អន្តរជាតិ
នយោបាយអន្តរជាតិ
×![]()
ដោយ: ថ្មីៗ
បេក្ខជនកណ្តាលនិយមលោក អេម៉ានុយអែល ម៉ាក្រុង (Emmanuel Macron) បានផ្តួលបេក្ខជនស្តាំនិយមជ្រុលលោកស្រី ម៉ារីន ឡឺប៉ែន (Marine Le Pen) ក្នុងការបោះឆ្នោតជុំទី២ ថ្ងៃអាទិត្យ។ លោកទទួលបានសំឡេងគាំទ្រចន្លោះពី ៦៥,៥ ទៅ ៦៦,១ភាគរយ បើតាមការចុះផ្សាយរបស់ទីភ្នាក់ងារព័ត៌មាន AFP។ ក្នុងវ័យត្រឹម ៣៩ឆ្នាំ បេក្ខជនកណ្តាលនិយមរូបនេះនឹងក្លាយជាប្រធានាធិបតីបារាំងទី២៥ ដែលនឹងស្នងតំណែងលោក ហ្វ្រង់ស្វ័រ ហូឡង់។
ចុងក្រោយ លទ្ធផលបោះឆ្នោតជុំទី២ ថ្ងៃអាទិត្យបង្ហាញថា បេក្ខជនកណ្តាលនិយមនិងជាអតីតរដ្ឋមន្ត្រីសេដ្ឋកិច្ចបារាំងលោក អេម៉ានុយអែល ម៉ាក្រុង ឈ្នះឆ្នោតជាប្រធានាធិបតីដោយបានសំឡេងគាំទ្រច្រើនជាង៦០ ភាគរយឯណោះ។ លោកក្លាយជាប្រធានាធិបតីទី ២៥ (ទី៨ ក្នុងរបបសាធារណរដ្ឋទីប្រាំ) របស់បារាំង ដែលមានវ័យក្មេងបំផុតត្រឹមតែ ៣៩ ឆ្នាំប៉ុណ្ណោះ។
យោងតាមទីភ្នាក់ងារព័ត៌មាន AFP ក្រោយចេញលទ្ធផលបណ្តោះអាសន្ន លោក ម៉ាក្រុង បានថ្លែងថា ទំព័រថ្មីនៃក្តីសង្ឃឹមរបស់បារាំងចាប់ផ្តើមហើយ។ លោកបានបញ្ជាក់ដូច្នេះ« ទំព័រថ្មីនៃប្រវត្តិសាស្ត្រដ៏វែងឆ្ងាយរបស់យើងចាប់ផ្តើមនៅយប់នេះ។ ខ្ញុំចង់ឲ្យវាក្លាយជាផ្នែកមួយនៃក្តីសង្ឃឹម និងជាទំនុកចិត្តថ្មីមួយទៀត»។
គេឃើញមានការអបអរសាទរពីសំណាក់ប្រជាជនបារាំងគ្រប់ស្រទាប់វណ្ណៈនៅក្រៅសារៈមន្ទីរ Louvre កណ្តាលក្រុងប៉ារីស ដើម្បីស្វាគមន៍ប្រធានាធិបតីក្មេងបំផុតក្នុងប្រវត្តិសាស្ត្របារាំង។ ចំណែករដ្ឋមន្ត្រីការបរទេសអាល្លឺម៉ង់លោក Sigma Gabriel ការសាទរ ក្រោយលឺពីជ័យជម្នះរបស់លោក ម៉ាក្រុង ដែលជាអ្នកគាំទ្រសហភាពអឺរ៉ុប និងពាណិជ្ជកម្មសេរីនេះ។
ចំណែកប្រធានាធិបតីអាមេរិកលោក ដូណាល់ ត្រាំ ដែលកោតសរសើរលោកស្រី ឡឺប៉ែន ក៏បានផ្ញើសារអបអរសាទរតាមគណនី Twitter ផ្លូវការ ចំពោះជ័យជម្នះរបស់លោក អេម៉ានុយអែល ម៉ាក្រុង ដូចគ្នា។ លោកត្រៀមធ្វើការងារជាមួយលោក ម៉ា ក្រុង នៅពេលខាងមុខ។
«សូមអបអរសាទរលោក អេម៉ានុយអែល ម៉ាក្រុង ចំពោះការទទួលជ័យជម្នះដ៏ធំធេងថ្ងៃនេះ ដោយលោកក្លាយជាប្រធានាធីបតីបារាំង។ ខ្ញុំរង់ចាំធ្វើការជាមួយលោកនៅពេលខាងមុខនេះ»។ នេះជាសម្តីរបស់លោក ដូណាល់ ត្រាំ។
ថ្មីៗ សូមរម្លឹកឡើងវិញ ពាក់ព័ន្ធជីវប្រវត្តិរបស់ប្រធានាធិបតីថ្មីរបស់បារាំងលោក ម៉ាក្រុង ដូចខាងក្រោម៖
