ជាតិ
×![]()
ដោយ: ម៉ៅ សុផា
ភ្នំពេញ៖ លោក សម រង្សី អតីតប្រធានគណបក្សប្រឆាំង និងគូប្រកួតនយោបាយរបស់នាយករដ្ឋមន្ត្រី ហ៊ុន សែន ប្រធានគណបក្សកាន់អំណាច អាចវិលមកកម្ពុជាវិញបាន ដោយការគ្មានរារាំងទៀតឡើយ។ ប៉ុន្តែ លោក សម រង្ស៊ី ប្រហែលជាមិនអាចគេចផុតពីការប្រឈមនឹងរឿងក្តីយ៉ាងច្រើនស្អេកស្កះ នៅក្នុងតុលាការនោះទេ នៅពេលលោកមកដល់កម្ពុជា។
ឲ្យតែមានការអនុញ្ញាតពីរដ្ឋាភិបាល លោក សម រង្ស៊ី អតីតប្រធានណបក្សសង្គ្រោះជាតិ នឹងវិលត្រឡប់មកកម្ពុជាវិញភ្លាម ទោះមិនទាន់ទទួលបានព្រះរាជទានលើកលែងទោស ពីព្រះមហាក្សត្រក៏ដោយ។ នេះជាការប្រកាសរបស់លោក សម រង្ស៊ី ក្នុងកិច្ចសម្ភាសជាមួយវិទ្យុអាស៊ីសេរី កាលពីយប់ថ្ងៃទី១៣ ខែមិថុនា ឆ្នាំ២០១៧។
បើតាមការប្តេជ្ញានេះ លោក សម រង្ស៊ី ហាក់មិនខ្លាចនឹងការជាប់ពន្ធនាគារនោះទេ នៅពេលត្រឡប់មកដល់កម្ពុជាវិញ។ លោក និយាយយ៉ាងដូច្នេះថា៖«ខ្ញុំព្រមចូល ឲ្យតែមានការធានា ថាបើកផ្លូវឲ្យខ្ញុំវិលត្រឡប់ទៅជាន់ដីប្រទេសកម្ពុជាវិញ។ ខ្ញុំនឹងទៅភ្លាមមួយរំពេច។ [ …..]»។
គ្រាន់តែលោក សម រង្ស៊ី ប្រកាសបែបនេះរួចហើយ បម្រាម ដែលហាមក្រុមហ៊ុនអាកាសចរណ៍ មិនឲ្យដឹកលោក សម រង្ស៊ី មកកម្ពុជា ក៏ត្រូវបានរដ្ឋាភិបាល ដែលស្ថិតនៅក្រោមការដឹកនាំរបស់នាយករដ្ឋមន្ត្រី ហ៊ុន សែន លុបចោលវិញ នៅព្រឹកថ្ងៃទី១៤ ខែមិថុនា ឆ្នាំ២០១៧នេះ។ ដូច្នេះ ចាប់ពីថ្ងៃទី១៤ ខែមិថុនា ឆ្នាំ២០១៧នេះតទៅ លោក សម រង្ស៊ី ដែលកំពុងរស់នៅឯប្រទេសបារាំង អាចវិលត្រឡប់មកប្រទេសកម្ពុជាវិញ នៅពេលណាក៏បាន។
ថ្វីដ្បិតប្រកាសថាមិនព្រួយបារម្ភនឹងបណ្តឹងនៅតុលាការក៏ពិតមែន ប៉ុន្តែ លោក សម រង្ស៊ី មិនអាចរំលងការគិតគូរឲ្យបានម៉ត់ចត់នោះទេ មុននឹងសម្រេចវិលមកកម្ពុជាវិញ។ អ្វីដែលគួរឲ្យគត់សម្គាល់នោះ រហូតមកដល់ពេលនេះ លោក សម រង្ស៊ី នៅមិនទាន់ប្រតិកម្មអ្វីឡើយ ជុំវិញសេចក្តីសម្រេចរបស់រដ្ឋាភិបាលកម្ពុជា ដែលបញ្ឈប់ការហាមឃាត់លោក ក្នុងការវិលមកកម្ពុជាវិញ។
