អន្តរជាតិ
ទ័ពហ្វីលីពីនសម្រេចប្រើរ៉ុក្កែតនាំផ្លូវក្នុងប្រតិបត្តិការបោសសម្អាតភេរវជននៅក្រុង Marawi
×![]()
យោធាហ្វីលីពីនបានសម្រេចប្រើប្រាស់រ៉ុក្កែតនាំផ្លូវបាញ់ចេញពីឧទ្ធម្ភាគចក្រ ដើម្បីវាយប្រហារលើទីតាំងក្រុមភេរវជននៅក្រុង Marawi នាកោះមិនដាណាវ ជាលើកដំបូងបំផុត។ ការសម្រេចប្រើប្រាស់កម្លាំងទ័ពទ្រង់ទ្រាយធំនេះកើតឡើងក្រោយប្រធានាធិបតីប្រកាសប្រើប្រាស់ច្បាប់អាជ្ញាសឹកនៅលើកោះទាំងមូលកាលពីថ្ងៃអង្គារ។
គ្រាប់រ៉ុក្កែតនាំផ្លូវត្រូវបានប្រើប្រាស់ជាលើកដំបូងដើម្បីប្រឆាំងក្រុមបណ្តាញភេរវជនដែ្ហឬក្រុមរដ្ឋឥស្លាមនៅក្រុង Marawi កោះមិនដាណាវនៅសប្តាហ៍នេះ។ វាជាការប្រើប្រាស់កម្លាំងទ័ពទ្រង់ទ្រាយធំជាលើកដំបូងបំផុត ដើម្បីឆ្លើយតបក្រុមភេរវជននៅក្នុងប្រទេសនេះ។
មេបញ្ជាការទ័ពប្រចាំកោះមិនដាណាវឧត្តមសេនីយ៍ Carlito Galvez បានថ្លែងប្រាប់ទីភ្នាក់ងារព័ត៌មាន Reuters ថា ៖«យើងកំពុងព្យាយាមប្រើប្រាស់កម្លាំងទ័ពក្នុងកម្រិតអតិបរមា។ គោលដៅធំបំផុតរបស់យើងដែលប្រើប្រាស់កម្លាំងបែបនេះក៏ដើម្បីដោះស្រាយបញ្ហាចលាចលគ្មានច្បាប់ទម្លាប់ និងស្តារសណ្តាប់ធ្នាប់សាធារណៈឡើងវិញនៅក្រុង Marawi។ ដូច្នេះហើយប្រជាជនយើងនៅទីនេះអាចត្រឡប់ទៅធ្វើពិធីបុណ្យ Ramadan វិញបាន»។
មន្ត្រីជាន់ខ្ពស់រូបនេះសង្ឃឹមថា ការបោសសម្អាតក្រុមភេរវជននេះអាចនឹងជោគជ័យក្នុងរយៈពេលបីថ្ងៃខាងមុខ ហើយប្រជាជនដែលរស់នៅក្នុងទីក្រុងនេះអាចប្រារព្ធពិធីបុណ្យសាសនាបានដោយរាល់ដងវិញ។
ចាប់ពីថ្ងៃអង្គារក្រោយប្រធានាធិបតី រ៉ូឌ្រីហ្គោ ឌូទើតេ ប្រកាសដាក់កោះមិនដាណាវទាំងមូលក្រោមច្បាប់អាជ្ញាសឹក កងទ័ពហ្វីលីពីនបង្កើនការប្រើប្រាស់កម្លាំងកាន់តែខ្លាំងប្រឆាំងក្រុមភេរវជន Maute ដែលជាបណ្តាញក្រុមភេរវជនដែស្ហ។ ហើយការប៉ះទង្គិចគ្នានេះ កើតឡើងក្រោយពេលកងកម្លាំងប្រដាប់អាវុធរដ្ឋាភិបាលវាយឆ្មក់ចូលផ្ទះមួយដែលគេជឿជាក់ថា កន្លែងដែលមេដឹកនាំក្រុមអាប៊ូសាយ៉ាវ (Abu Sayyaf) Isnilon Hapilon កំពុងលាក់ខ្លួន។
ខណៈដែលការប្រយុទ្ធបន្តទៅមុខទៀត អ្នកនាំពាក្យកងទ័ពហ្វីលីពីន Jo-ar Herrera បានលើកឡើងផងដែរថា វាជាការលំបាកបំផុតសម្រាប់ប្រជាជនមិនដាណាវក្នុងពេលដែលពិធីបុណ្យសាសនា Ramadan ចាប់ផ្តើម ប៉ុន្តែពួកគេមិនអាចប្រារព្ធបានស្រួលបួលដូចសព្វមួយដង។
«វាជារឿងខ្លោចផ្សាណាស់សម្រាប់ប្រជាជនមិនដាណាវ ក្នុងពេលដែលពិធីបុណ្យ Ramadan ចាប់ផ្តើម ប៉ុន្តែសកម្មភាពកងទ័ពយើងគឺដើម្បីការពារក្រុង Marawi ។ វាជាផលប៉ះពាល់ដែលបង្កដោយក្រុមភេរវជនក្នុងស្រុក»។
