ជាតិ
អ្នកកាសែតអាមេរិក នឹងបង្ហាញរូបថតសំខាន់ៗ មួយឆ្នាំក្រោយដួលរលំរបប ប៉ុល ពត
×![]()
អតីតអ្នកកាសែត Washington Post លោក John Burgess បានសហការជាមួយ អង្គការ Anjali House រៀបចំការតាំងពិព័រណ៌រូបភាព មួយឆ្នាំក្រោយរបបខ្មែរក្រហមដួលរលំ ដើម្បីរម្លឹកឡើងវិញ។
«ការធ្វើឲ្យនឹកឃើញកម្ពុជាឡើងវិញ មួយឆ្នាំក្រោយរបប ប៉ុល ពត» គឺជាប្រធានបទនៃការតាំងពិព័រណ៌រូបថត របស់អតីតអ្នកកាសែតជនជាតិអាមេរិក លោក John Burgess ។ ការតាំងពិព័រណ៌រូបថត ដែលសហការឧបត្ថម្ភដោយស្ថានទូតអាមេរិកប្រចាំនៅកម្ពុជា នឹងចាប់ផ្តើមពីថ្ងៃទី ៤ ដល់ថ្ងៃទី ១៧ ខែឧសភា នៅភោជនីយដ្ឋាន Footprint Café ខេត្តសៀមរាប។
ផ្ទាំងរូបថតជាច្រើន ដែលនឹងត្រូវដាក់តាំងពិព័រណ៌នោះ បង្ហាញអំពីរបៀបរស់នៅ និងការរៀបចំនូវជីវិតឡើងវិញរបស់ប្រជាជនខ្មែរ ក្រោយពីឆ្លងកាត់ភ្លើងសង្គ្រាមក្នុងរបបខ្មែរក្រហមរយៈពេល ៣ ឆ្នាំ ៨ ខែ និង ២០ ថ្ងៃ។
លោក John Burgess អតីតអ្នកកាសែត Washington Post បានមកដល់ភ្នំពេញ នៅខែមេសា ឆ្នាំ ១៩៨០ ពោលគឺមួយឆ្នាំក្រោយពីរបបខ្មែរក្រហមបានដួលរលំ នៅថ្ងៃទី ៧ ខែមករា ឆ្នាំ ១៩៧៩ ។ បើតាមសេចក្តីជូនដំណឹងរបស់អង្គការ Anjali House និងស្ថានទូតអាមេរិក លោក John Burgess គឺជាអ្នកកាសែតអាមេរិកទី ១ ដែលទទួលបានទិដ្ឋាការផ្នែកយកព័ត៌មាននៅកម្ពុជា ដែលផ្តល់ដោយរដ្ឋាភិបាលថ្មី(រដ្ឋាភិបាលសាធារណរដ្ឋ ប្រជាមានិតកម្ពុជា) ក្រោយរបប ប៉ុល ពត បានដួលរលំ។ ក្នុងរយៈពេលជាង ២ សប្តាហ៍នៅកម្ពុជាកាលនោះ លោក John Burgess បានយកព័ត៌មាននៅរាជធានី និងបានធ្វើដំណើរតាមរថយន្តជុំវិញបឹងទន្លេសាប ដោយឈប់ស្នាក់នៅ ខេត្តសៀមរាប និងខេត្តបាត់ដំបង។
លោក John Burgess
ពិធីសម្ពោធពិព័រណ៌រូបថត នឹងធ្វើឡើងនៅថ្ងៃទី ៣ ខែឧសភា នៅខេត្តសៀមរាប ដោយអ្នកចូលរួមត្រូវបង់ថ្លៃ ១០ ដុល្លារ។ អ្នកស្រី Nancy Barrett អ្នកគ្រប់គ្រងផ្នែកទំនាក់ទំនងរបស់អង្គការ Anjali House បានប្រាប់សារព័ត៌មានថ្មីៗថា ថវិកា ១០ ដុល្លារនេះ សម្រាប់ជួយដល់អង្គការ Anjali House ដែលជាអង្គការផ្តល់ការអប់រំដល់ប្រជាជនកម្ពុជា។ ចំណែកអំឡុងពេលតាំងពិរព័រណ៌រូបថតពីថ្ងៃទី ៤ ដល់ថ្ងៃទី ១៧ ខែឧសភា មិនតម្រូវឲ្យអ្នកចូលរួមទស្សនាបង់ថ្លៃនោះទេ។
