សម្ដេច ហ៊ុន សែន នឹងចេញឃោសនាបក្ស នៅថ្ងៃបិទបញ្ចប់យុទ្ធនាការ

ជាតិ

នយោបាយជាតិ

សម្ដេច ហ៊ុន សែន នឹងចេញឃោសនាបក្ស នៅថ្ងៃបិទបញ្ចប់យុទ្ធនាការ

23, May 2017 , 2:41 pm

រូបភាព

ដោយ: ថ្មីៗ

ភ្នំពេញ៖ ប្រធានគណបក្សប្រជាជនកម្ពុជា សម្ដេច ហ៊ុន សែន នឹងចូលរួមដង្ហែរក្បួនឃោសនាបោះឆ្នោត នៅថ្ងៃបិទបញ្ចប់យុទ្ធនាការបោះឆ្នោតនៅថ្ងៃទី២ មិថុនា ដើម្បីសាមគ្គីភាព និងគាំទ្រដល់បេក្ខជនក្រុមប្រឹក្សាឃុំ-សង្កាត់ របស់គណបក្សប្រជាជនទូទាំងប្រទេស។

តាមរយៈហ្វេសប៊ុក នាយករដ្ឋមន្ត្រី ហ៊ុន សែន បានសរសេរដូច្នេះថា៖«សូមសមាជិកបក្សយើងរាប់លាននាក់ នៅគ្រប់ ខេត្ត ស្រុក ខ័ណ្ឌ ក្រុង ឃុំ សង្កាត់ នៅទូទាំងប្រទេសចាត់ទុកថាខ្ញុំបានចូលរួមជាមួយបងប្អួននៅគ្រប់ទីកន្លែង»។

យុទ្ធនាការឃោសនាបោះឆ្នោត មានរយៈពេល១៤ថ្ងៃ គឺចាប់ពីថ្ងៃទី២០ ឧសភា ដល់ថ្ងៃទី២ មិថុនា ដោយគជប អនុញ្ញាតឲ្យគណបក្សនយោបាយ អាចដង្ហែរក្បួនឃោសនាបានត្រឹម២ដងប៉ុណ្ណោះ។ ពលរដ្ឋទូទាំងប្រទេស នឹងត្រូវបោះឆ្នោតជ្រើសរើសក្រុមប្រឹក្សាឃុំ -សង្កាត់ នៅថ្ងៃទី៤ មិថុនា តាមកាលបរិច្ឆេទរបស់គណៈកម្មាធិការជាតិរៀបចំការបោះឆ្នោត ៕