ជាតិ
នយោបាយថវិកា ៖ មេបក្សប្រឆាំងថា ទុកឲ្យបណ្ឌិតសង្គ្រោះជាតិ ធ្វើ បើបណ្ឌិតដទៃ ធ្វើមិនបាន
×![]()
ដោយ: ម៉ៅ សុផា
ភ្នំពេញ៖ ការទម្លាក់ថវិកា ៥០ម៉ឺនដុល្លារ ទៅឲ្យឃុំ-សង្កាត់នីមួយៗ នៅទូទាំងប្រទេស ដើម្បីអភិវឌ្ឍដោយខ្លួនឯង គឺជាគោលនយោបាយដ៏សំខាន់មួយរបស់គណបក្សសង្គ្រោះជាតិ ដែលត្រូវបានយកទៅឃោសនារកសំឡេងឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាអាណត្តិទី៤នេះ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧។ នៅថ្ងៃឃោសនាចុងក្រោយនេះ ឯកឧត្តម កឹម សុខា ប្រធានគណបក្សសង្គ្រោះជាតិ នៅតែបន្តយកគោលនយោបាយខាងលើ ទៅនិយាយ ដដែល។
ឈរនៅលើរថយន្ត ដែលហ៊ុមព័ទ្ធដោយអ្នកគាំទ្រនិងសកម្មជន ដែលមានចំនួនមិនតិចជាងស្ទង់ម៉ឺននាក់ ឯកឧត្តម កឹម សុខា បាននិយាយតាមឧគ្ឃោសនសព្ទថា គណបក្សសង្គ្រោះជាតិ ពិតជាអាចអនុវត្តបាន ចំពោះគោលនយោបាយនៃការទម្លាក់ថវិកា ៥០ម៉ឺនដុលា្លរ ទៅឲ្យឃុំ-សង្កាត់នីមួយៗ។ ឯកឧត្តម កឹម សុខា ឆ្លៀតចំអកឲ្យបណ្ឌិតមួយចំនួន ដែលបានរិះគន់គោលនយោបាយខាងលើ ថា ប្រសិនបើបណ្ឌិតទាំងនោះ មិនអាចធ្វើ អ៊ីចឹងទុកឲ្យបណ្ឌិតនៅក្នុងគណបក្សសង្គ្រោះជាតិ ជាអ្នកធ្វើ។
មេបក្សប្រឆាំងរូបនេះ បានលើកឡើងយ៉ាងដូច្នេះ៖«កន្លះលានដុល្លារ មិនមែនលុយ កឹម សុខា មិនមែនលុយគណបក្សសង្គ្រោះជាតិ ហើយក៏មិនមែនលុយឧកញ្ញ៉ាណាដែរ គឺថវិកាជាតិ ថវិការបស់ប្រជាពលរដ្ឋខ្មែរហ្នឹងឯង។ បើគណបក្សសង្គ្រោះជាតិ ដឹកនាំប្រទេស យើងគ្រាន់តែកាន់បន្ថយការចាយខ្ជះខ្ជាយនៅថ្នាក់ជាតិ យើងនឹងសល់លុយ ដើម្បីចែកចាយឲ្យគ្រប់ឃុំ-សង្កាត់ទាំងអស់ ដើម្បីអភិវឌ្ឍដោយខ្លួនឯង។ [ ….] យើងបានសិក្សាល្អិតល្អន់ណាស់។ យើងមានអ្នកបច្ចេកទេស អ្នកជំនាញ យើងមានបណ្ឌិតស្នេហាជាតិសិក្សាឲ្យយើង។ បើគណបក្សណា បណ្ឌិតណា ថាធ្វើមិនកើត បណ្ឌិតគណបក្សសង្គ្រោះជាតិ ធានាធ្វើបានជូនជាតិ ជូនប្រជាពលរដ្ឋ»។
ក្រៅពីគោលនយោបាយថវិកា៥០ដុល្លារ ឯកឧត្តម កឹម សុខា ក៏បានបរិយាយពីគោលនយោបាយសំខាន់ទាំងបួនចំណុចទៀតដែរ គឺការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍, ការផ្ដល់សេវាសាធារណៈ, ការពង្រឹងសន្ដិសុខ។
នៅថ្ងៃទី២ ខែមិថុនា ឆ្នាំ២០១៧នេះ គណបក្សសង្គ្រោះជាតិ បានទៅជួបជុំគ្នានៅមុខវត្តពោធិយារាម ហៅវត្តចាស់ ដែលស្ថិតនៅក្នុងសង្កាត់ជ្រោយចង្វារ ដើម្បីរៀបចំការដង្ហែក្បួនឃោស នាធំជាលើកចុងក្រោយ។ នៅពេលព្រឹកគណបក្សសង្គ្រោះជាតិ មិនបានដង្ហែក្បួនឃោសនានោះទេ ពោលគឺអ្នកគាំទ្រនិងសកម្មជន គ្រាន់តែទៅជួបជុំគ្នានៅមុខវត្តចាស់ ដើម្បីស្តាប់សារនយោបាយពីរបស់មេដឹកនាំ ប៉ុណ្ណោះ។ គណបក្សសង្គ្រោះជាតិ ទើបតែចាប់ផ្តើមដដ្ហែក្បួនឃោសនា នៅម៉ោង២រសៀល។ តាមការគ្រោងទុក ក្បួនឃោសនារបស់គណបក្សសង្គ្រោះជាតិ នឹងទៅឈប់នៅលើផ្លូវ៦០ម៉ែត្រ ហើយនឹងរំសាយនៅទីនោះតែម្តង៕
