ជាតិ
នយោបាយជាតិ
×![]()
គណៈកម្មាការជាតិរៀបចំការបោះឆ្នោត បានសម្រេចឲ្យមានការរាប់សន្លឹកឆ្នោតឡើងវិញ នៅការិយាល័យចំនួន២៣ ក្នុងឃុំដូង(លេខកូដ០៣៩) ខេត្តស្វាយរៀង។ អ្នកនាំពាក្យគ.ជ.ប លើកឡើងថា មូលហេតុដែលគ.ជ.ប រាប់សន្លឹកឆ្នោតឡើងវិញ ដោយសារមានបណ្តឹងពីគណបក្សសង្គ្រោះជាតិ និងគណបក្សប្រជាជនកម្ពុជា។ 
បើតាមសេចក្តីជូនដំណឹងរបស់គណៈកម្មាធិការជាតិរៀបចំការបោះឆ្នោត ការរាប់សន្លឹកឆ្នោតឡើងវិញនេះ នឹងធ្វើឡើងនៅម៉ោង ៨ ព្រឹកថ្ងៃទី ១២ ខែមិថុនា នៅទីស្តីគ.ជ.ប។ គ.ជ.ប ស្នើឲ្យអ្នកអង្កេតការជាតិ និងអន្តរជាតិ អ្នកសារព័ត៌មាន និងគណបក្សនយោបាយ ចូលរួមតាមដានការាប់សន្លឹកឆ្នោតឡើងវិញ នៅក្នុងឃុំដូងនេះ។
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា បានពន្យល់ប្រាប់សារព័ត៌មានថ្មីៗ ថា មូលហេតុដែលគ.ជ.ប សម្រេចរាប់សន្លឹកឆ្នោតឡើងវិញ ដោយសារមានបណ្តឹងពីគណបក្សប្រជាជនកម្ពុជា និងគណបក្សសង្គ្រោះជាតិ។ លោកថា គណបក្សប្រជាជនកម្ពុជា ប្តឹងឲ្យរាប់សន្លឹកឆ្នោតឡើងវិញនៅការិយាល័យចំនួន ៦ នៅក្នុងឃុំដូងនេះ ឯគណបក្សសង្គ្រោះជាតិ ប្តឹងឲ្យរាប់សន្លឹកឆ្នោតទូទាំង ២៣ ការិយាល័យនៅក្នុងឃុំដូងនេះដែរ។ លោក ពុទ្ធា បញ្ជាក់យ៉ាងនេះថា៖« បក្សទាំងពីរនេះ បានប្តឹងទៅគណៈកម្មការរៀបចំការបោះឆ្នោត ឃុំ សង្កាត់ រហួតដល់ថ្នាក់ខេត្ត នៅតែមិនអាចដោះស្រាយបាន ទើបបណ្តឹងនេះធ្លាក់មកដល់គណៈកម្មាធិការកណ្តាលរបស់គ.ជ.ប ដែលមានសិទ្ធិសម្រេចចុងក្រោយបិទផ្លូវតវ៉ា»។
នៅក្នុងឃុំដូង ស្រុរមាសហែក ខេត្តស្វាយរៀងនេះ មានគណបក្សបួនដែលបានដាក់បេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ កាលពីថ្ងៃទី ៤ ខែមិថុនា កន្លងទៅ។ បើតាមលទ្ធផលបឋមរបស់គ.ជ.ប នៅឃុំនេះ គណបក្សសង្គ្រោះជាតិទទួលបាន ២៥៩៩ សំឡេង គណបក្សប្រជាជនកម្ពុជាទទួលបាន ២៥៩៦ សំឡេង គណបក្សសំបុកឃ្មុំសង្គមប្រជាធិបតេយ្យទទួលបាន ១៦៧ សំឡេង គណបក្សសម្ព័ន្ធដើម្បីប្រជាធិបតេយ្យទទួលបាន១៧២ សំឡេង។
តាមលទ្ធផលបឋម របស់គ.ជ.ប គណបក្សសង្គ្រោះជាតិ បានយកឈ្នះគណបក្សប្រជាជនកម្ពុជា តែ ៣ សំឡេងប៉ុណ្ណោះ។ លោក ហង្ស ពុទ្ធា ឆ្លៀតឲ្យដឹងថា កាលពីពេលបណ្តឹងនេះដល់គណៈកម្មការរៀបចំការបោះឆ្នោតថ្នាក់ខេត្តស្វាយរៀង ហើយគណៈកម្មការខេត្តនេះ រាប់ឡើងវិញ រកឃើញថា គណបក្សប្រជាជនកម្ពុជា បានសំឡេងច្រើនជាងគណបក្សសង្គ្រោះជាតិ។ « ដោយសារចម្រូងចម្រាសបែបនេះ ទើបបណ្តឹងរាប់សន្លឹកឆ្នោតឡើងដល់គ.ជ.ប។ ហើយលទ្ធផលបឋម ដែលគណៈកម្មាធិការថ្នាក់ជាតិរបស់គ.ជ.ប បានប្រកាសរួចហើយថាគណបក្សសង្គ្រោះជាតិបានសំឡេងលើស បក្សប្រជាជនកម្ពុជា ៣ សំឡេង យើងរក្សាដដែលសិន ដោយរង់ចាំលទ្ធផលសម្រេចនៅពេលរាប់ឡើងវិញនៅថ្ងៃទី ១២ មិថុនា»៕
