ជាតិ
×![]()
ដោយ: ម៉ៅ សុផា
ភ្នំពេញ៖ លោក ផៃ ស៊ីផាន គាំទ្រចំពោះចំណាត់ការរបស់តុលាការ ដែលបន្តឃុំ លោក នី ចរិយា ចំនួន៦ខែបន្ថែមទៀត។ លោក យល់ថា ការបន្តឃុំលោក នី ចរិយា គឺជាឆន្ទានុសិទ្ធិរបស់តុលាការ។ ប៉ុន្តែមេធាវី អះអាងថា ការបន្តឃុំខ្លួនដ៏យូរបែបនេះ គឺរំលោភសិទ្ធិរបស់លោក នី ចរិយា។
នៅថ្ងៃទី៤ ខែឧសភា ឆ្នាំ២០១៧នេះ លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី បានសម្តែងមតិនៅលើគណនីហ្វេសប៊ុក ជុំវិញការបន្តឃុំលោក នី ចរិយា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) ដែលកំពុងតែជាប់ពន្ធនាគារ ដោយសារតែរឿងអាស្រូវរបស់ស្រីមុំ។ តាមរយៈសារនៅលើគណនីហ្វេសប៊ុក លោក ផៃ ស៊ីផាន បានលើកឡើងថា ការបន្តឃុំលោក នី ចរិយា ចំនួន៦ខែទៀត គឺជានីតិវិធីនិងជាឆន្ទានុសិទ្ធិរបស់ចៅក្រមស៊ើបសួរនៃសាលាដំបូងរាជធានីភ្នំពេញ ដោយមិនមានស្ថាប័នណាមួយ អាចលូកដៃចូល បានឡើយ។
ម្យ៉ាងទៀត លោក ផៃ ស៊ីផាន សង្កេតឃើញថា ទោះជាលោក នី ចរិយា ស្ថិតនៅក្នុងពន្ធនាគារក៏ពិតមែន តែគ.ជ.ប នៅតែអាចដំណើរការនិងអាចរៀបចំកិច្ចការបោះឆ្នោត បានដដែល ដោយមិនមានបញ្ហាអ្វីឡើយ។
អ្នកនាំពាក្យនៃទីស្តីការគណៈរដ្ឋមន្ត្រីរូបនេះ សរសេរដូច្នេះថា៖« (ការបន្តឃុំខ្លួននេះ) ជានីតិវិធី និងជាឆន្ទានុសិទ្ធិរបស់តុលាការ ដែលគ្មានអ្នកណាអាចលូកដៃបានឡើយ។ តាំងពីអវត្តមាន លោក នី ចរិយា រាប់ខែមក ការងាររបស់អគ្គលេខាធិការដ្ឋានគ.ជ.ប នៅតែដំណើរការជាធម្មតា ដែលផ្ទុយពីមតិខ្លះសម្តែងការព្រួយបារម្ភពីការប៉ះពាល់ដល់ការងាររបស់គ.ជ.ប»។
ការលើកឡើងរបស់លោក ផៃ ស៊ីផាន ខាងលើ គឺស្ទើរតែផ្ទុយទាំងស្រុងពីការលើកឡើងរបស់លោក សំ សុគង់ មេធាវីការពារក្តីឲ្យលោក នី ចរិយា។ លោកមេធាវី សំ សុគង់ ធ្លាប់និយាយថា ការបន្តឃុំខ្លួនដ៏យូរបែបនេះ គឺប៉ះពាល់ដល់សិទ្ធិរបស់លោក នី ចរិយា ដែលជាជនត្រូវចោទ។ លោកមេធាវីរូបនេះ សង្កត់ធ្ងន់ថា រដ្ឋធម្មនុញ្ញនៃប្រទេសកម្ពុជា និងសទ្ធិសញ្ញាអន្តរជាតិនានា បានចែងអំពីសិទ្ធិរបស់ជនត្រូវចោទ ដែលត្រូវទទួលបានការជំនុំជម្រះដោយឆាប់រហ័ស។
កន្លងមក លោក សំ សុគង់ ក៏ធ្លាប់ស្នើឲ្យចៅក្រមស៊ើបសួរនៃសាលាដំបូងរាជធានីភ្នំពេញ បញ្ជូនសំណុំរឿងទៅជំនុំជម្រះឲ្យបានឆាប់រហ័យដែរ ដោយមិនគួរអូសបន្ថាយពេលវេលាដ៏វែង ក្នុងការឃុំលោក នី ចរិយា នោះទេ។ ប៉ុន្តែ សំណើរបស់លោកមេធាវី មិនបានទទួលលទ្ធផលវិជ្ជមាន ឡើយ។
មិនមែនតែលោក នី ចរិយា នោះទេ មន្ត្រីអាដហុកទាំង៤រូប គឺលោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី ក៏ត្រូវបានចៅក្រមស៊ើបសួរ បន្តឃុំខ្លួនចំនួន៦ខែទៀត ដែរ។ រហូតមកដល់ពេលនេះ មន្ត្រីអាដហុក និងមន្ត្រីគ.ជ.ប ខាងលើ បានជាប់ឃុំក្នុងពន្ធនាគារ អស់រយៈពេល១ឆ្នាំហើយ។
មន្ត្រីអាដហុកទាំង៤រូប បានរងពីបទចោទ «សូកប៉ាន់សាក្សី» ហើយមន្ត្រីគ.ជ.ប បានរងពីបទចោទ «សមគំនិតក្នុងអំពើសូកប៉ាន់សាក្សី»។ តាមការរកឃើរបស់តុលាការ អ្នកទាំង៥រូបនេះ សុទ្ធតែជាប់ពាក់ព័ន្ធនឹងរឿងអាស្រូវរបស់ស្រីមុំ ជាមួយឯកឧត្តម កឹម សុខា ប្រធានគណបក្សសង្គ្រោះជាតិ៕
