ជាតិ
ACU៖ លោក ឈឹម ពិសិដ្ឋ ទារប្រាក់ខុសច្បាប់ជាថ្នូរនឹងការបោះត្រាបញ្ជាក់ភាពត្រឹមត្រូវ
ឈឹម ពិសិដ្ឋ ជំនួយការអគ្គលេខាធិការរង CDC។ រូបថត ACU
×![]()
ភ្នំពេញ៖ អង្គភាពប្រឆាំងអំពើពុករលួយ (ACU) បានបង្ហាញការស៊ើបអង្កេតថា លោក ឈឹម ពិសិដ្ឋ ជំនួយការអគ្គលេខាធិការរងក្រុមប្រឹក្សាអភិវឌ្ឍន៍កម្ពុជា (CDC) បានទាមទារ និងទទួលប្រាក់ពីអ្នកវិនិយោគ ដោយខុសច្បាប់ ជាថ្នូរនឹងការបោះត្រាបញ្ជាក់ភាពត្រឹមត្រូវ។ កាលពីថ្ងៃទី២២ ខែមេសានេះ សាលាដំបូងរាជធានីភ្នំពេញបានសម្រេចឃុំខ្លួនលោក ឈឹម ពិសិដ្ឋ ពាក់ព័ន្ធនឹងបទវីតិក្រមក្នុងពន្ធនាគារជាបណ្តោះអាសន្ន។
ក្រោយតុលាការសម្រេចឃុំមន្ត្រីជំនួយការអគ្គលេខាធិការរង CDC អង្គភាពប្រឆាំងអំពើពុករលួយបានប្រកាសប្រាប់សាធារណជនថា អង្គភាពខ្លួនបានទទួលព័ត៌មានថា មន្ត្រីបម្រើការងារនៅក្រុមប្រឹក្សាអភិវឌ្ឍន៍កម្ពុជា បានបង្កការលំបាកដល់អ្នកវិនិយោគជាតិ និងអន្តរជាតិដោយទាមទារ និងទទួលប្រាក់ក្រៅសេវាបន្ថែមនានា។
«ដូចករណីលោក ឈឹម ពិសិដ្ឋ ជាដើម ទាល់តែបានទទួលប្រាក់ទើបឯកសារដែលគាត់តែងតែបដិសេធខុសនេះ ខុសនោះមិនចេះចប់ត្រូវបានទទួលស្គាល់ថា ត្រឹមត្រូវភ្លាម និងយល់ព្រមបោះត្រា»។ អង្គភាពប្រឆាំងអំពើពុករលួយនៃរដ្ឋាភិបាលបានប្រាប់ពីមូលហេតុឃាត់ខ្លួនលោក ឈឹម ពិសិដ្ឋ កាលពីថ្ងៃទី២០ ខែមេសាកន្លងទៅ។
ACU បានចាត់ទង្វើនេះ នាំឲ្យមតិសាធារណៈជាតិ និងអន្តរជាតិអាក់អន់ចិត្ត រិះគន់ និងស្អប់ស្ថាប័នរដ្ឋាភិបាលដែលតែងអប់រំ និងព្រមានមន្ត្រីកុំប្រព្រឹត្តិអំពើខុសច្បាប់។ តែយ៉ាងណា ACU ពុំប្រាប់ពីចំនួនទឹកប្រាក់ដែលជំនួយការអគ្គលេខាធិការរង CDC ទាមទារនោះទេ។
ជាមួយគ្នា ACU បានឆ្លៀតអំពាវនាវមន្ត្រីសាធារណៈនៅ CDC និងមន្ត្រីគ្រប់ក្រសួងសាធារណៈត្រូវបំពេញ ភារកិច្ចត្រឹមត្រូវ ជៀសវាងប៉ះពាល់កិត្តិយស កិត្យានុភាពស្ថាប័ន និងថ្នាក់ដឹកនាំស្ថាប័ន។ ប្រធានអង្គភាពប្រឆាំងអំពើពុករលួយ (ACU) លោក ឱម យ៉ិនទៀង ធ្លាប់ប្រាប់សារព័ត៌មានថ្មីៗថា ក្រៅពីឃាត់ខ្លួនមន្ត្រីជំនួយការខាងលើ មន្ត្រីជំនាញ ACU កំពុងស៊ើបអង្កេតរកអ្នកពាក់ព័ន្ធដទៃទៀត។