ចុងក្រោយ លទ្ធផលបោះឆ្នោតជុំទី២ ថ្ងៃអាទិត្យបង្ហាញថា បេក្ខជនកណ្តាលនិយមនិងជាអតីតរដ្ឋមន្ត្រីសេដ្ឋកិច្ចបារាំងលោក អេម៉ានុយអែល ម៉ាក្រុង ឈ្នះឆ្នោតជាប្រធានាធិបតីដោយបានសំឡេងគាំទ្រច្រើនជាង៦០ ភាគរយឯណោះ។ លោកក្លាយជាប្រធានាធិបតីទី ២៥ (ទី៨ ក្នុងរបបសាធារណរដ្ឋទីប្រាំ) របស់បារាំង ដែលមានវ័យក្មេងបំផុតត្រឹមតែ ៣៩ ឆ្នាំប៉ុណ្ណោះ។
យោងតាមទីភ្នាក់ងារព័ត៌មាន AFP ក្រោយចេញលទ្ធផលបណ្តោះអាសន្ន លោក ម៉ាក្រុង បានថ្លែងថា ទំព័រថ្មីនៃក្តីសង្ឃឹមរបស់បារាំងចាប់ផ្តើមហើយ។ លោកបានបញ្ជាក់ដូច្នេះ« ទំព័រថ្មីនៃប្រវត្តិសាស្ត្រដ៏វែងឆ្ងាយរបស់យើងចាប់ផ្តើមនៅយប់នេះ។ ខ្ញុំចង់ឲ្យវាក្លាយជាផ្នែកមួយនៃក្តីសង្ឃឹម និងជាទំនុកចិត្តថ្មីមួយទៀត»។
គេឃើញមានការអបអរសាទរពីសំណាក់ប្រជាជនបារាំងគ្រប់ស្រទាប់វណ្ណៈនៅក្រៅសារៈមន្ទីរ Louvre កណ្តាលក្រុងប៉ារីស ដើម្បីស្វាគមន៍ប្រធានាធិបតីក្មេងបំផុតក្នុងប្រវត្តិសាស្ត្របារាំង។ ចំណែករដ្ឋមន្ត្រីការបរទេសអាល្លឺម៉ង់លោក Sigma Gabriel ការសាទរ ក្រោយលឺពីជ័យជម្នះរបស់លោក ម៉ាក្រុង ដែលជាអ្នកគាំទ្រសហភាពអឺរ៉ុប និងពាណិជ្ជកម្មសេរីនេះ។
ចំណែកប្រធានាធិបតីអាមេរិកលោក ដូណាល់ ត្រាំ ដែលកោតសរសើរលោកស្រី ឡឺប៉ែន ក៏បានផ្ញើសារអបអរសាទរតាមគណនី Twitter ផ្លូវការ ចំពោះជ័យជម្នះរបស់លោក អេម៉ានុយអែល ម៉ាក្រុង ដូចគ្នា។ លោកត្រៀមធ្វើការងារជាមួយលោក ម៉ា ក្រុង នៅពេលខាងមុខ។
«សូមអបអរសាទរលោក អេម៉ានុយអែល ម៉ាក្រុង ចំពោះការទទួលជ័យជម្នះដ៏ធំធេងថ្ងៃនេះ ដោយលោកក្លាយជាប្រធានាធីបតីបារាំង។ ខ្ញុំរង់ចាំធ្វើការជាមួយលោកនៅពេលខាងមុខនេះ»។ នេះជាសម្តីរបស់លោក ដូណាល់ ត្រាំ។
Congratulations to Emmanuel Macron on his big win today as the next President of France. I look very much forward to working with him! — Donald J. Trump (@realDonaldTrump) May 7, 2017
ថ្មីៗ សូមរម្លឹកឡើងវិញ ពាក់ព័ន្ធជីវប្រវត្តិរបស់ប្រធានាធិបតីថ្មីរបស់បារាំងលោក ម៉ាក្រុង ដូចខាងក្រោម៖
លោក អេម៉ានុយអែល ម៉ាក្រុង មានឈ្មោះល្បីល្បាញក្នុងរដូវកាលបោះឆ្នោតប្រធានាធិបតីបារាំង បន្ទាប់ពីលោកជាប់ឆ្នោតជុំទីមួយដើម្បីឈានទៅដណ្តើមកៅអីប្រធានាធិបតី។ ពេលនេះលោកបានក្លាយជាប្រធានាធិបតីបារាំងពិតហើយ។ ជាអ្នកនយោបាយកណ្តាលនិយមលោក ម៉ាក្រុង ស្ថិតក្នុងវ័យ ៣៩ឆ្នាំ និងអ្នកនយោបាយមានទេពកោសល្យនិងមានបទពិសោធន៍ច្រើនក្នុងកិច្ចការហិរញ្ញវត្ថុនិងសេដ្ឋកិច្ចផង។
