ជាតិ
បទយកការណ៍ / បទសម្ភាសន៍
ខ្មែរនៅអាមេរិកដែលជាអ្នករត់តាក់ស៊ីថារបរនេះថ្លៃថ្នូរ និងរកចំណូលបានច្រើន
× ហូណូលូលូ៖ លោក ថម ថាន់ធី គឺជាពលរដ្ឋខ្មែរ ដែលបានមករស់នៅសហរដ្ឋអាមេរិកតាំងពីក្រោយរបប ប៉ុល ពត។ បច្ចុប្បន្ន លោក ថាន់ធី កំពុងរស់នៅក្រុងហូណូលូលូ រដ្ឋហាវ៉ៃ និងប្រកបរបរបើកតាក់ស៊ី។សម្រាប់បុរសខ្មែរអាមេរិកាំងវ័យ៤៧ឆ្នាំរូបនេះ របររត់តាក់ស៊ី គឺជារបរមួយដែលថ្លៃថ្នូរ និងអាចរកប្រាក់ចំណូលបានច្រើន។
ការលើកឡើងបែបនេះ ពីព្រោះលោក ធ្លាប់មានអ្នកប្រាប់លោកថា កុំឲ្យប្រាប់អ្នកស្រុកខ្មែរថា រូបលោកបើកឡានតាក់ស៊ី ព្រោះគេមើលងាយ។ បុរសខ្មែរអាមេកាំងរូបនេះ បញ្ជាក់ដូច្នេះថា៖«ខ្ញុំគិតថារបរនេះ ចំពោះអ្នកនៅហាវ៉ៃ ឬអ្នកនៅអាមេរិក ខ្ញុំគិតថាថ្លៃថ្នូរ។ ប៉ុន្តែខ្ញុំឮថានៅស្រុកខ្មែរ បើគេដឹងថាយើងបើកឡានតាក់ស៊ី គេថាអត់ថ្លៃថ្នូរ គេថាកុំឲ្យប្រាប់អ្នកស្រុកខ្មែរថាខ្ញុំបើកឡានតាក់ស៊ីឲ្យសោះ ព្រោះគេមើលងាយយើង»។
ដ្បិតតែរបរបើកតាក់ស៊ីអាចរកប្រាក់បានច្រើន ប៉ុន្តែក៏ប្រឈមនឹងបញ្ហាមួយចំនួនដែរ ដូចជាអាចជួបគ្រោះថ្នាក់ចរាចរណ៍ ភ្ញៀវមិនឲ្យប្រាក់និងការប្លន់ជាដើម។ នេះបើតាម លោក ថាន់ធី។
ដើម្បីជ្រាបលម្អិត សូមអញ្ជើញស្តាប់បទសម្ភាសន៍រវាង កញ្ញា ខន ចំប៉ា អ្នកយកព័ត៌មាននៃសារព័ត៌មានថ្មីៗ និងលោក ថម ថាន់ធី ដូចតទៅ៖
Tag:
ថម ថាន់ធី
តាក់ស៊ី
© រក្សាសិទ្ធិដោយ thmeythmey.com