ក្រោយចុះបញ្ជីនៅក្នុងអង្គការយូណេស្កូ គុនល្បុក្កតោខ្មែរបន្តបង្ហាញវត្តមាននៅអង្គរ

បទយកការណ៍ / បទសម្ភាសន៍

ក្រោយចុះបញ្ជីនៅក្នុងអង្គការយូណេស្កូ គុនល្បុក្កតោខ្មែរបន្តបង្ហាញវត្តមាននៅអង្គរ

13, Apr 2017 , 3:59 pm

រូបភាព

ដោយ: គី សុខលីម (Ky Soklim)

សៀមរាប៖ ពីខេត្តសៀមរាបក្នុងពិធីអង្គរសង្ក្រាន្ត លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បាននិយាយថា គុនល្បុក្កតោខ្មែរបានចុះក្នុងបញ្ជីបេតិកភណ្ឌអរូបីនៃមនុស្សជាតិនៅក្នុងអង្គការយូណេស្កូកាលពីខែមិនាឆ្នាំ២០១៧កន្លងមក។ ដូច្នេះក្រុមការងារបស់លោកត្រូវតែជំរុញការផ្សព្វផ្សាយពីតម្លៃគុនល្បុក្កតោខ្មែរឲ្យកាន់តែខ្លាំងទៅដល់មហាជនគ្រប់ស្រទាប់វណ្ណៈ និងគ្រប់ទីកន្លែង។ បច្ចុប្បន្ននេះ កីឡាករគុនល្បុក្កតោខ្មែរមានចំនួនច្រើនពាន់នាក់ និងមានវត្តមាននៅគ្រប់ខេត្តក្រុងនៃប្រទេសកម្ពុជា។ នៅពេលអនាគត លោក វ៉ាត់ ចំរើន នឹងជំរុញឲ្យគុនល្បុក្កតោខ្មែរមានវត្តមាននៅគ្រប់វត្តអារាមនៃព្រះរាជាណាចក្រកម្ពុជា។ សំណួរសួរថា តើគុនល្បុក្កតោខ្មែរនឹងត្រូវបានអង្គការយូណេស្កូទទួលយក ឬមិនទទួលនោះ លទ្ធផលជាក់ស្តែងនឹងប្រកាសដោយអង្គការយូណេស្កូនៅចុងឆ្នាំ២០១៨ខាងមុខនេះ។ តែលោក វ៉ាត់ ចំរើន សម្តែងសុទិដ្ឋិនិយម ពីព្រោះ ឯកសារគោលគ្រប់បែបយ៉ាងបានរៀបចំរួចរាល់ និងមានមូលដ្ឋានច្បាស់លាស់ស្របទៅតាមបទដ្ឋានរបស់អង្គការយូណេស្កូទាមទារ។

សូមអញ្ជើញស្តាប់បទសម្ភាសរវាងលោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាដូចតទៅ៖