ជាតិ
ការចូលបំភ្លឺរបស់តំណាងរាស្ត្រ តាមដីកាកោះ នឹងមិនធ្វើឲ្យរឿងវែងឆ្ងាយដូចប្រធានខ្លួនឡើយ
×![]()
ដោយ: ម៉ៅ សុផា
ភ្នំពេញ៖ តំណាងរាស្ត្របក្សប្រឆាំង២រូប គឺលោកស្រី មូរ សុខហួរ និង លោក ឡុង រី បានរួចផុតពីក្តីក្តាំនៅតុលាការ មួយគ្រាហើយ បន្ទាប់ពីចូលទៅបំភ្លឺនៅចំពោះមុខព្រះរាជអាជ្ញា ជុំវិញសំណុំរឿងរបស់លោក ជុន ច័ន្ទបុត្រ។ តំណាងរាស្ត្របក្សប្រឆាំងទាំង២ មិនត្រូវបានចោទប្រកាន់អ្វីឡើយ នៅក្នុងសំណុំរឿងនេះ។
លោកស្រី មូរ សុខហួរ តំណាងរាស្ត្រ និងជាអនុប្រធានគណបក្សសង្គ្រោះជាតិ ដែលមិនទាន់ទទួលស្គាល់ដោយក្រសួងមហាផ្ទៃ រួមទាំងលោក ឡុង រី ជាតំណាងរាស្ត្រគណបក្សសង្គ្រោះជាតិដែលនោះ ត្រូវបានព្រះរាជអាជ្ញានៃសាលាដំបូងរាជធានីភ្នំពេញ ហៅទៅសាកសួរ ក្នុងនាមជាសាក្សី ជុំវិញសំណុំរឿងរបស់លោក ហួត ឃីនវុទ្ធី ហៅជុន ច័ន្ទបុត្រ អនុប្រធានវិទ្យុអាស៊ីសេរីផ្នែកខេមរភាសា។ ការ ដែលលោកស្រី មូរ សុខហួរ និងលោក ឡុង រី ក្លាយជាសាក្សីក្នុងសំណុំរឿងនេះ គឺដោយសារតែពួកគាត់ បាននាំលោក ជុន ច័ន្ទបុត្រ ទៅជាមួយ ពេលចូលជួបមន្ត្រីនិងសកម្មជនគណបក្សសង្គ្រោះជាតិ ក្នុងពន្ធនាគារព្រៃស កាលពីថ្ងៃទី១៩ ខែមេសា ឆ្នាំ២០១៧។
លោកស្រី មូរ សុខហួរ និងលោក ឡុង រី មិនបានជំទាស់នឹងដីកាកោះរបស់ព្រះរាជអាជ្ញា នោះទេ។ លោក ឡុង រី បានចូលទៅបំភ្លឺ កាលពីថ្ងៃទី២៧ ខែមេសា ឆ្នាំ២០១៧។ ចំណែកឯ លោកស្រី មូរ សុខហួរ បានចូលទៅបំភ្លឺ នៅថ្ងៃទី២៨ ខែមេសា ឆ្នាំ២០១៧នេះ។
ក្រោយចាកចេញពីសាលាដំបូងរាជធានីភ្នំពេញ លោកស្រី មូរ សុខហួរ បានប្រាប់ក្រុមអ្នកសារព័ត៌មានថា ការចូលបំភ្លឺនេះ គឺជាកាតព្វកិច្ចរបស់លោកស្រី ដែលត្រូវធ្វើតាមការកោះហៅរបស់ព្រះរាជអាជ្ញា។ លោកស្រី និយាយយ៉ាងខ្លីដូច្នេះថា៖«ចម្លើយរបស់ខ្ញុំទាំងប៉ុន្មាន គឺខ្ញុំនិយាយការពិត»។
ចំណែកឯ លោក ឡុង រី មិនបានផ្តល់បទសម្ភាសដល់ក្រុមអ្នកសារព័ត៌មានឡើយ ទាក់ទងការចូលបំភ្លឺរបស់លោក។
