កីឡាជាតិ
ជាតិ
លោក Leonardo៖ ម្ចាស់ផ្ទះខ្លាំង កម្ពុជាត្រូវការពារ ប៉ុន្តែយើងមិនលេងតែការពារនោះឡើយ
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិកម្ពុជា ត្រូវប៉ះម្ចាស់ផ្ទះហ្ស៊កដានីនាវេលាម៉ោង១១យប់នេះ [ម៉ោងនៅកម្ពុជា] នៅកីឡដ្ឋាន King Abdullah II ក្រុងអាម៉ាន់ សម្រាប់ជំនួបបើកឆាកពូល C នៃការប្រកួតជម្រុះ ពានរង្វាន់ AFC Asian Cup 2019។ គ្រូបង្វឹកប្រេស៊ីល លោក Leonardo Vitorino ទទួលស្គាល់ភាពខ្លាំងរបស់ក្រុមម្ចាស់ផ្ទះ ប៉ុន្តែលោករំពឹងថា កម្ពុជាក្រោមការដឹកនាំរបស់លោក នឹងបង្ហាញភាពខ្លាំងរបស់ខ្លួន បើទោះបីជាអាចមានការមមាញឹកនៅតំបន់ការពារក៏ដោយ។
«ហ្ស៊កដានីនឹងបើកការវាយលុកដោយពួកគេជាម្ចាស់ផ្ទះ ហើយវាជាជំនួបលើកដំបូងនៅក្នុងពូល។ យើងនឹងយកចិត្តទុកដាក់បំផុតនៅតំបន់ការពារ ប៉ុន្តែយើងមិនលេងតែការពារនោះឡើយ។ យើងមកទីនេះដើម្បីលេងបាល់ទាត់។ យើងនឹងព្យាយាមលេងឲ្យបានល្អ នៅពេលដែលយើងមានបាល់លេង»។ នេះជាការអះអាងប្រកបដោយជំនឿចិត្តរបស់លោក Leonardo Vitorino នាសន្និសីទសារព័ត៌មានមួយថ្ងៃមុនជំនួប។
ឆ្លើយតបនឹងសំណួរដែលសួរពីភាពខ្លាំងរបស់ហ្ស៊កដានី ដែលទើបយកឈ្នះហុងកុង ៤-០ ក្នុងជំនួបមិត្តភាពអន្តរជាតិ គ្រូបង្វឹកថ្មីរបស់កម្ពុជា ទទួលស្គាល់ថា ក្រុមនៅអាស៊ីខាងលិចនេះ ជាក្រុមខ្លាំង និងមានគ្រូប្រកបដោយបទពិសោធន៍ ប៉ុន្តែលោកក៏មានជំនឿលើស្មារតីក្រុមដែលលោកទើបតែដឹកនាំជាងបីសប្តាហ៍ផងដែរ។
ហ្ស៊កដានី ស្ថិតនៅចំណាត់ថ្នាក់លេខ១១៥ក្នុង FIFA Ranking ធ្លាប់យកឈ្នះក្រុមខ្លាំងដូចជា ហ្សកហ្ស៊ី និងហុងកុង មុនជំនួបជាមួយកម្ពុជាល្ងាចនេះ។ នាជំនួបមិត្តភាពអន្តរជាតិដែលកម្ពុជាចាញ់ឥណ្ឌាក្នុង ៣-២ កាលពីថ្ងៃទី២២ មីនា ត្រូវបានគេមើលឃើញថាទម្រង់លេងរបស់ក្រុមកម្ពុជាមានការប្រែប្រួលខ្លាំងគួរឲ្យចាប់អារម្មណ៍។ ប្រែប្រួលខ្លាំង ត្រង់ថាកីឡាករម្នាក់ៗលេងដោយមានជំនឿចិត្តខ្ពស់ តាមរយៈការប៉ះបាល់ខ្លីៗនៅតំបន់ខាងក្រោមដែលជាតំបន់គ្រោះថ្នាក់។
ក្រោមការដឹកនាំរបស់អតីតគ្រូបង្វឹកក្លិបឡាវ Lanexang United លោក Vitorino ហាក់ផ្តោតទៅលើខ្សែការពារ៤នាក់រួមមាន កីឡាករ សរ ពិសិដ្ឋ និងសឿយ វិសាយ នៅតំបន់កណ្តាល រួមជាមួយ សឿត បារាំង និងរស់ សំអឿន រត់បម្លាស់ទីចុះឡើងនៅតំបន់ស្លាបទាំងសងខាង។
ក្នុងទម្រង់នេះ ខ្សែការពារទាំង៤ ក៏មានទំនាក់ទំនងជាមួយនឹងខ្សែបម្រើច្រើនគួឲ្យគត់សម្គាល់ផងដែរ។ ទម្រង់លេងដ៏ល្អទាំងអស់នេះហើយទើបធ្វើឲ្យលោកគ្រួសញ្ជាតិប្រេស៊ី Leonardo Vitorino មានជំនឿចិត្ត និងជឿជាក់លើកូនក្រុមរបស់លោក នាជំនួបកម្ពុជា-ហ្ស៊កដានីនៅយប់នេះ។
