ជាតិ
លោក ខៀវ សុភ័គ អ្នកនាំពាក្យក្រសួងមហាផ្ទៃ
×![]()
ដោយ: ម៉ៅ សុផា
ភ្នំពេញ៖ ក្រសួងមហាផ្ទៃ កំពុងតែពិនិត្យ នូវខ្លឹមសារថ្មី នៃលក្ខន្តិកៈរបស់គណបក្សសង្គ្រោះជាតិ ដែលទើបតែត្រូវបានធ្វើវិសោធនកម្ម។ ប្រសិនបើក្រសួងមហាផ្ទៃ ទទួលស្គាល់លក្ខន្តិកៈថ្មីនេះ គណបក្សសង្គ្រោះជាតិ នឹងចាប់ផ្តើមជ្រើសរើសអនុប្រធានរបស់ខ្លួន ឡើងវិញ។
លោក ខៀវ សុភ័គ អ្នកនាំពាក្យក្រសួងមហាផ្ទៃ បានប្រាប់សារព័ត៌មានថ្មីៗថា ក្រសួងមហាផ្ទៃ មិនទាន់សម្រេចយ៉ាងណានោះទេ ចំពោះលក្ខន្តិកៈថ្មីរបស់គណបក្សសង្គ្រោះជាតិ ដោយអាស្រ័យលើការត្រួតពិនិត្យរបស់សម្តេច ស ខេង ។ អ្នកនាំពាក្យក្រសួងមហាផ្ទៃរូបនេះ និយាយដូច្នេះថា៖«អ្វីៗ គឺសម្តេច ស ខេង ជាអ្នកសម្រេច។ ឥឡូវហ្នឹង ប្រហែលជាគាត់ កំពុងតែពិនិត្យហើយ»។
លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ បានអះអាងថា គណៈកម្មាធិការនាយកនៃគណបក្សសង្គ្រោះជាតិ នឹងចាប់ផ្តើមគិតគូរឡើងវិញ ចំពោះអនុប្រធានគណបក្សទាំង៣ ដែលក្រសួងមហាផ្ទៃបានបដិសេធកន្លងមក។ បើតាមលោក យ៉ែម បុញ្ញឫទ្ធិ ការជ្រើសរើសអនុប្រធានគណបក្សសង្គ្រោះជាតិ អាចរៀបចំទៅបានលុះត្រាតែក្រសួងមហាផ្ទៃ ទទួលស្គាល់លក្ខន្តិកៈថ្មី ជាមុនសិន។
អ្នកនាំពាក្យគណបក្សសង្គ្រោះជាតិ ប្រាប់សារព័ត៌មានថ្មីៗបែបនេះថា៖«យើងមិនទាន់គិតគូរទេ រឿងអនុប្រធាន។ យើង រង់ចាំការសម្រេចរបស់ក្រសួងមហាផ្ទៃសិន ថាទទួលស្គាល់លក្ខន្តិកៈថ្មី ឬយ៉ាងម៉េច»។
ប្រសិនបើលក្ខន្តិកៈថ្មីនេះ ត្រូវបានទទួលស្គាល់ វាជាសញ្ញាណវិជ្ជមាន សម្រាប់គណបក្សសង្គ្រោះជាតិ ដើម្បីបញ្ចប់បញ្ហាជាមួយក្រសួងមហាផ្ទៃ ដែលមិនព្រមទទួលស្គាល់អនុប្រធានរបស់ខ្លួន។ ក្រសួងមហាផ្ទៃ លើកហេតុផលថា គណបក្សសង្គ្រោះជាតិ ធ្វើខុសលក្ខន្តិកៈក្នុងការជ្រើសរើសលោក ប៉ុល ហំម លោក អេង ឆៃអ៊ាង និងលោកស្រី មូរ សុខហួរ ឲ្យធ្វើជាអនុប្រធាន។
ដើម្បីបញ្ចៀសកំហុសឆ្គង ដែលក្រសួងមហាផ្ទៃ បានលើកឡើង គណបក្សសង្ក្រោះជាតិ បានកែប្រែលក្ខន្តិកៈឡើងវិញ តាមរយៈសមាជវិសាមញ្ញ កាលពីថ្ងៃទី២៥ ខែមេសា ឆ្នាំ២០១៧ ។
