ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
រថយន្ត
២៤ម៉ោងជាមួយ Mercedes-Benz ដើម្បីស្វែងយល់ពីសក្តានុពលនៃភូមិភាគឦសាន្តខ្មែរ
22, May 2017 ,
8:59 pm
រូបភាព
×
ដោយ:
ថ្មីៗ
«ឱស្រុកកោះញែក ខ្ញុំស្រែកផ្តែផ្តាំ ឃ្លាតគ្នាយូរឆ្នាំទម្រាំជួបម្តង ឃើញមុខពេលណាអូនពោលផ្តោះផ្តង...»។ នេះគឺជាឃ្លានៃបទចម្រៀងរបស់លោក តូច តេង ស្រែកច្រៀងផ្តោះផ្តងស្នេហាដ៏ពិរោះលន្លង់លន្លោចចំពោះគូស្នេហ៍របស់គាត់ដែលរស់នៅសែនឆ្ងាយពីគ្នាកម្រនឹងបានទៅជួបភ័ក្តក្នុងនាមកម្លោះអ្នកទីក្រុងភ្នំពេញ និងក្រមុំស្រុកកោះញែក នៅកណ្តាលដែនដីព្រៃភ្នំ នៃខេត្តមណ្ឌលគិរី។
ទោះជារឿងពិតនេះបានកើតឡើងច្រើនទសវត្សរ៍កន្លងទៅហើយក៏ដោយ ក៏បទចម្រៀងមនោសញ្ចេតនានេះ នៅតែបំពេរអារម្មណ៍មហាជនខ្មែរគ្រប់ស្រទាប់វណ្ណៈ គ្រប់សម័យកាល ប៉ុន្តែកត្តាប្រែប្រួលជីវភាពសង្គម និងការអភិវឌ្ឍនាពេលបច្ចុប្បន្ននេះ បានផ្លាស់ប្តូររហូតអាចឲ្យយើងមានលទ្ធភាពធ្វើដំណើរទៅមក ដើម្បីទស្សនាកម្សាន្តដែនដីព្រៃភ្នំពោរពេញដោយសម្រស់ធម្មជាតិនៅឯស្រុកកោះញែក និងក្រុងភ្នំពេញ តែក្នុងរយៈពេល ២៤ម៉ោង ដោយងាយស្រួលប្រកបដោយក្តីសប្បាយរីករាយ ជាពិសេសការធ្វើដំណើរជាមួយរថយន្តប្រណីត Mercedes-Benz ទោះជាប្រភេទរថយន្តសេដាន(ឡានតូច-ទាបសម្រាប់ក្រុមគ្រួសារ)ក៏ដោយ ក៏អាចទៅមកបានដោយងាយស្រួល និងសុវត្ថិភាពបំផុត។
អំឡុងពេលចុងសប្តាហ៍កន្លងទៅថ្មីៗនេះ ដោយចេញដំណើរពីភ្នំពេញប្រហែលម៉ោងជាង៥នាល្ងាចថ្ងៃសៅរ៍ និងត្រឡប់មកវិញនាល្ងាចថ្ងៃអាទិត្យប្រហែលជាម៉ោងជាង៧យប់ ដំណើរកម្សាន្តផ្សងព្រេងអត់ព្រាងទុករបស់អ្នកគ្រប់គ្រងក្រុមហ៊ុន Star Auto Cambodia ដែលជាក្រុមហ៊ុននាំចូលរថយន្ត Mercedes-Benz ស៊េរីថ្មីគ្រប់ប្រភេទស្របច្បាប់ផ្តាច់មុខតែមួយគត់នៅកម្ពុជា បានប្រើប្រាស់រថយន្ត Mercedes-Benz ស៊េរីទំនើបម៉ូដែល C200 និង E250 ឆ្នាំ២០១៧ ដែលជាប្រភេទរថយន្តសេដានកំពុងពេញនិយមនៅលើទីផ្សារសកលលោក ក៏ដូចជានៅក្នុងប្រទេសកម្ពុជា ដើម្បីធ្វើដំណើរទស្សនាចរណ៍ទៅកាន់រម្យណីយដ្ឋានទឹកជ្រោះប៊ូស្រា ស្ថិតនៅក្នុងតំបន់ព្រៃភ្នំនៃស្រុកពេជ្រាដា ហើយក៏ឆ្លៀតធ្វើដំណើរឆៀងចូលទស្សនាដែនជម្រកសត្វព្រៃភ្នំព្រិច ស្ថិតនៅក្នុងស្រុកកោះញែកផងដែរ។
