ជាតិ
នាយករដ្ឋមន្ត្រី ជាអ្នកស្នើតែងតាំងអគ្គនាយកថ្មីរបស់ទូរទស្សន៍ជាតិកម្ពុជា
×![]()
ដោយ: ម៉ៅ សុផា
សម្តេចនាយករដ្ឋមន្ត្រី ហ៊ុន សែន បានចេញមុខបកស្រាយអំពីការតែងតាំងអគ្គនាយកថ្មីនៃទូរទស្សន៍ជាតិកម្ពុជា(ទ.ទ.ក) ដែលបានក្លាយជាប្រធានបទភ្ញាក់ផ្អើលនៅលើបណ្តាញសង្គមហ្វេសប៊ុក។ យោងតាមការពន្យល់របស់សម្តេច គឺសម្តេចជាអ្នកស្នើសុំទៅព្រះមហាក្សត្រ តែងតាំងលោក ឃឹម វុទ្ធី ដែលបច្ចុប្បន្នជាអគ្គនាយករង ទ.ទ.ក ជាអគ្គនាយកនៃស្ថាប័ននេះ។
ការអះអាងរបស់របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាននៅលើបណ្តាញសង្គមហ្វេសប៊ុក ដែលថា លោកមិនបានដឹងអំពីការតែងតាំងលោក ឃឹម វុទ្ធី ជាអគ្គនាយកថ្មីនៃទ.ទ.ក បានធ្វើឲ្យសាធារណមតិងឿងឆ្ងល់ខ្លាំង ហើយការតែងតាំងតាមរយៈព្រះរាជក្រឹត្យនេះក៏បានក្លាយជាប្រធានបទរបស់សារព័ត៌មានផងដែរ។
នៅរសៀលថ្ងៃទី១៣មិថុនានេះ សម្តេចនាយករដ្ឋមន្ត្រីបានបកស្រាយបញ្ហានេះនៅលើទំព័រហ្វេសប៊ុករបស់សម្តេចដោយមានបង្ហាញឯកសារពាក់ព័ន្ធនានាស្តីពីការតែងតាំងតំណែងអគ្គនាយកថ្មីរបស់ទ.ទ.ក នេះផង។ យោងតាមឯកសារពាក់ព័ន្ធនានាដែលត្រូវបានបង្ហោះបង្ហាញនៅលើទំព័រហ្វេសប៊ុករបស់លោកនាយករដ្ឋមន្ត្រីនោះ លោករដ្ឋមន្ត្រីក្រសួងព័ត៌មានបានធ្វើលិខិតស្នើសុំទៅរដ្ឋមន្ត្រីក្រសួងមុខងារសាធារណៈតែងតាំងលោក ខ្វៃ អាទិត្យា ដែលជាអគ្គនាយករងនៃទ.ទ.ក ជាអគ្គនាយក ជំនួយលោក កឹម គុណវឌ្ឍន៍ដែលត្រូវចូលនិវត្តនៅថ្ងៃទី១ខែតុលា។ រដ្ឋមន្ត្រីក្រសួងមុខងារសាធារណៈបានធ្វើលិខិតផ្ញើទៅសម្តេចនាយករដ្ឋមន្ត្រីដោយសន្និដ្ឋានចុងក្រោយថា «គួរឯកភាពតាមសំណើរ»។ ប៉ុន្តែនៅលើលិខិតចុងក្រោយនេះ គេឃើញចំណាររបស់សម្តេចនាយករដ្ឋមន្ត្រីដែលសរសេរថា«មិនឯកភាព» ហើយសម្តេចស្នើបេក្ខភាព លោក ឃឹម វុទ្ធី។
ជាមួយនឹងការបង្ហាញឯកសារទាំងនេះ សម្តេចក៏បានសរសេរនៅលើទំព័រហ្វេសប៊ុកដែលគេអាចឃើញយ៉ាងដូច្នេះ៖«តើនាយករដ្ឋមន្ត្រីមានសិទ្ធិបដិសេធសំណើរបស់រដ្ឋមន្ត្រីក្នុងការសុំតែងតាំងមន្ត្រីឬទេ? ហើយនាយករដ្ឋមន្ត្រីមានសិទ្ធិជ្រើសរើស មន្ត្រីជំនួសមន្ត្រីដែលខ្លួនមិនឯកភាពឬទេ?... បើពុំមានសំណើពីនាយករដ្ឋមន្ត្រី ព្រះមហាក្សត្រ ព្រះអង្គនឹងមិនឡាយព្រះហស្លេខាទេ»។ សម្តេច ហ៊ុន សែន ក៏បានបង្ហាញលិខិតដែលសម្តេចស្នើតែងតាំងលោក ឃឹម វុទ្ធី ថ្វាយទៅព្រះមហាក្សត្រផងដែរ។
ក្រោយពីមានការពន្យល់របស់នាយករដ្ឋមន្ត្រីនៅរសៀលថ្ងៃទី១៣មិថុនានេះ អ្នកនាំពាក្យក្រសួងព័ត៌មានក៏ចេញផ្សាយសេចក្តីជូនដំណឹងមួយភ្លាមដែរដោយប្រកាសថា លោក ឃឹម វុទ្ធី ត្រូវបានព្រះមហាក្សត្រតែងតាំងជាអគ្គនាយកនៃទ.ទ.ក តាមរយៈការស្នើសុំរបស់សម្តេចនាយករដ្ឋមន្ត្រី។
