ជាតិ
សេដ្ឋកិច្ច
ក្រសួងរៀបចំដែនដីបានអនុម័តលើគម្រោងសាងសង់ក្នុងតម្លៃសរុប ៤ពាន់លានដុល្លារនៅ៤ខែដើមឆ្នាំ
×![]()
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ ទាំងសមត្ថកិច្ចថ្នាក់ជាតិ និងថ្នាក់រាជធានីខេត្តបានអនុញ្ញាតលើគម្រោងសាងសង់ដែលមានតម្លៃសរុបតាមការប៉ានស្មានចំនួន ៤០២២ លានដុល្លារ កើនឡើង ៤៣ ភាគរយ បើធៀបនឹងរយៈពេលដូចគ្នាកាលឆ្នាំ២០១៦ ដែលមានទុនវិនិយោគ ២៨០៥ លានដុល្លារ។ នេះបើតាមរបាយការណ៍របស់ក្រសួងនៅថ្ងៃទី ២៣ខែឧសភា។
នៅក្នុងអំឡុងពេល ៤ខែដើមឆ្នាំនេះ ក្រសួងរៀបចំដែនដីបានអនុម័តលើគម្រោងសាងសង់ចំនួន ១០២០ លើផ្ទៃក្រឡាសំណង់សរុប ៥,៦ លានម៉ែត្រការ៉េ ធៀបនឹងរយៈពេលដូចគ្នានៅឆ្នាំ២០១៦ ដែលមានចំនួន ៧១២គម្រោង លើផ្ទៃក្រឡា ៥,៩លានដុល្លារ។
លោក ហ៊ឹម សីហា នាយកផ្នែកស្រាវជ្រាវនៃក្រុមហ៊ុន VTrust Appraisal បានថ្លែងប្រាប់សារព័ត៌មានថ្មីៗថា តួលេខនេះបានបង្ហាញពីការទុកចិត្តរបស់វិនិយោគគិនក្នុងការបោះទុនលើវិស័យសំណង់នៅកម្ពុជា។ លោកបន្ថែមថា គម្រោងសាងសង់ទាំងនេះត្រូវបានអនុម័តក្នុងអំឡុងពេលដើមឆ្នាំនេះ ប៉ុន្តែការអនុវត្តគម្រោងជាក់ស្ដែង និងមានលំហូរសាច់ប្រាក់អាចរង់ចាំពីរបីឆ្នាំទៀត។ លោកបន្តថា ការរីកចម្រើនក្នុងវិស័យសំណង់របស់កម្ពុជា នឹងបម្រើឲ្យវិស័យផ្សេងៗទៀត ដូចជាទេសចរណ៍, ការបង្កើតការងារ និងទាក់ទាញវិនិយោគពីបរទេសជាដើម។
កាលពីឆ្នាំ២០១៦ កន្លងទៅ ការអនុញ្ញាតសាងសង់ទូទាំងប្រទេសមានទឹកប្រាក់សរុប ៨៥៣៤ លានដុល្លារ លើគម្រោង ២៦៣៦ លានដុល្លារ កើនឡើង ១៥៥ភាគរយ ធៀបនឹង ៣៣៣៨លានដុល្លារ លើគម្រោងចំនួន ២៣០៥ ។ នេះបើតាមរបាយការណ៍ប្រចាំឆ្នាំរបស់ក្រសួងរៀបចំដែនដី នគរូបនីយកម្ម និងសំណង់ ៕
នៅក្នុងអំឡុងពេល ៤ខែដើមឆ្នាំនេះ ក្រសួងរៀបចំដែនដីបានអនុម័តលើគម្រោងសាងសង់ចំនួន ១០២០ លើផ្ទៃក្រឡាសំណង់សរុប ៥,៦ លានម៉ែត្រការ៉េ ធៀបនឹងរយៈពេលដូចគ្នានៅឆ្នាំ២០១៦ ដែលមានចំនួន ៧១២គម្រោង លើផ្ទៃក្រឡា ៥,៩លានដុល្លារ។
លោក ហ៊ឹម សីហា នាយកផ្នែកស្រាវជ្រាវនៃក្រុមហ៊ុន VTrust Appraisal បានថ្លែងប្រាប់សារព័ត៌មានថ្មីៗថា តួលេខនេះបានបង្ហាញពីការទុកចិត្តរបស់វិនិយោគគិនក្នុងការបោះទុនលើវិស័យសំណង់នៅកម្ពុជា។ លោកបន្ថែមថា គម្រោងសាងសង់ទាំងនេះត្រូវបានអនុម័តក្នុងអំឡុងពេលដើមឆ្នាំនេះ ប៉ុន្តែការអនុវត្តគម្រោងជាក់ស្ដែង និងមានលំហូរសាច់ប្រាក់អាចរង់ចាំពីរបីឆ្នាំទៀត។ លោកបន្តថា ការរីកចម្រើនក្នុងវិស័យសំណង់របស់កម្ពុជា នឹងបម្រើឲ្យវិស័យផ្សេងៗទៀត ដូចជាទេសចរណ៍, ការបង្កើតការងារ និងទាក់ទាញវិនិយោគពីបរទេសជាដើម។
កាលពីឆ្នាំ២០១៦ កន្លងទៅ ការអនុញ្ញាតសាងសង់ទូទាំងប្រទេសមានទឹកប្រាក់សរុប ៨៥៣៤ លានដុល្លារ លើគម្រោង ២៦៣៦ លានដុល្លារ កើនឡើង ១៥៥ភាគរយ ធៀបនឹង ៣៣៣៨លានដុល្លារ លើគម្រោងចំនួន ២៣០៥ ។ នេះបើតាមរបាយការណ៍ប្រចាំឆ្នាំរបស់ក្រសួងរៀបចំដែនដី នគរូបនីយកម្ម និងសំណង់ ៕
Tag:
សំណង់
© រក្សាសិទ្ធិដោយ thmeythmey.com
