ជាតិ
បទយកការណ៍ / បទសម្ភាសន៍
CPP មានតំណាងខ្មែរឥស្លាមពេញប្រទេស ខណៈ CNRP រំពឹងទទួលបានកម្លាំងគាំទ្របន្ថែម
រូបភាពពី ហ្វេសប៊ុក
×![]()
សហគមន៍ខ្មែរឥស្លាម ចូលរួមយ៉ាងផុសផុលក្នុងការអភិវឌ្ឍន៍មូលដ្ឋាន។ នាអំឡុងពេលនៃយុទ្ធនាការបោះឆ្នោតក្រុមប្រឹក្សាឃុំ-សង្កាត់អាណត្តិទី៤នេះ សហគមន៍ខ្មែរឥស្លាមបានចូលរួមដ៏គួរឲ្យកត់សម្គាល់ផងដែរ ជាពិសេសក្នុងចលនារបស់គណបក្សប្រជាជនកម្ពុជា និងគណបក្សសង្គ្រោះជាតិ។
លោក អ៊ីសា អូស្មាន ជាប្រធានចលនាខ្មែរឥស្លាមគណបក្សសង្គ្រោះជាតិយល់ថា គ្រប់ គណបក្សនយោបាយទាំងអស់ សុទ្ធសឹងត្រូវការ ការចូលរួមពីសហគមន៍ខ្មែរឥស្លាម ដើម្បី ទទួលបានការគាំទ្រដ៏ធំមួយ។ គណបក្សប្រជាជនកម្ពុជា ដែលកាន់អំណាច មានកម្លាំងគាំទ្រយ៉ាងផុសផុលពីសហគមន៍ខ្មែរឥស្លាម ដូចមានតំណាងទូទាំងប្រទេស ហើយគណបក្សសង្គ្រោះជាតិរំពឹងផងដែរថា ពួកគេអាចទទួលបានការគាំទ្រកាន់តែច្រើន។
សូមអានបទសម្ភាសរវាងអ្នកសារព័ត៌មានថ្មីៗ និងលោក អ៊ីសា អូស្មាន ដូចតទៅ៖
រ៉ហានី៖ ហេតុអ្វីបានគណបក្សនយោបាយទាំងអស់ ប្រឹងរក សំឡេងចូលរួមពីសហគមន៍ខ្មែរឥស្លាម?
លោក អ៊ីសា អូស្មាន៖ គណបក្សនយោបាយទាំងអស់ ដែលត្រូវការកម្លាំងខ្មែរឥស្លាមនេះ គឺចង់បង្ហាញថា នៅកម្ពុជាអត់មានរើសអើងអ្នកកាន់សាសនាឥស្លាមទេ គឺចាត់ទុកខ្មែរឥស្លាម ជាមនុស្សនៅក្នុងក្រុមគ្រួសារតែមួយ។ ចឹងហើយបានជាគណបក្សធំៗ មានគណបក្ស សង្គ្រោះជាតិក៏ត្រូវការខ្មែរឥស្លាមចូលរួម ខាងគណបក្សប្រជាជនក៏គេត្រូវការខ្មែរឥស្លាមចូល រួម ហើយគណបក្សតូចៗដទៃទៀត ក៏ត្រូវការដូចគ្នា។ នេះបង្ហាញថា កម្ពុជាផ្តល់តម្លៃដល់ខ្មែរឥស្លាម និងចាត់ទុកអ្នកកាន់សាសនាឥស្លាមជាមនុស្សនៅក្នុងក្រុមគ្រួសារតែមួយ។
រ៉ហានី៖ តើគណបក្សសង្គ្រោះជាតិរបស់លោក មានគោលនយោបាយបែបណា ដើម្បីទាញ សំឡេងគាំទ្រពីខ្មែរឥស្លាម?