វេលាព្រឹកព្រហ៊ាមខណៈរថយន្ត Mercedes-Benz ម៉ូដែល C200 និង E250 បើកបរឆ្លងកាត់ដែនតំបន់ព្រៃអភិរក្សកែវសីម៉ា នៃស្រុកកែវសីម៉ា ជាទីដែលក្រុមហ៊ុនថតភាពយន្តដ៏ល្បីល្បាញរបស់អាមេរិកឈ្មោះ Disney ទើបបានផ្តល់ប្រាក់ចំនួន ២លានដុល្លារ ដើម្បីចំណាយលើការទិញកាបោននៅក្នុងប្រទេសកម្ពុជា។ លោក ឃុន ចាន់ថា នាយកគ្រប់គ្រងផ្នែកលក់ និងទីផ្សារក្រុមហ៊ុន Star Auto Cambodia ដែលជាអ្នកបើកបរបានបញ្ជារថយន្ត C200 ទៅអែបឈប់ក្បែរចិញ្ចើមផ្លូវជាតិលេខ៧៨ នាម្តុំបង្គោលគីឡូម៉ែត្រលេខ៧៥ ហើយបានពោលថា៖ «មើលហ្ន៎ ! នៅជុំវិញខ្លួនយើងសុទ្ធសឹងតែផ្សែងអព្ធសក្បុសពាសពេញដើមឈើ គ្របដណ្តប់ទាំងព្រៃភ្នំដ៏ក្រាស់ឃ្មឹកនៅទីនេះ»។ លោកបន្តថា៖ «យើងអាចមើលឃើញតែនៅតាមចន្លោះខ្លះៗទៅឯនាយជើងមេឃ គឺមានតែព្រៃ និងជួរភ្នំជាប់មេឃតែម្តង។ ទេសភាពធម្មជាតិដ៏ស្រស់បំព្រងបែបនេះខ្ញុំកម្រនឹងបានឃើញណាស់ក្រៅពីនៅខេត្តមណ្ឌលគិរី នេះជាមូលហេតុដែលខ្ញុំចង់មកគយគន់ទេសភាពដ៏ស្រស់ត្រកាលនេះ ជាមួយរថយន្តប្រណីតខ្នាតតូចដែលមនុស្សភាគច្រើនគិតថា ឡានតូចមិនអាចបើករបរទៅទីណាបានឆ្ងាយនិងមានភាពងាយស្រួលដូចឡានប្រភេទខ្នាតខ្ពស់នោះទេ ការពិតទោះស្ថិតក្នុងស្ថានភាពផ្លូវលំបាកឬឆ្ងាយយ៉ាងណា រថយន្ត Mercedes-Benz នៅតែផ្តល់នូវការជឿជាក់ខ្ពស់និងជួយឲ្យខ្ញុំសម្រេចបានគោលដៅប្រកបដោយផាសុកភាពជានិច្ច។ អរគុណ Mercedes-Benz ខ្លាំងណាស់ »។
ដោយឡែក លោក ហេង អតីតមន្ត្រីផ្នែកស្រាវជ្រាវទំនៀមទម្លាប់ខ្មែរនៅពុទ្ធសាសនបណ្ឌិត ដែលជាអ្នករួមដំណើរមួយរូបបានបន្ទរថា៖ «ព្រៃឈើពណ៌បៃតងខ្ចីចាស់ ខ្លះចម្រុះដោយផ្កាពណ៌លឿង-ក្រហម-ស និងមានស្បៃអព្ធពណ៌សអណ្តែតរសាយរសាត់កកផ្តុំគ្នាជាពពកនៅតាមជួរភ្នំទាំងនោះ មើលទៅប្រៀបបាននឹងឋានសួគ៌ាល័យ។ ទស្សនីភាពបែបនេះ គឺពិតជាអស្ចារ្យណាស់ ដូចបាននាំរូបយើងទៅដល់ឋានសួគ៌ អីចឹង!»។
