ជាតិ
បទយកការណ៍ / បទសម្ភាសន៍
លោក គូ វ៉ិត៖ និស្សិតដែលរៀនផ្នែកបុរាណវិទ្យាជាមនុស្សដែលស្រឡាញ់ជាតិខ្លាំង
«លោក គូ វ៉ិត អ្នកបុរាណវិទូ»
×![]()
សៀមរាប៖ អ្នកបុរាណវិទ្យាមួយរូប បានសម្តែងអារម្មណ៍មិនសប្បាយចិត្ត ទៅនឹងការធ្លាក់ចុះនៃចំនួននិស្សិតរៀនផ្នែកបុរាណវិទ្យា។ តាមរបាយការណ៍ពីសាលាភូមិន្ទវិចិត្រសិល្បៈ និស្សិតដែលសិក្សាផ្នែកបុរាណវិទ្យាពីមួយជំនាន់ទៅមួយជំនាន់ មានការធ្លាក់ចុះជាលំដាប់។ ជាក់ស្តែងក្នុងជំនាន់ទី២៥នេះ មាននិស្សិតត្រឹមតែ១៤នាក់ប៉ុណ្ណោះ ដែលគ្រោងនឹងបញ្ចប់ថ្នាក់បុរាណវិទ្យា។
លោក គូ វ៉ិត ជាអតីតនិស្សិតផ្នែកបុរាណវិទ្យាជំនាន់ទី២ (ក្រោយឆ្នាំ១៩៧៩) នៃសាលាភូមិន្ទវិចិត្រសិល្បៈ។ លោកបានបន្តថ្នាក់អនុបណ្ឌិត និងបណ្ឌិតផ្នែកបុរាណវិទ្យានៅប្រទេសជប៉ុន ហើយបច្ចុប្បន្នជាមន្ត្រីនៃក្រសួងវប្បធម៌ និងវិចិត្រសិល្បៈ។
ជាអ្នកបុរាណវិទ្យា លោក គូ វ៉ិត មើលឃើញពីគុណសម្បត្តិដ៏អស្ចារ្យលើជំនាញមួយនេះ។ លោកថា បុរាណវិទ្យា គឺមានន័យទូលំទូលាយ ដោយវាផ្តោតជាសំខាន់ទៅនឹងការសិក្សាប្រវត្តិសាស្ត្រ។ ក្នុងនាមជាប្រជាជនខ្មែរ គឺចាំបាច់ត្រូវដឹងពីប្រវត្តិសាស្ត្រខ្លួនឯង។ លោកបន្តថា គេអាចស្គាល់ប្រវត្តិសាស្ត្របានតាមរយៈមនុស្សខ្មែរបុរាណដែលបានបន្សល់ទុកនូវអ្វីមួយ ដូចជា កាកសំណល់សម្ភារប្រើប្រាស់ប្រចាំថ្ងៃ មានចាន ឆ្នាំង ក្អម គ្រឿងតុបតែង សំណង់សាសនា-ល- ដែលសំណល់ទាំងនោះជាភស្តុតាងសម្រាប់បកស្រាយប្រវត្តិសាស្ត្រ។
លោក គូ វ៉ិត បានឲ្យតម្លៃខ្ពស់សម្រាប់អ្នកសិក្សាផ្នែកបុរាណវិទ្យា ព្រោះលោកចាត់ទុកថា អ្នកទាំងនោះជាធនធានដ៏សំខាន់ ព្រោះគេមានតួនាទីសំខាន់ក្នុងការផ្សព្វផ្សាយប្រវត្តិសាស្ត្រខ្មែរឲ្យអ្នកដទៃបានដឹង និងយល់ប្រវត្តិសាស្ត្ររបស់ខ្លួន។ ដោយសារកត្តានេះហើយ ទើបលោក គូ វ៉ិត ចាត់ទុកអ្នករៀនបុរាណវិទ្យា ជាអ្នកស្រឡាញ់ជាតិខ្លាំង។ លោកក៏បានសំណូមពរឲ្យយុវជនជំនាន់ក្រោយ គួរគិតចាប់ផ្តើមរៀនបុរាណវិទ្យាឡើងវិញ ដើម្បីឲ្យស៊ីជម្រៅទៅនឹងប្រវត្តិសាស្ត្រប្រទេសខ្លួន ក៏ដូចជាកុំឲ្យអ្នកដទៃមើលងាយ៕
