ជាតិ
ក្រសួងការងារ ចេញវិធានការដើម្បីបញ្ជៀសការដួលសន្លប់ ដែលបណ្ដាលពីការកើនឡើងកម្ដៅ
×![]()
ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្ដីណែនាំ ស្ដីពីការបញ្ជៀសការដួលសន្លប់ជាយថហេតុ ដែលបណ្ដាលមកពីការកើនឡើងកម្ដៅ ដល់ម្ចាស់សហគ្រាស គ្រឹះស្ថាន ជាពិសេសសហគ្រាស កាត់ដេរសម្លៀកបំពាក់ និងដេរស្បែកជើង។ នេះបើតាមសេចក្ដីជូនដំណឹងរបស់ក្រសួងការងារ និងបណ្ដុះបណ្ដាលវិជ្ជាជីវៈ។
ដើម្បីបញ្ជៀសការដួលសន្លប់ ដែលបណ្ដាលមកពីការកើនឡើងកម្ដៅនារដូងប្រាំង ក្រសួងមានវិធានការ៩ចំនុច សម្រាប់ម្ចាស់សហគ្រាស និងគ្រឹះស្ថានអនុវត្តឲ្យបានហ្មត់ចត់។ ម្ចាស់សហគ្រាស គ្រឹះស្ថានទាំងអស់ ត្រូវមើលថែទាំ និងត្រួតពិនិត្យជាប្រចាំ និងបើកឲ្យដំណើរការប្រព័ន្ធបញ្ចេញបញ្ជូលខ្យល់នៅតាមអាគារផលិតកម្មទាំងអស់។ ជាពិសេស ត្រូវដាក់ឲ្យមានឧបករណ៍វាស់ស្ទង់កម្ដៅ នៅកន្លែងធ្វើការ ដើម្បីងាយស្រួលក្នុងការតាមដានការវិវត្តនៃកម្ដៅ។
ក្រសួងការងារ និងបណ្ដុះបណ្ដាលវិជ្ជាជីវៈ បញ្ជាក់ទៀតថា ម្ចាស់សហគ្រាសទាំងអស់ ត្រូវរៀបចំទុកដាក់សម្ភារៈ កុំឲ្យបាំងខ្យល់ចេញចូល និងត្រូវបើកបង្គួច ទ្វា ឲ្យបានទូលំទូលាយ។ បន្ថែមលើនេះ ម្ចាស់សហគ្រាស ត្រូវរៀបចំទឹកសម្រាប់ស្រោចនៅលើដំបូលអាគារ និងផ្ដល់ទឹកស្អាតសម្រាប់បរិភោគឲ្យបានគ្រប់គ្រាន់ដល់កម្មករផងដែរ។
គួរបញ្ជាក់ថា ម្ចាស់សហគ្រាស គ្រឹះស្ថានទាំងអស់ ត្រូវមើលថែទាំ និងត្រួតពិនិត្យប្រព័ន្ធបង្ការអគ្គិភ័យ និងរៀបចំការជម្លៀសខ្លួន ឬសញ្ញាសុវត្ថិភាពនៅតាមបុស្ដិ៍ការងារ និងអប់រំបណ្ដុះបណ្ដាលកម្មករជាដើម។ ម្យ៉ាងទៀត ចំពោះម្ចាស់សហគ្រាស ដែលមានប្រើប្រាស់សារធាតុគីមីងាយឆាបឆេះ ត្រូវរៀបចំឲ្យមានប្រុងប្រយ័ត្ន និងរក្សាទុកដាក់ឲ្យដាច់ដោយឡែកពីគ្នា។ ក្រសួងការងារ និងបណ្ដុះបណ្ដាលវិជ្ជាជីវៈ សង្ឃឹមថា ម្ចាស់សហគ្រាស និងគ្រឺះស្ថានទាំងអស់ នឹងអនុវត្តតាមសេចក្ដីជូនដំណឹងនេះ៕
ដើម្បីបញ្ជៀសការដួលសន្លប់ ដែលបណ្ដាលមកពីការកើនឡើងកម្ដៅនារដូងប្រាំង ក្រសួងមានវិធានការ៩ចំនុច សម្រាប់ម្ចាស់សហគ្រាស និងគ្រឹះស្ថានអនុវត្តឲ្យបានហ្មត់ចត់។ ម្ចាស់សហគ្រាស គ្រឹះស្ថានទាំងអស់ ត្រូវមើលថែទាំ និងត្រួតពិនិត្យជាប្រចាំ និងបើកឲ្យដំណើរការប្រព័ន្ធបញ្ចេញបញ្ជូលខ្យល់នៅតាមអាគារផលិតកម្មទាំងអស់។ ជាពិសេស ត្រូវដាក់ឲ្យមានឧបករណ៍វាស់ស្ទង់កម្ដៅ នៅកន្លែងធ្វើការ ដើម្បីងាយស្រួលក្នុងការតាមដានការវិវត្តនៃកម្ដៅ។
ក្រសួងការងារ និងបណ្ដុះបណ្ដាលវិជ្ជាជីវៈ បញ្ជាក់ទៀតថា ម្ចាស់សហគ្រាសទាំងអស់ ត្រូវរៀបចំទុកដាក់សម្ភារៈ កុំឲ្យបាំងខ្យល់ចេញចូល និងត្រូវបើកបង្គួច ទ្វា ឲ្យបានទូលំទូលាយ។ បន្ថែមលើនេះ ម្ចាស់សហគ្រាស ត្រូវរៀបចំទឹកសម្រាប់ស្រោចនៅលើដំបូលអាគារ និងផ្ដល់ទឹកស្អាតសម្រាប់បរិភោគឲ្យបានគ្រប់គ្រាន់ដល់កម្មករផងដែរ។
គួរបញ្ជាក់ថា ម្ចាស់សហគ្រាស គ្រឹះស្ថានទាំងអស់ ត្រូវមើលថែទាំ និងត្រួតពិនិត្យប្រព័ន្ធបង្ការអគ្គិភ័យ និងរៀបចំការជម្លៀសខ្លួន ឬសញ្ញាសុវត្ថិភាពនៅតាមបុស្ដិ៍ការងារ និងអប់រំបណ្ដុះបណ្ដាលកម្មករជាដើម។ ម្យ៉ាងទៀត ចំពោះម្ចាស់សហគ្រាស ដែលមានប្រើប្រាស់សារធាតុគីមីងាយឆាបឆេះ ត្រូវរៀបចំឲ្យមានប្រុងប្រយ័ត្ន និងរក្សាទុកដាក់ឲ្យដាច់ដោយឡែកពីគ្នា។ ក្រសួងការងារ និងបណ្ដុះបណ្ដាលវិជ្ជាជីវៈ សង្ឃឹមថា ម្ចាស់សហគ្រាស និងគ្រឺះស្ថានទាំងអស់ នឹងអនុវត្តតាមសេចក្ដីជូនដំណឹងនេះ៕
Tag:
ក្រសួងការងារ
© រក្សាសិទ្ធិដោយ thmeythmey.com
