ជាតិ
បទយកការណ៍ / បទសម្ភាសន៍
«គំនិតផ្តួចផ្តើមខ្សែក្រវ៉ាត់មួយវិថីមួយរបស់ចិន»ជួយផ្លាស់ប្តូរកម្ពុជារបៀបណា?
×![]()
«គំនិតផ្តួចផ្តើមខ្សែក្រវ៉ាត់មួយវិថីមួយ» រួមចំណែកយ៉ាងសំខាន់ក្នុងការជួយផ្លាស់ប្តូរតំបន់តាមរយៈការជំរុញការផ្សាភ្ជាប់ និងជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្ម។ ប្រទេសតូចធំទាំងអស់ដែលចូលរួមក្នុងគម្រោងនេះសុទ្ធតែមានលទ្ធភាពក្នុងការទាញយកប្រយោជន៍ច្រើនផងដែរ។ កម្ពុជាក្នុងនាមជាភាគីនៃគំនិតផ្តួចផ្តើមនេះ បានទទួលផលបណ្តើររួចទៅហើយ។មិនត្រឹមតែប៉ុណ្ណោះវានឹងជួយឲ្យទំនាក់ទំនងរវាងចិននិងកម្ពុជាកាន់តែជិតស្និទ្ធថែមទៀតផង។
សូមស្តាប់បទសម្ភាសរវាងលោក សៅ ផលនិស្ស័យ ជាមួយលោក គង់ភោគប្រធានវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ( Cambodian Institute for Strategic Studies)៖
លោក គង់ ភោគ ប្រធានវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ( Cambodian Institute for Strategic Studies) មើលឃើញថា គម្រោងផ្តួចផ្តើមដោយមហាយក្សចិននេះ នឹងជួយផ្លាស់ប្តូរតំបន់នៅពេលអនាគត។ វាមិនមែនជំរុញត្រឹមតែទំនាក់ទំនងពាណិជ្ជកម្មរវាងប្រទេសមួយជាមួយចិនឡើយ តែជាការបង្កើតឲ្យចេញជាប្រព័ន្ធសង្វាក់ផលិតកម្មកម្រិតតំបន់ទាំងមូល។
ក្រៅពីនេះ គំនិតផ្តួចផ្តើមខ្សែក្រវ៉ាត់មួយវិថីមួយនឹងបន្តជួយដល់ដំណើរសមាហរណកម្មក្នុងតំបន់ឲ្យកាន់តែស៊ីជម្រៅ និងជួយបង្កើតជំនឿទុកចិត្តនិងការពឹងផ្អែកលើគ្នាទៅវិញទៅមកដែលអាចរក្សាសន្តិសុខ សន្តិភាព និងបញ្ចៀសរាល់បញ្ហាដែលធ្វើឲ្យបាត់បង់ប្រយោជន៍តំបន់។
ប៉ុន្តែ អ្នកជំនាញរូបនេះសង្កត់ធ្ងន់ថា គេមិនអាចភ្លេចខ្លួនដែរនៅពេលដែលមានការរីកចម្រើនក្នុងតំបន់។ ប្រទេសក្នុងតំបន់ចាំបាច់ត្រូវបន្តស្វែងគោលនយោបាយ គំនិតផ្តួចផ្តើមថ្មីៗបន្ថែមទៀតដើម្បីឲ្យការលូតលាស់កើនដល់សក្តានុពលរបស់ខ្លួនផង។
ក្រឡេកទៅមើលកម្ពុជាក្នុងនាមជាសមាជិកគំនិតផ្តួចផ្តើមខ្សែក្រវ៉ាត់មួយវិថីមួយដែរនោះ បានទទួលប្រយោជន៍ច្រើនរួចហើយពីគម្រោងនេះ។ និយាយឲ្យស្រួលស្តាប់ វាបានជួយផ្លាស់ប្តូរកម្ពុជាច្រើនដែរ។