ប្រសិនបើតុលាការ នៅតែបន្តអនុវត្តនីតិវិធី លោក សម រង្ស៊ី ត្រូវតែប្រឈមនឹងការជាប់ពន្ធនាគារ និងការតតាំងតាមផ្លូវច្បាប់ចំពោះបណ្តឹងមួយចំនួនទៀត ដោយជៀសមិនរួច នៅពេលមកដល់ប្រទេសកម្ពុជាវិញ។
លោក គឹម សន្តិភាព អ្នកនាំពាក្យក្រសួងយុត្តិធម៌ បាននិយាយបែបចំអកផង និងបែបព្រមានផង ទៅកាន់លោក សម រង្ស៊ី ជុំវិញការវិលមកកម្ពុជាវិញ។ លោក គឹម សន្តិភាព បានសរសេរនៅលើទំព័រហ្វេសប៊ុកថា៖«ប្រាកដណាស់ ទណ្ឌិត សម រង្ស៊ី អាចវិលមកចូលរួមប្រកួតប្រជែងបាន គឺប្រកួតប្រជែងជាមួយទណ្ឌិតដទៃទៀត ក្នុងពន្ធនាគារ។ ពន្ធនាគារ រង់ចាំជានិច្ចនូវទណ្ឌិតណា ដែលមានសេចក្តីសម្រេចផ្តន្ទាទោសដាក់ពន្ធនាគារស្ថាពរពីអំណាចតុលាការ។ […] មន្ត្រីមានសមត្ថកិច្ច មានកាតព្វកិច្ចអនុវត្តតាមបញ្ជារបស់អំណាចតុលាការ»។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ មិនហ៊ានអះអាងនោះទេថា លោក សម រង្ស៊ី នឹងវិលមកកម្ពុជាវិញ មុនការបោះឆ្នោត នាឆ្នាំ២០១៨ ឬយ៉ាងណា។ លោក បានបន្ថែមថា គណបក្សសង្គ្រោះជាតិ ក៏មិនទាន់បានពិភាក្សាជាលោក សម រង្ស៊ី ដែរ ជុំវិញការវិលមកម្ពុជា។
ប៉ុន្តែលោក យឹម សុវណ្ណ បានបញ្ជាក់ថា ប្រសិនបើលោក សម រង្សី ហ៊ានអះអាងថាមកកម្ពុជាវិញហើយ នោះលោក ច្បាស់ជាមកមិនខាន។ អ្នកនាំពាក្យគណបក្សសង្គ្រោះជាតិរូបនេះ បានប្រាប់សារព័ត៌មានថ្មីៗយ៉ាងដូច្នេះថា៖«បើតាមខ្ញុំ ដែលធ្លាប់ធ្វើការជាមួយគាត់ (លោក សម រង្ស៊ី ) ពីមុនមក បើគាត់ មានប្រសាសន៍យ៉ាងម៉េច គឺគាត់ នឹងធ្វើយ៉ាងនោះហើយ។ ដូចកាលឆ្នាំ២០ ១៣ អ៊ីចឹង គាត់ថាគាត់នឹងមកឲ្យទាល់បាន មុនការបោះឆ្នោតឆ្នាំ២០១៣ ដល់ទីបំផុត គាត់ក៏ត្រឡប់មកមែន»។
លោក សម រង្ស៊ី បានរងបណ្តឹងរហូតដល់ទៅ៨ឯណោះ ដែលប្តឹងដោយសកម្មជននិងមេដឹកនាំនៃគណបក្សកាន់អំណាច។ បណ្តឹងចំនួន៥ ត្រូវបានកាត់ក្តីរួចរាល់ ហើយបណ្តឹងចំនួន៣ទៀត កំពុងតែដំណើរការ នៅឡើយទេ។
បើសរុបទោសកំហុស ដែលតុលាការ បានសម្រេចនោះ លោក សម រង្ស៊ី ត្រូវជាប់ពន្ធនាគារ យ៉ាងតិចចំនួន៦ឆ្នាំកន្លះ និងបង់ប្រាក់ជាង ៥ម៉ឺនដុល្លារ។