នៅថ្ងៃទី៤ ខែឧសភា ឆ្នាំ២០១៧នេះ លោក ផៃ ស៊ីផាន អ្នកនាំពាក្យនៃទីស្តីការគណៈរដ្ឋមន្ត្រី បានសម្តែងមតិនៅលើគណនីហ្វេសប៊ុក ជុំវិញការបន្តឃុំលោក នី ចរិយា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) ដែលកំពុងតែជាប់ពន្ធនាគារ ដោយសារតែរឿងអាស្រូវរបស់ស្រីមុំ។ តាមរយៈសារនៅលើគណនីហ្វេសប៊ុក លោក ផៃ ស៊ីផាន បានលើកឡើងថា ការបន្តឃុំលោក នី ចរិយា ចំនួន៦ខែទៀត គឺជានីតិវិធីនិងជាឆន្ទានុសិទ្ធិរបស់ចៅក្រមស៊ើបសួរនៃសាលាដំបូងរាជធានីភ្នំពេញ ដោយមិនមានស្ថាប័នណាមួយ អាចលូកដៃចូល បានឡើយ។
ម្យ៉ាងទៀត លោក ផៃ ស៊ីផាន សង្កេតឃើញថា ទោះជាលោក នី ចរិយា ស្ថិតនៅក្នុងពន្ធនាគារក៏ពិតមែន តែគ.ជ.ប នៅតែអាចដំណើរការនិងអាចរៀបចំកិច្ចការបោះឆ្នោត បានដដែល ដោយមិនមានបញ្ហាអ្វីឡើយ។
អ្នកនាំពាក្យនៃទីស្តីការគណៈរដ្ឋមន្ត្រីរូបនេះ សរសេរដូច្នេះថា៖« (ការបន្តឃុំខ្លួននេះ) ជានីតិវិធី និងជាឆន្ទានុសិទ្ធិរបស់តុលាការ ដែលគ្មានអ្នកណាអាចលូកដៃបានឡើយ។ តាំងពីអវត្តមាន លោក នី ចរិយា រាប់ខែមក ការងាររបស់អគ្គលេខាធិការដ្ឋានគ.ជ.ប នៅតែដំណើរការជាធម្មតា ដែលផ្ទុយពីមតិខ្លះសម្តែងការព្រួយបារម្ភពីការប៉ះពាល់ដល់ការងាររបស់គ.ជ.ប»។
ការលើកឡើងរបស់លោក ផៃ ស៊ីផាន ខាងលើ គឺស្ទើរតែផ្ទុយទាំងស្រុងពីការលើកឡើងរបស់លោក សំ សុគង់ មេធាវីការពារក្តីឲ្យលោក នី ចរិយា។ លោកមេធាវី សំ សុគង់ ធ្លាប់និយាយថា ការបន្តឃុំខ្លួនដ៏យូរបែបនេះ គឺប៉ះពាល់ដល់សិទ្ធិរបស់លោក នី ចរិយា ដែលជាជនត្រូវចោទ។ លោកមេធាវីរូបនេះ សង្កត់ធ្ងន់ថា រដ្ឋធម្មនុញ្ញនៃប្រទេសកម្ពុជា និងសទ្ធិសញ្ញាអន្តរជាតិនានា បានចែងអំពីសិទ្ធិរបស់ជនត្រូវចោទ ដែលត្រូវទទួលបានការជំនុំជម្រះដោយឆាប់រហ័ស។
កន្លងមក លោក សំ សុគង់ ក៏ធ្លាប់ស្នើឲ្យចៅក្រមស៊ើបសួរនៃសាលាដំបូងរាជធានីភ្នំពេញ បញ្ជូនសំណុំរឿងទៅជំនុំជម្រះឲ្យបានឆាប់រហ័យដែរ ដោយមិនគួរអូសបន្ថាយពេលវេលាដ៏វែង ក្នុងការឃុំលោក នី ចរិយា នោះទេ។ ប៉ុន្តែ សំណើរបស់លោកមេធាវី មិនបានទទួលលទ្ធផលវិជ្ជមាន ឡើយ។
មិនមែនតែលោក នី ចរិយា នោះទេ មន្ត្រីអាដហុកទាំង៤រូប គឺលោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី ក៏ត្រូវបានចៅក្រមស៊ើបសួរ បន្តឃុំខ្លួនចំនួន៦ខែទៀត ដែរ។ រហូតមកដល់ពេលនេះ មន្ត្រីអាដហុក និងមន្ត្រីគ.ជ.ប ខាងលើ បានជាប់ឃុំក្នុងពន្ធនាគារ អស់រយៈពេល១ឆ្នាំហើយ។
មន្ត្រីអាដហុកទាំង៤រូប បានរងពីបទចោទ «សូកប៉ាន់សាក្សី» ហើយមន្ត្រីគ.ជ.ប បានរងពីបទចោទ «សមគំនិតក្នុងអំពើសូកប៉ាន់សាក្សី»។ តាមការរកឃើរបស់តុលាការ អ្នកទាំង៥រូបនេះ សុទ្ធតែជាប់ពាក់ព័ន្ធនឹងរឿងអាស្រូវរបស់ស្រីមុំ ជាមួយឯកឧត្តម កឹម សុខា ប្រធានគណបក្សសង្គ្រោះជាតិ៕
Tag:
តុលាការ
នី ចរិយា
អាដហុក
ផៃ ស៊ីផាន
© រក្សាសិទ្ធិដោយ thmeythmey.com
