អន្តរជាតិ
×![]()
ដោយ: ថ្មីៗ
ក្នុងដំណើរទស្សនកិច្ចទៅកាន់ទីស្នាក់ការកងទ័ពជើងទឹកចិន ប្រធានាធិបតីចិនលោក ស៊ី ជិនភីង បានជំរុញឲ្យមានការប្រឹងប្រែងបង្កើនសមត្ថភាពកងទ័ពជើងទឹកចិនឲ្យដល់កម្រិតពិភពលោក។ មេដឹកនាំចិនរូបនេះខ្វល់ខ្វាយចង់ឲ្យចិនមានអំណាចយោធាជើងទឹកកាន់តែខ្លាំង និងមានសមត្ថភាពបំពេញប្រតិបត្តិការមានប្រសិទ្ធភាពនិងនៅឆ្ងាយពីប្រទេស ដែលប្រកៀកប្រកិតជាមួយអាមេរិកនៅពេលអនាគត។
មេដឹកនាំចិនលោក ស៊ី ជិនភីង បានស្នើឲ្យមានការប្រឹងប្រែងយកចិត្តទុកដាក់លើការកសាងសមត្ថភាពកងទ័ពកងទ័ពជើងទឹកចិនឲ្យខ្លាំងដល់កម្រិតពិភពលោក និងអាចធានាបាននូវការកសាងឥទ្ធិពលរបស់ចិននៅបរទេសបាន។
ថ្លែងក្នុងពេលបំពេញទស្សនកិច្ចនៅទីស្នាក់ការកណ្តាលកងទ័ពជើងទឹកចិន លោក ស៊ី ជិនភីង បានបញ្ជាក់ថា លោកបានថ្លែងអំណរគុណដល់កងទ័ពជើងទឹកចិនដែលបានប្រឹងប្រែងបំពេញភារកិច្ចកន្លងមក។ ប៉ុន្តែលោកបានស្នើ ឲ្យកងទ័ពជើងទឹកនៃកងទ័ពរំដោះប្រជាជនចិនបន្តពង្រឹងឥទ្ធិពលរបស់ខ្លួនឲ្យខ្លាំងស្ថិតក្នុងលំដាប់ពិភពលោក។ មេដឹកនាំរូបនេះក៏ផ្តល់អនុសាសន៍បន្ថែមថា ដើម្បីសម្រេចគោលដៅ វាត្រូវការការច្នៃប្រឌិតនិងបច្ចេកវិទ្យាខ្ពស់ដែរ។
យោងតាមសារព័ត៌មាន South China Morning Post លោកស៊ី ជិនភីង បានថ្លែងដូច្នេះ៖ «ការកសាងកម្លាំងកងទ័ពជើងទឹកទំនើបនិងខ្លាំងក្លាស្ថិតក្នុងកម្រិតពិភពលោកសំខាន់បំផុតសម្រាប់ចិន។ វាជារឿងសំខាន់ដែលត្រូវផ្លាស់ប្តូរប្រទេសជាតិក្លាយជាមហាអំណាចទ័ពជើងទឹកដ៏អស្ចារ្យ។ប៉ុន្តែ ការច្នៃប្រឌិតជាសោរដ៏សំខាន់សម្រាប់ការអភិវឌ្ឍនិងផ្លាស់ប្តូរកងទ័ពជើងទឹករបស់យើង»។
រយៈពេលប៉ុន្មានឆ្នាំចុងក្រោយ កងទ័ពជើងទឹកចិនប្រឹងប្រែងពង្រឹងសមត្ថភាពរបស់ខ្លួនគួរឲ្យកត់សម្គាល់។ មន្ត្រីយោធាក្មេងត្រូវបានដំឡើងឋានន្តរស័ក្តិដើម្បីកាន់កាប់ការងារធំជាពិសេសបញ្ជាទ័ព ហើយចិនចាប់ផ្តើមប្រើប្រាស់នាវាដឹកយន្តហោះទីមួយរបស់ខ្លួនក្នុងប្រតិបត្តិការសំខាន់ៗក្នុងតំបន់ និងការបន្តកម្មវិធីសាងសង់នាវាដឹកយន្តហោះក្នុងស្រុកទីមួយថែមទៀត។
តាមពិតទៅមហាយក្សចិន ប្រឹងប្រែងរត់ឲ្យលឿន ដើម្បីតាមឲ្យបានកៀកជិតអំណាចយោធាអាមេរិក។ នេះក៏ដោយសារចិនបារម្ភពីការបង្កើនថវិកាសម្រាប់វិស័យយោធា ក៏ដូចជាគោលជំហរមិនច្បាស់លាស់របស់ក្រុងវ៉ាស៊ីនតោនក្រោមការដឹកនាំរបស់ប្រធានាធិបតី ដូណាល់ ត្រាំ ពាក់ព័ន្ធបញ្ហាសមុទ្រចិនខាងត្បូងនិងបញ្ហាតៃវ៉ាន់ជាដើមដែរ។
ចិនបន្តបង្កើនថវិកាច្រើនដែរសម្រាប់បង្កើនសមត្ថភាពយោធារបស់ខ្លួនឲ្យខ្លាំងឲ្យស័ក្តិសមជាមហាអំណាចពិភពលោក។ រដ្ឋាភិបាលចិនបានបញ្ជាក់ថា ថវិកាការពារជាតិឆ្នាំនេះត្រូវបានដំឡើងដល់ ៧ភាគរយដែលវាឡើងដល់ ១,០៤៤ ទ្រីលានយ័ន ឬ ១៥១, ៦ ពាន់លានដុល្លារអាមេរិក។ ប៉ុន្តែទំហំថវិកានេះស្មើត្រឹមមួយភាគបួននៃថវិកាដែលប្រើប្រាស់ក្នុងវិស័យការពារអាមេរិកប៉ុណ្ណោះ៕