លោក គង់ ភោគ ប្រាប់ថា គ្រាន់តែរៀបរាប់ដោយសង្ខេប ក្រោមគម្រោងរបស់ចិននេះ ផ្លូវជាង៣ពាន់គីឡូម៉ែត្រ និងស្ពានប្រហែល២០ ត្រូវបានសាងសង់ឡើងក្នុងប្រទេសកម្ពុជារួចទៅហើយដែលវាសុទ្ធតែជួយដល់សកម្មភាពសេដ្ឋកិច្ចកម្ពុជា។
ក្រៅពីការជួយដល់ការអភិវឌ្ឍហេដ្ឋរចនាសម្ព័ន្ធ គំនិតផ្តួចផ្តើមរបស់ចិនក៏បានជំរុញលើកទឹកចិត្តឲ្យមានការវិនិយោគច្រើនលើវិស័យថាមពលដែលជាគ្រឿងម៉ាស៊ីនជួយទ្រទ្រង់សេដ្ឋកិច្ចកម្ពុជាដែរ។ ដូចឃើញស្រាប់ក្រុមហ៊ុនចិនវិនិយោគលុយរាប់រយលានដុល្លារខាងវារីអគ្គីសនីនៅតាមខេត្តមួយចំនួន ដែលវាជួយឲ្យតម្លៃអគ្គីសនីកាន់តែថោកនិងជំរុញសេដ្ឋកិច្ចក្នុងតំបន់ផង។
ប្រធានវិទ្យាស្ថានស្រាវជ្រាវកម្ពុជានេះក៏កត់សម្គាល់ផងដែរថា គំនិតផ្តួចផ្តើមចិនក៏បានជំរុញឲ្យវិស័យហិរញ្ញវត្ថុនៅកម្ពុជារីកចម្រើនដូចគ្នា។ ក្រុមហ៊ុនហិរញ្ញវត្ថុចិនជាច្រើនមកចូលផ្សារកម្ពុជាក្នុងនោះមានធនាគារចិន (Bank of China) និងធនាគារឧស្សាហកម្ម និងពាណិជ្ជកម្មរបស់ចិន (ICBC)។ ហើយចិនក៏នឹងបន្តជំរុញស្ថាប័នហិរញ្ញវត្ថឯទៀតឲ្យមករកស៊ីនៅកម្ពុជាដូចគ្នា។ មួយទៀត គឺគំនិតផ្តួចផ្តើមចិនបានជួយឲ្យវិស័យទូរគមនាគមន៍លូតលាស់ទៅមុខផងដែរ។ ក្រុមហ៊ុនចិនដូចជា Sea Tel, ZTE និងHuawei ជាដើមសុទ្ធតែកំពុងប្រតិបត្តិការនៅកម្ពុជានាពេលបច្ចុប្បន្ន។
សូមរម្លឹកបន្តិចថា កាលពីខែកុម្ភៈ ផែនការសម្រាប់កិច្ចសហប្រតិបត្តិការចិននិងកម្ពុជាក្រោមក្របខណ្ឌគំនិតផ្តួចផ្តើមខ្សែក្រវ៉ាត់មួយវិថីមួយ ត្រូវព្រាងឡើងក្នុងដំណើរទស្សនកិច្ចរបស់លោក Xiao Weiming នាយករងទទួលបន្ទុកតំបន់អភិវឌ្ឍភាគខាងលិចនៃគណៈកម្មការអភិវឌ្ឍនិងកំណែទម្រង់ជាតិចិន។ ផែនការនេះមានគោលដៅពង្រឹងទំនាក់ទំនងទ្វេភាគីក្រោមគោលការណ៍ឈ្នះឈ្នះ ដោយផ្តោតសំខាន់លើវិស័យអាទិភាពចំនួន ៧ ក្នុងនោះមានកសិកម្ម, ការអភិវឌ្ឍហេដ្ឋារចនាសម្ព័ន្ធ, ទេសចរណ៍, លើកកម្ពស់សមត្ថភាព, អភិវឌ្ឍតំបន់សេដ្ឋកិច្ចពិសេស, វប្បធម៌, ហិរញ្ញវត្ថុ និងការការពារបរិស្ថានជាដើម។
ពាក់ព័ន្ធផែនការអាទិភាពនេះ លោក គង់ ភោគ យល់ឃើញផងដែរនៅពេលអនាគត ការបន្តចូលរួមអនុវត្តគំនិតផ្តួចផ្តើមរបស់ចិននេះ នឹងជួយឲ្យកម្ពុជានិងចិនកាន់តែជិតស្និទ្ធនិងទាញបានប្រយោជន៍ក្នុងគោលការណ៍ឈ្នះៗទាំងសងខាង។