លោក អ៊ីសា អូស្មាន៖ ពិតណាស់ គណបក្សសង្គ្រោះជាតិតែងផ្តល់តម្លៃដល់ខ្មែរឥស្លាម។ កន្លែងខ្លះខ្ញុំសង្កេតឃើញថា បានផ្តល់តម្លៃដល់បុគ្គលខ្មែរឥស្លាមច្រើនជាងខ្មែរទៅទៀត ដោយមិនគិតពីប្រវត្ដិតស៊ូ មិនគិតពីជីវភាព ឲ្យតែគាត់ហ៊ានចេញមុខគាំទ្រ គណបក្សសង្គ្រោះជាតិ។ កន្លែងណាដែលមានខ្មែរឥស្លាមរស់នៅច្រើន ឃុំណាដែលមានខ្មែរឥស្លាមរស់នៅច្រើន ជាទូទៅគណបក្សសង្គ្រោះជាតិ តែងលើកកម្ពស់ឲ្យបេក្ខជនឈរលេខមួយ គឺជាខ្មែរឥស្លាម។ បើឃុំខ្លះ មានខ្មែរឥស្លាមដែរ តែមិនច្រើន ក៏ដាក់លេខរៀងទី២ ឬបន្តបន្ទាប់ដែរ។
គណបក្សសង្គ្រោះជាតិបង្ហាញឲ្យប្រជាពលរដ្ឋខ្មែរឥស្លាមទូទៅដឹងថា គណបក្សនេះមិនរើស អើងខ្មែរឥស្លាមជាដាច់ខាត គឺតែងផ្តល់តម្លៃ លើកកម្ពស់ ហើយធានាថា ពេលគណបក្សសង្គ្រោះជាតិដឹកនាំប្រទេស ខ្មែរឥស្លាមនៅតែមានសេរីភាពគ្រប់បែបយ៉ាងនៅក្នុង ការគោរពប្រតិបត្តិសាសនារបស់ខ្លួន ហើយជំនួយដែលខ្មែរឥស្លាមធ្លាប់ទទួល ពីប្រភពអារ៉ាប់ ឬពីមិត្តឥស្លាមកន្លងមក គឺមិនឲ្យបាត់បង់ជំនួយនោះទេ មានតែជំនួយនោះកាន់តែរីកលើស មុនទៅទៀត ដោយសារថាអ្វីដែលម្ចាស់ជំនួយផ្តល់មកតាមរយៈឯកជន ឬតាមរយៈអង្គការក្តី គឺគណបក្សសង្គ្រោះជាតិធានាថាមិនឲ្យបាត់បង់ជំនួយហ្នឹងទៅដល់ខោប៉ៅផ្ទាល់ខ្លួនទេ គឺមិន ឲ្យបាត់បង់ដោយសារអំពើពុករលួយ។ យើងឃើញជាក់ស្តែងហើយ ខ្ញុំលើកឧទាហរណ៍ដូចជា គោគួរបាន សប្បុរសជនឥស្លាមផ្តល់មកគឺគ្រប់គ្រាន់សម្រាប់គោធំមួយក្បាលសម្រាប់ចែកសាច់គ្នាហូប តែជាក់ស្តែងមកដល់ដៃប្រជាពលរដ្ឋ ឃើញបាត់បង់ស្ទើរតែពាក់កណ្តាល។
គណបក្សសង្គ្រោះជាមានតំណាងខ្មែរឥស្លាមច្បាស់លាស់។ ដោយសារគណបក្សប្រជាជនគេ មានតំណាងដែលគេស្គាល់ពេញប្រទេសទៅហើយ គណបក្សសង្គ្រោះជាវិញ គេមិនសូវឮ ប៉ុន្មានទេ ថាមានតំណាង តែយើងធ្លាប់មានតំណាងខ្មែរឥស្លាមពីមុនមក តាំងពីគណបក្សសម រង្ស៊ី គណបក្សសិទ្ធិមនុស្ស គឺសុទ្ធតែមាន តែជាអកុសលទៅវិញទេ ដែលតំណាងទាំងនោះ គាត់ចង់បានលាភសក្ការ ហើយគាត់ក៏ទៅជ្រក និងចូលរួមជាមួយគណបក្សដទៃ។
រ៉ហានី៖ ក្នុងការបោះឆ្នោតជ្រើសរើសឃុំប្រឹក្សាឃុំ-សង្កាត់នេះ តើសង្គ្រោះជាតិ ដាក់បេក្ខភាពជាខ្មែរឥស្លាមប៉ុន្មាននាក់ដែរ?