ក្រោយពីទស្សនាទេសភាពព្រៃភ្នំគ្របដណ្តប់ដោយស្បៃអព្ធសក្បុស និងប្រកបដោយអាកាសធាតុត្រជាក់តែជុំវិញ ១៨អង្សាសេរួចមក រថយន្ត C200 ពណ៌ស និង E250 ពណ៌ខ្មៅ បានបញ្ឆេះម៉ាស៊ីនបញ្ចេញសម្លេងយ៉ាងស្ងាត់ឈឹងរួចបន្តដំណើរយ៉ាងលឿនបត់បែនកេលកុងនាកណ្តាលព្រៃនៃបេះដូងធម្មជាតិឆ្លងកាត់មកដល់ស្រុកអូរាំង ជាដែនដីសម្បូរដោយខ្ពង់រាប ជ្រលងដងអូរ និងជួរភ្នំដែលដុះរំលេចពីលើដោយវាលស្មៅពណ៌បៃតងស្រស់មើលផុតកន្ទុយភ្នែកទៅជាប់នឹងលំហមេឃធំល្ហហ្ហេវ ប្រៀបបាននឹងគេសាងសង់ទីលានវាយកូនគោលខ្នាតយក្សរាប់រយពាន់បន្តជាប់ៗគ្នា។
ខណៈពេលរថយន្ត C200 និង E250 ទៅដល់ត្រង់ចំណុចកំពូលនៃខ្ពង់រាបខ្លះៗ ក្រឡេកមើលពីបង្អួចរថយន្តដែលត្រូវបានបើកចំហរកញ្ចក់ដើម្បីស្រូបយកខ្យល់អាកាសដ៏បរិសុទ្ធពីតំបន់ខ្ពង់រាប យើងអាចមើលឃើញគន្លងផ្លូវជាតិលេខ៧៨ លូនកាត់បត់បែនវាលស្មៅ ព្រៃភ្នំ ជ្រលងដងអូរ និងនៅកន្លែងខ្លះក៏អាចមើលឃើញទីក្រុងសែនមនោរម្យ ឬអតីតទីរួមខេត្តមណ្ឌលគិរីផងដែរ។
មិនយូរប៉ុន្មាន រថយន្ត Mercedes-Benz ម៉ូដែល C200 និង E250 បានធ្វើដំណើរទៅដល់រង្វង់មូលគោព្រៃ ជាមណ្ឌលនិមិត្តរូបនៃខេត្តមណ្ឌលគិរី និងក៏ជាសត្វចតុប្បាទតំណាងព្រះរាជាណាចក្រកម្ពុជា ដោយសារសត្វដ៏កម្រនេះពុំមានវត្តមានទាល់តែសោះនៅលើផែនដីក្រៅពីប្រទេសកម្ពុជា។
ការបន្តដំណើរចេញពីបេះដូងនៃទីក្រុងសែនមនោរម្យ ឆ្ពោះទៅកាន់ទឹកជ្រោះប៊ូស្រា លើចម្ងាយផ្លូវប្រមាណ ៤០គីឡូម៉ែត្រ គឺជាដំណើរដ៏អន្ទះសារបំផុតដែលក្រុមបុគ្គលិក Star Auto Cambodia ប្រាថ្នាចង់ទៅឲ្យដល់គោលដៅតែក្នុងមួយប៉ព្រិចភ្នែកបើអាចទៅរួច។ ប៉ុន្តែកម្លាំងម៉ាស៊ីនដ៏ខ្លាំងរបស់រថយន្ត Mercedes-Benz ម៉ូដែល C200 និង E250 និងប្រព័ន្ធសុវត្ថិភាពដ៏ប្រកបដោយផាសុកភាព ដែលត្រូវបានបំពាក់ដោយប្រព័ន្ធបច្ចេកវិទ្យាទំនើប រួមទាំង ប្រព័ន្ធស្វ័យបើកបរ, ប្រព័ន្ធហ្វ្រាំងស្វ័យប្រវត្តិ, កៅអីរំញោចពេលផ្លូវកោង ឬបត់បែន, កៅអីម៉ាស្សា, ប្រព័ន្ធកាមេរ៉ាសុវត្ថិភាព៣៦០ដឺក្រេដែលឲ្យអ្នកបើកបរមើលឃើញពីស្ថានភាពនៅជុំវិញរថយន្តយ៉ាងច្បាស់ និងការកំណត់ល្បឿនបើកបរដោយស្វ័យប្រវត្តិជាដើម ទាំងនេះពិតជាជំរុញឲ្យការធ្វើដំណើរទស្សនាចរណ៍ភ្នំពេញ-ជ្រោះប៊ូស្រា បានទៅដល់គោលដៅដូចការរំពឹងទុក និងប្រកបដោយសុវត្ថិភាព។