បណ្តឹងដែលត្រូវបានកាត់ក្តីរួច រួមមាន បណ្តឹងរបស់លោក ហោ ណាំហុង អតីតរដ្ឋមន្ត្រីក្រសួងការបរទេស បណ្តឹងរបស់លោក សោម សឿន រដ្ឋមន្ត្រីប្រតិភូអមនាយករដ្ឋមន្ត្រី បណ្តឹងរបស់សម្តេច ហេង សំរិន ប្រធានរដ្ឋសភា បណ្តឹងរបស់សម្តេចនាយករដ្ឋមន្ត្រី ហ៊ុន សែន ហើយចុងក្រោយ គឺបណ្តឹង ដែលប្តឹងដោយព្រះរាជអាជ្ញា ផ្តាល់តែម្តង។
ជុំវិញបណ្តឹងរបស់របស់លោក ហោ ណាំហុង តុលាការ បានផ្តន្ទាទោសលោក សម រង្ស៊ីឲ្យជាប់ពន្ធនាគាររយៈពេល២ឆ្នាំ និងពិន័យជាប្រាក់ចំនួន ៨លានរៀល (២០០០ដុល្លារ)ពីបទ «ញុះញង់ឲ្យមានការរើសអើង»។
ចំពោះបណ្តឹងមួយទៀត ដែលព្រះរាជអាជ្ញាដើរតួជាដើមបណ្តឹងនោះ លោក សម រង្ស៊ី ត្រូវបានកាត់ទោសឲ្យជាប់ពន្ធនាគាររយៈពេល៥ឆ្នាំ។ តែចៅក្រម សម្រេចឲ្យលោក សម រង្ស៊ី អនុវត្តទោសក្នុងពន្ធនាគារ តែ៣ឆ្នាំប៉ុណ្ណោះ ហើយ២ឆ្នាំទៀត ត្រូវបានព្យួរ។ ក្នុងសំណុំរឿងនេះ តុលាការ បានចោទលោក សម រង្ស៊ី ពីបទ «សមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារសាធារណៈនិងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» ដែលពាក់ព័ន្ធនឹងបញ្ហាព្រំដែនកម្ពុជា-វៀតណាម។
ចំណែកបណ្តឹងរបស់លោក សោម សឿន រដ្ឋមន្ត្រីប្រតិភូអមនាយករដ្ឋមន្ត្រី តុលាការ បានចោទលោក សម រង្ស៊ី ពីបទ«បរិហារកេរ្តិ៍ជាសាធារណៈ» ។ តុលាការ តម្រូវឲ្យលោក សម រង្ស៊ីបង់ប្រាក់ចំនួន១០លានរៀល (២៥០០ដុល្លារ) ចូលរដ្ឋ និង១៥លានរៀល (៣៧៥០ដុល្លារ) ឲ្យទៅដើមបណ្តឹង។បណ្តឹងនេះ កើតឡើងដោយសារតែលោក សម រង្ស៊ី ចោទសម្តេច ហ៊ុន សែន ថា បញ្ជាមន្ត្រីក្រោមឱវាទឲ្យបង្កើតគណនីហ្វេសប៊ុកក្លែងក្លាយ ដើម្បីយកទៅចុច Like លើទំព័រហ្វេសប៊ុករបស់សម្តេច ហ៊ុន សែន។
រីឯបណ្តឹងរបស់សម្តេច ហេង សំរិន តុលាការ បានតម្រូវឲ្យលោក សម រង្ស៊ី បង់ប្រាក់ចូលថវិកាជាតិចំនួន១០លានរៀល (២៥០០ដុល្លារ)និងសងសំណងជំងឺចិត្តដល់ដើមបណ្តឹងចំនួន១៥០លានរៀល (៣៧៥០០ដុល្លារ)។ សម្តេច ហេង សំរិន បានប្តឹងលោក សម រង្ស៊ី ពីបទ «បរិហារកេរិ៍្តជាសាធារណៈ»។
