ជាតិ
និស្សិតកម្ពុជា ៦រូប ត្រូវបានជ្រើសរើសឲ្យចូលរួមសន្និសីទគំរូអង្គការសហប្រជាជាតិក្រុងប៉េកាំង
រូបភាព៖ Depeartment of International Studies
×![]()
ធនាគារចិន (Bank of China) និងសាកលវិទ្យាល័យការបរទេសចិន (China Foreign Affairs University) បានឧបត្ថម្ភគាំទ្រដល់និស្សិតសាកលវិទ្យាល័យភូមិន្ទភ្នំពេញចំនួនប្រាំមួយរូបដើម្បីទៅចូលរួមសន្និសីទគំរូអង្គការសហប្រជាជាតិក្រុងប៉េកាំង (Beijing International Model United Nations) នៅខែមិថុនាខាងមុខ។
និស្សិតសាកលវិទ្យាល័យភូមិន្ទភ្នំពេញចំនួនប្រាំមួយរូបត្រូវបានជ្រើសរើសឲ្យទៅចូលរួមក្នុងសន្និសីទគំរូអង្គការសហប្រជាជាតិនៅក្រុងប៉េកាំង ដែលនឹងត្រូវប្រារព្ធឡើងពីថ្ងៃទី ៨ ដល់ថ្ងៃទី ១១ ខែមិថុនាខាងមុខនេះ។ សាកលវិទ្យាល័យការបរទេសចិន (China Foreign Affairs University) និង ធនាគារចិនសាខាភ្នំពេញ (Bank of China) ជាអ្នកជួយឧបត្ថម្ភគាំទ្រដល់ការចូលរួមរបស់និស្សិតកម្ពុជាទាំងប្រាំមួយរូបក្នុងសន្និសីទនេះ។
ក្នុងកម្មវិធីជូនដំណើរនិស្សិតជាផ្លូវការនាព្រឹកថ្ងៃព្រហស្បតិ៍ទី ២៥ ឧសភា នាយកប្រតិបត្តិធនាគារចិនសាខាភ្នំពេញលោក Chen Changjiang បានអបអរសាទរដល់និស្សិតទាំងប្រាំមួយរូបដែលត្រូវបានជ្រើសរើសឲ្យចូលរួមក្នុងសន្និសីទគំរូដ៏សំខាន់នេះ។
(នាយកប្រតិបត្តិធនាគារចិនសាខាភ្នំពេញ លោក Chen Changjiang )
និស្សិតទាំងប្រាំមួយរូបតំណាងឲ្យសាកលវិទ្យាល័យភូមិន្ទភ្នំពេញដែលនឹងចូលរួមសន្និសីទគំរូអង្គការសហប្រជាជាតិនេះមានដូចជា និស្សិត ចាន់ភិរុន,និស្សិត ចាន់ ពិទូ, និស្សិត គីម ការីនណា, និស្សិត ប៉ូរា ស៊ុនហ្សូលីណែត, និស្សិត ស៊ុន សិទ្ធិគុណ និងនិស្សិត ម៉ុម សុត្ថាវត្តី។
លោក Chen Changjiang សង្ឃឹមថា ការជួយឧបត្ថម្ភដល់និស្សិតកម្ពុជានេះជាការចូលរួមចំណែកលើកស្ទួយកិច្ចសហប្រតិបត្តិការរវាងកម្ពុជានិងចិន ក៏ដូចជាលើកស្ទួយការពង្រឹងទំនាក់ទំនងនិងការផ្សាភ្ជាប់រវាងប្រជាជននិងប្រជាជនរវាងប្រទេសទាំងពីរ។ លោកបន្ថែមថា វាក៏នឹងចូលរួមដល់ការអភិវឌ្ឍធនធានមនុស្សកម្ពុជា ដើម្បីការអភិវឌ្ឍយូរអង្វែងផងដែរ។
ដោយឡែក ក្នុងឱកាសនោះដែរ លោក សោម រតនា សាកលវិទ្យាធិការរងនៃសាកលវិទ្យាល័យភូមិន្ទភ្នំពេញ ក៏បានថ្លែងអំណរគុណដល់ធនាគារចិន ដែលបានរួមចំណែកយ៉ាងសំខាន់ក្នុងការពង្រឹងចំណងមិត្តភាព និងការផ្សាភ្ជាប់រវាងប្រជាជនកម្ពុជា-ចិន និងនឹងចូលអភិវឌ្ឍធនធានមនុស្ស តាមរយៈការគាំទ្រឲ្យនិស្សិតកម្ពុជាទៅចូលរួមកម្មវិធីដ៏សំខាន់នៅចិននេះ។