មេដឹកនាំចិនលោក ស៊ី ជិនភីង បានស្នើឲ្យមានការប្រឹងប្រែងយកចិត្តទុកដាក់លើការកសាងសមត្ថភាពកងទ័ពកងទ័ពជើងទឹកចិនឲ្យខ្លាំងដល់កម្រិតពិភពលោក និងអាចធានាបាននូវការកសាងឥទ្ធិពលរបស់ចិននៅបរទេសបាន។
ថ្លែងក្នុងពេលបំពេញទស្សនកិច្ចនៅទីស្នាក់ការកណ្តាលកងទ័ពជើងទឹកចិន លោក ស៊ី ជិនភីង បានបញ្ជាក់ថា លោកបានថ្លែងអំណរគុណដល់កងទ័ពជើងទឹកចិនដែលបានប្រឹងប្រែងបំពេញភារកិច្ចកន្លងមក។ ប៉ុន្តែលោកបានស្នើ ឲ្យកងទ័ពជើងទឹកនៃកងទ័ពរំដោះប្រជាជនចិនបន្តពង្រឹងឥទ្ធិពលរបស់ខ្លួនឲ្យខ្លាំងស្ថិតក្នុងលំដាប់ពិភពលោក។ មេដឹកនាំរូបនេះក៏ផ្តល់អនុសាសន៍បន្ថែមថា ដើម្បីសម្រេចគោលដៅ វាត្រូវការការច្នៃប្រឌិតនិងបច្ចេកវិទ្យាខ្ពស់ដែរ។
យោងតាមសារព័ត៌មាន South China Morning Post លោកស៊ី ជិនភីង បានថ្លែងដូច្នេះ៖ «ការកសាងកម្លាំងកងទ័ពជើងទឹកទំនើបនិងខ្លាំងក្លាស្ថិតក្នុងកម្រិតពិភពលោកសំខាន់បំផុតសម្រាប់ចិន។ វាជារឿងសំខាន់ដែលត្រូវផ្លាស់ប្តូរប្រទេសជាតិក្លាយជាមហាអំណាចទ័ពជើងទឹកដ៏អស្ចារ្យ។ប៉ុន្តែ ការច្នៃប្រឌិតជាសោរដ៏សំខាន់សម្រាប់ការអភិវឌ្ឍនិងផ្លាស់ប្តូរកងទ័ពជើងទឹករបស់យើង»។
រយៈពេលប៉ុន្មានឆ្នាំចុងក្រោយ កងទ័ពជើងទឹកចិនប្រឹងប្រែងពង្រឹងសមត្ថភាពរបស់ខ្លួនគួរឲ្យកត់សម្គាល់។ មន្ត្រីយោធាក្មេងត្រូវបានដំឡើងឋានន្តរស័ក្តិដើម្បីកាន់កាប់ការងារធំជាពិសេសបញ្ជាទ័ព ហើយចិនចាប់ផ្តើមប្រើប្រាស់នាវាដឹកយន្តហោះទីមួយរបស់ខ្លួនក្នុងប្រតិបត្តិការសំខាន់ៗក្នុងតំបន់ និងការបន្តកម្មវិធីសាងសង់នាវាដឹកយន្តហោះក្នុងស្រុកទីមួយថែមទៀត។
តាមពិតទៅមហាយក្សចិន ប្រឹងប្រែងរត់ឲ្យលឿន ដើម្បីតាមឲ្យបានកៀកជិតអំណាចយោធាអាមេរិក។ នេះក៏ដោយសារចិនបារម្ភពីការបង្កើនថវិកាសម្រាប់វិស័យយោធា ក៏ដូចជាគោលជំហរមិនច្បាស់លាស់របស់ក្រុងវ៉ាស៊ីនតោនក្រោមការដឹកនាំរបស់ប្រធានាធិបតី ដូណាល់ ត្រាំ ពាក់ព័ន្ធបញ្ហាសមុទ្រចិនខាងត្បូងនិងបញ្ហាតៃវ៉ាន់ជាដើមដែរ។
ចិនបន្តបង្កើនថវិកាច្រើនដែរសម្រាប់បង្កើនសមត្ថភាពយោធារបស់ខ្លួនឲ្យខ្លាំងឲ្យស័ក្តិសមជាមហាអំណាចពិភពលោក។ រដ្ឋាភិបាលចិនបានបញ្ជាក់ថា ថវិកាការពារជាតិឆ្នាំនេះត្រូវបានដំឡើងដល់ ៧ភាគរយដែលវាឡើងដល់ ១,០៤៤ ទ្រីលានយ័ន ឬ ១៥១, ៦ ពាន់លានដុល្លារអាមេរិក។ ប៉ុន្តែទំហំថវិកានេះស្មើត្រឹមមួយភាគបួននៃថវិកាដែលប្រើប្រាស់ក្នុងវិស័យការពារអាមេរិកប៉ុណ្ណោះ៕
Tag:
ស៊ី ជិនភីង
កងទ័ពរំដោះប្រជាជនចិន
ដូណាល់ ត្រាំ
© រក្សាសិទ្ធិដោយ thmeythmey.com