ពាក់ពន្ធនឹងបណ្តឹងរបស់សម្តេច ហ៊ុន សែន តុលាការបាន សម្រេចឲ្យលោក សម រង្ស៊ី ជាប់ពន្ធនាការ១ឆ្នាំ ៨ខែ និងបង់ប្រាក់ចំនួន១០លានរៀល ក្រោមបទចោទ «បរិហារកេរ្តិ៍ជាសាធារណៈ» និងបទ «ញុះញង់ឲ្យប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ ការរងបណ្តឹងនេះ គឺដោយសារតែលោក សម រង្ស៊ី ចោទសម្តេច ហ៊ុន សែន ថានៅពីក្រោយខ្នងនៃអំពើឃាតកម្មលើលោក កែម ឡី ដែលជាអ្នកវិភាគនយោបាយដ៏ល្បីនៅកម្ពុជា។
ក្រៅពីបណ្តឹងខាងលើ ដែលតុលាការបានកាត់ក្តីរួច លោក សម រង្ស៊ី នៅជាប់បណ្តឹងចំនួន៣ទៀត ដែលតុលាការកំពុងតែដំណើរនាពេលបច្ចុប្បន្ននេះ។ បណ្តឹងទាំងនោះរួមមាន បណ្តឹងរបស់សម្តេច ហ៊ុន សែន និងបណ្តឹងរបស់កញ្ញា ធី សុវណ្ណថា រួមទាំងបណ្តឹង ដែលប្តឹងដោយ ព្រះរាជអាជ្ញា ផងដែរ។
លោក សម រង្ស៊ី បានរងបណ្តឹងមួយទៀត ពីសម្តេច ហ៊ុន សែន។ សម្រាប់បណ្តឹងក្រោយនេះ សម្តេច ហ៊ុន សែន បានប្តឹងលោក សម រង្ស៊ី ពីបទ «បរិហារកេរ្តិ៍ជាសាធារណៈ» ដដែល ដោយទារសំណងជំងឺចិត្ត ចំនួន១លានដុលា្លរ។ ការរងបណ្តឹងនេះ គឺដោយសារតែលោក សម រង្ស៊ី ចោទ សម្តេច ហ៊ុន សែន ថា បានសូកប្រាក់ចំនួន១លានដុលា្លរ ដល់កញ្ញា ធី សុវណ្ណថា ដែលជាអ្នកគាំទ្រគណបក្សប្រជាជនកម្ពុជា ដើម្បីវាយប្រហារគណបក្សសង្គ្រោះជាតិ។ ព្រោះតែការលើកឡើងបែបនេះ កញ្ញា ធី សុវណ្ណថា ក៏បានប្តឹងលោក សម រង្ស៊ី ពីបទ «បរិហារកេរ្ត៍ជាសាធារណៈ» ដូចគ្នា ដោយទារសំណងជំងឺចិត្តចំនួន ២សែន ៥ម៉ឺនដុល្លារ។
រឿងក្តីមួយទៀត គឺពាក់ព័ន្ធនឹងបទ «ញុះញង់ បង្កចលាចល ប៉ះពាល់ដល់សន្តិសុខសង្គម» ដែលព្រះរាជអាជ្ញានៃអយ្យការអមសាលាដំបូងរាជធានីភ្នំពេញជាអ្នកដើរតួជាដើមបណ្តឹង។
លោក សំ សុគង់ មេធាវីរបស់លោក សម រង្ស៊ីធ្លាប់ប្រាប់សារព័ត៌មានថ្មីៗថា ព្រះរាជអាជ្ញាពឹងផ្អែកលើរបាយការណ៍ពីសមត្ថកិច្ចក្នុងការស៊ើបអង្កេតក្នុងរឿងក្តីខាងលើ។ បើតាមលោក សំ សុគង់ អង្គហេតុដែលសមត្ថកិច្ច បញ្ជូនទៅព្រះរាជអាជ្ញាគឺទាក់ទងនឹងសារនយោបាយរបស់លោក សម រង្ស៊ីដែលបានថ្លែងនៅក្នុងវត្តខ្មែរមួយ ក្នុងប្រទេសបារាំង កាលពីថ្ងៃទី១១ខែកញ្ញា ឆ្នាំ២០១៦៕
