អន្តរជាតិ
អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋចិន An Fengshan ក្នុងសន្និសីទកាសែត (រូបភាព Xinhua)
×![]()
ដោយ: តន ចាន់រិទ្ធារ៉ា
ចិនដីគោក បានដាស់តឿនឲ្យកោះតៃវ៉ាន់បោះបង់គំនិតផ្ដាច់ខ្លួនទៀតទៅ ស្របពេលកោះតៃវ៉ាន់ធ្វើកំពុងសមយុទ្ធយោធាត្រៀមការពារការវាយប្រហារពីសំណាក់ក្រុងប៉េកាំង។ ចិន ប្រាប់រដ្ឋាភិបាលបក្សប្រជាធិបតេយ្យជឿនលឿនដែលកំពុងដឹកនាំកោះតៃវ៉ាន់ទៀតថា ការប្រើប្រាស់កម្លាំងយោធាដើម្បីប្រឆាំងការបង្រួបបង្រួមជាមួយដីគោក នឹងមិនផ្ដល់ផលអ្វីឡើយ។ ចិន ក៏ប្រាប់ឲ្យកោះតៃវ៉ាន់អនុវត្តតាមកិច្ចព្រមព្រៀងឆ្នាំ១៩៩២ ដែលចែងពីនយោបាយចិនតែមួយ។
កោះតៃវ៉ាន់កំពុងធ្វើសមយុទ្ធដ៏ធំបំផុត ដែលបង្ហាញពីការត្រៀមការពារខ្លួនក្នុងករណីមានការវាយប្រហារពីសំណាក់ចិនដីគោក។ ប្រធានាធិបតីតៃវ៉ាន់ Tsai Ing-wen ដែលមាននិន្នាការប្រកាសឯករាជ្យ បានត្រួតពិនិត្យសមយុទ្ធបាញ់គ្រាប់ពិតនេះដោយផ្ទាល់។ សមយុទ្ធប្រចាំឆ្នាំនេះ ធ្វើឡើងនៅលើកោះ Penghu ដែលស្ថិតនៅចន្លោះកោះតៃវ៉ាន់ និងចិនដីគោក ហើយវាក៏ចំពេលដែលទំនាក់ទំនងឆ្លងជ្រោយតៃវ៉ាន់កាន់តែតានតឹងខ្លាំង។
យ៉ាងណាក្ដី ក្រុងប៉េកាំង បានប្រាប់ឲ្យកោះតៃវ៉ាន់ឈប់គិតរឿងឯករាជ្យទៀតទៅ ដ្បិតកម្លាំងយោធាតៃវ៉ាន់មិនអាចជួយអ្វីទេ។ លោក An Fengshan អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋចិន បាននិយាយថា ការប៉ុនប៉ងរបស់កោះតៃវ៉ាន់ដែលចង់ប្រើប្រាស់កងទ័ពដើម្បីផ្ដាច់ខ្លួន គ្មានបានការអ្វីនោះទេ។ លោកបន្តថា រដ្ឋាភិបាលកាន់អំណាចនៅកោះតៃវ៉ាន់ គួរតែឈប់មានគំនិតស្រមើស្រមៃតស៊ូដើម្បីឯករាជ្យទៀតទៅ។
បើតាមទីភ្នាក់ងារព័ត៌មានរដ្ឋចិន Xinhua អ្នកនាំពាក្យខាងលើ ក៏បានដាស់តឿនឲ្យកោះតៃវ៉ាន់គោរពតាមគោលការណ៍នៃកិច្ចព្រមព្រៀងឆ្នាំ១៩៩២ ព្រោះ នេះជាផ្លូវតែមួយគត់ដែលអាចថែរក្សាការអភិវឌ្ឍដោយសន្តិភាពនៅជ្រោយតៃវ៉ាន់បាន។ កិច្ចព្រមព្រៀងឆ្នាំ១៩៩២ គឺជាលទ្ធផលនៃកិច្ចប្រជុំមន្ត្រីជាន់ខ្ពស់មកពីចិនទាំងពីរ ហើយកំណត់ថាចិនមានតែមួយប៉ុណ្ណោះ។ ប៉ុន្តែភាគីទាំងសងខាងសុទ្ធតែបានអះអាងថាខ្លួនជាតំណាងស្របច្បាប់របស់ «ចិន» ។
ទំនាក់ទំនងរវាងចិនដីគោក និងកោះតៃវ៉ាន់ មិនល្អឡើយ ក្រោយបក្សប្រជាធិបតេយ្យជឿនលឿនដែលមានជំហរប្រកាសឯករាជ្យ ឈ្នះការបោះឆ្នោតឆ្នាំ២០១៦ ។ ក្រុងប៉េកាំង ក៏បានកាត់ផ្ដាច់រាល់ទំនាក់ទំនងទាំងអស់ជាមួយតៃវ៉ាន់ ហើយម្ដងជាពីរដងបានគំរាមកោះតៃវ៉ាន់មិនឲ្យប្រកាសឯករាជ្យដាច់ខាត ដ្បិតចិនមិនរអានឹងប្រើប្រាស់កម្លាំងទ័ពដើម្បីដណ្ដើមតៃវ៉ាន់មកគ្រប់គ្រងវិញឡើយ។
