ជាតិ
គណបក្សសង្គ្រោះជាតិ ព្រមានដកមេឃុំ-ចៅសង្កាត់របស់ខ្លួន បើបម្រើម្ចាស់ឆ្នោតមិនបានល្អ
×![]()
ដោយ: ម៉ៅ សុផា
ភ្នំពេញ៖ គណបក្សសង្គ្រោះជាតិ អាចនឹងដកមេឃុំ-ចៅសង្កាត់របស់ខ្លួន ចេញពីតំណែង ប្រសិនបើមេឃុំ-ចៅសង្កាត់ នោះ មិនគោរពឆន្ទៈក្នុងការបម្រើនិងផ្តល់សេវាកម្មដល់ប្រជាពលរដ្ឋ នៅតាមមូលដ្ឋាន។ នេះជាការអះអាងរបស់លោក សុន ឆ័យ មន្ត្រីជាន់ខ្ពស់ និងជាតំណាងរាស្ត្រនៃគណបក្សសង្គ្រោះជាតិ។
ការលើកឡើងដូច្នេះរបស់លោក សុន ឆ័យ គឺស្របពេលដែលការឃោសនាបោះឆ្នោតថ្នាក់ឃុំ-សង្កាត់ នឹងប្រព្រឹត្តទៅ នៅថ្ងៃទី២0 ខែឧសភា ឆ្នាំ២0១៧។ បើតាមលោក សុន ឆ័យ គណបក្សសង្គ្រោះជាតិ ត្រូវតែប្រាប់ទៅបេក្ខជនរបស់ខ្លួន ដែលឈ្មោះជាមេឃុំ-សង្កាត់ ឲ្យប្តេជ្ញានិងត្រៀមលក្ខណៈឲ្យហើយ ថាត្រូវតែបម្រើប្រជាពលរដ្ឋ ក្រោយជាប់ឆ្នោតជាមេឃុំ-ចៅសង្កាត់។
មន្ត្រីជាន់ខ្ពស់គណបក្សសង្គ្រោះជាតិរូបនេះ និយាយដូច្នេះថា៖«យើងបានផ្តាំហើយ ផ្តាំទៀត ផ្តាំយ៉ាងច្បាស់ថា បើមិនបម្រើរាស្ត្រទេ គណបក្សដកចេញ។ ឲ្យពួកគាត់ដឹងឲ្យច្បាស់»។
លោក សុន ឆ័យ បន្តថា ថ្វីដ្បិត បេក្ខជន ដែលឈ្មោះជាមេឃុំ-ចៅសង្កាត់ កើតចេញពីការរៀបចំរបស់គណបក្សក៏ពិតមែន ប៉ុន្តែនៅពេលដែលជាប់ឆ្នោតហើយ ពួកគេ គឺជាតំណាងរបស់ប្រជាពលរដ្ឋនៅតាមមូលដ្ឋាន។ លោក សង្កត់ធ្ងន់ថា មេឃុំ-ចៅសង្កាត់ រួមទាំងសមាជិកក្រុមប្រឹក្សាឃុំ-សង្កាត់ផ្សេងទៀត គឺជាអ្នកបម្រើរបស់ប្រជាពលរដ្ឋ មិនមែនជាអ្នកបម្រើរបស់គណបក្ស ឡើយ។
ការថ្លែងរបស់លោក សុន ឆ័យ ខាងលើ គឺធ្វើឡើងនៅចំពោះមុខក្រុមអ្នកសារព័ត៌មាន ក្រោយលោកចាកចេញពី «វេទិកាស្តីពី ការប្តេជ្ញាចិត្តរបស់គណបក្សនយោបាយ ដើម្បីឆ្លើយតបនឹងបញ្ហាអភិវឌ្ឍមូលដ្ឋាន» ដែលរៀបចំដោយអង្គការក្រៅរដ្ឋាភិបាល។ អង្គការក្រៅរដ្ឋាភិបាល បានអញ្ជើញតំណាងគណបក្សទាំង១២ ដែលបានឈរឈ្មោះប្រកួតប្រជែងការបោះឆ្នោតថ្នាក់ឃុំ-សង្កាត់ ក្នុងអាណត្តិទី៤នេះ ឲ្យចូលរួមធ្វើជាវាគ្មិនក្នុងវេទិកាខាងលើ ដើម្បីបង្ហាញពីគោលនយោបាយរបស់ខ្លួន ទៅកាន់ប្រជាពលរដ្ឋ មុនការបោះឆ្នោតមកដល់ នៅថ្ងៃទី៤ ខែមិថុនា ឆ្នាំ២0១៧។ តំណាងសហគមន៍នានា នៅទូទាំង២៥ រាជធានី-ខេត្ត ក៏បានចូលរួមក្នុងវេទិកានេះ ផងដែរ។
នៅក្នុងវេទិកា លោក សុន ឆ័យ បានបកស្រាយលម្អិតពីគោលនយោបាយអាទិភាពទាំង៥ចំណុចរបស់គណបក្សសង្គ្រោះជាតិ ដើម្បីយកទៅប្រកួតប្រជែងការបោះឆ្នោត។ គោលនយោបាយអាទិភាពទាំង៥ចំណុនោះរួមមាន ការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍, ការផ្ដល់សេវាសាធារណៈ, ការពង្រឹងសន្ដិសុខ និងវិមជ្ឈការ នូវគោលនយោបាយថ្នាក់ជាតិ ទៅថ្នាក់ក្រោមជាតិ (ឃុំ-សង្កាត់)៕