ព័ត៌មានលម្អិតសូមស្តាប់បទសម្ភាសខ្លីរវាងអ្នកសារព័ត៌មានថ្មីៗ និងលោក គូ វ៉ិត អនុប្រធាននាយកដ្ឋានគាំពារ និងអភិរក្សសំណង់បុរាណ ដែលបទសម្ភាសនេះធ្វើឡើងនៅថ្ងៃទី៣ ខែឧសភា ឆ្នាំ២០១៧ នៅការដ្ឋានជួសជុលស្ពានទ័ពដូចតទៅ៖
លោក គូ វ៉ិត ជាអតីតនិស្សិតផ្នែកបុរាណវិទ្យាជំនាន់ទី២ (ក្រោយឆ្នាំ១៩៧៩) នៃសាលាភូមិន្ទវិចិត្រសិល្បៈ។ លោកបានបន្តថ្នាក់អនុបណ្ឌិត និងបណ្ឌិតផ្នែកបុរាណវិទ្យានៅប្រទេសជប៉ុន ហើយបច្ចុប្បន្នជាមន្ត្រីនៃក្រសួងវប្បធម៌ និងវិចិត្រសិល្បៈ។
ជាអ្នកបុរាណវិទ្យា លោក គូ វ៉ិត មើលឃើញពីគុណសម្បត្តិដ៏អស្ចារ្យលើជំនាញមួយនេះ។ លោកថា បុរាណវិទ្យា គឺមានន័យទូលំទូលាយ ដោយវាផ្តោតជាសំខាន់ទៅនឹងការសិក្សាប្រវត្តិសាស្ត្រ។ ក្នុងនាមជាប្រជាជនខ្មែរ គឺចាំបាច់ត្រូវដឹងពីប្រវត្តិសាស្ត្រខ្លួនឯង។ លោកបន្តថា គេអាចស្គាល់ប្រវត្តិសាស្ត្របានតាមរយៈមនុស្សខ្មែរបុរាណដែលបានបន្សល់ទុកនូវអ្វីមួយ ដូចជា កាកសំណល់សម្ភារប្រើប្រាស់ប្រចាំថ្ងៃ មានចាន ឆ្នាំង ក្អម គ្រឿងតុបតែង សំណង់សាសនា-ល- ដែលសំណល់ទាំងនោះជាភស្តុតាងសម្រាប់បកស្រាយប្រវត្តិសាស្ត្រ។
លោក គូ វ៉ិត បានឲ្យតម្លៃខ្ពស់សម្រាប់អ្នកសិក្សាផ្នែកបុរាណវិទ្យា ព្រោះលោកចាត់ទុកថា អ្នកទាំងនោះជាធនធានដ៏សំខាន់ ព្រោះគេមានតួនាទីសំខាន់ក្នុងការផ្សព្វផ្សាយប្រវត្តិសាស្ត្រខ្មែរឲ្យអ្នកដទៃបានដឹង និងយល់ប្រវត្តិសាស្ត្ររបស់ខ្លួន។ ដោយសារកត្តានេះហើយ ទើបលោក គូ វ៉ិត ចាត់ទុកអ្នករៀនបុរាណវិទ្យា ជាអ្នកស្រឡាញ់ជាតិខ្លាំង។ លោកក៏បានសំណូមពរឲ្យយុវជនជំនាន់ក្រោយ គួរគិតចាប់ផ្តើមរៀនបុរាណវិទ្យាឡើងវិញ ដើម្បីឲ្យស៊ីជម្រៅទៅនឹងប្រវត្តិសាស្ត្រប្រទេសខ្លួន ក៏ដូចជាកុំឲ្យអ្នកដទៃមើលងាយ៕
ព័ត៌មានលម្អិតសូមស្តាប់បទសម្ភាសខ្លីរវាងអ្នកសារព័ត៌មានថ្មីៗ និងលោក គូ វ៉ិត អនុប្រធាននាយកដ្ឋានគាំពារ និងអភិរក្សសំណង់បុរាណ ដែលបទសម្ភាសនេះធ្វើឡើងនៅថ្ងៃទី៣ ខែឧសភា ឆ្នាំ២០១៧ នៅការដ្ឋានជួសជុលស្ពានទ័ពដូចតទៅ៖
Tag:
គូ វ៉ិត
បុរាណវិទ្យា
© រក្សាសិទ្ធិដោយ thmeythmey.com
