ជាតិ
សេដ្ឋកិច្ច
រដ្ឋាភិបាលដាក់ចេញ«យុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥»
×![]()
ភ្នំពេញ៖ រដ្ឋាភិបាល នៅថ្ងៃទី១៥ខែមិថុនា បានប្រកាសដាក់ចេញយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥ ដើម្បីបន្តជំរុញវិស័យហិរញ្ញវត្ថុរបស់កម្ពុជាកាន់តែប្រសើឡើង។
រដ្ឋាភិបាលបានរៀបចំផែនការយុទ្ធសាស្ត្រអភិវឌ្ឍន៍វិស័យហិរញ្ញវត្ថុលើកដំបូងនៅឆ្នាំ២០០១ ព្រមទាំងធ្វើបច្ចុប្បន្នភាពឯកសារយុទ្ធសាស្ត្រនេះរាល់៥ឆ្នាំម្ដងចំនួនពីរលើរួចមកហើយ។ ការហើយដាក់ចេញយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥ នេះគឺជាឯកសារដែលត្រូវបានធ្វើបច្ចុប្បន្នភាពលើកទី៣ និងត្រូវបានអនុម័តដោយកិច្ចប្រជុំពេញអង្គគណៈរដ្ឋមន្ត្រីកាលពីខែតុលាឆ្នាំ២០១៦ ។
ទេសាភិបាលនៃធនាគារជាតិនៃកម្ពុជា លោក ជា ចាន់តូ ថ្លែងក្នុងពិធីសម្ពោធនេះថា ដោយសារមានផែនការយុទ្ធសាស្ត្រច្បាស់លាស់ វិស័យហិរញ្ញវត្ថុបានរីកចម្រើនយ៉ាងឆាប់រហ័សក្នុងរយៈពេល១៥ឆ្នាំចុងក្រោយនេះ ហើយបានគាំទ្រសេដ្ឋកិច្ចឲ្យមានកំណើនខ្ពស់ប្រមាណ ៧ភាគរយក្នុងមួយឆ្នាំ។ លោកបន្តថា វិស័យហិរញ្ញវត្ថុបានរួមចំណែកកាត់បន្ថយភាពក្រីក្រ និងលើកកម្ពស់បរិយាប័ន្នហិរញ្ញវត្ថុជាលំដាប់ ដែលឆ្លុះបញ្ចាំងតាមរយៈកំណើននៃប្រជាជនពេញវ័យដែលកំពុងប្រើប្រាស់សេវាហិរញ្ញវត្ថុ (រួមមានសេវាឥណទាន បញ្ញើ និងទូទាត់) ដែលប្រមាណ ៥៤ភាគរយ ធៀបនឹងប្រមាណទាបជាង ១០ភាគរយ កាលដើមទស្សវតស្សរ៍ឆ្នាំ២០០០។
លោក ជា ចាន់តូ បន្ថែមថា ឯកសារយុទ្ធសាស្ត្រនេះបានរំលេចពីទស្សនវិស័យរយៈពេលវែង ក៏ដូចជាសមិទ្ធផល បញ្ហាប្រឈម និងផែនការសកម្មភាពជាជំហានៗ សំដៅអភិវឌ្ឍន៍វិស័យហិរញ្ញវត្ថុមួយដ៏រឹងមាំ ដោយឈរលើមូលដ្ឋានប្រព័ន្ធហិរញ្ញវត្ថុមួយផ្អែកលើគោលការណ៍ទីផ្សារ ដែលគាំទ្រកំណើនសេដ្ឋកិច្ចប្រកបដោយចីរភាព។
លោក អូន ព័ន្ធមុនីរ័ត្ន ឲ្យដឹងថា ការដាក់ចេញនូវយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥នេះ បង្ហាញពីប្ដេជ្ញារបស់រដ្ឋាភិបាលក្នុងការអភិវឌ្ឍន៍វិស័យហិរញ្ញវត្ថុ ដោយផ្អែកលើគោលការណ៍ទីផ្សារ ដើម្បីផ្ដល់លទ្ធភាព និងលក្ខខណ្ឌអំណោយផលសម្រាប់ការផ្ដល់សេវាហិរញ្ញវត្ថុនៅកម្ពុជាឲ្យបានទូលំទូលាយ ជឿនលឿន និងប្រសិទ្ធភាពខ្ពស់។ លោកបន្ថែមថា ឯកសារយុទ្ធសាស្ត្រនេះនឹងក្លាយជាផែនទីមគ្គុទេសក៏បច្ចុប្បន្នកម្ម ក្នុងការជំរុញអភិវឌ្ឍន៍វិស័យហិរញ្ញវត្ថុនៅកម្ពុជា តាមរយៈការធ្វើពិពិធកម្មសេវា និងផលិតផលហិរញ្ញវត្ថុ ការពង្រឹងប្រសិទ្ធភាព ព្រមទាំងការធ្វើសមាហរណកម្មនៅថ្នាក់តំបន់។
លោកស្រី សូ ផនណារី អនុប្រធាននាយកប្រិតបត្តិធនាគារអេស៊ីលីដា បានថ្លែងប្រាប់អ្នកសារព័ត៌មានថា ក្នុងការធ្វើផែនការផ្ទាល់ខ្លួនរបស់ធនាគារអេស៊ីលីដា ក៏ដូចជាវិស័យឯកជនផ្សេងទៀតដែរក្នុងវិស័យហិរញ្ញវត្ថុនេះ គឺអនុលោមនឹងយុទ្ធសាស្ត្រអភិវឌ្ឍន៍វិស័យហិរញ្ញវត្ថុរបស់រដ្ឋាភិបាល៕
