ជាតិ
សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ រូបថត រឿន ភារុន
×![]()
ភ្នំពេញ៖ រដ្ឋមន្ត្រីក្រសួងមហាផ្ទៃសម្តេច ស ខេង នៅតែបារម្ភពីចំនួនអ្នកប្រើប្រាស់គ្រឿងញៀនកើនឡើងដែលនាំឲ្យកើតមានបញ្ហាអសន្តិសុខ និងប៉ះពាល់ធនធានមនុស្ស ពិសេសគឺ យុវជន របស់កម្ពុជា។
ថ្លែងក្នុងពិធីបិទសន្និបាទបូកសរុប ការងារត្រួតពិនិត្យគ្រឿងញៀន ឆ្នាំ២០១៦ និងលើកទិសដៅការងារឆ្នាំ២០១៧ នៅថ្ងៃទី២៩ ខែមីនានេះ នាក្រសួងមហាផ្ទៃ សម្តេចឧបនាយករដ្ឋមន្ត្រី បានចាត់ទុកពលរដ្ឋកម្ពុជាជាជនរងគ្រោះដោយសារការប្រើប្រាស់គ្រឿងញៀន ដ្បិតការចរាចរគ្រឿងញៀនជុំវិញពិភពលោក ពិសេសចេញពីផលិតគ្រឿងញៀនក្នុងតំបន់អាហ្វ្រិក និងតំបនត្រីកោណមាស ឆ្លងកាត់ប្រទេសកម្ពុជា។
«គ្រឿងញៀនជាបញ្ហាមួយដែលដុះស្នឹមក្រាស់បន្តិចហើយនៅកម្ពុជាយើង។ ពិតមែន កម្ពុជាមិនមែនជាប្រទេសដាំគ្រឿងញៀន តែជាប្រទេសកែច្នៃផលិតគ្រឿងញៀនដែរ។ គេយក សារធាតុញៀនពីប្រទេសដទៃមកធ្វើនៅស្រុកយើង។ គេយកផលិតផលពាក់កណ្តាលសម្រេច ផលិតផផលក្នុងស្រុកយើង»។ សម្តេចបញ្ជាក់រួច បន្ថែមថា សម្តេចជឿជាក់លើសមត្ថកិច្ចដែល បានប្តេជ្ញាប្រឆាំងគ្រឿងញៀនក្នុងយុទ្ធនាការបង្ក្រាបគ្រឿងញៀនទ្រង់ទ្រាយធំទូទាំងប្រទេស លើកដំបូង រយៈពេល៦ខែ ចាប់ពីខែមករា ដល់ខែមិថុនា ឆ្នាំ២០១៧នេះ។
ជាមួយគ្នានេះ សម្តេចបានឆ្លៀតថ្លែងអំពាវនាវសប្បុរជនជាតិ និងអន្តរជាតិ រួមទាំងដៃអភិវឌ្ឍពាក់ព័ន្ធនានា ជួយចូលរួមឧបត្ថម្ភថវិកា និងសម្ភារសម្រាប់ព្យាបាល និងបង្សាបអ្នកញៀនគ្រឿងញៀនផងដែរ។
តាមរបាយការណ៍ស្តីពី លទ្ធផលការងារត្រួតពិនិត្យគ្រឿងញៀនឆ្នាំ២០១៦ និងទិសដៅការងារ ត្រួតពិនិត្យគ្រឿងញៀនឆ្នាំ២០១៧នេះ កាលពីឆ្នាំ២០១៦កន្លងមក ជនល្មើសបាននាំគ្រឿងញៀនពីតំបន់អាហ្វ្រិក និងតំបន់ត្រីកោណមាសដោយឆ្លងកាត់ពីតំបន់ក្នុងពិភពលោក រួមទាំងប្រទេសកម្ពុជាតាមខាងជើងប្រទេស។ ក្រៅពីនេះ សមត្ថកិច្ចបានរកឃើញថា ជនល្មើសក៏បានចរាចរគ្រឿងញៀនតាមផ្លូវគោក អាកាស និងបញ្ញើប្រៃសណីយ៍ជាដើមនៅកម្ពុជា។
តាមបាយការណ៍ដែលបង្ហាញក្នុងសន្និបាត នៅថ្ងៃទី២៩មីនានេះ កាលពីឆ្នាំ២០១៦កន្លងទៅ អ្នកប្រើប្រាស់គ្រឿងញៀនទូទាំងប្រទេសមានចំនួន ២០៦២១នាក់ កើនឡើង ៤០៤៦នាក់ ស្មើនឹង ២៤,៤១ភាគរយ ធៀបនឹងចំនួន ១៦៥៧៥នាក់ ក្នុងឆ្នាំ២០១៥ ។
របាយការណ៍របស់ អាជ្ញាធរជាតិប្រយុទ្ធប្រឆាំងគ្រឿងញៀន បានបន្តឲ្យដឹងថា សមត្ថកិច្ចបានបង្ក្រាបបទល្មើសគ្រឿងញៀនចំនួន ៤,២៤៦ករណី ក្នុងនោះ ឃាត់ខ្លួនជនសង្ស័យ ៩,៩៣៣នាក់ ស្រី៩៦៤នាក់មាន ២១សញ្ជាតិ ក្នុងឆ្នាំ២០១៦កន្លងមក។ បន្ថែមលើសពីនេះ សមត្ថកិច្ចបានរឹបអូសគ្រឿងញៀន និងសារធាតុផ្សំ សរុបចំនួនជាង ១៧៩គីឡូក្រាមទៀតផង៕