បន្ទាប់ពីអ្នកបើកបរបញ្ជាឲ្យរថយន្ត C200 និង E250 ចូលចតដោយស្វ័យប្រវត្តិលើទីជម្រាលក្បែរទឹកជ្រោះប៊ូស្រា អ្នករួមដំណើរទាំងអស់ម្នីម្នារចុះទៅកម្សាន្តនៅក្នុងបរិវេណទឹកធ្លាក់ដ៏ធំខ្ពស់ ល្បីល្បាញ និងជាទីពេញនិយមនៅក្នុងប្រទេសកម្ពុជា។ រយៈពេលជាង ២ម៉ោង នៃការកម្សាន្តសប្បាយនៅរមនីយដ្ឋានទឹកជ្រោះប៊ូស្រាដ៏ស្រស់ស្អាត នៅកណ្តាលព្រៃភ្នំក្រំថ្មនេះពិតជាមិនស្រាកស្រាន្តសមល្មមស្កប់ចិត្តក៏ពិតមែន ប៉ុន្តែសម្លេងដង្ហោយនៅក្នុងសោតិន្ទ្រយារម្មណ៍ពីស្រុកកោះញែកហាក់ឮល្វើយៗមិនដាច់ រហូតធ្វើឲ្យក្រុមទេសចរអត់ព្រាងទុកទាំងនេះសម្រេចចិត្តធ្វើដំណើរចាកចេញពីដែនដីព្រៃភ្នំជាបេះដូងនៃស្រុកពេជ្រាដា ឆ្ពោះទៅកាន់ស្រុកកោះញែក តាមសម្រែកច្រៀងផ្តែផ្តាំរបស់លោក តូច តេង ដោយខានពុំបាន។
ស្ថិតក្រោមអាកាសធាតុអួរអាប់ភ្លៀវផ្គរ និងពេលខ្លះបើកថ្ងៃក្តៅហែង នៅតាមផ្លូវពេជ្រាដា-កោះញែក អ្នកបើកបរគ្រប់គ្នាពិតជាងាយស្រួលនៅលើផ្លូវកៅស៊ូចាក់រួចថ្មីៗ រួចគេក៏ត្រូវតែប្រុងប្រយ័ត្ននៅតាមផ្លូវទ្រុឌទ្រោមដោយអន្លើរៗ ហើយបន្តដោយផ្លូវលំដីក្រហមកេលកោងចុះឡើងឆ្លងកាត់វាល-ព្រៃ ឆ្លងកាត់ខ្ពង់រាប ឡើងភ្នំ និងចុះជ្រលងដងអូរជាច្រើនកន្លែងនោះ ប្រហែលជាអាចក្លាយជាវិញ្ញាសារថ្មីសម្រាប់ប្រភេទរថយន្តប្រណីត Mercedes-Benz C200 និង E250 ដែលផលិតនៅប្រទេសអាល្លឺម៉ង់ ហើយត្រូវតែបង្ហាញសមត្ថភាព សុវត្ថិភាព និងកិត្តិនាមរបស់ខ្លួននៅលើភូមិសាស្ត្រទឹកដីភូមិភាគឦសាន្តនៃព្រះរាជាណាចក្រកម្ពុជា។
ជាធម្មតាឧបសគ្គទាំងនេះ ពិតជាបានបន្ថយល្បឿនរថយន្តប្រណីត Mercedes-Benz ហើយមិនយូរប៉ុន្មានទេ រថយន្ត C200 និង E250 បានទៅដល់ និងឆ្លងកាត់តំបន់សាគរដ៏ចម្លែកមួយដែលមាននៅតែ១គត់នៅលើទឹកដីកម្ពុជា គឺ«សមុទ្រឈើ» ដែលទីនេះត្រូវបានគេស្គាល់ផងដែរថាជាផ្នែកនៃដែនជម្រកសត្វព្រៃភ្នំព្រិច ដែលលាតសន្ធឹងពីតំបន់ខ្លះនៃស្រុកកោះញែក ក្រុងសែនមនោរម្យ និងស្រុកកែវសីម៉ា។
