ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក ជា ច័ន្ទបរិបូរណ៍៖ កីឡា E-Sport នឹងដាក់ឲ្យប្រកួតក្នុងកីឡាស៊ីហ្គេមនៅកម្ពុជា
17, Jun 2017 ,
3:10 pm
រូបភាព
×
ដោយ:
ពីកិច្ចប្រជុំពិគ្រោះយោបល់ និងចែករំលែកបទពិសោធន៍កីឡាអេឡិចត្រូនិក(E-Sport)ក្នុងប្រទេសសហគមអាស៊ាន ដែលរៀបចំលើកដំបូងនៅកម្ពុជា លោក ជា ច័ន្ទបរិបូរណ៍ អនុប្រធានសហព័ន្ធកីឡាអេឡិចត្រូនិកកម្ពុជាបានអះអាងថា កីឡាករ E-Sport នឹងមានវត្តមានក្នុងព្រឹត្តិការណ៍ប្រកួតកីឡាស៊ីហ្គេមនាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ប្រភេទកីឡានេះ ក៏នឹងគ្រោងដាក់បញ្ចូលនាប្រកួតកីឡាអូឡាំពិកនៅរុស្ស៊ីផងដែរ។
ទោះបីប្រភេទកីឡា E-Sport ត្រូវបានដាក់ឲ្យប្រកួតប្រជែងជាលក្ខណៈពិភពលោកក៏ដោយ ប៉ុន្តែគេសង្កេតឃើញកីឡានេះមិនទាន់មានវត្តមានក្នុងការប្រកួតកីឡា Asian Game និង SEA Game នោះទេ។ យ៉ាងណាមិញ លោក ជាច័ន្ទ បរិបូរណ៍ អនុប្រធានសហព័ន្ធកីឡាអេឡិចត្រូនិកកម្ពុជាបានបញ្ជាក់ថា ប្រភេទកីឡា E-Sport នឹងមានវត្តមានក្នុងការប្រកួតកីឡាស៊ីហ្គេមនាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ការអះអាងបែបនេះ ធ្វើឡើងនាកិច្ចប្រជុំពិគ្រោះយោបល់ និងចែករំលែកបទពិសោធន៍កីឡាអេឡិចត្រូនិកក្នុងប្រទេសសហគមអាស៊ានដែលមានភាគី កម្ពុជា វៀតណាម និងសិង្ហបុរីចូលរួមកាលពីព្រឹកថ្ងៃទី១៧ មិថុនា នៅទីស្នាក់ការគណៈកម្មាធិការជាតិអូឡាំពិកកម្ពុជា។
ការប្រកាសបែបនេះរបស់អនុប្រធានសហព័ន្ធកីឡាអេឡិចត្រូនិកកម្ពុជា ដើម្បីជាសារដាស់តឿនសម្រាប់សហព័ន្ធ ក៏ដូចជាកីឡាករនៅតាមប្រទេសក្នុងតំបន់អាស៊ានបង្កើនការហ្វឹកហាត់ពង្រឹងសមត្ថភាព បច្ចេកទេស និងរៀបចំខ្លួនឲ្យបានត្រឹមត្រូវត្រៀមចូលរួមប្រកួតព្រឹត្តិការណ៍មួយនេះ។ តែយ៉ាងណា បើតាមលក្ខខណ្ឌរបស់កីឡាស៊ីហ្គេមកីឡាមួយអាចចូលរួមប្រកួតបានលុះត្រាតែមានសហព័ន្ធកីឡា E-Sport អន្តរជាតិអាស៊ានជាមុនសិន។
ពាក់ព័ន្ធនឹងបញ្ហានេះ លោក ជា ច័ន្ទបរិបូរណ៍ បានអះអាងថា វាមិនមែនជាបញ្ហាចោទនោះទេ ព្រោះបច្ចុប្បន្នក្នុងចំណោមប្រទេសទាំង១០ក្នុងតំបន់អាស៊ានមាន៧ប្រទេសលេងកីឡាមួយនេះលើកលែងតែ ព្រុយណេ មីយ៉ាន់ម៉ា និងឡាវ តែប៉ុណ្ណោះ។ ដូច្នេះ លោក គិតថា ការបង្កើតសហព័នកីឡាអេឡិចត្រនិកអន្តរជាតិអាស៊ានមិនពិបាកនោះទេឲ្យតែភាគទាំងអស់ឯកភាពគ្នា។ លោកបានបន្ត អ្វីដែលជាបញ្ហាប្រឈមសម្រាប់សហព័ន្ធកីឡាអេឡិចត្រូនិកកម្ពុជានោះ គឺការបណ្តុះបណ្តាលធនធានកីឡាករថ្នាល គ្រូបង្វឹក ចៅក្រម និងអាជ្ញាកណ្តាល ព្រោះបច្ចុប្បន្នសហព័ន្ធមិនទាន់មានធនធានទាំងអស់នេះនោះទេ។
បើយោងតាម អនុប្រធានសហព័ន្ធកីឡាអេឡិចត្រូនិកកម្ពុជារូបនេះ ក្រោយចប់កិច្ចប្រជុំពិគ្រោះយោបល់ និងចែករំលែកបទពិសោធន៍នេះ សហព័ន្ធនឹងចុះអនុសារណៈយោគយល់គ្នាជាមួយប្រទេសសិង្ហបុរី ដើម្បីជាជំនួយបច្ចេកទេស តាមរយៈការបញ្ជូនកីឡាករ គ្រូបង្វឹក ចៅក្រម ឬអាជ្ញាកណ្តាលទៅបណ្តុះបណ្តាលនៅទីនោះ ឬហៅអ្នកជំនាញមកបណ្តុះបណ្តាលនៅកម្ពុជា។
លោក ជា ច័ន្ទបរិបូរណ៍ ក៏បានអះអាងផងដែរថា ប្រភេទកីឡា E-Sport នឹងមានវត្តមានការប្រកួតកីឡា Asian Game នាពេលដ៏ខ្លីខាងមុខនេះ និងការប្រកួតកីឡាអូឡាំពិកនៅប្រទេសរុស្ស៊ី ដែលម្ចាស់ផ្ទះរុស្ស៊ីបានអះអាងកាលពីពេលថ្មីៗកន្លងទៅ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
E-Sport
ជាច័ន្ត បរិបូរណ៍
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម