ជាតិ
តុលាការផ្អាកជម្រះក្តីលោក អ៊ំ សំអាន ដោយសារអវត្តមានមេធាវី
× ភ្នំពេញ៖ នៅព្រឹកថ្ងៃទី១៦ មិថុនានេះ តុលាការកំពូល បានសម្រេចផ្អាកដំណើរការជំនុំជម្រះរឿងក្តីលោក អ៊ំ សំអាន តំណាងរាស្ត្រគណបក្សសង្គ្រោះជាតិ ដោយសារអវត្តមានមេធាវីចុងចោទ។
មុនបញ្ចប់សវនាការ តុលាការក៏បានប្រកាសទុករយៈពេល៣ខែ សម្រាប់លោក អ៊ំ សំអាន ស្វែងរកមេធាវីការពារក្តីខ្លួន។ ប៉ុន្តែបើក្នុងករណីមិនអាចរកមេធាវីការពារក្តីបានទេ នោះតុលាការនឹងចាត់តាំងមេធាវី ពីគណៈមេធាវី សម្រាប់លោក អ៊ំ សំអាន តែម្ដង។
លោក អ៊ុំ សំអាន ជាប់ចោទចំនួនពីរបទល្មើស គឺ បទញុះញង់ឲ្យប្រព្រឹត្តបទឧក្រិដ្ឋជាអាទិ៍ បង្កភាពវឹកវរធ្ងន់ធ្ងរដល់សន្តិសុខសង្គម និង បទញុះញង់ឲ្យមានការរើសអើង តាមមាត្រា៤៩៥ និង ៤៩៦ នៃក្រមព្រហ្មទណ្ឌ ដែលប្រព្រឹត្តនៅចំណុចរាជធានីភ្នំពេញ និង ព្រះរាជាណាចក្រកម្ពុជា កាលពីអំឡុងឆ្នាំ២០១៥ រហូតដល់ថ្ងៃទី១០ ខែមេសា ឆ្នាំ២០១៦ ។ តុលាការសម្រេចផ្តន្ទាទោសលោក អ៊ុំ សំអាន ដាក់ពន្ធនាគាររយៈពេល២ឆ្នាំ៦ខែ និងពិន័យ៤លានរៀល ៕
Tag:
អ៊ំ សំអាន
តុលាការ
© រក្សាសិទ្ធិដោយ thmeythmey.com