លោក សំ សុគង់ ដែលជាមេធាវីប្រឹក្សាផ្លូវច្បាប់របស់លោកស្រី មូរ សុខហួរ និងលោក ឡុង រី បានប្រាប់ក្រុមអ្នកសារព័ត៌មានថា លោកស្រី មូរ សុខហួរ និងលោក ឡុង រី ត្រូវបានព្រះរាជអាជ្ញា សួរនាំក្នុងនាមជាសាក្សី ជុំវិញរឿងក្តីរបស់លោក ជុន ច័ន្ទបុត្រ ដែលបានចូលទៅជួបមន្ត្រីនិងសកម្មជនគណបក្សសង្គ្រោះជាតិ នៅក្នុងពន្ធនាគារព្រៃស។ លោកមេធាវី បន្តថា កាតព្វកិច្ចរបស់លោកស្រី មូរ សុខហួរ និងលោក ឡុង រី ក្នុងនាមជាសាក្សី គឺឆ្លើយនូវអ្វី ដែលបានឮ បានជួប និងបានឃើញ ចំពោះហេតុការណ៍ខាងលើ។
យ៉ាងណា លោក សំ សុគង់ មិនអាចបញ្ជាក់បានទេថា សំនួរអ្វីខ្លះ ដែលព្រះរាជអាជ្ញា តាំងឡើង ហើយចម្លើយដូចម្តេច ដែលលោកស្រី មូរ សុខហួរ និងលោក ឡុង រី បានផ្តល់ឲ្យ។ លោកមេធាវីរូបនេះ បានលើកហេតុផលដូច្នេះថា៖«ដំណាក់កាលនេះ គឺជាដំណាក់កាលស៊ើបអង្កេតបឋម។ បើកាលណាយើង យកចម្លើយ យកអង្គហេតុ មកនិយាយនៅពេលនេះ គឺប៉ះពាល់ដល់ដំណើរការស៊ើបអង្កេតរបស់ព្រះរាជអាជ្ញា។ អ៊ីចឹង ខ្ញុំសុំរក្សាសិទ្ធិមិនឆ្លើយទេ»។
ការសម្រេចចិត្ត ក្នុងការចូលទៅបំភ្លឺតាមការកោះហៅរបស់ព្រះរាជអាជ្ញាបានផ្តល់ផលល្អចំពោះលោកស្រី មូរ សុខហួរ និងលោក ឡុង រី។ ក្រោយការចូលទៅបំភ្លឺ អ្នកទាំងពីរ មិនត្រូវបានព្រះរាជអាជ្ញា ធ្វើការចោទប្រកាន់អ្វីនោះទេ។
ក្នុងដំណាក់កាលនេះ គេ អាចនិយាយបានថា លោកស្រី មូរ សុខហួរ និងលោក ឡុង រី បានរួចផុតពីសំណុំរឿងរបស់លោក ជុន ច័ន្ទបុត្រ មួយគ្រាហើយ។ ប៉ុន្តែ ត្រង់ដែលថា តុលាការ អាចនឹងកោះហៅពួកគាត់ ឲ្យចូលទៅធ្វើជាសាក្សីនៅលើកក្រោយទៀតនោះ នៅមិនទាន់ដឹងទេ។
ផ្ទុយទៅមកវិញ ប្រសិនបើ លោកស្រី មូរ សុខហួរ និងលោក ឡុង រី មិនបានចូលទៅបំភ្លឺតាមដីកាកោះ ពួកគាត់ អាចនឹងជួបបញ្ហាកាន់តែស្មុគស្មាញជាងនេះ ក៏ថាបាន។ ប្រសិនបើមិនចូល ព្រះរាជអាជ្ញា អាចនឹងចោទពួកគាត់ ពីបទ «បដិសេធក្នុងការចូលខ្លួន»។