រដ្ឋាភិបាលបានរៀបចំផែនការយុទ្ធសាស្ត្រអភិវឌ្ឍន៍វិស័យហិរញ្ញវត្ថុលើកដំបូងនៅឆ្នាំ២០០១ ព្រមទាំងធ្វើបច្ចុប្បន្នភាពឯកសារយុទ្ធសាស្ត្រនេះរាល់៥ឆ្នាំម្ដងចំនួនពីរលើរួចមកហើយ។ ការហើយដាក់ចេញយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥ នេះគឺជាឯកសារដែលត្រូវបានធ្វើបច្ចុប្បន្នភាពលើកទី៣ និងត្រូវបានអនុម័តដោយកិច្ចប្រជុំពេញអង្គគណៈរដ្ឋមន្ត្រីកាលពីខែតុលាឆ្នាំ២០១៦ ។
ទេសាភិបាលនៃធនាគារជាតិនៃកម្ពុជា លោក ជា ចាន់តូ ថ្លែងក្នុងពិធីសម្ពោធនេះថា ដោយសារមានផែនការយុទ្ធសាស្ត្រច្បាស់លាស់ វិស័យហិរញ្ញវត្ថុបានរីកចម្រើនយ៉ាងឆាប់រហ័សក្នុងរយៈពេល១៥ឆ្នាំចុងក្រោយនេះ ហើយបានគាំទ្រសេដ្ឋកិច្ចឲ្យមានកំណើនខ្ពស់ប្រមាណ ៧ភាគរយក្នុងមួយឆ្នាំ។ លោកបន្តថា វិស័យហិរញ្ញវត្ថុបានរួមចំណែកកាត់បន្ថយភាពក្រីក្រ និងលើកកម្ពស់បរិយាប័ន្នហិរញ្ញវត្ថុជាលំដាប់ ដែលឆ្លុះបញ្ចាំងតាមរយៈកំណើននៃប្រជាជនពេញវ័យដែលកំពុងប្រើប្រាស់សេវាហិរញ្ញវត្ថុ (រួមមានសេវាឥណទាន បញ្ញើ និងទូទាត់) ដែលប្រមាណ ៥៤ភាគរយ ធៀបនឹងប្រមាណទាបជាង ១០ភាគរយ កាលដើមទស្សវតស្សរ៍ឆ្នាំ២០០០។
លោក ជា ចាន់តូ បន្ថែមថា ឯកសារយុទ្ធសាស្ត្រនេះបានរំលេចពីទស្សនវិស័យរយៈពេលវែង ក៏ដូចជាសមិទ្ធផល បញ្ហាប្រឈម និងផែនការសកម្មភាពជាជំហានៗ សំដៅអភិវឌ្ឍន៍វិស័យហិរញ្ញវត្ថុមួយដ៏រឹងមាំ ដោយឈរលើមូលដ្ឋានប្រព័ន្ធហិរញ្ញវត្ថុមួយផ្អែកលើគោលការណ៍ទីផ្សារ ដែលគាំទ្រកំណើនសេដ្ឋកិច្ចប្រកបដោយចីរភាព។
លោក អូន ព័ន្ធមុនីរ័ត្ន ឲ្យដឹងថា ការដាក់ចេញនូវយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ ២០១៦-២០២៥នេះ បង្ហាញពីប្ដេជ្ញារបស់រដ្ឋាភិបាលក្នុងការអភិវឌ្ឍន៍វិស័យហិរញ្ញវត្ថុ ដោយផ្អែកលើគោលការណ៍ទីផ្សារ ដើម្បីផ្ដល់លទ្ធភាព និងលក្ខខណ្ឌអំណោយផលសម្រាប់ការផ្ដល់សេវាហិរញ្ញវត្ថុនៅកម្ពុជាឲ្យបានទូលំទូលាយ ជឿនលឿន និងប្រសិទ្ធភាពខ្ពស់។ លោកបន្ថែមថា ឯកសារយុទ្ធសាស្ត្រនេះនឹងក្លាយជាផែនទីមគ្គុទេសក៏បច្ចុប្បន្នកម្ម ក្នុងការជំរុញអភិវឌ្ឍន៍វិស័យហិរញ្ញវត្ថុនៅកម្ពុជា តាមរយៈការធ្វើពិពិធកម្មសេវា និងផលិតផលហិរញ្ញវត្ថុ ការពង្រឹងប្រសិទ្ធភាព ព្រមទាំងការធ្វើសមាហរណកម្មនៅថ្នាក់តំបន់។
លោកស្រី សូ ផនណារី អនុប្រធាននាយកប្រិតបត្តិធនាគារអេស៊ីលីដា បានថ្លែងប្រាប់អ្នកសារព័ត៌មានថា ក្នុងការធ្វើផែនការផ្ទាល់ខ្លួនរបស់ធនាគារអេស៊ីលីដា ក៏ដូចជាវិស័យឯកជនផ្សេងទៀតដែរក្នុងវិស័យហិរញ្ញវត្ថុនេះ គឺអនុលោមនឹងយុទ្ធសាស្ត្រអភិវឌ្ឍន៍វិស័យហិរញ្ញវត្ថុរបស់រដ្ឋាភិបាល៕
Tag:
ឥណទាន
ហិរញ្ញវត្ថុ
© រក្សាសិទ្ធិដោយ thmeythmey.com