ឆ្លើយតបការគំរាមរបស់ចិនដីគោក កោះតៃវ៉ាន់ បានប្រឹងប្រែងពង្រឹងវិស័យការពារជាតិរបស់ខ្លួនឥតឈប់ឈរ។ ក្រៅពីខិតខំអភិវឌ្ឍអាវុធដោយខ្លួនឯង តៃវ៉ាន់ក៏បានចំណាយសន្ធឹកសន្ធាប់ជារៀងរាល់ឆ្នាំក្នុងការទិញអាវុធពីអាមេរិក។ យ៉ាងណាក្ដី មួយរយៈពេលចុងក្រោយនេះ រដ្ឋបាលអាមេរិកថ្មី ហាក់មិនសូវខ្វល់ខ្វាយនឹងតៃវ៉ាន់ប៉ុន្មានឡើយ ព្រោះរវល់តែចាប់ដៃជាមួយចិនដើម្បីដាក់សម្ពាធលើកូរ៉េខាងជើងឯណោះ៕
កោះតៃវ៉ាន់កំពុងធ្វើសមយុទ្ធដ៏ធំបំផុត ដែលបង្ហាញពីការត្រៀមការពារខ្លួនក្នុងករណីមានការវាយប្រហារពីសំណាក់ចិនដីគោក។ ប្រធានាធិបតីតៃវ៉ាន់ Tsai Ing-wen ដែលមាននិន្នាការប្រកាសឯករាជ្យ បានត្រួតពិនិត្យសមយុទ្ធបាញ់គ្រាប់ពិតនេះដោយផ្ទាល់។ សមយុទ្ធប្រចាំឆ្នាំនេះ ធ្វើឡើងនៅលើកោះ Penghu ដែលស្ថិតនៅចន្លោះកោះតៃវ៉ាន់ និងចិនដីគោក ហើយវាក៏ចំពេលដែលទំនាក់ទំនងឆ្លងជ្រោយតៃវ៉ាន់កាន់តែតានតឹងខ្លាំង។
យ៉ាងណាក្ដី ក្រុងប៉េកាំង បានប្រាប់ឲ្យកោះតៃវ៉ាន់ឈប់គិតរឿងឯករាជ្យទៀតទៅ ដ្បិតកម្លាំងយោធាតៃវ៉ាន់មិនអាចជួយអ្វីទេ។ លោក An Fengshan អ្នកនាំពាក្យការិយាល័យកិច្ចការតៃវ៉ាន់នៃក្រុមប្រឹក្សារដ្ឋចិន បាននិយាយថា ការប៉ុនប៉ងរបស់កោះតៃវ៉ាន់ដែលចង់ប្រើប្រាស់កងទ័ពដើម្បីផ្ដាច់ខ្លួន គ្មានបានការអ្វីនោះទេ។ លោកបន្តថា រដ្ឋាភិបាលកាន់អំណាចនៅកោះតៃវ៉ាន់ គួរតែឈប់មានគំនិតស្រមើស្រមៃតស៊ូដើម្បីឯករាជ្យទៀតទៅ។
បើតាមទីភ្នាក់ងារព័ត៌មានរដ្ឋចិន Xinhua អ្នកនាំពាក្យខាងលើ ក៏បានដាស់តឿនឲ្យកោះតៃវ៉ាន់គោរពតាមគោលការណ៍នៃកិច្ចព្រមព្រៀងឆ្នាំ១៩៩២ ព្រោះ នេះជាផ្លូវតែមួយគត់ដែលអាចថែរក្សាការអភិវឌ្ឍដោយសន្តិភាពនៅជ្រោយតៃវ៉ាន់បាន។ កិច្ចព្រមព្រៀងឆ្នាំ១៩៩២ គឺជាលទ្ធផលនៃកិច្ចប្រជុំមន្ត្រីជាន់ខ្ពស់មកពីចិនទាំងពីរ ហើយកំណត់ថាចិនមានតែមួយប៉ុណ្ណោះ។ ប៉ុន្តែភាគីទាំងសងខាងសុទ្ធតែបានអះអាងថាខ្លួនជាតំណាងស្របច្បាប់របស់ «ចិន» ។
ទំនាក់ទំនងរវាងចិនដីគោក និងកោះតៃវ៉ាន់ មិនល្អឡើយ ក្រោយបក្សប្រជាធិបតេយ្យជឿនលឿនដែលមានជំហរប្រកាសឯករាជ្យ ឈ្នះការបោះឆ្នោតឆ្នាំ២០១៦ ។ ក្រុងប៉េកាំង ក៏បានកាត់ផ្ដាច់រាល់ទំនាក់ទំនងទាំងអស់ជាមួយតៃវ៉ាន់ ហើយម្ដងជាពីរដងបានគំរាមកោះតៃវ៉ាន់មិនឲ្យប្រកាសឯករាជ្យដាច់ខាត ដ្បិតចិនមិនរអានឹងប្រើប្រាស់កម្លាំងទ័ពដើម្បីដណ្ដើមតៃវ៉ាន់មកគ្រប់គ្រងវិញឡើយ។
ឆ្លើយតបការគំរាមរបស់ចិនដីគោក កោះតៃវ៉ាន់ បានប្រឹងប្រែងពង្រឹងវិស័យការពារជាតិរបស់ខ្លួនឥតឈប់ឈរ។ ក្រៅពីខិតខំអភិវឌ្ឍអាវុធដោយខ្លួនឯង តៃវ៉ាន់ក៏បានចំណាយសន្ធឹកសន្ធាប់ជារៀងរាល់ឆ្នាំក្នុងការទិញអាវុធពីអាមេរិក។ យ៉ាងណាក្ដី មួយរយៈពេលចុងក្រោយនេះ រដ្ឋបាលអាមេរិកថ្មី ហាក់មិនសូវខ្វល់ខ្វាយនឹងតៃវ៉ាន់ប៉ុន្មានឡើយ ព្រោះរវល់តែចាប់ដៃជាមួយចិនដើម្បីដាក់សម្ពាធលើកូរ៉េខាងជើងឯណោះ៕
Tag:
ចិន
តៃវ៉ាន់
© រក្សាសិទ្ធិដោយ thmeythmey.com
