កីឡាជាតិ
ជាតិ
រត់ប្រណាំងដើម្បីអបអរបុណ្យចម្រើនព្រះជន្មសម្តេចម៉ែ និងមនុស្សធម៌មានអ្នកចុះឈ្មោះជិត៥០០នាក់ហើយ
×![]()
គិតត្រឹមថ្ងៃទី២២ ខែឧសភា ឆ្នាំ២០១៧ មានអត្តពលិកជិត៥០០នាក់ហើយ ដែលបានចុះឈ្មោះចូលរួមព្រឹត្តិការណ៍រត់ប្រណាំងពាក់កណ្តាលម៉ារ៉ាតុនភ្នំពេញអន្តរជាតិប្រចាំឆ្នាំ២០១៧។ ព្រឹត្តិការណ៍ដែលរៀបចំនៅថ្ងៃទី១៨ ខែមិថុនា មួយនេះ មិនត្រឹមតែដើម្បីមនុស្សធម៌ និងបរិសា្ថនប៉ុណ្ណោះទេ លើសពីនេះវាជាការរត់ប្រណាំង ដើម្បីអបអរបុណ្យចម្រើនព្រះជន្មសម្តេចព្រះវររាជ្យមាតាជាតិខ្មែរ នរោត្តម មុនីនាថ សីហនុ ថែមទៀតផង។ អាស្រ័យហេតុនេះ ថ្នាក់ដឹកនាំកីឡាកម្ពុជាអំពាវនាវដល់ប្រជាពលរដ្ឋសិស្សានុសិស្សចូលរួមឲ្យបានច្រើនកុះករ។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC)បានបញ្ជាក់ថា គិតត្រឹមថ្ងៃទី២២ ខែឧសភា ព្រឹត្តិការណ៍រត់ប្រណាំងពាក់កណ្តាលម៉ារ៉ាតុនភ្នំពេញអន្តរជាតិលើកទី៧ទទួលបានអត្តពលិកចូលរួមប្រមាណជាជិត៥០០នាក់ហើយ ដែលអត្តពលិកទាំងនេះមកពីជាង២០ប្រទេសទូទាំងពិភពលោក។ ក្នុងនោះអត្តពលិកបរទេសមានប្រមាណជាជិត២០០នាក់ និងអត្តពលិកកម្ពុជាប្រមាណជាជិត៣០០នាក់។
លោកបានបន្ថែមទៀតថា ព្រឹត្តិការណ៍ដែលរៀបចំនៅថ្ងៃទី១៨ ខែមិថុនា ខាងមុខនេះ ធ្វើឡើងដើម្បីប្រមូលមូលនិធិជួយដល់មន្ទីរពេទ្យគន្ធបុប្ផា និងបំផុសស្មារតីប្រជាពលរដ្ឋឲ្យចូលរួមចំណែកថែរក្សាបរិស្ថានទាំងអស់គ្នាក្រោមប្រធានបទ«បរិស្ថានស្អាត ទីក្រុងបៃតង» ជាពិសេស ដើម្បីអបអរទិវាបុណ្យចម្រើនព្រះជន្មសម្តេចព្រះវររាជ្យមាតាជាតិខ្មែរ នរោត្តម មុនីនាថ សីហនុ។
អគ្គលេខាធិការ NOCC រូបនេះ បានអំពាវនាវដល់ប្រជាពលរដ្ឋ និងសិស្សានុសិស្សចុះឈ្មោះចូលរួមឲ្យបានច្រើនកុះករ និងទាន់ពេលវេលា ដើម្បីបង្កភាពងាយស្រួលដល់ក្រុមការងារក្នុងការរៀបចំសម្ភារ និងសេវាកម្មផ្សេងៗដែលបម្រើដល់ការរត់របស់អត្តពលិក។ អត្តពលិកដែលចូលរួមព្រឹត្តិការណ៍នេះ មិនត្រឹមតែទទួលបាននូវសុខភាព មិត្តភាពប៉ុណ្ណោះទេ ថែមទាំងបានរួមចំណែកក្នុងអំពើមនុស្សធម៌ថែមទៀតផង ព្រោះថវិកាដែលទទួលបានពីការចុះឈ្មោះរបស់អត្តពលិក នឹងបរិច្ចាគជូនមន្ទីរពេទ្យគន្ធបុប្ផា។