ឈរនៅលើរថយន្ត ដែលហ៊ុមព័ទ្ធដោយអ្នកគាំទ្រនិងសកម្មជន ដែលមានចំនួនមិនតិចជាងស្ទង់ម៉ឺននាក់ ឯកឧត្តម កឹម សុខា បាននិយាយតាមឧគ្ឃោសនសព្ទថា គណបក្សសង្គ្រោះជាតិ ពិតជាអាចអនុវត្តបាន ចំពោះគោលនយោបាយនៃការទម្លាក់ថវិកា ៥០ម៉ឺនដុលា្លរ ទៅឲ្យឃុំ-សង្កាត់នីមួយៗ។ ឯកឧត្តម កឹម សុខា ឆ្លៀតចំអកឲ្យបណ្ឌិតមួយចំនួន ដែលបានរិះគន់គោលនយោបាយខាងលើ ថា ប្រសិនបើបណ្ឌិតទាំងនោះ មិនអាចធ្វើ អ៊ីចឹងទុកឲ្យបណ្ឌិតនៅក្នុងគណបក្សសង្គ្រោះជាតិ ជាអ្នកធ្វើ។
មេបក្សប្រឆាំងរូបនេះ បានលើកឡើងយ៉ាងដូច្នេះ៖«កន្លះលានដុល្លារ មិនមែនលុយ កឹម សុខា មិនមែនលុយគណបក្សសង្គ្រោះជាតិ ហើយក៏មិនមែនលុយឧកញ្ញ៉ាណាដែរ គឺថវិកាជាតិ ថវិការបស់ប្រជាពលរដ្ឋខ្មែរហ្នឹងឯង។ បើគណបក្សសង្គ្រោះជាតិ ដឹកនាំប្រទេស យើងគ្រាន់តែកាន់បន្ថយការចាយខ្ជះខ្ជាយនៅថ្នាក់ជាតិ យើងនឹងសល់លុយ ដើម្បីចែកចាយឲ្យគ្រប់ឃុំ-សង្កាត់ទាំងអស់ ដើម្បីអភិវឌ្ឍដោយខ្លួនឯង។ [ ….] យើងបានសិក្សាល្អិតល្អន់ណាស់។ យើងមានអ្នកបច្ចេកទេស អ្នកជំនាញ យើងមានបណ្ឌិតស្នេហាជាតិសិក្សាឲ្យយើង។ បើគណបក្សណា បណ្ឌិតណា ថាធ្វើមិនកើត បណ្ឌិតគណបក្សសង្គ្រោះជាតិ ធានាធ្វើបានជូនជាតិ ជូនប្រជាពលរដ្ឋ»។
ក្រៅពីគោលនយោបាយថវិកា៥០ដុល្លារ ឯកឧត្តម កឹម សុខា ក៏បានបរិយាយពីគោលនយោបាយសំខាន់ទាំងបួនចំណុចទៀតដែរ គឺការពង្រឹងសិទ្ធិអំណាចប្រជាពលរដ្ឋ, ការលើកកម្ពស់ជីវភាពប្រជាពលរដ្ឋ និងអភិវឌ្ឍន៍, ការផ្ដល់សេវាសាធារណៈ, ការពង្រឹងសន្ដិសុខ។
នៅថ្ងៃទី២ ខែមិថុនា ឆ្នាំ២០១៧នេះ គណបក្សសង្គ្រោះជាតិ បានទៅជួបជុំគ្នានៅមុខវត្តពោធិយារាម ហៅវត្តចាស់ ដែលស្ថិតនៅក្នុងសង្កាត់ជ្រោយចង្វារ ដើម្បីរៀបចំការដង្ហែក្បួនឃោស នាធំជាលើកចុងក្រោយ។ នៅពេលព្រឹកគណបក្សសង្គ្រោះជាតិ មិនបានដង្ហែក្បួនឃោសនានោះទេ ពោលគឺអ្នកគាំទ្រនិងសកម្មជន គ្រាន់តែទៅជួបជុំគ្នានៅមុខវត្តចាស់ ដើម្បីស្តាប់សារនយោបាយពីរបស់មេដឹកនាំ ប៉ុណ្ណោះ។ គណបក្សសង្គ្រោះជាតិ ទើបតែចាប់ផ្តើមដដ្ហែក្បួនឃោសនា នៅម៉ោង២រសៀល។ តាមការគ្រោងទុក ក្បួនឃោសនារបស់គណបក្សសង្គ្រោះជាតិ នឹងទៅឈប់នៅលើផ្លូវ៦០ម៉ែត្រ ហើយនឹងរំសាយនៅទីនោះតែម្តង៕
Tag:
បោះឆ្នោតឃុំ-សង្កាត់
CNRP
© រក្សាសិទ្ធិដោយ thmeythmey.com
