សម្ដេច ហ៊ុន សែន អំពាវនាវឲ្យគ្រប់គណបក្សនយោបាយ កុំឃោសនាបោះឆ្នោតរិះគន់គណបក្សដទៃ

ជាតិ

នយោបាយជាតិ

សម្ដេច ហ៊ុន សែន អំពាវនាវឲ្យគ្រប់គណបក្សនយោបាយ កុំឃោសនាបោះឆ្នោតរិះគន់គណបក្សដទៃ

27, Mar 2017 , 9:23 am

រូបភាព

ដោយ: ថ្មីៗ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន អំពាវនាវឲ្យគ្រប់បណ្ដាគណបក្សនយោបាយ ដែលបានឈឈ្មោះបោះឆ្នោតក្រុមប្រឹក្សា ឃុំ-សង្កាត់ នោះ ត្រូវគោរពក្រមសីលធម៌ដោយប្រើប្រាស់សារនយោបាយបោះឆ្នោតឲ្យបានត្រឹមត្រូវ ហើយមិនត្រូវឃោសនាបន្ដុះបង្អាប់ ឬរិះគន់ប៉ះពាល់ដល់គណបក្សដទៃនោះទេ។

ថ្លែងក្នុងពិធីដាក់ឲ្យប្រើប្រាស់អគារសិក្សាក្រុងក្រចេះ នៅព្រឹកថ្ងៃទី២៧ មីនានេះ សម្ដេច ហ៊ុន សែន បានបញ្ជាក់ដូច្នេះថា៖«យើងត្រូវយកអ្នកឃោសនាពាណិជ្ជកម្មធ្វើជាគំរូ ។ អ្នកឃោសនាពាណិជ្ជកម្ម គឺគ្រាន់តែឃោសនាអំពីទំនិញរបស់ខ្លួនប៉ុណ្ណោះ តែគេមិនបានបន្តុះបង្អាប់នូវទំនិញអ្នកដទៃទេ។ ការបន្តុះបង្អាប់ទំនិញអ្នកដទៃ ឬបេក្ខជននៃបក្សដទៃ វានឹងនាំឲ្យមានជម្លោះចៀសមិនផុត ព្រោះអ្នកដែលទទួលនូវការប្រមាថ នូវការជេរលាបពណ៌ ពិតជាគេមិនសុខចិត្ត គេនឹងប្រើសិទ្ធិរបស់គេដើម្បីប្ដឹង។ ដូច្នេះសង្ឃឹមថា បក្សនយោបាយនានា ក៏ដូចជាបេក្ខជនដែលឈឈ្មោះត្រូវគោរពដោយក្រមសីលធម៌ ដែលរៀបចំដោយគណៈកម្មាធិការជាតិរៀបចំការបោះឆ្នោត ក៏ដូចជាច្បាប់ស្តីពីបក្សនយោបាយផងដែរ»។

ប្រមុខរដ្ឋាភិបាល ក៏សង្ឃឹមថា ការបោះឆ្នោតឃុំ-សង្កាត់ អាណត្តិទី៤នេះ នឹងប្រព្រឹត្តិទៅប្រកបដោយសន្តិសុខ សេរី និងយុត្តិធម៌ផងដែរ។

សូមញ្ជាក់ថា ការបោះឆ្នោតឆ្នោតថ្នាក់ឃុំ-សង្កាត់ នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ សម្រាប់កៅអីឃុំ-សង្កាត់ ទាំង១៦៤៦ ៕