អន្តរជាតិ
អ្នកស្រឡាញ់សត្វសោកសៅក្រោយ ខ្លាឃ្មុំជើងខ្លី Patrick បាត់បង់ជីវិតក្នុងអាយុ៣១ឆ្នាំ
×![]()
ដោយ: ធីតា
Patrick បានជាប់ឈ្មោះជាខ្លាឃ្មុំជើងខ្លី (Wombat) ដែលមានអាយុវែងជាងគេនៅលើពិភពលោក។ ប៉ុន្តែជារឿងដ៏គួរឲ្យសោកស្តាយ Patrick បានបាត់បង់ជីវិតទៅហើយកាលពីថ្ងៃទី១៨ ខែមេសា ខណៈដែលវាជិតឈានចូលដល់អាយុ៣២ឆ្នាំ។ នេះបើតាមការប្រកាសរបស់ឧទ្យានអភិរក្សសត្វអូស្ត្រាលី Ballarat Wildlife Park។
«វារឿងដ៏សោកសង្រេងបំផុត ដោយលោក Greg Parker និងបុគ្គលិកឧទ្យាន Ballarat Wildlife Park បានបាត់បង់ខ្លាឃ្មុំជើងខ្លី Patrick ដែលជាមិត្តជាទីស្រឡាញ់ […] ដោយសារបញ្ហាសុខភាពដែលកាន់តែទ្រុឌទ្រោមខ្លាំង»។ នេះបើតាមការប្រកាសនៅលើហ្វេសប៊ុកផ្លូវការ Patrick the Wombat។
ខ្លាឃ្មុំជើងខ្លី (Wombat) ជាប្រភេទសត្វដែលមាននៅក្នុងប្រទេសអូស្ត្រាលី ហើយត្រូវបានរដ្ឋាភិបាលយកចិត្តទុកដាក់អភិរក្សយ៉ាងខ្លាំង។ សត្វប្រភេទនេះ អាចមានជីវិតរស់មធ្យម១៥ឆ្នាំ ហើយអាចឈានដល់ពី២០ទៅ៣០ឆ្នាំ ខណៈ Patrick ជាប់កំណត់ត្រាក្នុងនាមជាខ្លាឃ្មុំជើងខ្លីអូស្ត្រាលី ដែលមានអាយុវែងជាងគេបំផុតនៅលើពិភពលោក។
Patrick គឺជាសត្វកំព្រាមួយក្បាល ដោយមេរបស់វា បានបាត់បង់ជីវិតដោយសាររថយន្តកិន កាលពីឆ្នាំ១៩៨៧ ។ ចាប់ពីពេលនោះមក វាត្រូវបានចិញ្ចឹមបីបាច់ថែរក្សាដោយលោក Greg Parker និងគ្រួសារ នៅក្នុងឧទ្យាន Ballarat Wildlife Park។
Patrick គឺជាសត្វជាទីស្រឡាញ់របស់អ្នកទេសចរទាំងឡាយ ដោយវាតែងតែបង្ហាញស្នាមញញឹមជានិច្ច។ កាលពីថ្ងៃទី២៨ ខែសីហា ឆ្នាំ២០១៦ Patrick បានប្រារព្ធខួបកំណើតវ័យ៣១ឆ្នាំរបស់ខ្លួន ហើយអ្នកគាំទ្រជាច្រើនពាន់នាក់បាននាំគ្នាអបអរតាមទំព័រហ្វេសប៊ុក។
ការបាត់បង់ជីវិតសត្វដ៏គួរឲ្យស្រឡាញ់នេះ បន្សល់នូវការសោកស្តាយយ៉ាងខ្លាំង ដោយមនុស្សជាច្រើនបាននាំគ្នាផ្ញើសាររំលែកទុក្ខតាមបណ្តាញសង្គម៕
«វារឿងដ៏សោកសង្រេងបំផុត ដោយលោក Greg Parker និងបុគ្គលិកឧទ្យាន Ballarat Wildlife Park បានបាត់បង់ខ្លាឃ្មុំជើងខ្លី Patrick ដែលជាមិត្តជាទីស្រឡាញ់ […] ដោយសារបញ្ហាសុខភាពដែលកាន់តែទ្រុឌទ្រោមខ្លាំង»។ នេះបើតាមការប្រកាសនៅលើហ្វេសប៊ុកផ្លូវការ Patrick the Wombat។
ខ្លាឃ្មុំជើងខ្លី (Wombat) ជាប្រភេទសត្វដែលមាននៅក្នុងប្រទេសអូស្ត្រាលី ហើយត្រូវបានរដ្ឋាភិបាលយកចិត្តទុកដាក់អភិរក្សយ៉ាងខ្លាំង។ សត្វប្រភេទនេះ អាចមានជីវិតរស់មធ្យម១៥ឆ្នាំ ហើយអាចឈានដល់ពី២០ទៅ៣០ឆ្នាំ ខណៈ Patrick ជាប់កំណត់ត្រាក្នុងនាមជាខ្លាឃ្មុំជើងខ្លីអូស្ត្រាលី ដែលមានអាយុវែងជាងគេបំផុតនៅលើពិភពលោក។
Patrick គឺជាសត្វកំព្រាមួយក្បាល ដោយមេរបស់វា បានបាត់បង់ជីវិតដោយសាររថយន្តកិន កាលពីឆ្នាំ១៩៨៧ ។ ចាប់ពីពេលនោះមក វាត្រូវបានចិញ្ចឹមបីបាច់ថែរក្សាដោយលោក Greg Parker និងគ្រួសារ នៅក្នុងឧទ្យាន Ballarat Wildlife Park។
Patrick គឺជាសត្វជាទីស្រឡាញ់របស់អ្នកទេសចរទាំងឡាយ ដោយវាតែងតែបង្ហាញស្នាមញញឹមជានិច្ច។ កាលពីថ្ងៃទី២៨ ខែសីហា ឆ្នាំ២០១៦ Patrick បានប្រារព្ធខួបកំណើតវ័យ៣១ឆ្នាំរបស់ខ្លួន ហើយអ្នកគាំទ្រជាច្រើនពាន់នាក់បាននាំគ្នាអបអរតាមទំព័រហ្វេសប៊ុក។
ការបាត់បង់ជីវិតសត្វដ៏គួរឲ្យស្រឡាញ់នេះ បន្សល់នូវការសោកស្តាយយ៉ាងខ្លាំង ដោយមនុស្សជាច្រើនបាននាំគ្នាផ្ញើសាររំលែកទុក្ខតាមបណ្តាញសង្គម៕
Tag:
ខ្លាឃ្មុំជើងខ្លី
Patrick
© រក្សាសិទ្ធិដោយ thmeythmey.com