យ៉ាងណាមិញ ថ្វីបើមានការវាយតម្លៃពីប្រយោជន៍ច្រើនដែលកម្ពុជាអាចទាញបានពីគម្រោងរបស់ចិនក៏ដោយ ប្រជាជនកម្ពុជាហាក់មិនទាន់យល់ច្បាស់និងមិនទាន់មានអារម្មណ៍វិជ្ជមាននៅឡើយចំពោះចិន ក៏ដូចជាគម្រោងដ៏ធំនិងសំខាន់នេះ។ វាចាំបាច់ត្រូវមានការចូលរួមពីរដ្ឋាភិបាលចិន និងក្រុមហ៊ុនចិនផ្ទាល់ដើម្បីរួមចំណែកទទួលខុសត្រូវសង្គមដើម្បីកែប្រែការគិតអវិជ្ជមាននេះ។
លោក គង់ ភោគ យល់ស្របថាបញ្ហាយល់ឃើញចិនអវិជ្ជមាននេះនៅមានក្នុងចំណោមប្រជាជន។ ប៉ុន្តែលោកមើលឃើញថា រដ្ឋាភិបាលចិនបានយល់ច្បាស់ហើយពីសារសំខាន់នៃការពង្រឹងជំនឿទុកចិត្ត និងសារសំខាន់នៃការគាំទ្រពីប្រជាជន។ ដូចឃើញហើយ រដ្ឋាភិបាលចិនប្រឹងប្រែងច្រើនដែរ ដើម្បីពង្រឹងទំនាក់ទំនងរវាងមនុស្សនិងមនុស្សប៉ុន្មានឆ្នាំចុងក្រោយ។ រដ្ឋាភិបាលចិន សង្គមស៊ីវិលចិន បានចូលរួមជួយពង្រឹងជីវភាពរបស់ប្រជាជនមូលដ្ឋាន, លើកស្ទួយសេវាសុខាភិបាល, ការអប់រំនិង ពង្រឹងជំនាញជំនាញជាដើម។ ចំណែកឯ ក្រុមហ៊ុនចិនក៏ចាប់ផ្តើមយកចិត្តទុកដាក់លើការពង្រឹងការទទួលខុសត្រូវសង្គមបណ្តើរៗដែរពេលមកដាក់ទុនរកស៊ី។
ក្នុងនាមជាអ្នកជំនាញ លោក គង់ ភោគក៏បានផ្តល់អនុសាសន៍បន្ថែមថា ក្រុមហ៊ុនចិនអាចបន្តការសហការជាមួយអង្គការសង្គមស៊ីវិល និងរដ្ឋាភិបាលកម្បុជាដើម្បីបង្កើតប្រយោជន៍ដល់ប្រជាជន។ ប្រជាជននឹងមើលឃើញចិនជាមិត្តភក្តិល្អ និងបងប្អូនល្អសម្រាប់ប្រជាជនកម្ពុជា បើមានការបន្តធ្វើបែបនេះ។
សូមបញ្ជាក់ថា គំនិតផ្តួចផ្តើមខ្សែក្រវ៉ាត់មួយវិថីមួយ (OBOR) ឬវិថីសូត្រ ខ្សែក្រវ៉ាត់សេដ្ឋកិច្ច និង គំនិតផ្តួចផ្តើមផ្លូវសូត្រសមុទ្រសតវត្សរ៍ទី ២១ (The Silk Road Economic Belt and the 21st Century Maritime Road Initiative) ត្រូវបានដាក់ចេញនៅក្នុងឆ្នាំ ២០១៣ ដោយប្រមុខរដ្ឋចិនលោក ស៊ី ជិនពីង ។ គោលបំណងស្នូលនៃគំនិតផ្តួចផ្តើមនេះគឺធ្វើយ៉ាងណាកសាងចំណងសេដ្ឋកិច្ចតាមរយៈការសាងសង់ហេដ្ឋារចនាសម្ព័ន្ធបង្កើតការផ្សាភ្ជាប់ពីអាស៊ីទៅអឺរ៉ុប ឆ្លងទៅដល់អាហ្វ្រិកដោយវាផ្អែកលើផ្លូវពាណិជ្ជកម្មសម័យបុរាណ។ មកដល់ពេលបច្ចុប្បន្ននេះ គំនិតផ្តួចផ្តើមនេះមានការចូលរួមពីបណ្តាប្រទេសនានាទាំងពិភពលោកច្រើនជាង ៦៥ មានទាំងអាស៊ី, អាហ្វ្រិកនិងអឺរ៉ុបផងដែរ។ ដើម្បីគាំទ្រហិរញ្ញវត្ថុដល់គម្រោងហេដ្ឋារចនាសម្ព័ន្ធដ៏ធំនេះ ធនាគារវិនិយោគហេដ្ឋារចនាសម្ព័ន្ធអាស៊ី (AIIB)ក៏ត្រូវបានបង្កើតឡើងផងដែរនៅចុងឆ្នាំ២០១៥ ៕