លោក ឃឹម វុទ្ធី គឺជាអគ្គនាយរងមួយរូបក្នុងចំណោមអគ្គនាយករងជាច្រើនរូបរបស់ទ.ទ.ក៕
ការអះអាងរបស់របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាននៅលើបណ្តាញសង្គមហ្វេសប៊ុក ដែលថា លោកមិនបានដឹងអំពីការតែងតាំងលោក ឃឹម វុទ្ធី ជាអគ្គនាយកថ្មីនៃទ.ទ.ក បានធ្វើឲ្យសាធារណមតិងឿងឆ្ងល់ខ្លាំង ហើយការតែងតាំងតាមរយៈព្រះរាជក្រឹត្យនេះក៏បានក្លាយជាប្រធានបទរបស់សារព័ត៌មានផងដែរ។
នៅរសៀលថ្ងៃទី១៣មិថុនានេះ សម្តេចនាយករដ្ឋមន្ត្រីបានបកស្រាយបញ្ហានេះនៅលើទំព័រហ្វេសប៊ុករបស់សម្តេចដោយមានបង្ហាញឯកសារពាក់ព័ន្ធនានាស្តីពីការតែងតាំងតំណែងអគ្គនាយកថ្មីរបស់ទ.ទ.ក នេះផង។ យោងតាមឯកសារពាក់ព័ន្ធនានាដែលត្រូវបានបង្ហោះបង្ហាញនៅលើទំព័រហ្វេសប៊ុករបស់លោកនាយករដ្ឋមន្ត្រីនោះ លោករដ្ឋមន្ត្រីក្រសួងព័ត៌មានបានធ្វើលិខិតស្នើសុំទៅរដ្ឋមន្ត្រីក្រសួងមុខងារសាធារណៈតែងតាំងលោក ខ្វៃ អាទិត្យា ដែលជាអគ្គនាយករងនៃទ.ទ.ក ជាអគ្គនាយក ជំនួយលោក កឹម គុណវឌ្ឍន៍ដែលត្រូវចូលនិវត្តនៅថ្ងៃទី១ខែតុលា។ រដ្ឋមន្ត្រីក្រសួងមុខងារសាធារណៈបានធ្វើលិខិតផ្ញើទៅសម្តេចនាយករដ្ឋមន្ត្រីដោយសន្និដ្ឋានចុងក្រោយថា «គួរឯកភាពតាមសំណើរ»។ ប៉ុន្តែនៅលើលិខិតចុងក្រោយនេះ គេឃើញចំណាររបស់សម្តេចនាយករដ្ឋមន្ត្រីដែលសរសេរថា«មិនឯកភាព» ហើយសម្តេចស្នើបេក្ខភាព លោក ឃឹម វុទ្ធី។
ជាមួយនឹងការបង្ហាញឯកសារទាំងនេះ សម្តេចក៏បានសរសេរនៅលើទំព័រហ្វេសប៊ុកដែលគេអាចឃើញយ៉ាងដូច្នេះ៖«តើនាយករដ្ឋមន្ត្រីមានសិទ្ធិបដិសេធសំណើរបស់រដ្ឋមន្ត្រីក្នុងការសុំតែងតាំងមន្ត្រីឬទេ? ហើយនាយករដ្ឋមន្ត្រីមានសិទ្ធិជ្រើសរើស មន្ត្រីជំនួសមន្ត្រីដែលខ្លួនមិនឯកភាពឬទេ?... បើពុំមានសំណើពីនាយករដ្ឋមន្ត្រី ព្រះមហាក្សត្រ ព្រះអង្គនឹងមិនឡាយព្រះហស្លេខាទេ»។ សម្តេច ហ៊ុន សែន ក៏បានបង្ហាញលិខិតដែលសម្តេចស្នើតែងតាំងលោក ឃឹម វុទ្ធី ថ្វាយទៅព្រះមហាក្សត្រផងដែរ។
ក្រោយពីមានការពន្យល់របស់នាយករដ្ឋមន្ត្រីនៅរសៀលថ្ងៃទី១៣មិថុនានេះ អ្នកនាំពាក្យក្រសួងព័ត៌មានក៏ចេញផ្សាយសេចក្តីជូនដំណឹងមួយភ្លាមដែរដោយប្រកាសថា លោក ឃឹម វុទ្ធី ត្រូវបានព្រះមហាក្សត្រតែងតាំងជាអគ្គនាយកនៃទ.ទ.ក តាមរយៈការស្នើសុំរបស់សម្តេចនាយករដ្ឋមន្ត្រី។
លោក ឃឹម វុទ្ធី គឺជាអគ្គនាយរងមួយរូបក្នុងចំណោមអគ្គនាយករងជាច្រើនរូបរបស់ទ.ទ.ក៕
Tag:
ហ៊ុន សែន
ឃឹម វុទ្ធី
ទទក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
