ជាតិ
គ.ជ.ប ចំណាយថវិកាជិត ៨ម៉ឺនដុល្លារ ដើម្បីទិញទឹកខ្មៅជ្រលក់ដៃ ដែលបោះឆ្នោតរួច
×![]()
ដោយ: ម៉ៅ សុផា
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចំណាយថវិកាប្រមាណជា៧.៩ ម៉ឺនដុល្លារ ដើម្បីទិញទឹកខ្មៅជ្រលក់ដៃចំនួន ៤៦៥០០ដប ពីក្រុមហ៊ុនក្នុងប្រទេសឥណ្ឌា ។ ទឹកខ្មៅនេះ គឺសម្រាប់ជ្រលក់ដៃអ្នក ដែលបោះឆ្នោតរួចហើយ កុំឲ្យបន្លំទៅបោះឆ្នោតម្តងទៀត។ នេះជាការអះអាងរបស់លោក ហង្ស ពុទ្ធា អ្នកនាំពាក្យគ.ជ.ប។
លោក ហង្ស ពុទ្ធា បានប្រាប់សារព័ត៌មានថ្មីៗថា គ.ជ.ប បានបញ្ជាទិញទឹកខ្មៅសម្រាប់ជ្រលក់ដៃរួចហើយ ប៉ុន្តែរហូតមកដល់ពេលនេះ ក្រុមហ៊ុនក្នុងប្រទេសឥណ្ឌា មិនទាន់បញ្ជូនមកកម្ពុជានោះទេ។ អ្នកនាំពាក្យគ.ជ.បរូបនេះ និយាយដូច្នេះថា៖«យើងមិនទាន់ដឹងថា គេបញ្ជូនមកពេលណាទេ។ ប៉ុន្តែ យ៉ាងហោចណាស់ ត្រូវតែបញ្ជូនមក មុនពេលបោះឆ្នោត១៥ថ្ងៃដែរ»។
បើតាម លោក ហង្ស ពុទ្ធា ដដែល គ.ជ.ប មិនហ៊ានធានាឲ្យបាន ១០០ភាគរយឡើយ ថា ទឹកខ្មៅជ្រលក់ដៃនោះ នឹងមិនអាចលាងជ្រះ។ លោក សង្កត់ធ្ងន់ថា ការលាងជ្រះឬមិនជ្រះ គឺជាការទទួលខុសត្រូវរបស់ក្រុមហ៊ុន មិនមែនជាការទទួលខុសត្រូវរបស់គ.ជ.ប ឡើយ។
លោក ហង្ស ពុទ្ធា បកស្រាយថា អ្វីដែលជាការទទួលខុសត្រូវរបស់គ.ជ.ប គឺធ្វើយ៉ាងណា កុំឲ្យមនុស្សម្នាក់ អាចបោះឆ្នោត លើសពីម្តង។ លោក បន្ថែមទៀតថា ទោះបីជាទឹកខ្មៅនោះ អាចលាងជ្រះក៏ដោយ ក៏គ.ជ.ប អាចគ្រប់គ្រងអ្នកបោះឆ្នោត ដោយមិនឲ្យបោះឆ្នោតជាលើកទី២បានដែរ។
ការបោះឆ្នោតថ្នាក់ឃុំ សង្កាត់ ដែលមានគណបក្សនយោបាយចំនួន១២ ចូលរួមប្រកួតប្រជែង ក្នុងអាណត្តិទី៤នេះ នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧។
គណបក្សនយោបាយ នឹងចាប់ផ្តើម ឃោសនាពីគោលនយោបាយ ពីថ្ងៃទី២០ ខែឧសភា ដល់ថ្ងៃទី២ ខែមិថុនា ឆ្នាំ២០១៧។ ក្នុងថ្ងៃបោះឆ្នោត គឺមានតែគណបក្សប្រជាជនកម្ពុជា និងគណបក្សសង្គ្រោះជាតិប៉ុណ្ណោះ ដែលគ្រោងដាក់អ្នកសង្កេតការណ៍ នៅគ្រប់ការិយាល័យបោះឆ្នោត ទូទាំងប្រទេស៕
លោក ហង្ស ពុទ្ធា បានប្រាប់សារព័ត៌មានថ្មីៗថា គ.ជ.ប បានបញ្ជាទិញទឹកខ្មៅសម្រាប់ជ្រលក់ដៃរួចហើយ ប៉ុន្តែរហូតមកដល់ពេលនេះ ក្រុមហ៊ុនក្នុងប្រទេសឥណ្ឌា មិនទាន់បញ្ជូនមកកម្ពុជានោះទេ។ អ្នកនាំពាក្យគ.ជ.បរូបនេះ និយាយដូច្នេះថា៖«យើងមិនទាន់ដឹងថា គេបញ្ជូនមកពេលណាទេ។ ប៉ុន្តែ យ៉ាងហោចណាស់ ត្រូវតែបញ្ជូនមក មុនពេលបោះឆ្នោត១៥ថ្ងៃដែរ»។
បើតាម លោក ហង្ស ពុទ្ធា ដដែល គ.ជ.ប មិនហ៊ានធានាឲ្យបាន ១០០ភាគរយឡើយ ថា ទឹកខ្មៅជ្រលក់ដៃនោះ នឹងមិនអាចលាងជ្រះ។ លោក សង្កត់ធ្ងន់ថា ការលាងជ្រះឬមិនជ្រះ គឺជាការទទួលខុសត្រូវរបស់ក្រុមហ៊ុន មិនមែនជាការទទួលខុសត្រូវរបស់គ.ជ.ប ឡើយ។
លោក ហង្ស ពុទ្ធា បកស្រាយថា អ្វីដែលជាការទទួលខុសត្រូវរបស់គ.ជ.ប គឺធ្វើយ៉ាងណា កុំឲ្យមនុស្សម្នាក់ អាចបោះឆ្នោត លើសពីម្តង។ លោក បន្ថែមទៀតថា ទោះបីជាទឹកខ្មៅនោះ អាចលាងជ្រះក៏ដោយ ក៏គ.ជ.ប អាចគ្រប់គ្រងអ្នកបោះឆ្នោត ដោយមិនឲ្យបោះឆ្នោតជាលើកទី២បានដែរ។
ការបោះឆ្នោតថ្នាក់ឃុំ សង្កាត់ ដែលមានគណបក្សនយោបាយចំនួន១២ ចូលរួមប្រកួតប្រជែង ក្នុងអាណត្តិទី៤នេះ នឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧។
គណបក្សនយោបាយ នឹងចាប់ផ្តើម ឃោសនាពីគោលនយោបាយ ពីថ្ងៃទី២០ ខែឧសភា ដល់ថ្ងៃទី២ ខែមិថុនា ឆ្នាំ២០១៧។ ក្នុងថ្ងៃបោះឆ្នោត គឺមានតែគណបក្សប្រជាជនកម្ពុជា និងគណបក្សសង្គ្រោះជាតិប៉ុណ្ណោះ ដែលគ្រោងដាក់អ្នកសង្កេតការណ៍ នៅគ្រប់ការិយាល័យបោះឆ្នោត ទូទាំងប្រទេស៕
Tag:
បោះឆ្នោត
ទឹកខ្មៅ
អ្នកនាំពាក្យ
© រក្សាសិទ្ធិដោយ thmeythmey.com