ឲ្យតែមានការអនុញ្ញាតពីរដ្ឋាភិបាល លោក សម រង្ស៊ី អតីតប្រធានណបក្សសង្គ្រោះជាតិ នឹងវិលត្រឡប់មកកម្ពុជាវិញភ្លាម ទោះមិនទាន់ទទួលបានព្រះរាជទានលើកលែងទោស ពីព្រះមហាក្សត្រក៏ដោយ។ នេះជាការប្រកាសរបស់លោក សម រង្ស៊ី ក្នុងកិច្ចសម្ភាសជាមួយវិទ្យុអាស៊ីសេរី កាលពីយប់ថ្ងៃទី១៣ ខែមិថុនា ឆ្នាំ២០១៧។
បើតាមការប្តេជ្ញានេះ លោក សម រង្ស៊ី ហាក់មិនខ្លាចនឹងការជាប់ពន្ធនាគារនោះទេ នៅពេលត្រឡប់មកដល់កម្ពុជាវិញ។ លោក និយាយយ៉ាងដូច្នេះថា៖«ខ្ញុំព្រមចូល ឲ្យតែមានការធានា ថាបើកផ្លូវឲ្យខ្ញុំវិលត្រឡប់ទៅជាន់ដីប្រទេសកម្ពុជាវិញ។ ខ្ញុំនឹងទៅភ្លាមមួយរំពេច។ [ …..]»។
គ្រាន់តែលោក សម រង្ស៊ី ប្រកាសបែបនេះរួចហើយ បម្រាម ដែលហាមក្រុមហ៊ុនអាកាសចរណ៍ មិនឲ្យដឹកលោក សម រង្ស៊ី មកកម្ពុជា ក៏ត្រូវបានរដ្ឋាភិបាល ដែលស្ថិតនៅក្រោមការដឹកនាំរបស់នាយករដ្ឋមន្ត្រី ហ៊ុន សែន លុបចោលវិញ នៅព្រឹកថ្ងៃទី១៤ ខែមិថុនា ឆ្នាំ២០១៧នេះ។ ដូច្នេះ ចាប់ពីថ្ងៃទី១៤ ខែមិថុនា ឆ្នាំ២០១៧នេះតទៅ លោក សម រង្ស៊ី ដែលកំពុងរស់នៅឯប្រទេសបារាំង អាចវិលត្រឡប់មកប្រទេសកម្ពុជាវិញ នៅពេលណាក៏បាន។
ថ្វីដ្បិតប្រកាសថាមិនព្រួយបារម្ភនឹងបណ្តឹងនៅតុលាការក៏ពិតមែន ប៉ុន្តែ លោក សម រង្ស៊ី មិនអាចរំលងការគិតគូរឲ្យបានម៉ត់ចត់នោះទេ មុននឹងសម្រេចវិលមកកម្ពុជាវិញ។ អ្វីដែលគួរឲ្យគត់សម្គាល់នោះ រហូតមកដល់ពេលនេះ លោក សម រង្ស៊ី នៅមិនទាន់ប្រតិកម្មអ្វីឡើយ ជុំវិញសេចក្តីសម្រេចរបស់រដ្ឋាភិបាលកម្ពុជា ដែលបញ្ឈប់ការហាមឃាត់លោក ក្នុងការវិលមកកម្ពុជាវិញ។
ប្រសិនបើតុលាការ នៅតែបន្តអនុវត្តនីតិវិធី លោក សម រង្ស៊ី ត្រូវតែប្រឈមនឹងការជាប់ពន្ធនាគារ និងការតតាំងតាមផ្លូវច្បាប់ចំពោះបណ្តឹងមួយចំនួនទៀត ដោយជៀសមិនរួច នៅពេលមកដល់ប្រទេសកម្ពុជាវិញ។