មាត្រា ៥៣៨ នៃក្រមព្រហ្មទណ្ឌ បានចែងថា «រាល់បុគ្គលណាដែលត្រូវបានកោះហៅឲ្យ មកឆ្លើយ ជាសាក្សីនៅមុខអយ្យការ ឬចៅក្រមស៊ើបសួរ ឬមុខតុលាការព្រហ្មទណ្ឌ ហើយមិនព្រមចូលខ្លួន តាមដីកាកោះហៅនោះ ដោយគ្មានមូលហេតុសមស្រប ត្រូវផ្តន្ទាទោសដាក់ពន្ធនាគារពី ១ខែ ទៅ ៦ខែ និងពិន័យជាប្រាក់ពី ១សែនរៀល ទៅ១លានរៀល»។
បទពិសោធបែបនេះ ធ្លាប់កើតឡើងម្តងរួចទៅហើយ លើឯកឧត្តម កឹម សុខា ប្រធានគណបក្សសង្គ្រោះជាតិ កាលពីឆ្នាំ២០១៦។ កាលពីនោះ ឯកឧត្តម កឹម សុខា នៅជាអនុប្រធានគណបក្សសង្គ្រោះជាតិ ត្រូវបានចោទពីបទ «បដិសេធក្នុងការចូលខ្លួន» ដែលតុលាការ ចាត់ទុកថា ជាបទល្មើសជាក់ស្តែង។ ការរងបទល្មើសនាកាលនោះ គឺដោយសារឯកឧត្តម កឹម សុខា បានបដិសេធដល់ទៅ២ដង ក្នុងការចូលខ្លួនទៅបំភ្លឺចំពោះរឿងក្តីមួយ។
ដូច្នេះ វា ជាការល្អ ដែលលោកស្រី មូរ សុខហួរ និងលោក ឡុង រី មិនបានប្រឆាំងនឹងដីកាកោះរបស់ព្រះរាជអាជ្ញា នៅក្នុងដំណាក់កាលនេះ។
ដោយឡែក លោក ជុន ច័ន្ទបុត្រ ដែលជាជនសង្ស័យ នៅក្នុងសំណុំរឿងនេះ ត្រូវបានព្រះរាជអាជ្ញា ចេញដីកាឲ្យចូលទៅបំភ្លឺ នៅថ្ងៃទី២ ខែឧសភា ឆ្នាំ២០១៧។ យ៉ាងណា រហូតមកដល់ពេលនេះ លោក ជុន ច័ន្ទបុត្រ មិនទាន់សម្រេចចិត្តឲ្យច្បាស់នោះទេ ថានឹងចូលទៅបំភ្លឺ តាមដីកាកោះ ឬយ៉ាងណា។
នៅក្នុងដីកាកោះ ព្រះរាជអាជ្ញា បានចាត់ទុកលោក ជុន ច័ន្ទបុត្រថា ជាជនសង្ស័យ ក្នុងដំណើររឿង «ផ្តល់សេចក្តីប្រកាសដោយភូតកុហក បន្លំខ្លួនចូលពន្ធាគារ» បន្ទាប់ពីលោក បានរួមដំណើរជាមួយនឹងតំណាងរាស្ត្រគណបក្សសង្គ្រោះជាតិ ក្នុងការចូលទៅជួបអ្នកជាប់ឃុំក្នុងពន្ធនាគារព្រៃស។ សមត្ថកិច្ច និងតុលាការ យល់ថា សកម្មភាពរបស់លោក ជុន ច័ន្ទបុត្រ គឺជាការបន្លំខ្លួន ដោយខុសច្បាប់ ដើម្បីបានចូលទៅជួបអ្នកជាប់ឃុំក្នុងពន្ធនាគារព្រៃស។