លោកបន្តថា វាជាកិច្ចសហប្រតិបត្តិការលក្ខណៈមិត្តភាពលើកដំបូងរវាងធនាគារចិននិងសាកលវិទ្យាល័យភូមិន្ទភ្នំពេញ ហើយលោកសង្ឃឹមថានឹងមានកិច្ចសហប្រតិបត្តិការផ្សេងទៀតជាច្រើននៅពេលខាងមុខ។
ឆ្លៀតឱកាសនេះសាលវិទ្យាធិការរងសាកលវិទ្យាល័យភូមិន្ទភ្នំពេញ ក៏បានផ្តាំផ្ញើឲ្យនិស្សិតកម្ពុជាទាំងប្រាំមួយរូបដែលនឹងតំណាងឲ្យកម្ពុជាលើឆាកអន្តរជាតិ ចែករម្លែកចំណេះដឹងដែលខ្លួនមាន និងប្រឹងប្រែងរៀនសូត្រយកចំណេះដឹងថ្មីពីការចូលរួមក្នុងកម្មវិធីដ៏សំខាន់នេះ។
(កញ្ញា ប៉ូរា ស៊ុនហ្សូលីណែត នៅលេខរៀងទីបីរាប់ពីស្តាំ)
ចំណែក តំណាងនិស្សិតទាំងប្រាំមួយរូប កញ្ញា ប៉ូរា ស៊ុនហ្សូលីណែត ដែលជានិស្សិតឆ្នាំទីបីនៃដេប៉ាតឺម៉ង់សិក្សាអន្តរជាតិ ប្រាប់សារព័ត៌មានថ្មីៗថា កញ្ញាមានអារម្មណ៍រីករាយក្នុងនាមជាបេក្ខជនមួយរូបដែលមានឱកាសចូលរួមសន្និសីទអន្តរជាតិដ៏សំខាន់នេះ។ ជាតំណាងសាកលវិទ្យាល័យភូមិន្ទភ្នំពេញ និងជាតំណាងឲ្យនិស្សិតកម្ពុជាផង កញ្ញារំពឹងថា ការចូលរួមក្នុងសន្និសីទនេះនឹងផ្តល់មានឱកាសជជែកពិភាក្សាជាមួយនិស្សិតផ្សេងទៀតពីបញ្ហាប្រឈមជាក់ស្តែងរបស់ពិភពលោក និងរៀនសូត្របានច្រើនពីនីតិវីធីក្នុងកិច្ចប្រជុំ ក៏ដូចជាពង្រឹងសមត្ថភាពថ្លែងសុន្ទរកថា និងនិយាយជាសាធារណៈជាដើមផង។
សូមស្តាប់ការសម្ភាសរវាងលោក សៅ ផលនិស្ស័យ និងកញ្ញា ប៉ូរា ស៊ុនហ្សូលីណែត ៖
និស្សិតសាកលវិទ្យាល័យភូមិន្ទភ្នំពេញចំនួនប្រាំមួយរូបត្រូវបានជ្រើសរើសឲ្យទៅចូលរួមក្នុងសន្និសីទគំរូអង្គការសហប្រជាជាតិនៅក្រុងប៉េកាំង ដែលនឹងត្រូវប្រារព្ធឡើងពីថ្ងៃទី ៨ ដល់ថ្ងៃទី ១១ ខែមិថុនាខាងមុខនេះ។ សាកលវិទ្យាល័យការបរទេសចិន (China Foreign Affairs University) និង ធនាគារចិនសាខាភ្នំពេញ (Bank of China) ជាអ្នកជួយឧបត្ថម្ភគាំទ្រដល់ការចូលរួមរបស់និស្សិតកម្ពុជាទាំងប្រាំមួយរូបក្នុងសន្និសីទនេះ។
ក្នុងកម្មវិធីជូនដំណើរនិស្សិតជាផ្លូវការនាព្រឹកថ្ងៃព្រហស្បតិ៍ទី ២៥ ឧសភា នាយកប្រតិបត្តិធនាគារចិនសាខាភ្នំពេញលោក Chen Changjiang បានអបអរសាទរដល់និស្សិតទាំងប្រាំមួយរូបដែលត្រូវបានជ្រើសរើសឲ្យចូលរួមក្នុងសន្និសីទគំរូដ៏សំខាន់នេះ។
(នាយកប្រតិបត្តិធនាគារចិនសាខាភ្នំពេញ លោក Chen Changjiang )