លោក គឹម សន្តិភាព អ្នកនាំពាក្យក្រសួងយុត្តិធម៌ បាននិយាយបែបចំអកផង និងបែបព្រមានផង ទៅកាន់លោក សម រង្ស៊ី ជុំវិញការវិលមកកម្ពុជាវិញ។ លោក គឹម សន្តិភាព បានសរសេរនៅលើទំព័រហ្វេសប៊ុកថា៖«ប្រាកដណាស់ ទណ្ឌិត សម រង្ស៊ី អាចវិលមកចូលរួមប្រកួតប្រជែងបាន គឺប្រកួតប្រជែងជាមួយទណ្ឌិតដទៃទៀត ក្នុងពន្ធនាគារ។ ពន្ធនាគារ រង់ចាំជានិច្ចនូវទណ្ឌិតណា ដែលមានសេចក្តីសម្រេចផ្តន្ទាទោសដាក់ពន្ធនាគារស្ថាពរពីអំណាចតុលាការ។ […] មន្ត្រីមានសមត្ថកិច្ច មានកាតព្វកិច្ចអនុវត្តតាមបញ្ជារបស់អំណាចតុលាការ»។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ មិនហ៊ានអះអាងនោះទេថា លោក សម រង្ស៊ី នឹងវិលមកកម្ពុជាវិញ មុនការបោះឆ្នោត នាឆ្នាំ២០១៨ ឬយ៉ាងណា។ លោក បានបន្ថែមថា គណបក្សសង្គ្រោះជាតិ ក៏មិនទាន់បានពិភាក្សាជាលោក សម រង្ស៊ី ដែរ ជុំវិញការវិលមកម្ពុជា។
ប៉ុន្តែលោក យឹម សុវណ្ណ បានបញ្ជាក់ថា ប្រសិនបើលោក សម រង្សី ហ៊ានអះអាងថាមកកម្ពុជាវិញហើយ នោះលោក ច្បាស់ជាមកមិនខាន។ អ្នកនាំពាក្យគណបក្សសង្គ្រោះជាតិរូបនេះ បានប្រាប់សារព័ត៌មានថ្មីៗយ៉ាងដូច្នេះថា៖«បើតាមខ្ញុំ ដែលធ្លាប់ធ្វើការជាមួយគាត់ (លោក សម រង្ស៊ី ) ពីមុនមក បើគាត់ មានប្រសាសន៍យ៉ាងម៉េច គឺគាត់ នឹងធ្វើយ៉ាងនោះហើយ។ ដូចកាលឆ្នាំ២០ ១៣ អ៊ីចឹង គាត់ថាគាត់នឹងមកឲ្យទាល់បាន មុនការបោះឆ្នោតឆ្នាំ២០១៣ ដល់ទីបំផុត គាត់ក៏ត្រឡប់មកមែន»។
លោក សម រង្ស៊ី បានរងបណ្តឹងរហូតដល់ទៅ៨ឯណោះ ដែលប្តឹងដោយសកម្មជននិងមេដឹកនាំនៃគណបក្សកាន់អំណាច។ បណ្តឹងចំនួន៥ ត្រូវបានកាត់ក្តីរួចរាល់ ហើយបណ្តឹងចំនួន៣ទៀត កំពុងតែដំណើរការ នៅឡើយទេ។
បើសរុបទោសកំហុស ដែលតុលាការ បានសម្រេចនោះ លោក សម រង្ស៊ី ត្រូវជាប់ពន្ធនាគារ យ៉ាងតិចចំនួន៦ឆ្នាំកន្លះ និងបង់ប្រាក់ជាង ៥ម៉ឺនដុល្លារ។
បណ្តឹងដែលត្រូវបានកាត់ក្តីរួច រួមមាន បណ្តឹងរបស់លោក ហោ ណាំហុង អតីតរដ្ឋមន្ត្រីក្រសួងការបរទេស បណ្តឹងរបស់លោក សោម សឿន រដ្ឋមន្ត្រីប្រតិភូអមនាយករដ្ឋមន្ត្រី បណ្តឹងរបស់សម្តេច ហេង សំរិន ប្រធានរដ្ឋសភា បណ្តឹងរបស់សម្តេចនាយករដ្ឋមន្ត្រី ហ៊ុន សែន ហើយចុងក្រោយ គឺបណ្តឹង ដែលប្តឹងដោយព្រះរាជអាជ្ញា ផ្តាល់តែម្តង។