លោក យ៉ែម បុញ្ញឫទ្ធិ ធ្លាប់និយាយថា ប្រសិនបើគណៈកម្មាធិការនាយកនៃគណបក្សសង្គ្រោះជាតិ បើកកិច្ចប្រជុំនាពេលខាងមុខ ដើម្បីជ្រើសរើសអនុប្រធានគណបក្សឡើងវិញ លោក ប៉ុល ហំម លោក អេង ឆៃអ៊ាង និងលោកស្រី មូរ សុខហួរ អាចនឹងឈរឈ្មោះជាបេក្ខជនអនុប្រធានគណបក្ស ដដែល៕
លោក ខៀវ សុភ័គ អ្នកនាំពាក្យក្រសួងមហាផ្ទៃ បានប្រាប់សារព័ត៌មានថ្មីៗថា ក្រសួងមហាផ្ទៃ មិនទាន់សម្រេចយ៉ាងណានោះទេ ចំពោះលក្ខន្តិកៈថ្មីរបស់គណបក្សសង្គ្រោះជាតិ ដោយអាស្រ័យលើការត្រួតពិនិត្យរបស់សម្តេច ស ខេង ។ អ្នកនាំពាក្យក្រសួងមហាផ្ទៃរូបនេះ និយាយដូច្នេះថា៖«អ្វីៗ គឺសម្តេច ស ខេង ជាអ្នកសម្រេច។ ឥឡូវហ្នឹង ប្រហែលជាគាត់ កំពុងតែពិនិត្យហើយ»។
លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ បានអះអាងថា គណៈកម្មាធិការនាយកនៃគណបក្សសង្គ្រោះជាតិ នឹងចាប់ផ្តើមគិតគូរឡើងវិញ ចំពោះអនុប្រធានគណបក្សទាំង៣ ដែលក្រសួងមហាផ្ទៃបានបដិសេធកន្លងមក។ បើតាមលោក យ៉ែម បុញ្ញឫទ្ធិ ការជ្រើសរើសអនុប្រធានគណបក្សសង្គ្រោះជាតិ អាចរៀបចំទៅបានលុះត្រាតែក្រសួងមហាផ្ទៃ ទទួលស្គាល់លក្ខន្តិកៈថ្មី ជាមុនសិន។
អ្នកនាំពាក្យគណបក្សសង្គ្រោះជាតិ ប្រាប់សារព័ត៌មានថ្មីៗបែបនេះថា៖«យើងមិនទាន់គិតគូរទេ រឿងអនុប្រធាន។ យើង រង់ចាំការសម្រេចរបស់ក្រសួងមហាផ្ទៃសិន ថាទទួលស្គាល់លក្ខន្តិកៈថ្មី ឬយ៉ាងម៉េច»។
ប្រសិនបើលក្ខន្តិកៈថ្មីនេះ ត្រូវបានទទួលស្គាល់ វាជាសញ្ញាណវិជ្ជមាន សម្រាប់គណបក្សសង្គ្រោះជាតិ ដើម្បីបញ្ចប់បញ្ហាជាមួយក្រសួងមហាផ្ទៃ ដែលមិនព្រមទទួលស្គាល់អនុប្រធានរបស់ខ្លួន។ ក្រសួងមហាផ្ទៃ លើកហេតុផលថា គណបក្សសង្គ្រោះជាតិ ធ្វើខុសលក្ខន្តិកៈក្នុងការជ្រើសរើសលោក ប៉ុល ហំម លោក អេង ឆៃអ៊ាង និងលោកស្រី មូរ សុខហួរ ឲ្យធ្វើជាអនុប្រធាន។
ដើម្បីបញ្ចៀសកំហុសឆ្គង ដែលក្រសួងមហាផ្ទៃ បានលើកឡើង គណបក្សសង្ក្រោះជាតិ បានកែប្រែលក្ខន្តិកៈឡើងវិញ តាមរយៈសមាជវិសាមញ្ញ កាលពីថ្ងៃទី២៥ ខែមេសា ឆ្នាំ២០១៧ ។
លោក យ៉ែម បុញ្ញឫទ្ធិ ធ្លាប់និយាយថា ប្រសិនបើគណៈកម្មាធិការនាយកនៃគណបក្សសង្គ្រោះជាតិ បើកកិច្ចប្រជុំនាពេលខាងមុខ ដើម្បីជ្រើសរើសអនុប្រធានគណបក្សឡើងវិញ លោក ប៉ុល ហំម លោក អេង ឆៃអ៊ាង និងលោកស្រី មូរ សុខហួរ អាចនឹងឈរឈ្មោះជាបេក្ខជនអនុប្រធានគណបក្ស ដដែល៕
Tag:
CNRP
ក្រសួងមហាផ្ទៃ
© រក្សាសិទ្ធិដោយ thmeythmey.com