ជាមួយគ្នានេះ លោក សែម ផល្លា ប្រធានគណៈកម្មការរៀបចំការប្រកួតក៏បានអះអាងផងដែរថា ការរៀបចំព្រឹត្តិការណ៍នេះ គឺមិនមែនជាការរៀបចំ ដើម្បីស្វែងរកផលប្រយោជន៍ ឬប្រាក់ចំណេញនោះទេ ពោលគឺដើម្បីចូលរួមចំណែកបម្រើដល់អំពើមនុស្សធម៌តាមរយៈមន្ទីរពេទ្យគន្ធបុប្ផា និងដើម្បីចូលរួមថែរក្សាបរិស្ថាននៅតាមបណ្តោយទន្លេមេគង្គក្នុងទីក្រុងភ្នំពេញ។ ជាពិសេស ដើម្បីអបអរបុណ្យចម្រើនព្រះជន្មសម្តេចមហាក្រត្រី នរោត្តម មុនីនាថ សីហនុ តែម្តង។
ប្រធានគណៈកម្មការរូបនេះបានឲ្យដឹងទៀតថា ការប្រកួតនេះមាន៣ប្រភេទវិញ្ញាសាចូលរួម គឺរត់ប្រណាំងបែបកម្សាន្តចម្ងាយ៣គីឡូម៉ែត្រ, រត់លក្ខណអាជីពចម្ងាយ១០គីឡូម៉ែត្រ និង២១គីឡូម៉ែត្រដែលជាវិញ្ញាសាស្នូលប្រចាំព្រឹត្តិការណ៍ ហើយក្នុងចំណោមទាំងបីប្រភេទវិញ្ញាសាដោយចេញដំណើរ និងបញ្ចប់នៅមុខព្រះបរមរាជវាំង។ លោកបានបន្ថែមថា ដើម្បីជួយសម្រួលដល់ការប្រណាំងរបស់អត្តពលិកគណៈកម្មការរៀបចំការប្រកួត ដោយទទួលបានការសហការពីសាលារាជធានីភ្នំពេញ នឹងបិទស្ពានជ្រោយចង្វាមិត្តភាពខ្មែរ-ជប៉ុនមួយព្រឹកផងដែរ៕
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC)បានបញ្ជាក់ថា គិតត្រឹមថ្ងៃទី២២ ខែឧសភា ព្រឹត្តិការណ៍រត់ប្រណាំងពាក់កណ្តាលម៉ារ៉ាតុនភ្នំពេញអន្តរជាតិលើកទី៧ទទួលបានអត្តពលិកចូលរួមប្រមាណជាជិត៥០០នាក់ហើយ ដែលអត្តពលិកទាំងនេះមកពីជាង២០ប្រទេសទូទាំងពិភពលោក។ ក្នុងនោះអត្តពលិកបរទេសមានប្រមាណជាជិត២០០នាក់ និងអត្តពលិកកម្ពុជាប្រមាណជាជិត៣០០នាក់។
លោកបានបន្ថែមទៀតថា ព្រឹត្តិការណ៍ដែលរៀបចំនៅថ្ងៃទី១៨ ខែមិថុនា ខាងមុខនេះ ធ្វើឡើងដើម្បីប្រមូលមូលនិធិជួយដល់មន្ទីរពេទ្យគន្ធបុប្ផា និងបំផុសស្មារតីប្រជាពលរដ្ឋឲ្យចូលរួមចំណែកថែរក្សាបរិស្ថានទាំងអស់គ្នាក្រោមប្រធានបទ«បរិស្ថានស្អាត ទីក្រុងបៃតង» ជាពិសេស ដើម្បីអបអរទិវាបុណ្យចម្រើនព្រះជន្មសម្តេចព្រះវររាជ្យមាតាជាតិខ្មែរ នរោត្តម មុនីនាថ សីហនុ។