ជុំវិញបណ្តឹងរបស់របស់លោក ហោ ណាំហុង តុលាការ បានផ្តន្ទាទោសលោក សម រង្ស៊ីឲ្យជាប់ពន្ធនាគាររយៈពេល២ឆ្នាំ និងពិន័យជាប្រាក់ចំនួន ៨លានរៀល (២០០០ដុល្លារ)ពីបទ «ញុះញង់ឲ្យមានការរើសអើង»។
ចំពោះបណ្តឹងមួយទៀត ដែលព្រះរាជអាជ្ញាដើរតួជាដើមបណ្តឹងនោះ លោក សម រង្ស៊ី ត្រូវបានកាត់ទោសឲ្យជាប់ពន្ធនាគាររយៈពេល៥ឆ្នាំ។ តែចៅក្រម សម្រេចឲ្យលោក សម រង្ស៊ី អនុវត្តទោសក្នុងពន្ធនាគារ តែ៣ឆ្នាំប៉ុណ្ណោះ ហើយ២ឆ្នាំទៀត ត្រូវបានព្យួរ។ ក្នុងសំណុំរឿងនេះ តុលាការ បានចោទលោក សម រង្ស៊ី ពីបទ «សមគំនិតក្នុងអំពើក្លែងបន្លំឯកសារសាធារណៈ ប្រើប្រាស់ឯកសារសាធារណៈនិងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» ដែលពាក់ព័ន្ធនឹងបញ្ហាព្រំដែនកម្ពុជា-វៀតណាម។
ចំណែកបណ្តឹងរបស់លោក សោម សឿន រដ្ឋមន្ត្រីប្រតិភូអមនាយករដ្ឋមន្ត្រី តុលាការ បានចោទលោក សម រង្ស៊ី ពីបទ«បរិហារកេរ្តិ៍ជាសាធារណៈ» ។ តុលាការ តម្រូវឲ្យលោក សម រង្ស៊ីបង់ប្រាក់ចំនួន១០លានរៀល (២៥០០ដុល្លារ) ចូលរដ្ឋ និង១៥លានរៀល (៣៧៥០ដុល្លារ) ឲ្យទៅដើមបណ្តឹង។បណ្តឹងនេះ កើតឡើងដោយសារតែលោក សម រង្ស៊ី ចោទសម្តេច ហ៊ុន សែន ថា បញ្ជាមន្ត្រីក្រោមឱវាទឲ្យបង្កើតគណនីហ្វេសប៊ុកក្លែងក្លាយ ដើម្បីយកទៅចុច Like លើទំព័រហ្វេសប៊ុករបស់សម្តេច ហ៊ុន សែន។
រីឯបណ្តឹងរបស់សម្តេច ហេង សំរិន តុលាការ បានតម្រូវឲ្យលោក សម រង្ស៊ី បង់ប្រាក់ចូលថវិកាជាតិចំនួន១០លានរៀល (២៥០០ដុល្លារ)និងសងសំណងជំងឺចិត្តដល់ដើមបណ្តឹងចំនួន១៥០លានរៀល (៣៧៥០០ដុល្លារ)។ សម្តេច ហេង សំរិន បានប្តឹងលោក សម រង្ស៊ី ពីបទ «បរិហារកេរិ៍្តជាសាធារណៈ»។