ថ្លែងក្នុងពិធីបិទសន្និបាទបូកសរុប ការងារត្រួតពិនិត្យគ្រឿងញៀន ឆ្នាំ២០១៦ និងលើកទិសដៅការងារឆ្នាំ២០១៧ នៅថ្ងៃទី២៩ ខែមីនានេះ នាក្រសួងមហាផ្ទៃ សម្តេចឧបនាយករដ្ឋមន្ត្រី បានចាត់ទុកពលរដ្ឋកម្ពុជាជាជនរងគ្រោះដោយសារការប្រើប្រាស់គ្រឿងញៀន ដ្បិតការចរាចរគ្រឿងញៀនជុំវិញពិភពលោក ពិសេសចេញពីផលិតគ្រឿងញៀនក្នុងតំបន់អាហ្វ្រិក និងតំបនត្រីកោណមាស ឆ្លងកាត់ប្រទេសកម្ពុជា។
«គ្រឿងញៀនជាបញ្ហាមួយដែលដុះស្នឹមក្រាស់បន្តិចហើយនៅកម្ពុជាយើង។ ពិតមែន កម្ពុជាមិនមែនជាប្រទេសដាំគ្រឿងញៀន តែជាប្រទេសកែច្នៃផលិតគ្រឿងញៀនដែរ។ គេយក សារធាតុញៀនពីប្រទេសដទៃមកធ្វើនៅស្រុកយើង។ គេយកផលិតផលពាក់កណ្តាលសម្រេច ផលិតផផលក្នុងស្រុកយើង»។ សម្តេចបញ្ជាក់រួច បន្ថែមថា សម្តេចជឿជាក់លើសមត្ថកិច្ចដែល បានប្តេជ្ញាប្រឆាំងគ្រឿងញៀនក្នុងយុទ្ធនាការបង្ក្រាបគ្រឿងញៀនទ្រង់ទ្រាយធំទូទាំងប្រទេស លើកដំបូង រយៈពេល៦ខែ ចាប់ពីខែមករា ដល់ខែមិថុនា ឆ្នាំ២០១៧នេះ។
ជាមួយគ្នានេះ សម្តេចបានឆ្លៀតថ្លែងអំពាវនាវសប្បុរជនជាតិ និងអន្តរជាតិ រួមទាំងដៃអភិវឌ្ឍពាក់ព័ន្ធនានា ជួយចូលរួមឧបត្ថម្ភថវិកា និងសម្ភារសម្រាប់ព្យាបាល និងបង្សាបអ្នកញៀនគ្រឿងញៀនផងដែរ។
តាមរបាយការណ៍ស្តីពី លទ្ធផលការងារត្រួតពិនិត្យគ្រឿងញៀនឆ្នាំ២០១៦ និងទិសដៅការងារ ត្រួតពិនិត្យគ្រឿងញៀនឆ្នាំ២០១៧នេះ កាលពីឆ្នាំ២០១៦កន្លងមក ជនល្មើសបាននាំគ្រឿងញៀនពីតំបន់អាហ្វ្រិក និងតំបន់ត្រីកោណមាសដោយឆ្លងកាត់ពីតំបន់ក្នុងពិភពលោក រួមទាំងប្រទេសកម្ពុជាតាមខាងជើងប្រទេស។ ក្រៅពីនេះ សមត្ថកិច្ចបានរកឃើញថា ជនល្មើសក៏បានចរាចរគ្រឿងញៀនតាមផ្លូវគោក អាកាស និងបញ្ញើប្រៃសណីយ៍ជាដើមនៅកម្ពុជា។
តាមបាយការណ៍ដែលបង្ហាញក្នុងសន្និបាត នៅថ្ងៃទី២៩មីនានេះ កាលពីឆ្នាំ២០១៦កន្លងទៅ អ្នកប្រើប្រាស់គ្រឿងញៀនទូទាំងប្រទេសមានចំនួន ២០៦២១នាក់ កើនឡើង ៤០៤៦នាក់ ស្មើនឹង ២៤,៤១ភាគរយ ធៀបនឹងចំនួន ១៦៥៧៥នាក់ ក្នុងឆ្នាំ២០១៥ ។
របាយការណ៍របស់ អាជ្ញាធរជាតិប្រយុទ្ធប្រឆាំងគ្រឿងញៀន បានបន្តឲ្យដឹងថា សមត្ថកិច្ចបានបង្ក្រាបបទល្មើសគ្រឿងញៀនចំនួន ៤,២៤៦ករណី ក្នុងនោះ ឃាត់ខ្លួនជនសង្ស័យ ៩,៩៣៣នាក់ ស្រី៩៦៤នាក់មាន ២១សញ្ជាតិ ក្នុងឆ្នាំ២០១៦កន្លងមក។ បន្ថែមលើសពីនេះ សមត្ថកិច្ចបានរឹបអូសគ្រឿងញៀន និងសារធាតុផ្សំ សរុបចំនួនជាង ១៧៩គីឡូក្រាមទៀតផង៕
Tag:
ស ខេង
គ្រឿងញៀន
មហាផ្ទៃ
© រក្សាសិទ្ធិដោយ thmeythmey.com