មាត្រា៦៣៣ នៃក្រមព្រហ្មទណ្ឌ បានចែងថា៖«អំពើផ្តល់សេចក្តីប្រកាសដោយភូតកុហកដល់រាជការសាធារណៈ ដើម្បីទទួលបានវិភាជន៍ ការបើកប្រាក់ ឬ អត្ថប្រយោជម៍ដោយខុសច្បាប់ ត្រូវផ្តន្ទាទោសដាក់ពន្ទនាគារពី ៦ខែ ទៅ ២ឆ្នាំ និងពិន័យជាប្រាក់ពី ១លានរៀល ទៅ ៤លានរៀល»៕
លោកស្រី មូរ សុខហួរ តំណាងរាស្ត្រ និងជាអនុប្រធានគណបក្សសង្គ្រោះជាតិ ដែលមិនទាន់ទទួលស្គាល់ដោយក្រសួងមហាផ្ទៃ រួមទាំងលោក ឡុង រី ជាតំណាងរាស្ត្រគណបក្សសង្គ្រោះជាតិដែលនោះ ត្រូវបានព្រះរាជអាជ្ញានៃសាលាដំបូងរាជធានីភ្នំពេញ ហៅទៅសាកសួរ ក្នុងនាមជាសាក្សី ជុំវិញសំណុំរឿងរបស់លោក ហួត ឃីនវុទ្ធី ហៅជុន ច័ន្ទបុត្រ អនុប្រធានវិទ្យុអាស៊ីសេរីផ្នែកខេមរភាសា។ ការ ដែលលោកស្រី មូរ សុខហួរ និងលោក ឡុង រី ក្លាយជាសាក្សីក្នុងសំណុំរឿងនេះ គឺដោយសារតែពួកគាត់ បាននាំលោក ជុន ច័ន្ទបុត្រ ទៅជាមួយ ពេលចូលជួបមន្ត្រីនិងសកម្មជនគណបក្សសង្គ្រោះជាតិ ក្នុងពន្ធនាគារព្រៃស កាលពីថ្ងៃទី១៩ ខែមេសា ឆ្នាំ២០១៧។
លោកស្រី មូរ សុខហួរ និងលោក ឡុង រី មិនបានជំទាស់នឹងដីកាកោះរបស់ព្រះរាជអាជ្ញា នោះទេ។ លោក ឡុង រី បានចូលទៅបំភ្លឺ កាលពីថ្ងៃទី២៧ ខែមេសា ឆ្នាំ២០១៧។ ចំណែកឯ លោកស្រី មូរ សុខហួរ បានចូលទៅបំភ្លឺ នៅថ្ងៃទី២៨ ខែមេសា ឆ្នាំ២០១៧នេះ។
ក្រោយចាកចេញពីសាលាដំបូងរាជធានីភ្នំពេញ លោកស្រី មូរ សុខហួរ បានប្រាប់ក្រុមអ្នកសារព័ត៌មានថា ការចូលបំភ្លឺនេះ គឺជាកាតព្វកិច្ចរបស់លោកស្រី ដែលត្រូវធ្វើតាមការកោះហៅរបស់ព្រះរាជអាជ្ញា។ លោកស្រី និយាយយ៉ាងខ្លីដូច្នេះថា៖«ចម្លើយរបស់ខ្ញុំទាំងប៉ុន្មាន គឺខ្ញុំនិយាយការពិត»។
ចំណែកឯ លោក ឡុង រី មិនបានផ្តល់បទសម្ភាសដល់ក្រុមអ្នកសារព័ត៌មានឡើយ ទាក់ទងការចូលបំភ្លឺរបស់លោក។