ពាក់ពន្ធនឹងបណ្តឹងរបស់សម្តេច ហ៊ុន សែន តុលាការបាន សម្រេចឲ្យលោក សម រង្ស៊ី ជាប់ពន្ធនាការ១ឆ្នាំ ៨ខែ និងបង់ប្រាក់ចំនួន១០លានរៀល ក្រោមបទចោទ «បរិហារកេរ្តិ៍ជាសាធារណៈ» និងបទ «ញុះញង់ឲ្យប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ ការរងបណ្តឹងនេះ គឺដោយសារតែលោក សម រង្ស៊ី ចោទសម្តេច ហ៊ុន សែន ថានៅពីក្រោយខ្នងនៃអំពើឃាតកម្មលើលោក កែម ឡី ដែលជាអ្នកវិភាគនយោបាយដ៏ល្បីនៅកម្ពុជា។
ក្រៅពីបណ្តឹងខាងលើ ដែលតុលាការបានកាត់ក្តីរួច លោក សម រង្ស៊ី នៅជាប់បណ្តឹងចំនួន៣ទៀត ដែលតុលាការកំពុងតែដំណើរនាពេលបច្ចុប្បន្ននេះ។ បណ្តឹងទាំងនោះរួមមាន បណ្តឹងរបស់សម្តេច ហ៊ុន សែន និងបណ្តឹងរបស់កញ្ញា ធី សុវណ្ណថា រួមទាំងបណ្តឹង ដែលប្តឹងដោយ ព្រះរាជអាជ្ញា ផងដែរ។
លោក សម រង្ស៊ី បានរងបណ្តឹងមួយទៀត ពីសម្តេច ហ៊ុន សែន។ សម្រាប់បណ្តឹងក្រោយនេះ សម្តេច ហ៊ុន សែន បានប្តឹងលោក សម រង្ស៊ី ពីបទ «បរិហារកេរ្តិ៍ជាសាធារណៈ» ដដែល ដោយទារសំណងជំងឺចិត្ត ចំនួន១លានដុលា្លរ។ ការរងបណ្តឹងនេះ គឺដោយសារតែលោក សម រង្ស៊ី ចោទ សម្តេច ហ៊ុន សែន ថា បានសូកប្រាក់ចំនួន១លានដុលា្លរ ដល់កញ្ញា ធី សុវណ្ណថា ដែលជាអ្នកគាំទ្រគណបក្សប្រជាជនកម្ពុជា ដើម្បីវាយប្រហារគណបក្សសង្គ្រោះជាតិ។ ព្រោះតែការលើកឡើងបែបនេះ កញ្ញា ធី សុវណ្ណថា ក៏បានប្តឹងលោក សម រង្ស៊ី ពីបទ «បរិហារកេរ្ត៍ជាសាធារណៈ» ដូចគ្នា ដោយទារសំណងជំងឺចិត្តចំនួន ២សែន ៥ម៉ឺនដុល្លារ។
រឿងក្តីមួយទៀត គឺពាក់ព័ន្ធនឹងបទ «ញុះញង់ បង្កចលាចល ប៉ះពាល់ដល់សន្តិសុខសង្គម» ដែលព្រះរាជអាជ្ញានៃអយ្យការអមសាលាដំបូងរាជធានីភ្នំពេញជាអ្នកដើរតួជាដើមបណ្តឹង។
លោក សំ សុគង់ មេធាវីរបស់លោក សម រង្ស៊ីធ្លាប់ប្រាប់សារព័ត៌មានថ្មីៗថា ព្រះរាជអាជ្ញាពឹងផ្អែកលើរបាយការណ៍ពីសមត្ថកិច្ចក្នុងការស៊ើបអង្កេតក្នុងរឿងក្តីខាងលើ។ បើតាមលោក សំ សុគង់ អង្គហេតុដែលសមត្ថកិច្ច បញ្ជូនទៅព្រះរាជអាជ្ញាគឺទាក់ទងនឹងសារនយោបាយរបស់លោក សម រង្ស៊ីដែលបានថ្លែងនៅក្នុងវត្តខ្មែរមួយ ក្នុងប្រទេសបារាំង កាលពីថ្ងៃទី១១ខែកញ្ញា ឆ្នាំ២០១៦៕
Tag:
សម រង្ស៊ី
© រក្សាសិទ្ធិដោយ thmeythmey.com
