងការគ្រប់គ្រងបរិស្ថានវិញ លោក គឹម ឆៃហៀង បានពន្យល់ថា គឺត្រូវគោរពតាមចំណុចស្នូល៣សំខាន់ៗ។ ទីមួយ ធ្វើឲ្យទឹកស្អាត ទីពីរ ធ្វើឲ្យដីស្អាត និងទីបី ធ្វើឲ្យខ្យល់ស្អាត។ ហើយដើម្បីសម្រេចបានលទ្ធផលល្អនោះ គឺត្រូវការធ្វើការងារជាច្រើន ដែលរួមមានការចុះផ្សព្វផ្សាយដល់ប្រជាពលរដ្ឋឲ្យយល់ពីច្បាប់ព្រៃឈើ ធនធានធម្មជាតិ ជំរុញឲ្យមានការដាំដើមឈើឡើងវិញ។ល។ រក្សាប្រភពទឹកនៅលើភ្នំគូលេន និងឲ្យប្រជាពលរដ្ឋចូលរួមក្នុងការងារការពារព្រៃឈើ។ល។
សម្រាប់ការងារប្រមូលសំរាមវិញ បច្ចុប្បន្នខេត្តសៀមរាបមានក្រុមហ៊ុនប្រមូលសំរាមតែមួយអត់ គឺក្រុមហ៊ុន Gaea (ហ្គាអីយ៉ា)។ ក្រុមហ៊ុននេះបានប្រតិបត្តិការប្រមូលសំរាមក្នុង៦សង្កាត់ធំៗនៅក្រុងសៀមរាប។ ក្រៅពីក្រុមហ៊ុននេះ គឺរដ្ឋបាលខេត្តមានកញ្ចប់ថវិកាមួយចំនួន សម្រាប់ប្រមូលសំរាមនៅតាមសួនច្បារសាធារណ និងស្ថាប័នរដ្ឋមួយចំនួនផង តែទំហំកញ្ចប់ថវិកានេះមិនទាន់ឆ្លើយតបនៅឡើយ។
ដើម្បីជ្រាបច្បាស់ពីព័ត៌មាននេះ សូមស្តាប់បទសម្ភាសរវាងអ្នកសារព័ត៌មានថ្មីៗ និងលោក គឹម ឆៃហៀង អភិបាលរងខេត្តសៀមរាបដូចតទៅ៖
អភិបាលរងខេត្តសៀមរាបទទួលបន្ទុកផ្នែកការងារបរិស្ថាន លោក គឹម ឆៃហៀង បានប្រាប់សារព័ត៌មានថ្មីៗថា ទីលានចាក់សំរាមថ្មីមានចំងាយពីរដ្ឋបាលខេត្តសៀមរាបប្រមាណ ៤០គីឡូម៉ែត្រ គឺឆ្ងាយជាងទីតាំងចាស់១០គីឡូម៉ែត្រ។ យ៉ាងណា បច្ចុប្បន្នអាជ្ញាធរខេត្តកំពុងស្វែងរកដៃគូសហការក្នុងគម្រោងរៀបចំទីលានចាក់សំរាមថ្មីនេះ ដោយត្រូវរៀបចំជាទីលានស្តង់ដាមួយ។ ទីលានចាក់សំរាមថ្មី អាចច្នៃសំរាមធ្វើជាជីក៏បាន ធ្វើហ្គាសក៏បាន និងធ្វើអគ្គិសនីក៏បាន។ នេះជាការបញ្ជាក់របស់លោកអភិបាលរងខេត្តសៀមរាប។
ពាក់ព័ន្ធនឹងការគ្រប់គ្រងបរិស្ថានវិញ លោក គឹម ឆៃហៀង បានពន្យល់ថា គឺត្រូវគោរពតាមចំណុចស្នូល៣សំខាន់ៗ។ ទីមួយ ធ្វើឲ្យទឹកស្អាត ទីពីរ ធ្វើឲ្យដីស្អាត និងទីបី ធ្វើឲ្យខ្យល់ស្អាត។ ហើយដើម្បីសម្រេចបានលទ្ធផលល្អនោះ គឺត្រូវការធ្វើការងារជាច្រើន ដែលរួមមានការចុះផ្សព្វផ្សាយដល់ប្រជាពលរដ្ឋឲ្យយល់ពីច្បាប់ព្រៃឈើ ធនធានធម្មជាតិ ជំរុញឲ្យមានការដាំដើមឈើឡើងវិញ។ល។ រក្សាប្រភពទឹកនៅលើភ្នំគូលេន និងឲ្យប្រជាពលរដ្ឋចូលរួមក្នុងការងារការពារព្រៃឈើ។ល។
សម្រាប់ការងារប្រមូលសំរាមវិញ បច្ចុប្បន្នខេត្តសៀមរាបមានក្រុមហ៊ុនប្រមូលសំរាមតែមួយអត់ គឺក្រុមហ៊ុន Gaea (ហ្គាអីយ៉ា)។ ក្រុមហ៊ុននេះបានប្រតិបត្តិការប្រមូលសំរាមក្នុង៦សង្កាត់ធំៗនៅក្រុងសៀមរាប។ ក្រៅពីក្រុមហ៊ុននេះ គឺរដ្ឋបាលខេត្តមានកញ្ចប់ថវិកាមួយចំនួន សម្រាប់ប្រមូលសំរាមនៅតាមសួនច្បារសាធារណ និងស្ថាប័នរដ្ឋមួយចំនួនផង តែទំហំកញ្ចប់ថវិកានេះមិនទាន់ឆ្លើយតបនៅឡើយ។
ដើម្បីជ្រាបច្បាស់ពីព័ត៌មាននេះ សូមស្តាប់បទសម្ភាសរវាងអ្នកសារព័ត៌មានថ្មីៗ និងលោក គឹម ឆៃហៀង អភិបាលរងខេត្តសៀមរាបដូចតទៅ៖
Tag:
សំរាម
គឹម ឆៃហៀង
© រក្សាសិទ្ធិដោយ thmeythmey.com