លោក សំ សុគង់ ដែលជាមេធាវីប្រឹក្សាផ្លូវច្បាប់របស់លោកស្រី មូរ សុខហួរ និងលោក ឡុង រី បានប្រាប់ក្រុមអ្នកសារព័ត៌មានថា លោកស្រី មូរ សុខហួរ និងលោក ឡុង រី ត្រូវបានព្រះរាជអាជ្ញា សួរនាំក្នុងនាមជាសាក្សី ជុំវិញរឿងក្តីរបស់លោក ជុន ច័ន្ទបុត្រ ដែលបានចូលទៅជួបមន្ត្រីនិងសកម្មជនគណបក្សសង្គ្រោះជាតិ នៅក្នុងពន្ធនាគារព្រៃស។ លោកមេធាវី បន្តថា កាតព្វកិច្ចរបស់លោកស្រី មូរ សុខហួរ និងលោក ឡុង រី ក្នុងនាមជាសាក្សី គឺឆ្លើយនូវអ្វី ដែលបានឮ បានជួប និងបានឃើញ ចំពោះហេតុការណ៍ខាងលើ។
យ៉ាងណា លោក សំ សុគង់ មិនអាចបញ្ជាក់បានទេថា សំនួរអ្វីខ្លះ ដែលព្រះរាជអាជ្ញា តាំងឡើង ហើយចម្លើយដូចម្តេច ដែលលោកស្រី មូរ សុខហួរ និងលោក ឡុង រី បានផ្តល់ឲ្យ។ លោកមេធាវីរូបនេះ បានលើកហេតុផលដូច្នេះថា៖«ដំណាក់កាលនេះ គឺជាដំណាក់កាលស៊ើបអង្កេតបឋម។ បើកាលណាយើង យកចម្លើយ យកអង្គហេតុ មកនិយាយនៅពេលនេះ គឺប៉ះពាល់ដល់ដំណើរការស៊ើបអង្កេតរបស់ព្រះរាជអាជ្ញា។ អ៊ីចឹង ខ្ញុំសុំរក្សាសិទ្ធិមិនឆ្លើយទេ»។
ការសម្រេចចិត្ត ក្នុងការចូលទៅបំភ្លឺតាមការកោះហៅរបស់ព្រះរាជអាជ្ញាបានផ្តល់ផលល្អចំពោះលោកស្រី មូរ សុខហួរ និងលោក ឡុង រី។ ក្រោយការចូលទៅបំភ្លឺ អ្នកទាំងពីរ មិនត្រូវបានព្រះរាជអាជ្ញា ធ្វើការចោទប្រកាន់អ្វីនោះទេ។
ក្នុងដំណាក់កាលនេះ គេ អាចនិយាយបានថា លោកស្រី មូរ សុខហួរ និងលោក ឡុង រី បានរួចផុតពីសំណុំរឿងរបស់លោក ជុន ច័ន្ទបុត្រ មួយគ្រាហើយ។ ប៉ុន្តែ ត្រង់ដែលថា តុលាការ អាចនឹងកោះហៅពួកគាត់ ឲ្យចូលទៅធ្វើជាសាក្សីនៅលើកក្រោយទៀតនោះ នៅមិនទាន់ដឹងទេ។
ផ្ទុយទៅមកវិញ ប្រសិនបើ លោកស្រី មូរ សុខហួរ និងលោក ឡុង រី មិនបានចូលទៅបំភ្លឺតាមដីកាកោះ ពួកគាត់ អាចនឹងជួបបញ្ហាកាន់តែស្មុគស្មាញជាងនេះ ក៏ថាបាន។ ប្រសិនបើមិនចូល ព្រះរាជអាជ្ញា អាចនឹងចោទពួកគាត់ ពីបទ «បដិសេធក្នុងការចូលខ្លួន»។
មាត្រា ៥៣៨ នៃក្រមព្រហ្មទណ្ឌ បានចែងថា «រាល់បុគ្គលណាដែលត្រូវបានកោះហៅឲ្យ មកឆ្លើយ ជាសាក្សីនៅមុខអយ្យការ ឬចៅក្រមស៊ើបសួរ ឬមុខតុលាការព្រហ្មទណ្ឌ ហើយមិនព្រមចូលខ្លួន តាមដីកាកោះហៅនោះ ដោយគ្មានមូលហេតុសមស្រប ត្រូវផ្តន្ទាទោសដាក់ពន្ធនាគារពី ១ខែ ទៅ ៦ខែ និងពិន័យជាប្រាក់ពី ១សែនរៀល ទៅ១លានរៀល»។