ក្នុងការប្រយុទ្ធដណ្តើមដណ្តើមយកក្រុង Marawi រដ្ឋាភិបាលហ្វីលីពីនបានសម្លាប់សមាជិកក្រុមឧទ្ទាម Maute យ៉ាងហោចណាស់ ៤១ នាក់ក្នុងនោះមានទាំងសកម្មប្រយុទ្ធជនជាតិម៉ាឡេស៊ី និងឥណ្ឌូណេស៊ីផងដែរ។ ចំណែករដ្ឋាភិបាលវិញ កងទ័ព ១៣ នាក់បានស្លាប់បាត់បង់ជីវិតក្នុងប្រតិបត្តិការសឹកនេះ៕
គ្រាប់រ៉ុក្កែតនាំផ្លូវត្រូវបានប្រើប្រាស់ជាលើកដំបូងដើម្បីប្រឆាំងក្រុមបណ្តាញភេរវជនដែ្ហឬក្រុមរដ្ឋឥស្លាមនៅក្រុង Marawi កោះមិនដាណាវនៅសប្តាហ៍នេះ។ វាជាការប្រើប្រាស់កម្លាំងទ័ពទ្រង់ទ្រាយធំជាលើកដំបូងបំផុត ដើម្បីឆ្លើយតបក្រុមភេរវជននៅក្នុងប្រទេសនេះ។
មេបញ្ជាការទ័ពប្រចាំកោះមិនដាណាវឧត្តមសេនីយ៍ Carlito Galvez បានថ្លែងប្រាប់ទីភ្នាក់ងារព័ត៌មាន Reuters ថា ៖«យើងកំពុងព្យាយាមប្រើប្រាស់កម្លាំងទ័ពក្នុងកម្រិតអតិបរមា។ គោលដៅធំបំផុតរបស់យើងដែលប្រើប្រាស់កម្លាំងបែបនេះក៏ដើម្បីដោះស្រាយបញ្ហាចលាចលគ្មានច្បាប់ទម្លាប់ និងស្តារសណ្តាប់ធ្នាប់សាធារណៈឡើងវិញនៅក្រុង Marawi។ ដូច្នេះហើយប្រជាជនយើងនៅទីនេះអាចត្រឡប់ទៅធ្វើពិធីបុណ្យ Ramadan វិញបាន»។
មន្ត្រីជាន់ខ្ពស់រូបនេះសង្ឃឹមថា ការបោសសម្អាតក្រុមភេរវជននេះអាចនឹងជោគជ័យក្នុងរយៈពេលបីថ្ងៃខាងមុខ ហើយប្រជាជនដែលរស់នៅក្នុងទីក្រុងនេះអាចប្រារព្ធពិធីបុណ្យសាសនាបានដោយរាល់ដងវិញ។
ចាប់ពីថ្ងៃអង្គារក្រោយប្រធានាធិបតី រ៉ូឌ្រីហ្គោ ឌូទើតេ ប្រកាសដាក់កោះមិនដាណាវទាំងមូលក្រោមច្បាប់អាជ្ញាសឹក កងទ័ពហ្វីលីពីនបង្កើនការប្រើប្រាស់កម្លាំងកាន់តែខ្លាំងប្រឆាំងក្រុមភេរវជន Maute ដែលជាបណ្តាញក្រុមភេរវជនដែស្ហ។ ហើយការប៉ះទង្គិចគ្នានេះ កើតឡើងក្រោយពេលកងកម្លាំងប្រដាប់អាវុធរដ្ឋាភិបាលវាយឆ្មក់ចូលផ្ទះមួយដែលគេជឿជាក់ថា កន្លែងដែលមេដឹកនាំក្រុមអាប៊ូសាយ៉ាវ (Abu Sayyaf) Isnilon Hapilon កំពុងលាក់ខ្លួន។
ខណៈដែលការប្រយុទ្ធបន្តទៅមុខទៀត អ្នកនាំពាក្យកងទ័ពហ្វីលីពីន Jo-ar Herrera បានលើកឡើងផងដែរថា វាជាការលំបាកបំផុតសម្រាប់ប្រជាជនមិនដាណាវក្នុងពេលដែលពិធីបុណ្យសាសនា Ramadan ចាប់ផ្តើម ប៉ុន្តែពួកគេមិនអាចប្រារព្ធបានស្រួលបួលដូចសព្វមួយដង។
«វាជារឿងខ្លោចផ្សាណាស់សម្រាប់ប្រជាជនមិនដាណាវ ក្នុងពេលដែលពិធីបុណ្យ Ramadan ចាប់ផ្តើម ប៉ុន្តែសកម្មភាពកងទ័ពយើងគឺដើម្បីការពារក្រុង Marawi ។ វាជាផលប៉ះពាល់ដែលបង្កដោយក្រុមភេរវជនក្នុងស្រុក»។
ក្នុងការប្រយុទ្ធដណ្តើមដណ្តើមយកក្រុង Marawi រដ្ឋាភិបាលហ្វីលីពីនបានសម្លាប់សមាជិកក្រុមឧទ្ទាម Maute យ៉ាងហោចណាស់ ៤១ នាក់ក្នុងនោះមានទាំងសកម្មប្រយុទ្ធជនជាតិម៉ាឡេស៊ី និងឥណ្ឌូណេស៊ីផងដែរ។ ចំណែករដ្ឋាភិបាលវិញ កងទ័ព ១៣ នាក់បានស្លាប់បាត់បង់ជីវិតក្នុងប្រតិបត្តិការសឹកនេះ៕
© រក្សាសិទ្ធិដោយ thmeythmey.com