ម៉ាស៊ីនដ៏ខ្លាំងដែលមានសម្ថតភាពខ្ពស់ និងមានសម្លេងតិចដោយមិនបញ្ចេញស្នូររោទិ៍ឮខ្លាំងរបស់រថយន្ត Mercedes-Benz វាមិនត្រឹមតែមិនរំខានដល់អ្នកបើកបរ និងអ្នករួមដំណើរនោះទេ បន្ថែមលើសពីនេះទៀតវាក៏មិនបានរំខានដល់ពពួកសត្វព្រៃ សត្វល្មូន និងបក្សាបក្សីនៅតាមដងផ្លូវនោះដែរ។ នៅតាមដងផ្លូវក្រុមអ្នកទេសចរផ្សេងព្រេងទាំងអស់គ្នា បានឃើញសត្វបក្សាបក្សីជាច្រើន ហើយក៏បានឃើញសត្វអណ្តើកភ្នំមួយ បានដើរឆ្លងកាត់ផ្លូវនៅពីមុខរថយន្ត C200 និង E250 ធ្វើព្រងើយដោយពុំបង្ហាញការភ្ញាក់ផ្អើលឬភ័យខ្លាចអ្វីឡើយ។
ក្រោយពីទស្សនាដែនជម្រកសត្វព្រៃភ្នំព្រិច រយៈពេលជិតពីរម៉ោង ដំណើរទស្សនាចរណ៍ក៏បានធ្វើដំណើរត្រឡប់ទៅភ្នំពេញវិញ។ លោក យ៉ាន់ យ័ន្ត អ្នកជំនាញជួសជុលរថយន្តនៅ Star Auto Cambodia ដែលបានកាន់ចង្កូតបើកបររថយន្ត E250 តាំងពីភ្នំពេញ-ជ្រោះប៊ូស្រា និងបន្តដល់ភ្នំព្រិច បានឲ្យដឹងថា៖ «ចម្ងាយផ្លូវដែលយើងបានបើកបរក្នុងដំណើរផ្សេងព្រេងនេះ មានចម្ងាយផ្លូវរាប់រយគីឡូម៉ែត្រមែន ប៉ុន្តែជាមួយ Mercedes-Benz វាពុំបានធ្វើឲ្យ ខ្ញុំអស់កម្លាំងនឿយហត់ ឬធុញទ្រាន់ក្នុងការបើកបរសោះឡើយ បន្ថែមលើសនោះ កៅអីម៉ាស្សា, ចង្កូតអេឡិចត្រូនិកដែលផ្តល់ភាពងាយស្រួល និងប្រព័ន្ធបើកបរស្វ័យប្រវត្តិរបស់ E250 បានជួយផ្តល់នូវផាសុកភាពដល់យើង និងធ្វើឲ្យយើងបើកបរដល់គោលដៅដោយមិនជិនណាយប្រកបដោយសុវត្ថិភាព»។
ពិតដូចជាលោក យ័ន្ត មានប្រសាសន៍មែន ទាំងរូបគាត់ផ្ទាល់ និងលោក ចាន់ថា នៅតែបន្តកាន់ចង្កូតបញ្ជារថយន្ត E250 និង C200 ពីភ្នំព្រិចដល់ភ្នំពេញ ប្រកបដោយសុវត្ថិភាព ត្រូវតាមពេលវេលានៃការជួបជុំបរិភោគអាហារសាមគ្គីជុំគ្នាពេលល្ងាច នៅទីក្រុងភ្នំពេញវិញ នៅវេលាម៉ោង១៩ល្ងាច ដោយជោគជ័យ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម