ពីនេះ ពីនោះ
ព័ត៍មានសុខភាព
ការសិក្សា៖ ញ៉ាំស្រាក្រហមមួយកែវ មានប្រយោជន៍ស្មើនឹងហាត់ប្រាណមួយម៉ោង
× នេះគឺជាដំណឹងល្អមួយសម្រាប់អ្នកចូលចិត្តញ៉ាំស្រាក្រហម ព្រោះថាថ្មីៗនេះ មានការស្រាវជ្រាវមួយរកឃើញថា ការញ៉ាំស្រាក្រហមត្រឹមតែមួយកែវអាចរំលាយជាតិខ្លាញ់ពីក្នុងខ្លួនស្មើនឹងការហាត់ប្រាណមួយម៉ោង។ ការសិក្សាមួយនេះបានធ្វើឡើងដោយសាកលវិទ្យាល័យ Alberta ប្រទេសកាណាដា ហើយបានបញ្ជាក់ថា ស្រាក្រហមមានសារធាតុមួយឈ្មោះថា Resveratrol ដែលស្រដៀងគ្នានឹងអ្វីដែលរាងកាយធ្វើការក្នុងពេលហាត់ប្រាណដែរ។
សារធាតុ Resveratrol ក្នុងស្រាក្រហមមានប្រយោជន៍ខ្លាំងចំពោះរាងកាយច្រើនប្រភេទដូចជា៖
ជួយបញ្ចុះកូឡេស្តេរ៉ុល
កាលណាកូឡេស្តេរ៉ុលក្នុងខ្លួនថយចុះ វាក៏ជំរុញដល់ភាពបត់បែនរបស់សរសៃឈាមដែរ ជាពិសេសនៅពេលមានវត្តមានសារធាតុ Polyphenols របស់ស្រាក្រហមតែម្តង។
ស្រាក្រហមជួយថែរក្សាសុខភាពខួរក្បាល តាមរយៈកាត់បន្ថយជំងឺភ្លេចភ្លាំង ដោយបង្ការកុំឲ្យមានកំណកកើតមានក្នុងខួរក្បាល។
សារធាតុ Resveratrol អាចជួយអ្នកពីជំងឺទឹកនោមផ្អែមបានតាមរយៈសម្រួលដល់ភាពធម្មតារបស់កម្រិតជាតិស្ករក្នុងឈាម។
Resveratrol នឹងបញ្ចេញចោលនូវសារធាតុគីមីជាច្រើនដែលនាំឲ្យកើតជាកំណកឈាម ជាពិសេសកំណកឈាមដែលនាំឲ្យស្ទះដល់សរសៃឈាមខួរក្បាលតែម្តង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com