ជាតិ
ទូតអាមេរិកនៅកម្ពុជា ជិះទូកតាមដងទន្លេមេគង្គ និងទន្លេសាប ដើម្បីស្វែងយល់ពីភាពអស្ចារ្យរបស់ទន្លេនៅកម្ពុជា
រូបភាពពីហ្វេសប៊ុកស្ថានទូតអាមេរិកប្រចាំកម្ពុជា
×![]()
ដោយ: ខន ចំប៉ា
លោក William Heidt ឯកអគ្គរដ្ឋទូតអាមេរិកប្រចាំកម្ពុជាលោក Zeb Hogan ម្ចាស់គម្រោង «អច្ឆរិយទន្លេមេគង្គ» និងក្រុមយុវជន នៃក្រុមប្រឹក្សាយុវជនឯកអគ្គរដ្ឋទូត(AYC) និងអេកូយុវទូត បានជួបជុំគ្នា ស្វែងយល់ពីសារៈសំខាន់នៃវត្តមានប្រភេទត្រីធំៗ នៅក្នុងទន្លេ និងភាពប្រយោជន៍របស់ទន្លេនេះសម្រាប់ពលរដ្ឋកម្ពុជា។
ជំនួបនេះ ធ្វើឡើងក្នុងដំណើរដោយទូតតាមដងទន្លេមេគង្គ និងទន្លេសាប កាលពីល្ងាចថ្ងៃទី២០ ខែមីនាកន្លងទៅ។
លោកឯកអគ្គរដ្ឋទូតអាមេរិកប្រចាំកម្ពុជា William Heidt បានបញ្ជាក់នាដំណើរដោយទូកនេះថា លោករីករាយដែលបានចូលរួមជាមួយ លោក Zeb Hogan ជាពិសេសគឺបានស្វែងយល់ពីសារៈសំខាន់របស់ទន្លេនៅកម្ពុជា។
លោក Zeb Hogan ដែលមានបទពិសោធន៍ជិត២០ឆ្នាំរស់នៅ និងធ្វើការនៅតំបន់ទន្លេមេគង្គ បានបញ្ជាក់ថា នៅទន្លេមេគង្គមានប្រភេទធំៗ និងត្រីកម្រដូចជា ត្រីរាជ ត្រីគល់រាំង និងបបែលទឹកសាបជាដើម ដែលជាប្រភេទត្រីទឹកសាបដែលធំជាងគេក្នុងពិភពលោក។ ប្រភេទត្រីទាំងនេះក៏មាននៅកម្ពុជាដែរ។
លោក Zeb Hogan ដែលត្រូវបានគេស្គាល់តាមរយៈការធ្វើជាម្ចាស់កម្មវិធី «ត្រីយក្ស» នៃកម្មវិធីទូរទស្សន៍ Nat Geo Wild បានថ្លែងទៀតថា ប្រភេទត្រីយក្សទាំងនេះ គឺមានសារៈសំខាន់ណាស់ ពោលវាអាចឲ្យគេដឹងពីស្ថានភាព ឬមានបញ្ហាអ្វីមួយនៅក្នុងទឹកទន្លេ។
លោក Zeb បញ្ជាក់ដូច្នេះ៖«ប្រសិនបើត្រីធំៗនៅបន្តរស់នៅក្នុងទន្លេ មានន័យថាប្រភេទត្រីភាគច្រើននៅក្នុងទន្លេក៏រស់នៅបានដែរ។ ការរក្សាប្រភេទត្រីធំៗនៅក្នុងទន្លេ មានន័យស្មើនឹងរក្សាទាំងប្រភេទត្រីតូចៗ ឬមធ្យម ដែលជាប្រភពអាហារដ៏សំខាន់មួយសម្រាប់ប្រជាជនកម្ពុជា»។
យ៉ាងណាក៏ដោយ ម្ចាស់គម្រោងរូបនេះ ក៏បានលើកឡើងពីបញ្ហាប្រឈមក្នុងការអភិរក្សប្រភេទត្រីយក្ស និងប្រភេទត្រីផ្សេងទៀត នៅក្នុងទន្លេមេគង្គ និងប្រភេទត្រីកម្រនៅកម្ពុជាដែរ។ បញ្ហាទាំងនោះ មានដូចជា បញ្ហាអ្វីកើតឡើងនៅក្នុងទន្លេ ដូចជាការសង់ទំនប់វារីអគ្គិសនីនៅ ដែលរារាំងការបំលាស់ទីរបស់ត្រីទៅបង្កកំណើត ការបំពុលទឹក និងការនេសាទខុសច្បាប់ជាដើម។
