ជាតិ
រថយន្ត
×![]()
ភ្នំពេញ៖ រដូវភ្លៀងបានចូលមកដល់ហើយនៅកម្ពុជា។ នៅភ្នំពេញរាល់ភ្លៀងធ្លាក់ខ្លាំង និងច្រើនម៉ោង ម្តងៗ ផ្លូវមួយចំនួន បានជន់លិចដោយទឹកភ្លៀង។ កន្លងមក មានម៉ូតូមិនតិចគ្រឿងទេ ដែលបានរលត់ម៉ាស៊ីននៅពេលបើកបរឆ្លងកាត់ផ្លូវលិចទឹកទាំងនោះ។ ដើម្បីថែទាំម៉ាស៊ីម៉ូតូ ជាងជួសជុលម៉ូតូ ហាមអ្នកបើកបរបញ្ឆេះម៉ាស៊ីន និងណែនាំឲ្យប្តូរប្រេងម៉ាស៊ីនភ្លាម។
ប្រភេទម៉ូតូទាបៗ និងម៉ូតូដែលប្រើប្រាស់ពី៤ឬ ៥ឆ្នាំឡើងទៅ ងាយនឹងរលត់ណាស់ នៅពេលដែលជិះកាត់ផ្លូវដែលលិចទឹកខ្លាំង។ នេះបើតាម លោក សុខ ជុង ជាងជួសជុលម៉ូតូនៅម្តុំផ្សារទួលទំពូង ដែលបន្តប្រាប់សារព័ត៌មានថ្មីៗ ថា ប្រភេទម៉ូតូប្រើលេខស្វ័យប្រវត្តិ(អូតូ) ក៏ប្រឈមនឹងការរលត់ម៉ាស៊ីនដែរ។
កំពុងជួសជុលម៉ូតូបណ្ដើរ ជាងម៉ូតូដែលមានពិសោធន៍យូរឆ្នាំរូបនេះ ក៏បានពីវិធីការពារការរលត់ម៉ូតូ នៅពេលធ្វើដំណើរកាត់ផ្លូវដែលលិចទឹកខ្លាំងដែរ។ លោក សុខ ជុង រៀបរាប់ថា ដើម្បីចៀសវាងការរលត់ម៉ូតូ អ្នកបើកបរត្រូវប្រើលេខ១ ពេលជិះកាត់ផ្លូវលិចទឹកនោះ និងត្រូវបន្ថែមល្បឿនឲ្យលឿន ដើម្បីច្រានលំហូរទឹក កុំឲ្យចូលបំពង់ស៊ីម៉ាំងម៉ូតូ ដែលបង្កឲ្យរលត់នោះ។
យ៉ាងណាក៏ដោយវិធីនេះ ក៏អនុវត្តន៍បានតែក្នុងករណីដែលផ្លូវលិចទឹកនោះ មានចម្ងាយជិត និងផ្លូវបើកបរស្រឡះល្អ គ្មានឧបសគ្គប៉ុណ្ណោះ។ នេះជាការបញ្ជាក់របស់ លោក ហាក់ ជឿន ជាងជួសជុលម៉ូតូម្នាក់ទៀត នៅក្រោយវិទ្យាល័យប៊ុនរ៉ានី ហ៊ុនសែន ផ្សារដើមថ្កូវ។
ជាងម៉ូតូវ័យ៦៦ឆ្នាំរូបនេះ បានផ្តល់យោបល់ថា បើផ្លូវទឹកលិចខ្លាំង និងស្ទះផ្លូវទៀតនោះ អ្នកបើកបរគួរតែកុំធ្វើដំណើរល្អជាង។ ក្នុងករណី ម៉ូតូរលត់ ពេលជិះឆ្លងកាត់ផ្លូវលិចទឹក ជាងម៉ូតូដែលមានពិសោធន៍ជាង១០ឆ្នាំរូបនេះ ហាមមិនឲ្យបញ្ឆេះម៉ូតូ និងត្រូវប្តូរប្រេងម៉ាស៊ីនចេញ ចៀសវាងខូចម៉ាស៊ីនម៉ូតូ។
លោក ហាក់ ជឿន ជួសជុលម៉ូតូបណ្តើរ ពន្យល់បណ្តើរយ៉ាងនេះថា៖
នៅពេលភ្លៀងធ្លាក់ខ្លាំងលិចផ្លូវម្តងៗ មានយានយន្ត និងម៉ូតូមិនតិចទេ ដែលបានរលត់ ពេលជិះកាត់ផ្លូវលិចទឹក។ ក្នុងន័យនេះ ម្ចាស់យានយន្ត នឹងត្រូវចំណាយប្រាក់លើការប្តូរប្រេងម៉ាស៊ីន ដើម្បីការពារកុំឲ្យម៉ាស៊ីនម៉ូតូរបស់ខ្លួនឆាប់ខូច។ ក្នុងន័យនេះដែរ ម្ចាស់ម៉ូតូក៏ត្រូវពិចារណាដែរ ក្នុងករណីទឹកលិចខ្លាំង ថាតើត្រូវធ្វើដំណើរកាត់ទឹក ដែលអាចបណ្តាលឲ្យម៉ូតូរលត់ទឹកចូលម៉ាស៊ីន ឬគួររង់ចាំឲ្យទឹកស្រក?