តាមពិតទៅ លោក ម៉ាក្រុង បានកើតនៅក្នុងឆ្នាំ ១៩៧៧ ហើយលោកបានបញ្ចប់ការសិក្សាពីសាលាជាតិរដ្ឋបាលដែលជាគ្រឹះស្ថានសិក្សាដែលបណ្តុះបណ្តាលមន្ត្រីរដ្ឋការកំពូលៗ ហើយក្នុងនោះមានប្រធានាធិបតីបារាំងចំនួនបីនាក់ផងដែរ។
បន្ទាប់ពីបញ្ចប់ការសិក្សាហើយ លោក ម៉ាក្រុង មិនបង្អង់យូរឡើយ ដោយលោកចាប់ផ្តើមចូលប្រឡូកក្នុងវិស័យហិរញ្ញវត្ថុតែម្តង។ លោកផ្តើមការងារជាមន្ត្រីអធិការកិច្ចហិរញ្ញវត្ថុនៃក្រសួងសេដ្ឋកិច្ច ហើយបន្ទាប់មកលោកបានចូលរួមធ្វើកាងារក្នុងធនាគារ Rothschild & Cie។
ក្នុងវិស័យនយោបាយលោក ម៉ាក្រុង បានបំពេញការងារជាប្រធាននាយកដ្ឋាន សេដ្ឋកិច្ចនិងហិរញ្ញវត្ថុចាប់ពីឆ្នាំ ២០១២ ដល់ឆ្នាំ ២០១៤ ហើយក្នុងពេលជាមួយគ្នានោះលោកទទួលខុសត្រូវជាអគ្គលេខាធិការរងនៃប្រធានាធិបតី (Deputy Secretary General of Presidency)។ ចាប់ពីឆ្នាំ ២០១៤ ដល់ឆ្នាំ ២០១៦ លោកត្រូវបានជ្រើសរើសតាំងដោយរដ្ឋបាលលោក ហ្វ្រង់ស្វ័រហូឡង់ឲ្យបំពេញការងារជារដ្ឋមន្ត្រីសេដ្ឋកិច្ច។
ក្នុងខែមេសាឆ្នាំ ២០១៦ លោក ម៉ាក្រុង បានសម្រេចលាលែងពីតំណែងនិង ចេញមុខបង្កើតចលនានយោបាយខ្លួនឯងដែលមានឈ្មោះថា En March ឬ On the move ជាភាសាអង់គ្លេសដើម្បីចូលរួមប្រជែងតំណែងប្រធានាធិបតី។ រឿងដែលគួរឲ្យចាប់អារម្មណ៍បំផុតនោះគឺជាជីវិតស្នេហារបស់លោក តែម្តង។ លោកមានភរិយាដែលមានអាយុច្រើនជាងលោក ២៤ឆ្នាំនិងជាអតីតគ្រូបង្រៀនរបស់លោកទៀតផង។
ត្រឡប់មកវិញ គោលនយោបាយសំខាន់របស់លោក គឺ គាំទ្រសហភាពអឺរ៉ុប, បន្តជំរុញសមាហរណកម្មសេដ្ឋកិច្ចបារាំងជាមួយពិភពលោក និង បង្កើនទុនវិនិយោគក្នុងវិស័យសាធារណៈផងដែរ។លោកជាអ្នកនយោបាយមានលក្ខណៈប្រសើរជាងគេដោយសារលោកមិនដែលលើកគោលនយោបាយទាំងឡាយណាដែលប៉ះពាល់រឿងសាសនាដូចអ្នកនយោបាយផ្សេងទៀតទេ។
គេមើលឃើញថា អ្នកនយោបាយម្នាក់នេះជាក្តីសង្ឃឹមរបស់បារាំងនិងរបស់អឺរ៉ុបផងដែរ ក្នុងបរិបទបច្ចុប្បន្នដែលចលនាប្រជាឧបាយនិងចរន្តប្រឆាំងសាកលភាវូបនីយកម្មកើនឡើងនោះ។ ដូច្នេះ វាជាដំណឹងល្អសម្រាប់បារាំងផងនិងសម្រាប់អឺរ៉ុបទាំងមូលផងនៅពេលដែលលោកជាប់ឆ្នោតជាប្រធានាធិបតីបារាំងនោះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