និស្សិតទាំងប្រាំមួយរូបតំណាងឲ្យសាកលវិទ្យាល័យភូមិន្ទភ្នំពេញដែលនឹងចូលរួមសន្និសីទគំរូអង្គការសហប្រជាជាតិនេះមានដូចជា និស្សិត ចាន់ភិរុន,និស្សិត ចាន់ ពិទូ, និស្សិត គីម ការីនណា, និស្សិត ប៉ូរា ស៊ុនហ្សូលីណែត, និស្សិត ស៊ុន សិទ្ធិគុណ និងនិស្សិត ម៉ុម សុត្ថាវត្តី។
លោក Chen Changjiang សង្ឃឹមថា ការជួយឧបត្ថម្ភដល់និស្សិតកម្ពុជានេះជាការចូលរួមចំណែកលើកស្ទួយកិច្ចសហប្រតិបត្តិការរវាងកម្ពុជានិងចិន ក៏ដូចជាលើកស្ទួយការពង្រឹងទំនាក់ទំនងនិងការផ្សាភ្ជាប់រវាងប្រជាជននិងប្រជាជនរវាងប្រទេសទាំងពីរ។ លោកបន្ថែមថា វាក៏នឹងចូលរួមដល់ការអភិវឌ្ឍធនធានមនុស្សកម្ពុជា ដើម្បីការអភិវឌ្ឍយូរអង្វែងផងដែរ។
ដោយឡែក ក្នុងឱកាសនោះដែរ លោក សោម រតនា សាកលវិទ្យាធិការរងនៃសាកលវិទ្យាល័យភូមិន្ទភ្នំពេញ ក៏បានថ្លែងអំណរគុណដល់ធនាគារចិន ដែលបានរួមចំណែកយ៉ាងសំខាន់ក្នុងការពង្រឹងចំណងមិត្តភាព និងការផ្សាភ្ជាប់រវាងប្រជាជនកម្ពុជា-ចិន និងនឹងចូលអភិវឌ្ឍធនធានមនុស្ស តាមរយៈការគាំទ្រឲ្យនិស្សិតកម្ពុជាទៅចូលរួមកម្មវិធីដ៏សំខាន់នៅចិននេះ។
លោកបន្តថា វាជាកិច្ចសហប្រតិបត្តិការលក្ខណៈមិត្តភាពលើកដំបូងរវាងធនាគារចិននិងសាកលវិទ្យាល័យភូមិន្ទភ្នំពេញ ហើយលោកសង្ឃឹមថានឹងមានកិច្ចសហប្រតិបត្តិការផ្សេងទៀតជាច្រើននៅពេលខាងមុខ។
ឆ្លៀតឱកាសនេះសាលវិទ្យាធិការរងសាកលវិទ្យាល័យភូមិន្ទភ្នំពេញ ក៏បានផ្តាំផ្ញើឲ្យនិស្សិតកម្ពុជាទាំងប្រាំមួយរូបដែលនឹងតំណាងឲ្យកម្ពុជាលើឆាកអន្តរជាតិ ចែករម្លែកចំណេះដឹងដែលខ្លួនមាន និងប្រឹងប្រែងរៀនសូត្រយកចំណេះដឹងថ្មីពីការចូលរួមក្នុងកម្មវិធីដ៏សំខាន់នេះ។
(កញ្ញា ប៉ូរា ស៊ុនហ្សូលីណែត នៅលេខរៀងទីបីរាប់ពីស្តាំ)
ចំណែក តំណាងនិស្សិតទាំងប្រាំមួយរូប កញ្ញា ប៉ូរា ស៊ុនហ្សូលីណែត ដែលជានិស្សិតឆ្នាំទីបីនៃដេប៉ាតឺម៉ង់សិក្សាអន្តរជាតិ ប្រាប់សារព័ត៌មានថ្មីៗថា កញ្ញាមានអារម្មណ៍រីករាយក្នុងនាមជាបេក្ខជនមួយរូបដែលមានឱកាសចូលរួមសន្និសីទអន្តរជាតិដ៏សំខាន់នេះ។ ជាតំណាងសាកលវិទ្យាល័យភូមិន្ទភ្នំពេញ និងជាតំណាងឲ្យនិស្សិតកម្ពុជាផង កញ្ញារំពឹងថា ការចូលរួមក្នុងសន្និសីទនេះនឹងផ្តល់មានឱកាសជជែកពិភាក្សាជាមួយនិស្សិតផ្សេងទៀតពីបញ្ហាប្រឈមជាក់ស្តែងរបស់ពិភពលោក និងរៀនសូត្របានច្រើនពីនីតិវីធីក្នុងកិច្ចប្រជុំ ក៏ដូចជាពង្រឹងសមត្ថភាពថ្លែងសុន្ទរកថា និងនិយាយជាសាធារណៈជាដើមផង។
សូមស្តាប់ការសម្ភាសរវាងលោក សៅ ផលនិស្ស័យ និងកញ្ញា ប៉ូរា ស៊ុនហ្សូលីណែត ៖
Tag:
Bank of China
សាកលវិទ្យាល័យភូមិន្ទភ្នំពេញ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