អគ្គលេខាធិការ NOCC រូបនេះ បានអំពាវនាវដល់ប្រជាពលរដ្ឋ និងសិស្សានុសិស្សចុះឈ្មោះចូលរួមឲ្យបានច្រើនកុះករ និងទាន់ពេលវេលា ដើម្បីបង្កភាពងាយស្រួលដល់ក្រុមការងារក្នុងការរៀបចំសម្ភារ និងសេវាកម្មផ្សេងៗដែលបម្រើដល់ការរត់របស់អត្តពលិក។ អត្តពលិកដែលចូលរួមព្រឹត្តិការណ៍នេះ មិនត្រឹមតែទទួលបាននូវសុខភាព មិត្តភាពប៉ុណ្ណោះទេ ថែមទាំងបានរួមចំណែកក្នុងអំពើមនុស្សធម៌ថែមទៀតផង ព្រោះថវិកាដែលទទួលបានពីការចុះឈ្មោះរបស់អត្តពលិក នឹងបរិច្ចាគជូនមន្ទីរពេទ្យគន្ធបុប្ផា។
ជាមួយគ្នានេះ លោក សែម ផល្លា ប្រធានគណៈកម្មការរៀបចំការប្រកួតក៏បានអះអាងផងដែរថា ការរៀបចំព្រឹត្តិការណ៍នេះ គឺមិនមែនជាការរៀបចំ ដើម្បីស្វែងរកផលប្រយោជន៍ ឬប្រាក់ចំណេញនោះទេ ពោលគឺដើម្បីចូលរួមចំណែកបម្រើដល់អំពើមនុស្សធម៌តាមរយៈមន្ទីរពេទ្យគន្ធបុប្ផា និងដើម្បីចូលរួមថែរក្សាបរិស្ថាននៅតាមបណ្តោយទន្លេមេគង្គក្នុងទីក្រុងភ្នំពេញ។ ជាពិសេស ដើម្បីអបអរបុណ្យចម្រើនព្រះជន្មសម្តេចមហាក្រត្រី នរោត្តម មុនីនាថ សីហនុ តែម្តង។
ប្រធានគណៈកម្មការរូបនេះបានឲ្យដឹងទៀតថា ការប្រកួតនេះមាន៣ប្រភេទវិញ្ញាសាចូលរួម គឺរត់ប្រណាំងបែបកម្សាន្តចម្ងាយ៣គីឡូម៉ែត្រ, រត់លក្ខណអាជីពចម្ងាយ១០គីឡូម៉ែត្រ និង២១គីឡូម៉ែត្រដែលជាវិញ្ញាសាស្នូលប្រចាំព្រឹត្តិការណ៍ ហើយក្នុងចំណោមទាំងបីប្រភេទវិញ្ញាសាដោយចេញដំណើរ និងបញ្ចប់នៅមុខព្រះបរមរាជវាំង។ លោកបានបន្ថែមថា ដើម្បីជួយសម្រួលដល់ការប្រណាំងរបស់អត្តពលិកគណៈកម្មការរៀបចំការប្រកួត ដោយទទួលបានការសហការពីសាលារាជធានីភ្នំពេញ នឹងបិទស្ពានជ្រោយចង្វាមិត្តភាពខ្មែរ-ជប៉ុនមួយព្រឹកផងដែរ៕
Tag:
ពាក់ម៉ារ៉ាតុនភ្នំពេញឆ្នាំ២០១៧
វ៉ាត់ ចំរើន
សែម ផល្លា
© រក្សាសិទ្ធិដោយ thmeythmey.com