តាមមាត្រា ៥៩៣ នៃក្រមព្រហ្មទណ្ឌ បទវីតិក្រម ត្រូវផ្ដន្ទាទោសដាក់ពន្ធនាគារពី ២ (ពីរ) ឆ្នាំ ទៅ ៥ (ប្រាំ) ឆ្នាំ និងពិន័យប្រាក់ពី ៤លានរៀល ដល់១០លានរៀល។ គួរបញ្ជាក់ថា ACU បានឃាត់ខ្លួនជនសង្ស័យឈ្មោះ ឈឹម ពិសិដ្ឋ អាយុ៥២ឆ្នាំ ជាជំនួយការអគ្គលេខាធិការរង CDC កាលពីថ្ងៃទី២០ ខែមេសានេះ៕
ក្រោយតុលាការសម្រេចឃុំមន្ត្រីជំនួយការអគ្គលេខាធិការរង CDC អង្គភាពប្រឆាំងអំពើពុករលួយបានប្រកាសប្រាប់សាធារណជនថា អង្គភាពខ្លួនបានទទួលព័ត៌មានថា មន្ត្រីបម្រើការងារនៅក្រុមប្រឹក្សាអភិវឌ្ឍន៍កម្ពុជា បានបង្កការលំបាកដល់អ្នកវិនិយោគជាតិ និងអន្តរជាតិដោយទាមទារ និងទទួលប្រាក់ក្រៅសេវាបន្ថែមនានា។
«ដូចករណីលោក ឈឹម ពិសិដ្ឋ ជាដើម ទាល់តែបានទទួលប្រាក់ទើបឯកសារដែលគាត់តែងតែបដិសេធខុសនេះ ខុសនោះមិនចេះចប់ត្រូវបានទទួលស្គាល់ថា ត្រឹមត្រូវភ្លាម និងយល់ព្រមបោះត្រា»។ អង្គភាពប្រឆាំងអំពើពុករលួយនៃរដ្ឋាភិបាលបានប្រាប់ពីមូលហេតុឃាត់ខ្លួនលោក ឈឹម ពិសិដ្ឋ កាលពីថ្ងៃទី២០ ខែមេសាកន្លងទៅ។
ACU បានចាត់ទង្វើនេះ នាំឲ្យមតិសាធារណៈជាតិ និងអន្តរជាតិអាក់អន់ចិត្ត រិះគន់ និងស្អប់ស្ថាប័នរដ្ឋាភិបាលដែលតែងអប់រំ និងព្រមានមន្ត្រីកុំប្រព្រឹត្តិអំពើខុសច្បាប់។ តែយ៉ាងណា ACU ពុំប្រាប់ពីចំនួនទឹកប្រាក់ដែលជំនួយការអគ្គលេខាធិការរង CDC ទាមទារនោះទេ។
ជាមួយគ្នា ACU បានឆ្លៀតអំពាវនាវមន្ត្រីសាធារណៈនៅ CDC និងមន្ត្រីគ្រប់ក្រសួងសាធារណៈត្រូវបំពេញ ភារកិច្ចត្រឹមត្រូវ ជៀសវាងប៉ះពាល់កិត្តិយស កិត្យានុភាពស្ថាប័ន និងថ្នាក់ដឹកនាំស្ថាប័ន។ ប្រធានអង្គភាពប្រឆាំងអំពើពុករលួយ (ACU) លោក ឱម យ៉ិនទៀង ធ្លាប់ប្រាប់សារព័ត៌មានថ្មីៗថា ក្រៅពីឃាត់ខ្លួនមន្ត្រីជំនួយការខាងលើ មន្ត្រីជំនាញ ACU កំពុងស៊ើបអង្កេតរកអ្នកពាក់ព័ន្ធដទៃទៀត។
តាមមាត្រា ៥៩៣ នៃក្រមព្រហ្មទណ្ឌ បទវីតិក្រម ត្រូវផ្ដន្ទាទោសដាក់ពន្ធនាគារពី ២ (ពីរ) ឆ្នាំ ទៅ ៥ (ប្រាំ) ឆ្នាំ និងពិន័យប្រាក់ពី ៤លានរៀល ដល់១០លានរៀល។ គួរបញ្ជាក់ថា ACU បានឃាត់ខ្លួនជនសង្ស័យឈ្មោះ ឈឹម ពិសិដ្ឋ អាយុ៥២ឆ្នាំ ជាជំនួយការអគ្គលេខាធិការរង CDC កាលពីថ្ងៃទី២០ ខែមេសានេះ៕
Tag:
ឱម យ៉ិនទៀង
ឈឹម ពិសិដ្ឋ
ACU
CDC
© រក្សាសិទ្ធិដោយ thmeythmey.com