«ការធ្វើឲ្យនឹកឃើញកម្ពុជាឡើងវិញ មួយឆ្នាំក្រោយរបប ប៉ុល ពត» គឺជាប្រធានបទនៃការតាំងពិព័រណ៌រូបថត របស់អតីតអ្នកកាសែតជនជាតិអាមេរិក លោក John Burgess ។ ការតាំងពិព័រណ៌រូបថត ដែលសហការឧបត្ថម្ភដោយស្ថានទូតអាមេរិកប្រចាំនៅកម្ពុជា នឹងចាប់ផ្តើមពីថ្ងៃទី ៤ ដល់ថ្ងៃទី ១៧ ខែឧសភា នៅភោជនីយដ្ឋាន Footprint Café ខេត្តសៀមរាប។
ផ្ទាំងរូបថតជាច្រើន ដែលនឹងត្រូវដាក់តាំងពិព័រណ៌នោះ បង្ហាញអំពីរបៀបរស់នៅ និងការរៀបចំនូវជីវិតឡើងវិញរបស់ប្រជាជនខ្មែរ ក្រោយពីឆ្លងកាត់ភ្លើងសង្គ្រាមក្នុងរបបខ្មែរក្រហមរយៈពេល ៣ ឆ្នាំ ៨ ខែ និង ២០ ថ្ងៃ។
លោក John Burgess អតីតអ្នកកាសែត Washington Post បានមកដល់ភ្នំពេញ នៅខែមេសា ឆ្នាំ ១៩៨០ ពោលគឺមួយឆ្នាំក្រោយពីរបបខ្មែរក្រហមបានដួលរលំ នៅថ្ងៃទី ៧ ខែមករា ឆ្នាំ ១៩៧៩ ។ បើតាមសេចក្តីជូនដំណឹងរបស់អង្គការ Anjali House និងស្ថានទូតអាមេរិក លោក John Burgess គឺជាអ្នកកាសែតអាមេរិកទី ១ ដែលទទួលបានទិដ្ឋាការផ្នែកយកព័ត៌មាននៅកម្ពុជា ដែលផ្តល់ដោយរដ្ឋាភិបាលថ្មី(រដ្ឋាភិបាលសាធារណរដ្ឋ ប្រជាមានិតកម្ពុជា) ក្រោយរបប ប៉ុល ពត បានដួលរលំ។ ក្នុងរយៈពេលជាង ២ សប្តាហ៍នៅកម្ពុជាកាលនោះ លោក John Burgess បានយកព័ត៌មាននៅរាជធានី និងបានធ្វើដំណើរតាមរថយន្តជុំវិញបឹងទន្លេសាប ដោយឈប់ស្នាក់នៅ ខេត្តសៀមរាប និងខេត្តបាត់ដំបង។
លោក John Burgess
ពិធីសម្ពោធពិព័រណ៌រូបថត នឹងធ្វើឡើងនៅថ្ងៃទី ៣ ខែឧសភា នៅខេត្តសៀមរាប ដោយអ្នកចូលរួមត្រូវបង់ថ្លៃ ១០ ដុល្លារ។ អ្នកស្រី Nancy Barrett អ្នកគ្រប់គ្រងផ្នែកទំនាក់ទំនងរបស់អង្គការ Anjali House បានប្រាប់សារព័ត៌មានថ្មីៗថា ថវិកា ១០ ដុល្លារនេះ សម្រាប់ជួយដល់អង្គការ Anjali House ដែលជាអង្គការផ្តល់ការអប់រំដល់ប្រជាជនកម្ពុជា។ ចំណែកអំឡុងពេលតាំងពិរព័រណ៌រូបថតពីថ្ងៃទី ៤ ដល់ថ្ងៃទី ១៧ ខែឧសភា មិនតម្រូវឲ្យអ្នកចូលរួមទស្សនាបង់ថ្លៃនោះទេ។
Tag:
ខ្មែរក្រហម
ពិពណ៌រូបថត
អង្គការ Anjali House
© រក្សាសិទ្ធិដោយ thmeythmey.com