ប្រភេទម៉ូតូទាបៗ និងម៉ូតូដែលប្រើប្រាស់ពី៤ឬ ៥ឆ្នាំឡើងទៅ ងាយនឹងរលត់ណាស់ នៅពេលដែលជិះកាត់ផ្លូវដែលលិចទឹកខ្លាំង។ នេះបើតាម លោក សុខ ជុង ជាងជួសជុលម៉ូតូនៅម្តុំផ្សារទួលទំពូង ដែលបន្តប្រាប់សារព័ត៌មានថ្មីៗ ថា ប្រភេទម៉ូតូប្រើលេខស្វ័យប្រវត្តិ(អូតូ) ក៏ប្រឈមនឹងការរលត់ម៉ាស៊ីនដែរ។
កំពុងជួសជុលម៉ូតូបណ្ដើរ ជាងម៉ូតូដែលមានពិសោធន៍យូរឆ្នាំរូបនេះ ក៏បានពីវិធីការពារការរលត់ម៉ូតូ នៅពេលធ្វើដំណើរកាត់ផ្លូវដែលលិចទឹកខ្លាំងដែរ។ លោក សុខ ជុង រៀបរាប់ថា ដើម្បីចៀសវាងការរលត់ម៉ូតូ អ្នកបើកបរត្រូវប្រើលេខ១ ពេលជិះកាត់ផ្លូវលិចទឹកនោះ និងត្រូវបន្ថែមល្បឿនឲ្យលឿន ដើម្បីច្រានលំហូរទឹក កុំឲ្យចូលបំពង់ស៊ីម៉ាំងម៉ូតូ ដែលបង្កឲ្យរលត់នោះ។
យ៉ាងណាក៏ដោយវិធីនេះ ក៏អនុវត្តន៍បានតែក្នុងករណីដែលផ្លូវលិចទឹកនោះ មានចម្ងាយជិត និងផ្លូវបើកបរស្រឡះល្អ គ្មានឧបសគ្គប៉ុណ្ណោះ។ នេះជាការបញ្ជាក់របស់ លោក ហាក់ ជឿន ជាងជួសជុលម៉ូតូម្នាក់ទៀត នៅក្រោយវិទ្យាល័យប៊ុនរ៉ានី ហ៊ុនសែន ផ្សារដើមថ្កូវ។
ជាងម៉ូតូវ័យ៦៦ឆ្នាំរូបនេះ បានផ្តល់យោបល់ថា បើផ្លូវទឹកលិចខ្លាំង និងស្ទះផ្លូវទៀតនោះ អ្នកបើកបរគួរតែកុំធ្វើដំណើរល្អជាង។ ក្នុងករណី ម៉ូតូរលត់ ពេលជិះឆ្លងកាត់ផ្លូវលិចទឹក ជាងម៉ូតូដែលមានពិសោធន៍ជាង១០ឆ្នាំរូបនេះ ហាមមិនឲ្យបញ្ឆេះម៉ូតូ និងត្រូវប្តូរប្រេងម៉ាស៊ីនចេញ ចៀសវាងខូចម៉ាស៊ីនម៉ូតូ។
លោក ហាក់ ជឿន ជួសជុលម៉ូតូបណ្តើរ ពន្យល់បណ្តើរយ៉ាងនេះថា៖
នៅពេលភ្លៀងធ្លាក់ខ្លាំងលិចផ្លូវម្តងៗ មានយានយន្ត និងម៉ូតូមិនតិចទេ ដែលបានរលត់ ពេលជិះកាត់ផ្លូវលិចទឹក។ ក្នុងន័យនេះ ម្ចាស់យានយន្ត នឹងត្រូវចំណាយប្រាក់លើការប្តូរប្រេងម៉ាស៊ីន ដើម្បីការពារកុំឲ្យម៉ាស៊ីនម៉ូតូរបស់ខ្លួនឆាប់ខូច។ ក្នុងន័យនេះដែរ ម្ចាស់ម៉ូតូក៏ត្រូវពិចារណាដែរ ក្នុងករណីទឹកលិចខ្លាំង ថាតើត្រូវធ្វើដំណើរកាត់ទឹក ដែលអាចបណ្តាលឲ្យម៉ូតូរលត់ទឹកចូលម៉ាស៊ីន ឬគួររង់ចាំឲ្យទឹកស្រក?
Tag:
ម៉ូតូ
ទឹកលិច
© រក្សាសិទ្ធិដោយ thmeythmey.com