លោក អ៊ីសា អូស្មាន៖ ដូចខ្ញុំបានបញ្ជាក់ហើយ គឺយើងមិនគិតពីទ្រព្យសម្បត្តិ ឬប្រវត្តិតស៊ូទេ គឺយើងតែងលើកកម្ពស់ឲ្យខ្មែរឥស្លាមចូលរួមឲ្យបានច្រើន។ នៅខេត្ត ត្បូងឃ្មុំ ដែលខ្ញុំធ្វើការល្អិត ល្អន់ជាងគេ កាលពីអាណត្តិមុន ដែលគណបក្ស សម រង្ស៊ី និងគណបក្សសិទ្ធិមនុស្ស យើង មានបេក្ខភាពខ្មែរឥស្លាមតែ៩នាក់ទេ តែអាណត្តិថ្មីនេះ ចំនួនបានកើតឡើងពី៩ដល់ជិត៤០ នាក់ ដែលក្នុងនោះឈរលេខរៀងទីមួយច្រើននាក់ដែរ៕
លោក អ៊ីសា អូស្មាន ជាប្រធានចលនាខ្មែរឥស្លាមគណបក្សសង្គ្រោះជាតិយល់ថា គ្រប់ គណបក្សនយោបាយទាំងអស់ សុទ្ធសឹងត្រូវការ ការចូលរួមពីសហគមន៍ខ្មែរឥស្លាម ដើម្បី ទទួលបានការគាំទ្រដ៏ធំមួយ។ គណបក្សប្រជាជនកម្ពុជា ដែលកាន់អំណាច មានកម្លាំងគាំទ្រយ៉ាងផុសផុលពីសហគមន៍ខ្មែរឥស្លាម ដូចមានតំណាងទូទាំងប្រទេស ហើយគណបក្សសង្គ្រោះជាតិរំពឹងផងដែរថា ពួកគេអាចទទួលបានការគាំទ្រកាន់តែច្រើន។
សូមអានបទសម្ភាសរវាងអ្នកសារព័ត៌មានថ្មីៗ និងលោក អ៊ីសា អូស្មាន ដូចតទៅ៖
រ៉ហានី៖ ហេតុអ្វីបានគណបក្សនយោបាយទាំងអស់ ប្រឹងរក សំឡេងចូលរួមពីសហគមន៍ខ្មែរឥស្លាម?
លោក អ៊ីសា អូស្មាន៖ គណបក្សនយោបាយទាំងអស់ ដែលត្រូវការកម្លាំងខ្មែរឥស្លាមនេះ គឺចង់បង្ហាញថា នៅកម្ពុជាអត់មានរើសអើងអ្នកកាន់សាសនាឥស្លាមទេ គឺចាត់ទុកខ្មែរឥស្លាម ជាមនុស្សនៅក្នុងក្រុមគ្រួសារតែមួយ។ ចឹងហើយបានជាគណបក្សធំៗ មានគណបក្ស សង្គ្រោះជាតិក៏ត្រូវការខ្មែរឥស្លាមចូលរួម ខាងគណបក្សប្រជាជនក៏គេត្រូវការខ្មែរឥស្លាមចូល រួម ហើយគណបក្សតូចៗដទៃទៀត ក៏ត្រូវការដូចគ្នា។ នេះបង្ហាញថា កម្ពុជាផ្តល់តម្លៃដល់ខ្មែរឥស្លាម និងចាត់ទុកអ្នកកាន់សាសនាឥស្លាមជាមនុស្សនៅក្នុងក្រុមគ្រួសារតែមួយ។
រ៉ហានី៖ តើគណបក្សសង្គ្រោះជាតិរបស់លោក មានគោលនយោបាយបែបណា ដើម្បីទាញ សំឡេងគាំទ្រពីខ្មែរឥស្លាម?
