អន្តរជាតិ
ប្រធានាធិបតី ដូណាល់ ត្រាំ បរាជ័យក្នុងការនិរាករណ៍បញ្ញត្តិសុខាភិបាលលរបស់អតីតប្រធានាធិបតី បារ៉ាក់ អូបាម៉ា (រូបថត Xinhua)
×![]()
ដោយ: តន ចាន់រិទ្ធារ៉ា
គម្រោងនិរាករណ៍ច្បាប់សុខាភិបាល Obamacare ពីសំណាក់ប្រធានាធិបតី ដូណាល់ ត្រាំ បានរងបរាជ័យយ៉ាងអាម៉ាស់ ក្រោយរដ្ឋសភាអាមេរិក សម្រេចចិត្តដកសំណើច្បាប់ថ្មីដែលលើកឡើងដោយរដ្ឋបាលលោក ត្រាំ ផ្ទាល់។ សមាជិកជាច្រើនរបស់បក្សសាធារណរដ្ឋ បានជំទាស់សំណើច្បាប់ថ្មី បើទោះជាលោក ត្រាំ គំរាមពួកគេឲ្យគាំទ្រលើគម្រោងនិរាករណ៍បទបញ្ញត្តិសុខាភិបាលនេះក្ដី។ សមាជិកទាំងអស់របស់បក្សប្រជាធិបតេយ្យ សុទ្ធតែគាំទ្រការរក្សាទុក Obamacare នេះ។
ប្រធានាធិបតី ដូណាល់ ត្រាំ មិនមានលទ្ធភាពលុបចោលបញ្ញត្តិសុខាភិបាលរបស់អតីតប្រធានាធិបតី បារ៉ាក់ អូបាម៉ា ឡើយ ព្រោះក្រុមសាធារណរដ្ឋមិនមានសំឡេងគ្រប់គ្រាន់ទេ។ សំណើច្បាប់ថ្មីរបស់លោក ត្រាំ ត្រូវបានដកចេញវិញ នៅមុនការបោះឆ្នោតក្នុងសភា ខណៈដែលសមាជិកសភាបក្សសាធារណរដ្ឋជាច្រើន ជំទាស់មហិច្ឆតាលុបចោលមរតកសុខាភិបាលលោក អូបាម៉ា ។ នេះជាបរាជ័យដ៏ធំសម្រាប់រដ្ឋាភិបាលលោក ត្រាំ ដែលចង់រំលាយចោលអ្វីដែលលោក អូបាម៉ា បន្សល់ទុកនោះ។
តាមពិតទៅ ក្រុមសាធារណរដ្ឋ ដែលមានសំឡេងភាគច្រើននៅសភា ចង់បោះឆ្នោតនិរាករណ៍ Obamacare តាំងពីថ្ងៃទី២៣ ខែមីនា ម្ល៉េះ មុននឹងសម្រេចបោះឆ្នោតនៅថ្ងៃទី២៤ ខែមីនា វិញ ដ្បិតលោក ត្រាំ កំពុងអូសទាញសមាជិកសភាដែលប្រឆាំងគំនិតរបស់លោកសិន។ ប៉ុន្តែបើទោះជាមានការលួងលោមពីសំណាក់សេតវិមាន ប្រធានសភា Paul Ryan នៅតែមិនអាចប្រមូលសំឡេងបានគ្រប់ចំនួន២១៦ ដែរ។
ទីភ្នាក់ងារព័ត៌មាន Reuters ផ្សាយថា លោកប្រធានាធិបតី ត្រាំ ខកចិត្តខ្លាំង ក្រោយសំណើច្បាប់ថ្មីរបស់លោក មិនអាចចេញជារូបរាងបាន។ លោកបានប្រាប់អ្នករាយការណ៍ព័ត៌មានពីបន្ទប់ពងក្រពើរបស់សេតវិមានថា អ្វីៗជិតដល់គោលដៅទៅហើយ។ ប៉ុន្តែលោកហាក់មិនបានទម្លាក់កំហុសនេះលើសមាជិកសភាបក្សសាធារណរដ្ឋឡើយ តែបែជានិយាយថា ដោយមិនមានការគាំទ្រពីសមាជិកសភាបក្សប្រជាធិបតេយ្យ ទើបសំណើច្បាប់ថ្មីបរាជ័យ។
ការលុបចោល Obamacare ជានយោបាយសំខាន់បំផុតមួយរបស់លោក ត្រាំ អំឡុងយុទ្ធនាការស្វែងរកសំឡេងឆ្នោតមក។ នៅមុនការបោះឆ្នោតនៅសភានេះ លោក ត្រាំ បានប្រឹងប្រែងយ៉ាងខ្លាំងដើម្បីសម្រេចគោលដៅនេះឲ្យបាន។ មិនត្រឹមតែអូសទាញឡើយ លោក ត្រាំ ក៏ថែមទាំងគំរាមសមាជិកសភាបក្សសាធារណរដ្ឋថែមទៀត។ ប៉ុន្តែលោកបែរជាបរាជ័យទៅវិញ ហើយវាក៏ជាបទពិសោធសម្រាប់លោក ដែលគ្មានបទពិសោធដឹកនាំប្រទេសអ្វីសោះ។