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា បានពន្យល់ប្រាប់សារព័ត៌មានថ្មីៗ ថា មូលហេតុដែលគ.ជ.ប សម្រេចរាប់សន្លឹកឆ្នោតឡើងវិញ ដោយសារមានបណ្តឹងពីគណបក្សប្រជាជនកម្ពុជា និងគណបក្សសង្គ្រោះជាតិ។ លោកថា គណបក្សប្រជាជនកម្ពុជា ប្តឹងឲ្យរាប់សន្លឹកឆ្នោតឡើងវិញនៅការិយាល័យចំនួន ៦ នៅក្នុងឃុំដូងនេះ ឯគណបក្សសង្គ្រោះជាតិ ប្តឹងឲ្យរាប់សន្លឹកឆ្នោតទូទាំង ២៣ ការិយាល័យនៅក្នុងឃុំដូងនេះដែរ។ លោក ពុទ្ធា បញ្ជាក់យ៉ាងនេះថា៖« បក្សទាំងពីរនេះ បានប្តឹងទៅគណៈកម្មការរៀបចំការបោះឆ្នោត ឃុំ សង្កាត់ រហួតដល់ថ្នាក់ខេត្ត នៅតែមិនអាចដោះស្រាយបាន ទើបបណ្តឹងនេះធ្លាក់មកដល់គណៈកម្មាធិការកណ្តាលរបស់គ.ជ.ប ដែលមានសិទ្ធិសម្រេចចុងក្រោយបិទផ្លូវតវ៉ា»។
នៅក្នុងឃុំដូង ស្រុរមាសហែក ខេត្តស្វាយរៀងនេះ មានគណបក្សបួនដែលបានដាក់បេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ កាលពីថ្ងៃទី ៤ ខែមិថុនា កន្លងទៅ។ បើតាមលទ្ធផលបឋមរបស់គ.ជ.ប នៅឃុំនេះ គណបក្សសង្គ្រោះជាតិទទួលបាន ២៥៩៩ សំឡេង គណបក្សប្រជាជនកម្ពុជាទទួលបាន ២៥៩៦ សំឡេង គណបក្សសំបុកឃ្មុំសង្គមប្រជាធិបតេយ្យទទួលបាន ១៦៧ សំឡេង គណបក្សសម្ព័ន្ធដើម្បីប្រជាធិបតេយ្យទទួលបាន១៧២ សំឡេង។
តាមលទ្ធផលបឋម របស់គ.ជ.ប គណបក្សសង្គ្រោះជាតិ បានយកឈ្នះគណបក្សប្រជាជនកម្ពុជា តែ ៣ សំឡេងប៉ុណ្ណោះ។ លោក ហង្ស ពុទ្ធា ឆ្លៀតឲ្យដឹងថា កាលពីពេលបណ្តឹងនេះដល់គណៈកម្មការរៀបចំការបោះឆ្នោតថ្នាក់ខេត្តស្វាយរៀង ហើយគណៈកម្មការខេត្តនេះ រាប់ឡើងវិញ រកឃើញថា គណបក្សប្រជាជនកម្ពុជា បានសំឡេងច្រើនជាងគណបក្សសង្គ្រោះជាតិ។ « ដោយសារចម្រូងចម្រាសបែបនេះ ទើបបណ្តឹងរាប់សន្លឹកឆ្នោតឡើងដល់គ.ជ.ប។ ហើយលទ្ធផលបឋម ដែលគណៈកម្មាធិការថ្នាក់ជាតិរបស់គ.ជ.ប បានប្រកាសរួចហើយថាគណបក្សសង្គ្រោះជាតិបានសំឡេងលើស បក្សប្រជាជនកម្ពុជា ៣ សំឡេង យើងរក្សាដដែលសិន ដោយរង់ចាំលទ្ធផលសម្រេចនៅពេលរាប់ឡើងវិញនៅថ្ងៃទី ១២ មិថុនា»៕
Tag:
បោះឆ្នោតឃុំ-សង្កាត់
ហង្ស ពុទ្ធា
© រក្សាសិទ្ធិដោយ thmeythmey.com
