ពីនេះ ពីនោះ
និស្សិតគួរធ្វើការស្ម័គ្រចិត្តឲ្យបានច្រើន បើចង់ធ្វើការក្នុងវិស័យឯកជន
× ក្នុងពេលកំពុងសិក្សា និស្សិត គួរសង្វាតធ្វើកិច្ចការងារស្ម័គ្រចិត្តបម្រើសង្គមឲ្យបានច្រើន ដើម្បីទុកជាទុនសម្រាប់ធ្វើការនៅក្នុងវិស័យឯកជន នាពេលអនាគត ឬក្រោយពេលបញ្ចប់ការសិក្សា។
បើនិស្សិតចង់ធ្វើការងារក្នុងវិស័យឯកជន គួរណាស់ចំណាយពេលវេលាធ្វើការងារស្ម័គ្រចិត្តឲ្យត្រូវតាមជំនាញ និងសមស្របតាមគោលដៅជីវិតឲ្យបានច្រើន ព្រោះថាក្នុងវិស័យនេះ ទាមទារបទពិសោធន៍ការងារ ហើយការចូលធ្វើការងារក្នុងវិស័យនេះ តាមរយៈការដាក់ពាក្យ និងសម្ភាសន៍។ តែពេលធ្វើការងារស្ម័គ្រចិត្ត និស្សិតមិនត្រូវ ភ្លេចសិក្សាជំនាញខ្លួនដែលកំពុងសិក្សា ពោលគឺត្រូវមានទន្ទឹមគ្នា ទាំងទ្រឹស្តីនិងការអនុវត្ត។
ក៏ប៉ុន្តែបើនិស្សិតចង់ធ្វើការងារក្នុងវិស័យរដ្ឋវិញ និស្សិតគួរតែសិក្សាពីជំនាញរបស់ខ្លួនឲ្យពូកែព្រោះថា ការចូលបម្រើការងាររាជការឆ្លងកាត់ការប្រឡង ដែលខុសគ្នាពីការចូលបម្រើការងារនៅក្នុងវិស័យឯកជន។
ជារួមនិស្សិត ត្រូវធ្វើការងារនៅក្នុងវិស័យ ដែលខ្លួនស្រលាញ់ ពេញចិត្ត និងត្រូវតាមជំនាញ ស្របតាមគោលដៅដែលយើងបានកំណត់ ព្រមទាំងបែងចែកពេលវេលាសិក្សា និងការងារសង្គមឲ្យបានច្បាស់លាស់។
Tag:
ការងារស្ម័គ្រចិត្ត
និស្សិត
© រក្សាសិទ្ធិដោយ thmeythmey.com