បទពិសោធបែបនេះ ធ្លាប់កើតឡើងម្តងរួចទៅហើយ លើឯកឧត្តម កឹម សុខា ប្រធានគណបក្សសង្គ្រោះជាតិ កាលពីឆ្នាំ២០១៦។ កាលពីនោះ ឯកឧត្តម កឹម សុខា នៅជាអនុប្រធានគណបក្សសង្គ្រោះជាតិ ត្រូវបានចោទពីបទ «បដិសេធក្នុងការចូលខ្លួន» ដែលតុលាការ ចាត់ទុកថា ជាបទល្មើសជាក់ស្តែង។ ការរងបទល្មើសនាកាលនោះ គឺដោយសារឯកឧត្តម កឹម សុខា បានបដិសេធដល់ទៅ២ដង ក្នុងការចូលខ្លួនទៅបំភ្លឺចំពោះរឿងក្តីមួយ។
ដូច្នេះ វា ជាការល្អ ដែលលោកស្រី មូរ សុខហួរ និងលោក ឡុង រី មិនបានប្រឆាំងនឹងដីកាកោះរបស់ព្រះរាជអាជ្ញា នៅក្នុងដំណាក់កាលនេះ។
ដោយឡែក លោក ជុន ច័ន្ទបុត្រ ដែលជាជនសង្ស័យ នៅក្នុងសំណុំរឿងនេះ ត្រូវបានព្រះរាជអាជ្ញា ចេញដីកាឲ្យចូលទៅបំភ្លឺ នៅថ្ងៃទី២ ខែឧសភា ឆ្នាំ២០១៧។ យ៉ាងណា រហូតមកដល់ពេលនេះ លោក ជុន ច័ន្ទបុត្រ មិនទាន់សម្រេចចិត្តឲ្យច្បាស់នោះទេ ថានឹងចូលទៅបំភ្លឺ តាមដីកាកោះ ឬយ៉ាងណា។
នៅក្នុងដីកាកោះ ព្រះរាជអាជ្ញា បានចាត់ទុកលោក ជុន ច័ន្ទបុត្រថា ជាជនសង្ស័យ ក្នុងដំណើររឿង «ផ្តល់សេចក្តីប្រកាសដោយភូតកុហក បន្លំខ្លួនចូលពន្ធាគារ» បន្ទាប់ពីលោក បានរួមដំណើរជាមួយនឹងតំណាងរាស្ត្រគណបក្សសង្គ្រោះជាតិ ក្នុងការចូលទៅជួបអ្នកជាប់ឃុំក្នុងពន្ធនាគារព្រៃស។ សមត្ថកិច្ច និងតុលាការ យល់ថា សកម្មភាពរបស់លោក ជុន ច័ន្ទបុត្រ គឺជាការបន្លំខ្លួន ដោយខុសច្បាប់ ដើម្បីបានចូលទៅជួបអ្នកជាប់ឃុំក្នុងពន្ធនាគារព្រៃស។
មាត្រា៦៣៣ នៃក្រមព្រហ្មទណ្ឌ បានចែងថា៖«អំពើផ្តល់សេចក្តីប្រកាសដោយភូតកុហកដល់រាជការសាធារណៈ ដើម្បីទទួលបានវិភាជន៍ ការបើកប្រាក់ ឬ អត្ថប្រយោជម៍ដោយខុសច្បាប់ ត្រូវផ្តន្ទាទោសដាក់ពន្ទនាគារពី ៦ខែ ទៅ ២ឆ្នាំ និងពិន័យជាប្រាក់ពី ១លានរៀល ទៅ ៤លានរៀល»៕
© រក្សាសិទ្ធិដោយ thmeythmey.com