ការលើកឡើងដូច្នេះរបស់លោក សុន ឆ័យ គឺស្របពេលដែលការឃោសនាបោះឆ្នោតថ្នាក់ឃុំ-សង្កាត់ នឹងប្រព្រឹត្តទៅ នៅថ្ងៃទី២0 ខែឧសភា ឆ្នាំ២0១៧។ បើតាមលោក សុន ឆ័យ គណបក្សសង្គ្រោះជាតិ ត្រូវតែប្រាប់ទៅបេក្ខជនរបស់ខ្លួន ដែលឈ្មោះជាមេឃុំ-សង្កាត់ ឲ្យប្តេជ្ញានិងត្រៀមលក្ខណៈឲ្យហើយ ថាត្រូវតែបម្រើប្រជាពលរដ្ឋ ក្រោយជាប់ឆ្នោតជាមេឃុំ-ចៅសង្កាត់។
មន្ត្រីជាន់ខ្ពស់គណបក្សសង្គ្រោះជាតិរូបនេះ និយាយដូច្នេះថា៖«យើងបានផ្តាំហើយ ផ្តាំទៀត ផ្តាំយ៉ាងច្បាស់ថា បើមិនបម្រើរាស្ត្រទេ គណបក្សដកចេញ។ ឲ្យពួកគាត់ដឹងឲ្យច្បាស់»។
លោក សុន ឆ័យ បន្តថា ថ្វីដ្បិត បេក្ខជន ដែលឈ្មោះជាមេឃុំ-ចៅសង្កាត់ កើតចេញពីការរៀបចំរបស់គណបក្សក៏ពិតមែន ប៉ុន្តែនៅពេលដែលជាប់ឆ្នោតហើយ ពួកគេ គឺជាតំណាងរបស់ប្រជាពលរដ្ឋនៅតាមមូលដ្ឋាន។ លោក សង្កត់ធ្ងន់ថា មេឃុំ-ចៅសង្កាត់ រួមទាំងសមាជិកក្រុមប្រឹក្សាឃុំ-សង្កាត់ផ្សេងទៀត គឺជាអ្នកបម្រើរបស់ប្រជាពលរដ្ឋ មិនមែនជាអ្នកបម្រើរបស់គណបក្ស ឡើយ។
ការថ្លែងរបស់លោក សុន ឆ័យ ខាងលើ គឺធ្វើឡើងនៅចំពោះមុខក្រុមអ្នកសារព័ត៌មាន ក្រោយលោកចាកចេញពី «វេទិកាស្តីពី ការប្តេជ្ញាចិត្តរបស់គណបក្សនយោបាយ ដើម្បីឆ្លើយតបនឹងបញ្ហាអភិវឌ្ឍមូលដ្ឋាន» ដែលរៀបចំដោយអង្គការក្រៅរដ្ឋាភិបាល។ អង្គការក្រៅរដ្ឋាភិបាល បានអញ្ជើញតំណាងគណបក្សទាំង១២ ដែលបានឈរឈ្មោះប្រកួតប្រជែងការបោះឆ្នោតថ្នាក់ឃុំ-សង្កាត់ ក្នុងអាណត្តិទី៤នេះ ឲ្យចូលរួមធ្វើជាវាគ្មិនក្នុងវេទិកាខាងលើ ដើម្បីបង្ហាញពីគោលនយោបាយរបស់ខ្លួន ទៅកាន់ប្រជាពលរដ្ឋ មុនការបោះឆ្នោតមកដល់ នៅថ្ងៃទី៤ ខែមិថុនា ឆ្នាំ២0១៧។ តំណាងសហគមន៍នានា នៅទូទាំង២៥ រាជធានី-ខេត្ត ក៏បានចូលរួមក្នុងវេទិកានេះ ផងដែរ។
នៅក្នុងវេទិកា លោក សុន ឆ័យ បានបកស្រាយលម្អិតពីគោលនយោបាយអាទិភាពទាំង៥ចំណុចរបស់គណបក្សសង្គ្រោះជាតិ ដើម្បីយកទៅប្រកួតប្រជែងការបោះឆ្នោត។ គោលនយោបាយអាទិភាពទាំង៥ចំណុនោះរួមមាន ការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍, ការផ្ដល់សេវាសាធារណៈ, ការពង្រឹងសន្ដិសុខ និងវិមជ្ឈការ នូវគោលនយោបាយថ្នាក់ជាតិ ទៅថ្នាក់ក្រោមជាតិ (ឃុំ-សង្កាត់)៕
Tag:
ឃោសនាបោះឆ្នោត
ដកមេឃុំ
សុន ឆ័យ
© រក្សាសិទ្ធិដោយ thmeythmey.com
