កីឡាជាតិ
ជាតិ
Hun Sen Cup៖ កំពត យុវជនបាល់ទាត់ជាតិ សូលទីឡូ និងអាស៊ីអឺរ៉ុប មានប្រៀបក្នុងការឆ្ពោះទៅវគ្គបន្ត
ការប៉ះគ្នារវាងក្រុមអាស៊ីអឺរ៉ុប ជាមួយ ក្រុមស៊ីម៉ាក់ ក្នុងជើងទី១កាលពីពេលកន្លងទៅ
×![]()
ក្រុមកីឡាបាល់ទាត់ចំនួន៨ត្រូវប្រជែងគ្នា ដើម្បីកាត់សេចក្តីក្នុងការឈានទៅកាន់ដំណាក់កាលបន្តនៃពានរង្វាន់សម្តេច ហ៊ុន សែន ប្រចាំឆ្នាំ២០១៧ នាជំនួបជើងទី២បញ្ចប់ដំណាក់កាលទី៣នៅរសៀលថ្ងៃទី២៤ ខែឧសភា នេះ។ ក្នុងនោះក្រុមកំពត បើកទ្វារកីឡដ្ឋានរបស់ខ្លួនស្វាគមន៍ក្រុមយុវជនក្រសួងការពារជាតិ រីឯក្រុមកំពង់ធំ តទល់ជាមួយក្រុមយុវជនសាលាបាល់ទាត់ជាតិ ។ ចំណែកក្រុមកំពង់ឆ្នាំង ស្វាគមន៍ក្រុមសូលទីឡូអង្គរ ខណៈអាស៊ីអឺរ៉ុប ប្រជែងជាមួយមជ្ឈមណ្ឌលកំចាត់មីនកម្ពុជា(ស៊ីម៉ាក់)។
ក្រោយទទួលជ័យជម្នះ ១-០ កាលពីជើងទី១ក្រុមកំពត ត្រូវបើកទ្វារកីឡដ្ឋានខេត្តកំពតស្វាគមន៍ក្រុមភ្ញៀវយុវជនក្រសួងការពារជាតិក្នុងជំនួបជើងទី២នាវេលាម៉ោង៣រសៀលនេះ។ សម្រាប់ជំនួបកាត់សេចក្តី ដើម្បីឈានទៅកាន់ដំណាក់បន្តនៃពានរង្វាន់សម្តេច ហ៊ុន សែន នេះ ក្រុមយុវជនក្រសួងការពារជាតិ ត្រូវការឈ្នះដាច់ខាតលើសពី១គ្រាប់លើក្រុមកំពត ខណៈក្រុមម្ចាស់ផ្ទះត្រូវការតែស្មើប៉ុណ្ណោះសម្រាប់ឡើងទៅដំណាក់កាលទី៤។
ក្រុមកំពង់ធំ ក្រោយបរាជ័យ ៣-០ កាលពីជើងទី១ត្រូវធ្វើយ៉ាងណាប្រើភាពមានប្រៀបក្នុងនាមជាម្ចាស់ផ្ទះយកឈ្នះលើក្រុមភ្ញៀវយុវជនសាលាបាល់ទាត់ជាតិឲ្យលើសពី៣គ្រាប់ក្នុងជំនួបជើងទី២នារសៀលនេះ ដើម្បីបន្តឱកាសប្រជែងក្នុងដំណាក់បន្ត។ តែយ៉ាងណា វាមិនមែនងាយស្រួលសម្រាប់កំពង់ធំ នោះឡើយ ព្រោះក្រុមភ្ញៀវមួយនេះសម្បូរទៅដោយកីឡាករវ័យក្មេងដែលពោរពេញទៅដោយសមត្ថភាព។
ចំណែកក្រុមកំពង់ឆ្នាំង ត្រូវការធ្វើការធ្ងន់ជាងគេបន្តិចនៅរសៀលនេះក្រោយបរាជ័យ ៧-១ ក្នុងជើងទី១ គឺទាមទារឲ្យក្រុមម្ចាស់ផ្ទះមួយនេះធ្វើយ៉ាងយកឈ្នះក្រុមភ្ញៀវសូលទីឡូអង្គរយ៉ាងតិច៦គ្រាប់ក្នុងជំនួបជើងទី២លើទឹកដីរបស់ខ្លូននៅរសៀលនេះ។ តែយ៉ាងណា ក្រុមភ្ញៀវសូលទីឡូអង្គរមានភាគរយខ្ពស់ក្នុងការឈានទៅកាន់ដំណាក់បន្ត ព្រោះក្រុមនេះត្រូវការត្រឹមស្មើប៉ុណ្ណោះ។
ដោយឡែក ក្នុងជំនួបរវាងក្រុមដែលកំពុងលេងក្នុងក្របខណ្ឌមិត្តហ្វូនខេមបូឌានលីក ក្រោយទទួលជ័យជម្នះ ៣-០ កាលពីជើងទី១ គឺក្រុមអាស៊ីអឺរ៉ុបត្រូវការត្រឹមលទ្ធផលស្មើប៉ុណ្ណោះសម្រាប់ឡើងទៅកាន់ដំណាក់បន្ត ខណៈស៊ីម៉ាក់ទាមទារយ៉ាងតិច៣គ្រាប់ក្នុងជំនួបជើងទី២នាវេលាម៉ោង៣រសៀលនៅកីឡដ្ឋានស្តាតចាស់៕
កម្មវិធីប្រកួតពានរង្វាន់សម្តេច ហ៊ុន សែន ប្រចាំថ្ងៃទី២៤ ខែឧសភា ឆ្នាំ២០១៧