សូមស្តាប់បទសម្ភាសរវាងលោក សៅ ផលនិស្ស័យ ជាមួយលោក គង់ភោគប្រធានវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ( Cambodian Institute for Strategic Studies)៖
លោក គង់ ភោគ ប្រធានវិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ( Cambodian Institute for Strategic Studies) មើលឃើញថា គម្រោងផ្តួចផ្តើមដោយមហាយក្សចិននេះ នឹងជួយផ្លាស់ប្តូរតំបន់នៅពេលអនាគត។ វាមិនមែនជំរុញត្រឹមតែទំនាក់ទំនងពាណិជ្ជកម្មរវាងប្រទេសមួយជាមួយចិនឡើយ តែជាការបង្កើតឲ្យចេញជាប្រព័ន្ធសង្វាក់ផលិតកម្មកម្រិតតំបន់ទាំងមូល។
ក្រៅពីនេះ គំនិតផ្តួចផ្តើមខ្សែក្រវ៉ាត់មួយវិថីមួយនឹងបន្តជួយដល់ដំណើរសមាហរណកម្មក្នុងតំបន់ឲ្យកាន់តែស៊ីជម្រៅ និងជួយបង្កើតជំនឿទុកចិត្តនិងការពឹងផ្អែកលើគ្នាទៅវិញទៅមកដែលអាចរក្សាសន្តិសុខ សន្តិភាព និងបញ្ចៀសរាល់បញ្ហាដែលធ្វើឲ្យបាត់បង់ប្រយោជន៍តំបន់។
ប៉ុន្តែ អ្នកជំនាញរូបនេះសង្កត់ធ្ងន់ថា គេមិនអាចភ្លេចខ្លួនដែរនៅពេលដែលមានការរីកចម្រើនក្នុងតំបន់។ ប្រទេសក្នុងតំបន់ចាំបាច់ត្រូវបន្តស្វែងគោលនយោបាយ គំនិតផ្តួចផ្តើមថ្មីៗបន្ថែមទៀតដើម្បីឲ្យការលូតលាស់កើនដល់សក្តានុពលរបស់ខ្លួនផង។
ក្រឡេកទៅមើលកម្ពុជាក្នុងនាមជាសមាជិកគំនិតផ្តួចផ្តើមខ្សែក្រវ៉ាត់មួយវិថីមួយដែរនោះ បានទទួលប្រយោជន៍ច្រើនរួចហើយពីគម្រោងនេះ។ និយាយឲ្យស្រួលស្តាប់ វាបានជួយផ្លាស់ប្តូរកម្ពុជាច្រើនដែរ។
លោក គង់ ភោគ ប្រាប់ថា គ្រាន់តែរៀបរាប់ដោយសង្ខេប ក្រោមគម្រោងរបស់ចិននេះ ផ្លូវជាង៣ពាន់គីឡូម៉ែត្រ និងស្ពានប្រហែល២០ ត្រូវបានសាងសង់ឡើងក្នុងប្រទេសកម្ពុជារួចទៅហើយដែលវាសុទ្ធតែជួយដល់សកម្មភាពសេដ្ឋកិច្ចកម្ពុជា។