លោក អ៊ីសា អូស្មាន៖ ពិតណាស់ គណបក្សសង្គ្រោះជាតិតែងផ្តល់តម្លៃដល់ខ្មែរឥស្លាម។ កន្លែងខ្លះខ្ញុំសង្កេតឃើញថា បានផ្តល់តម្លៃដល់បុគ្គលខ្មែរឥស្លាមច្រើនជាងខ្មែរទៅទៀត ដោយមិនគិតពីប្រវត្ដិតស៊ូ មិនគិតពីជីវភាព ឲ្យតែគាត់ហ៊ានចេញមុខគាំទ្រ គណបក្សសង្គ្រោះជាតិ។ កន្លែងណាដែលមានខ្មែរឥស្លាមរស់នៅច្រើន ឃុំណាដែលមានខ្មែរឥស្លាមរស់នៅច្រើន ជាទូទៅគណបក្សសង្គ្រោះជាតិ តែងលើកកម្ពស់ឲ្យបេក្ខជនឈរលេខមួយ គឺជាខ្មែរឥស្លាម។ បើឃុំខ្លះ មានខ្មែរឥស្លាមដែរ តែមិនច្រើន ក៏ដាក់លេខរៀងទី២ ឬបន្តបន្ទាប់ដែរ។
គណបក្សសង្គ្រោះជាតិបង្ហាញឲ្យប្រជាពលរដ្ឋខ្មែរឥស្លាមទូទៅដឹងថា គណបក្សនេះមិនរើស អើងខ្មែរឥស្លាមជាដាច់ខាត គឺតែងផ្តល់តម្លៃ លើកកម្ពស់ ហើយធានាថា ពេលគណបក្សសង្គ្រោះជាតិដឹកនាំប្រទេស ខ្មែរឥស្លាមនៅតែមានសេរីភាពគ្រប់បែបយ៉ាងនៅក្នុង ការគោរពប្រតិបត្តិសាសនារបស់ខ្លួន ហើយជំនួយដែលខ្មែរឥស្លាមធ្លាប់ទទួល ពីប្រភពអារ៉ាប់ ឬពីមិត្តឥស្លាមកន្លងមក គឺមិនឲ្យបាត់បង់ជំនួយនោះទេ មានតែជំនួយនោះកាន់តែរីកលើស មុនទៅទៀត ដោយសារថាអ្វីដែលម្ចាស់ជំនួយផ្តល់មកតាមរយៈឯកជន ឬតាមរយៈអង្គការក្តី គឺគណបក្សសង្គ្រោះជាតិធានាថាមិនឲ្យបាត់បង់ជំនួយហ្នឹងទៅដល់ខោប៉ៅផ្ទាល់ខ្លួនទេ គឺមិន ឲ្យបាត់បង់ដោយសារអំពើពុករលួយ។ យើងឃើញជាក់ស្តែងហើយ ខ្ញុំលើកឧទាហរណ៍ដូចជា គោគួរបាន សប្បុរសជនឥស្លាមផ្តល់មកគឺគ្រប់គ្រាន់សម្រាប់គោធំមួយក្បាលសម្រាប់ចែកសាច់គ្នាហូប តែជាក់ស្តែងមកដល់ដៃប្រជាពលរដ្ឋ ឃើញបាត់បង់ស្ទើរតែពាក់កណ្តាល។
គណបក្សសង្គ្រោះជាមានតំណាងខ្មែរឥស្លាមច្បាស់លាស់។ ដោយសារគណបក្សប្រជាជនគេ មានតំណាងដែលគេស្គាល់ពេញប្រទេសទៅហើយ គណបក្សសង្គ្រោះជាវិញ គេមិនសូវឮ ប៉ុន្មានទេ ថាមានតំណាង តែយើងធ្លាប់មានតំណាងខ្មែរឥស្លាមពីមុនមក តាំងពីគណបក្សសម រង្ស៊ី គណបក្សសិទ្ធិមនុស្ស គឺសុទ្ធតែមាន តែជាអកុសលទៅវិញទេ ដែលតំណាងទាំងនោះ គាត់ចង់បានលាភសក្ការ ហើយគាត់ក៏ទៅជ្រក និងចូលរួមជាមួយគណបក្សដទៃ។
រ៉ហានី៖ ក្នុងការបោះឆ្នោតជ្រើសរើសឃុំប្រឹក្សាឃុំ-សង្កាត់នេះ តើសង្គ្រោះជាតិ ដាក់បេក្ខភាពជាខ្មែរឥស្លាមប៉ុន្មាននាក់ដែរ?
លោក អ៊ីសា អូស្មាន៖ ដូចខ្ញុំបានបញ្ជាក់ហើយ គឺយើងមិនគិតពីទ្រព្យសម្បត្តិ ឬប្រវត្តិតស៊ូទេ គឺយើងតែងលើកកម្ពស់ឲ្យខ្មែរឥស្លាមចូលរួមឲ្យបានច្រើន។ នៅខេត្ត ត្បូងឃ្មុំ ដែលខ្ញុំធ្វើការល្អិត ល្អន់ជាងគេ កាលពីអាណត្តិមុន ដែលគណបក្ស សម រង្ស៊ី និងគណបក្សសិទ្ធិមនុស្ស យើង មានបេក្ខភាពខ្មែរឥស្លាមតែ៩នាក់ទេ តែអាណត្តិថ្មីនេះ ចំនួនបានកើតឡើងពី៩ដល់ជិត៤០ នាក់ ដែលក្នុងនោះឈរលេខរៀងទីមួយច្រើននាក់ដែរ៕
Tag:
អ៊ីសា អូស្មាន
CNRP
© រក្សាសិទ្ធិដោយ thmeythmey.com