- ម៉ោង៣រសៀល៖ កំពត ជួប យុវជនក្រសួងការពារជាតិ នៅកីឡដ្ឋានខេត្តកំពត
- ម៉ោង៣រសៀល៖ កំពង់ធំ ជួប យុវជនសាលាបាល់ទាត់ជាតិ នៅកីឡដ្ឋានខេត្តកំពង់ធំ
- ម៉ោង៣រសៀល៖ ខេត្តកំពង់ឆ្នាំង ជួប សូលទីឡូអង្គរ នៅកីឡដ្ឋានខេត្តកំពង់ឆ្នាំង
- ម៉ោង៣រសៀល៖ អាស៊ីអឺរ៉ុប ជួប ស៊ីម៉ាក់ នៅកីឡដ្ឋានស្តាតចាស់
ក្រោយទទួលជ័យជម្នះ ១-០ កាលពីជើងទី១ក្រុមកំពត ត្រូវបើកទ្វារកីឡដ្ឋានខេត្តកំពតស្វាគមន៍ក្រុមភ្ញៀវយុវជនក្រសួងការពារជាតិក្នុងជំនួបជើងទី២នាវេលាម៉ោង៣រសៀលនេះ។ សម្រាប់ជំនួបកាត់សេចក្តី ដើម្បីឈានទៅកាន់ដំណាក់បន្តនៃពានរង្វាន់សម្តេច ហ៊ុន សែន នេះ ក្រុមយុវជនក្រសួងការពារជាតិ ត្រូវការឈ្នះដាច់ខាតលើសពី១គ្រាប់លើក្រុមកំពត ខណៈក្រុមម្ចាស់ផ្ទះត្រូវការតែស្មើប៉ុណ្ណោះសម្រាប់ឡើងទៅដំណាក់កាលទី៤។
ក្រុមកំពង់ធំ ក្រោយបរាជ័យ ៣-០ កាលពីជើងទី១ត្រូវធ្វើយ៉ាងណាប្រើភាពមានប្រៀបក្នុងនាមជាម្ចាស់ផ្ទះយកឈ្នះលើក្រុមភ្ញៀវយុវជនសាលាបាល់ទាត់ជាតិឲ្យលើសពី៣គ្រាប់ក្នុងជំនួបជើងទី២នារសៀលនេះ ដើម្បីបន្តឱកាសប្រជែងក្នុងដំណាក់បន្ត។ តែយ៉ាងណា វាមិនមែនងាយស្រួលសម្រាប់កំពង់ធំ នោះឡើយ ព្រោះក្រុមភ្ញៀវមួយនេះសម្បូរទៅដោយកីឡាករវ័យក្មេងដែលពោរពេញទៅដោយសមត្ថភាព។
ចំណែកក្រុមកំពង់ឆ្នាំង ត្រូវការធ្វើការធ្ងន់ជាងគេបន្តិចនៅរសៀលនេះក្រោយបរាជ័យ ៧-១ ក្នុងជើងទី១ គឺទាមទារឲ្យក្រុមម្ចាស់ផ្ទះមួយនេះធ្វើយ៉ាងយកឈ្នះក្រុមភ្ញៀវសូលទីឡូអង្គរយ៉ាងតិច៦គ្រាប់ក្នុងជំនួបជើងទី២លើទឹកដីរបស់ខ្លូននៅរសៀលនេះ។ តែយ៉ាងណា ក្រុមភ្ញៀវសូលទីឡូអង្គរមានភាគរយខ្ពស់ក្នុងការឈានទៅកាន់ដំណាក់បន្ត ព្រោះក្រុមនេះត្រូវការត្រឹមស្មើប៉ុណ្ណោះ។
ដោយឡែក ក្នុងជំនួបរវាងក្រុមដែលកំពុងលេងក្នុងក្របខណ្ឌមិត្តហ្វូនខេមបូឌានលីក ក្រោយទទួលជ័យជម្នះ ៣-០ កាលពីជើងទី១ គឺក្រុមអាស៊ីអឺរ៉ុបត្រូវការត្រឹមលទ្ធផលស្មើប៉ុណ្ណោះសម្រាប់ឡើងទៅកាន់ដំណាក់បន្ត ខណៈស៊ីម៉ាក់ទាមទារយ៉ាងតិច៣គ្រាប់ក្នុងជំនួបជើងទី២នាវេលាម៉ោង៣រសៀលនៅកីឡដ្ឋានស្តាតចាស់៕
កម្មវិធីប្រកួតពានរង្វាន់សម្តេច ហ៊ុន សែន ប្រចាំថ្ងៃទី២៤ ខែឧសភា ឆ្នាំ២០១៧
- ម៉ោង៣រសៀល៖ កំពត ជួប យុវជនក្រសួងការពារជាតិ នៅកីឡដ្ឋានខេត្តកំពត
- ម៉ោង៣រសៀល៖ កំពង់ធំ ជួប យុវជនសាលាបាល់ទាត់ជាតិ នៅកីឡដ្ឋានខេត្តកំពង់ធំ
- ម៉ោង៣រសៀល៖ ខេត្តកំពង់ឆ្នាំង ជួប សូលទីឡូអង្គរ នៅកីឡដ្ឋានខេត្តកំពង់ឆ្នាំង
- ម៉ោង៣រសៀល៖ អាស៊ីអឺរ៉ុប ជួប ស៊ីម៉ាក់ នៅកីឡដ្ឋានស្តាតចាស់
Tag:
Hun Sen Cup 2017
យុវជនក្រសួងការពារជាតិ
សូលទីឡូអង្គរ
© រក្សាសិទ្ធិដោយ thmeythmey.com