នាជំនួបក្នុងពូល C នេះដែរ អាហ្វហ្គានីស្ថាន ក៏ទទួលស្វាគមន៍ វៀតណាមនៃការប្រកួតជម្រុះ ពានរង្វាន់ AFC Asian Cup 2019ផងដែរ៕
«ហ្ស៊កដានីនឹងបើកការវាយលុកដោយពួកគេជាម្ចាស់ផ្ទះ ហើយវាជាជំនួបលើកដំបូងនៅក្នុងពូល។ យើងនឹងយកចិត្តទុកដាក់បំផុតនៅតំបន់ការពារ ប៉ុន្តែយើងមិនលេងតែការពារនោះឡើយ។ យើងមកទីនេះដើម្បីលេងបាល់ទាត់។ យើងនឹងព្យាយាមលេងឲ្យបានល្អ នៅពេលដែលយើងមានបាល់លេង»។ នេះជាការអះអាងប្រកបដោយជំនឿចិត្តរបស់លោក Leonardo Vitorino នាសន្និសីទសារព័ត៌មានមួយថ្ងៃមុនជំនួប។
ឆ្លើយតបនឹងសំណួរដែលសួរពីភាពខ្លាំងរបស់ហ្ស៊កដានី ដែលទើបយកឈ្នះហុងកុង ៤-០ ក្នុងជំនួបមិត្តភាពអន្តរជាតិ គ្រូបង្វឹកថ្មីរបស់កម្ពុជា ទទួលស្គាល់ថា ក្រុមនៅអាស៊ីខាងលិចនេះ ជាក្រុមខ្លាំង និងមានគ្រូប្រកបដោយបទពិសោធន៍ ប៉ុន្តែលោកក៏មានជំនឿលើស្មារតីក្រុមដែលលោកទើបតែដឹកនាំជាងបីសប្តាហ៍ផងដែរ។
ហ្ស៊កដានី ស្ថិតនៅចំណាត់ថ្នាក់លេខ១១៥ក្នុង FIFA Ranking ធ្លាប់យកឈ្នះក្រុមខ្លាំងដូចជា ហ្សកហ្ស៊ី និងហុងកុង មុនជំនួបជាមួយកម្ពុជាល្ងាចនេះ។ នាជំនួបមិត្តភាពអន្តរជាតិដែលកម្ពុជាចាញ់ឥណ្ឌាក្នុង ៣-២ កាលពីថ្ងៃទី២២ មីនា ត្រូវបានគេមើលឃើញថាទម្រង់លេងរបស់ក្រុមកម្ពុជាមានការប្រែប្រួលខ្លាំងគួរឲ្យចាប់អារម្មណ៍។ ប្រែប្រួលខ្លាំង ត្រង់ថាកីឡាករម្នាក់ៗលេងដោយមានជំនឿចិត្តខ្ពស់ តាមរយៈការប៉ះបាល់ខ្លីៗនៅតំបន់ខាងក្រោមដែលជាតំបន់គ្រោះថ្នាក់។
ក្រោមការដឹកនាំរបស់អតីតគ្រូបង្វឹកក្លិបឡាវ Lanexang United លោក Vitorino ហាក់ផ្តោតទៅលើខ្សែការពារ៤នាក់រួមមាន កីឡាករ សរ ពិសិដ្ឋ និងសឿយ វិសាយ នៅតំបន់កណ្តាល រួមជាមួយ សឿត បារាំង និងរស់ សំអឿន រត់បម្លាស់ទីចុះឡើងនៅតំបន់ស្លាបទាំងសងខាង។
ក្នុងទម្រង់នេះ ខ្សែការពារទាំង៤ ក៏មានទំនាក់ទំនងជាមួយនឹងខ្សែបម្រើច្រើនគួឲ្យគត់សម្គាល់ផងដែរ។ ទម្រង់លេងដ៏ល្អទាំងអស់នេះហើយទើបធ្វើឲ្យលោកគ្រួសញ្ជាតិប្រេស៊ី Leonardo Vitorino មានជំនឿចិត្ត និងជឿជាក់លើកូនក្រុមរបស់លោក នាជំនួបកម្ពុជា-ហ្ស៊កដានីនៅយប់នេះ។
នាជំនួបក្នុងពូល C នេះដែរ អាហ្វហ្គានីស្ថាន ក៏ទទួលស្វាគមន៍ វៀតណាមនៃការប្រកួតជម្រុះ ពានរង្វាន់ AFC Asian Cup 2019ផងដែរ៕
Tag:
បាល់ទាត់
ជម្រើសជាតិកម្ពុជា
AFC Asian Cup
© រក្សាសិទ្ធិដោយ thmeythmey.com