សូមបញ្ជាក់ថា គម្រោង«អច្ឆរិយទន្លេមេគង្គ» គាំទ្រដោយUSAID ត្រូវបានប្រកាសអនុវត្តន៍កាលពីថ្ងៃទី៧ ខែកុម្ភៈកន្លងទៅ។ គម្រោងនេះមានរយៈពេល៥ឆ្នាំ រៀបចំឡើងដើម្បីលើកកម្ពស់ការយល់ដឹងពីសារៈសំខាន់នៃទន្លេមេគង្គ និងប្រព័ន្ធអេកូឡូស៊ីរបស់វា ដែលជាផ្នែកដ៏សំខាន់ ដល់សេដ្ឋកិច្ច និងសុខភាពសង្គមនៃតំបន់អាស៊ីអាគ្នេយ៍៕
ជំនួបនេះ ធ្វើឡើងក្នុងដំណើរដោយទូតតាមដងទន្លេមេគង្គ និងទន្លេសាប កាលពីល្ងាចថ្ងៃទី២០ ខែមីនាកន្លងទៅ។
លោកឯកអគ្គរដ្ឋទូតអាមេរិកប្រចាំកម្ពុជា William Heidt បានបញ្ជាក់នាដំណើរដោយទូកនេះថា លោករីករាយដែលបានចូលរួមជាមួយ លោក Zeb Hogan ជាពិសេសគឺបានស្វែងយល់ពីសារៈសំខាន់របស់ទន្លេនៅកម្ពុជា។
លោក Zeb Hogan ដែលមានបទពិសោធន៍ជិត២០ឆ្នាំរស់នៅ និងធ្វើការនៅតំបន់ទន្លេមេគង្គ បានបញ្ជាក់ថា នៅទន្លេមេគង្គមានប្រភេទធំៗ និងត្រីកម្រដូចជា ត្រីរាជ ត្រីគល់រាំង និងបបែលទឹកសាបជាដើម ដែលជាប្រភេទត្រីទឹកសាបដែលធំជាងគេក្នុងពិភពលោក។ ប្រភេទត្រីទាំងនេះក៏មាននៅកម្ពុជាដែរ។
លោក Zeb Hogan ដែលត្រូវបានគេស្គាល់តាមរយៈការធ្វើជាម្ចាស់កម្មវិធី «ត្រីយក្ស» នៃកម្មវិធីទូរទស្សន៍ Nat Geo Wild បានថ្លែងទៀតថា ប្រភេទត្រីយក្សទាំងនេះ គឺមានសារៈសំខាន់ណាស់ ពោលវាអាចឲ្យគេដឹងពីស្ថានភាព ឬមានបញ្ហាអ្វីមួយនៅក្នុងទឹកទន្លេ។
លោក Zeb បញ្ជាក់ដូច្នេះ៖«ប្រសិនបើត្រីធំៗនៅបន្តរស់នៅក្នុងទន្លេ មានន័យថាប្រភេទត្រីភាគច្រើននៅក្នុងទន្លេក៏រស់នៅបានដែរ។ ការរក្សាប្រភេទត្រីធំៗនៅក្នុងទន្លេ មានន័យស្មើនឹងរក្សាទាំងប្រភេទត្រីតូចៗ ឬមធ្យម ដែលជាប្រភពអាហារដ៏សំខាន់មួយសម្រាប់ប្រជាជនកម្ពុជា»។
យ៉ាងណាក៏ដោយ ម្ចាស់គម្រោងរូបនេះ ក៏បានលើកឡើងពីបញ្ហាប្រឈមក្នុងការអភិរក្សប្រភេទត្រីយក្ស និងប្រភេទត្រីផ្សេងទៀត នៅក្នុងទន្លេមេគង្គ និងប្រភេទត្រីកម្រនៅកម្ពុជាដែរ។ បញ្ហាទាំងនោះ មានដូចជា បញ្ហាអ្វីកើតឡើងនៅក្នុងទន្លេ ដូចជាការសង់ទំនប់វារីអគ្គិសនីនៅ ដែលរារាំងការបំលាស់ទីរបស់ត្រីទៅបង្កកំណើត ការបំពុលទឹក និងការនេសាទខុសច្បាប់ជាដើម។
សូមបញ្ជាក់ថា គម្រោង«អច្ឆរិយទន្លេមេគង្គ» គាំទ្រដោយUSAID ត្រូវបានប្រកាសអនុវត្តន៍កាលពីថ្ងៃទី៧ ខែកុម្ភៈកន្លងទៅ។ គម្រោងនេះមានរយៈពេល៥ឆ្នាំ រៀបចំឡើងដើម្បីលើកកម្ពស់ការយល់ដឹងពីសារៈសំខាន់នៃទន្លេមេគង្គ និងប្រព័ន្ធអេកូឡូស៊ីរបស់វា ដែលជាផ្នែកដ៏សំខាន់ ដល់សេដ្ឋកិច្ច និងសុខភាពសង្គមនៃតំបន់អាស៊ីអាគ្នេយ៍៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