នៅពេលនេះ Trumpcare មិនអាចជំនួស Obamacare បានឡើយ ហើយគេក៏មិនដឹងថាលោក ត្រាំ នឹងព្យាយាមម្ដងទៀតនៅណេលខ្លីខាងមុខឬយ៉ាងដែរ។ មានសារព័ត៌មានមួយចំនួនផ្សាយថា លោក ដូណាល់ ត្រាំ បានគំរាមបណ្តាសមាជិកសភាបក្សខ្លួនដែលហ៊ានជំទាស់គម្រោងរបស់លោកផង។ លោកគំរាមថា បើសិនមិនចង់អស់កៅអី អ្នកទាំងនោះត្រូវបោះឆ្នោតលុបបទបញ្ញត្តិសុខភិបាលរបស់លោក។ ជាមួយបរាជ័យនេះ លោក ត្រាំ ទំនងជាប្ដូរទិសដៅកែទម្រង់ប្រព័ន្ធពន្ធវិញម្តង៕
ប្រធានាធិបតី ដូណាល់ ត្រាំ មិនមានលទ្ធភាពលុបចោលបញ្ញត្តិសុខាភិបាលរបស់អតីតប្រធានាធិបតី បារ៉ាក់ អូបាម៉ា ឡើយ ព្រោះក្រុមសាធារណរដ្ឋមិនមានសំឡេងគ្រប់គ្រាន់ទេ។ សំណើច្បាប់ថ្មីរបស់លោក ត្រាំ ត្រូវបានដកចេញវិញ នៅមុនការបោះឆ្នោតក្នុងសភា ខណៈដែលសមាជិកសភាបក្សសាធារណរដ្ឋជាច្រើន ជំទាស់មហិច្ឆតាលុបចោលមរតកសុខាភិបាលលោក អូបាម៉ា ។ នេះជាបរាជ័យដ៏ធំសម្រាប់រដ្ឋាភិបាលលោក ត្រាំ ដែលចង់រំលាយចោលអ្វីដែលលោក អូបាម៉ា បន្សល់ទុកនោះ។
តាមពិតទៅ ក្រុមសាធារណរដ្ឋ ដែលមានសំឡេងភាគច្រើននៅសភា ចង់បោះឆ្នោតនិរាករណ៍ Obamacare តាំងពីថ្ងៃទី២៣ ខែមីនា ម្ល៉េះ មុននឹងសម្រេចបោះឆ្នោតនៅថ្ងៃទី២៤ ខែមីនា វិញ ដ្បិតលោក ត្រាំ កំពុងអូសទាញសមាជិកសភាដែលប្រឆាំងគំនិតរបស់លោកសិន។ ប៉ុន្តែបើទោះជាមានការលួងលោមពីសំណាក់សេតវិមាន ប្រធានសភា Paul Ryan នៅតែមិនអាចប្រមូលសំឡេងបានគ្រប់ចំនួន២១៦ ដែរ។
ទីភ្នាក់ងារព័ត៌មាន Reuters ផ្សាយថា លោកប្រធានាធិបតី ត្រាំ ខកចិត្តខ្លាំង ក្រោយសំណើច្បាប់ថ្មីរបស់លោក មិនអាចចេញជារូបរាងបាន។ លោកបានប្រាប់អ្នករាយការណ៍ព័ត៌មានពីបន្ទប់ពងក្រពើរបស់សេតវិមានថា អ្វីៗជិតដល់គោលដៅទៅហើយ។ ប៉ុន្តែលោកហាក់មិនបានទម្លាក់កំហុសនេះលើសមាជិកសភាបក្សសាធារណរដ្ឋឡើយ តែបែជានិយាយថា ដោយមិនមានការគាំទ្រពីសមាជិកសភាបក្សប្រជាធិបតេយ្យ ទើបសំណើច្បាប់ថ្មីបរាជ័យ។
ការលុបចោល Obamacare ជានយោបាយសំខាន់បំផុតមួយរបស់លោក ត្រាំ អំឡុងយុទ្ធនាការស្វែងរកសំឡេងឆ្នោតមក។ នៅមុនការបោះឆ្នោតនៅសភានេះ លោក ត្រាំ បានប្រឹងប្រែងយ៉ាងខ្លាំងដើម្បីសម្រេចគោលដៅនេះឲ្យបាន។ មិនត្រឹមតែអូសទាញឡើយ លោក ត្រាំ ក៏ថែមទាំងគំរាមសមាជិកសភាបក្សសាធារណរដ្ឋថែមទៀត។ ប៉ុន្តែលោកបែរជាបរាជ័យទៅវិញ ហើយវាក៏ជាបទពិសោធសម្រាប់លោក ដែលគ្មានបទពិសោធដឹកនាំប្រទេសអ្វីសោះ។
នៅពេលនេះ Trumpcare មិនអាចជំនួស Obamacare បានឡើយ ហើយគេក៏មិនដឹងថាលោក ត្រាំ នឹងព្យាយាមម្ដងទៀតនៅណេលខ្លីខាងមុខឬយ៉ាងដែរ។ មានសារព័ត៌មានមួយចំនួនផ្សាយថា លោក ដូណាល់ ត្រាំ បានគំរាមបណ្តាសមាជិកសភាបក្សខ្លួនដែលហ៊ានជំទាស់គម្រោងរបស់លោកផង។ លោកគំរាមថា បើសិនមិនចង់អស់កៅអី អ្នកទាំងនោះត្រូវបោះឆ្នោតលុបបទបញ្ញត្តិសុខភិបាលរបស់លោក។ ជាមួយបរាជ័យនេះ លោក ត្រាំ ទំនងជាប្ដូរទិសដៅកែទម្រង់ប្រព័ន្ធពន្ធវិញម្តង៕
Tag:
អាមេរិក
ដូណាល់ ត្រាំ
Obamacare
© រក្សាសិទ្ធិដោយ thmeythmey.com