ក្រៅពីការជួយដល់ការអភិវឌ្ឍហេដ្ឋរចនាសម្ព័ន្ធ គំនិតផ្តួចផ្តើមរបស់ចិនក៏បានជំរុញលើកទឹកចិត្តឲ្យមានការវិនិយោគច្រើនលើវិស័យថាមពលដែលជាគ្រឿងម៉ាស៊ីនជួយទ្រទ្រង់សេដ្ឋកិច្ចកម្ពុជាដែរ។ ដូចឃើញស្រាប់ក្រុមហ៊ុនចិនវិនិយោគលុយរាប់រយលានដុល្លារខាងវារីអគ្គីសនីនៅតាមខេត្តមួយចំនួន ដែលវាជួយឲ្យតម្លៃអគ្គីសនីកាន់តែថោកនិងជំរុញសេដ្ឋកិច្ចក្នុងតំបន់ផង។
ប្រធានវិទ្យាស្ថានស្រាវជ្រាវកម្ពុជានេះក៏កត់សម្គាល់ផងដែរថា គំនិតផ្តួចផ្តើមចិនក៏បានជំរុញឲ្យវិស័យហិរញ្ញវត្ថុនៅកម្ពុជារីកចម្រើនដូចគ្នា។ ក្រុមហ៊ុនហិរញ្ញវត្ថុចិនជាច្រើនមកចូលផ្សារកម្ពុជាក្នុងនោះមានធនាគារចិន (Bank of China) និងធនាគារឧស្សាហកម្ម និងពាណិជ្ជកម្មរបស់ចិន (ICBC)។ ហើយចិនក៏នឹងបន្តជំរុញស្ថាប័នហិរញ្ញវត្ថឯទៀតឲ្យមករកស៊ីនៅកម្ពុជាដូចគ្នា។ មួយទៀត គឺគំនិតផ្តួចផ្តើមចិនបានជួយឲ្យវិស័យទូរគមនាគមន៍លូតលាស់ទៅមុខផងដែរ។ ក្រុមហ៊ុនចិនដូចជា Sea Tel, ZTE និងHuawei ជាដើមសុទ្ធតែកំពុងប្រតិបត្តិការនៅកម្ពុជានាពេលបច្ចុប្បន្ន។
សូមរម្លឹកបន្តិចថា កាលពីខែកុម្ភៈ ផែនការសម្រាប់កិច្ចសហប្រតិបត្តិការចិននិងកម្ពុជាក្រោមក្របខណ្ឌគំនិតផ្តួចផ្តើមខ្សែក្រវ៉ាត់មួយវិថីមួយ ត្រូវព្រាងឡើងក្នុងដំណើរទស្សនកិច្ចរបស់លោក Xiao Weiming នាយករងទទួលបន្ទុកតំបន់អភិវឌ្ឍភាគខាងលិចនៃគណៈកម្មការអភិវឌ្ឍនិងកំណែទម្រង់ជាតិចិន។ ផែនការនេះមានគោលដៅពង្រឹងទំនាក់ទំនងទ្វេភាគីក្រោមគោលការណ៍ឈ្នះឈ្នះ ដោយផ្តោតសំខាន់លើវិស័យអាទិភាពចំនួន ៧ ក្នុងនោះមានកសិកម្ម, ការអភិវឌ្ឍហេដ្ឋារចនាសម្ព័ន្ធ, ទេសចរណ៍, លើកកម្ពស់សមត្ថភាព, អភិវឌ្ឍតំបន់សេដ្ឋកិច្ចពិសេស, វប្បធម៌, ហិរញ្ញវត្ថុ និងការការពារបរិស្ថានជាដើម។
ពាក់ព័ន្ធផែនការអាទិភាពនេះ លោក គង់ ភោគ យល់ឃើញផងដែរនៅពេលអនាគត ការបន្តចូលរួមអនុវត្តគំនិតផ្តួចផ្តើមរបស់ចិននេះ នឹងជួយឲ្យកម្ពុជានិងចិនកាន់តែជិតស្និទ្ធនិងទាញបានប្រយោជន៍ក្នុងគោលការណ៍ឈ្នះៗទាំងសងខាង។
យ៉ាងណាមិញ ថ្វីបើមានការវាយតម្លៃពីប្រយោជន៍ច្រើនដែលកម្ពុជាអាចទាញបានពីគម្រោងរបស់ចិនក៏ដោយ ប្រជាជនកម្ពុជាហាក់មិនទាន់យល់ច្បាស់និងមិនទាន់មានអារម្មណ៍វិជ្ជមាននៅឡើយចំពោះចិន ក៏ដូចជាគម្រោងដ៏ធំនិងសំខាន់នេះ។ វាចាំបាច់ត្រូវមានការចូលរួមពីរដ្ឋាភិបាលចិន និងក្រុមហ៊ុនចិនផ្ទាល់ដើម្បីរួមចំណែកទទួលខុសត្រូវសង្គមដើម្បីកែប្រែការគិតអវិជ្ជមាននេះ។
លោក គង់ ភោគ យល់ស្របថាបញ្ហាយល់ឃើញចិនអវិជ្ជមាននេះនៅមានក្នុងចំណោមប្រជាជន។ ប៉ុន្តែលោកមើលឃើញថា រដ្ឋាភិបាលចិនបានយល់ច្បាស់ហើយពីសារសំខាន់នៃការពង្រឹងជំនឿទុកចិត្ត និងសារសំខាន់នៃការគាំទ្រពីប្រជាជន។ ដូចឃើញហើយ រដ្ឋាភិបាលចិនប្រឹងប្រែងច្រើនដែរ ដើម្បីពង្រឹងទំនាក់ទំនងរវាងមនុស្សនិងមនុស្សប៉ុន្មានឆ្នាំចុងក្រោយ។ រដ្ឋាភិបាលចិន សង្គមស៊ីវិលចិន បានចូលរួមជួយពង្រឹងជីវភាពរបស់ប្រជាជនមូលដ្ឋាន, លើកស្ទួយសេវាសុខាភិបាល, ការអប់រំនិង ពង្រឹងជំនាញជំនាញជាដើម។ ចំណែកឯ ក្រុមហ៊ុនចិនក៏ចាប់ផ្តើមយកចិត្តទុកដាក់លើការពង្រឹងការទទួលខុសត្រូវសង្គមបណ្តើរៗដែរពេលមកដាក់ទុនរកស៊ី។
ក្នុងនាមជាអ្នកជំនាញ លោក គង់ ភោគក៏បានផ្តល់អនុសាសន៍បន្ថែមថា ក្រុមហ៊ុនចិនអាចបន្តការសហការជាមួយអង្គការសង្គមស៊ីវិល និងរដ្ឋាភិបាលកម្បុជាដើម្បីបង្កើតប្រយោជន៍ដល់ប្រជាជន។ ប្រជាជននឹងមើលឃើញចិនជាមិត្តភក្តិល្អ និងបងប្អូនល្អសម្រាប់ប្រជាជនកម្ពុជា បើមានការបន្តធ្វើបែបនេះ។
សូមបញ្ជាក់ថា គំនិតផ្តួចផ្តើមខ្សែក្រវ៉ាត់មួយវិថីមួយ (OBOR) ឬវិថីសូត្រ ខ្សែក្រវ៉ាត់សេដ្ឋកិច្ច និង គំនិតផ្តួចផ្តើមផ្លូវសូត្រសមុទ្រសតវត្សរ៍ទី ២១ (The Silk Road Economic Belt and the 21st Century Maritime Road Initiative) ត្រូវបានដាក់ចេញនៅក្នុងឆ្នាំ ២០១៣ ដោយប្រមុខរដ្ឋចិនលោក ស៊ី ជិនពីង ។ គោលបំណងស្នូលនៃគំនិតផ្តួចផ្តើមនេះគឺធ្វើយ៉ាងណាកសាងចំណងសេដ្ឋកិច្ចតាមរយៈការសាងសង់ហេដ្ឋារចនាសម្ព័ន្ធបង្កើតការផ្សាភ្ជាប់ពីអាស៊ីទៅអឺរ៉ុប ឆ្លងទៅដល់អាហ្វ្រិកដោយវាផ្អែកលើផ្លូវពាណិជ្ជកម្មសម័យបុរាណ។ មកដល់ពេលបច្ចុប្បន្ននេះ គំនិតផ្តួចផ្តើមនេះមានការចូលរួមពីបណ្តាប្រទេសនានាទាំងពិភពលោកច្រើនជាង ៦៥ មានទាំងអាស៊ី, អាហ្វ្រិកនិងអឺរ៉ុបផងដែរ។ ដើម្បីគាំទ្រហិរញ្ញវត្ថុដល់គម្រោងហេដ្ឋារចនាសម្ព័ន្ធដ៏ធំនេះ ធនាគារវិនិយោគហេដ្ឋារចនាសម្ព័ន្ធអាស៊ី (AIIB)ក៏ត្រូវបានបង្កើតឡើងផងដែរនៅចុងឆ្នាំ២០១៥ ៕
Tag:
ចិន
កម្ពុជា OBOR
គង់ ភោគ
© រក្សាសិទ្ធិដោយ thmeythmey.com
