សេដ្ឋកិច្ចកើនឡើងនាំឲ្យយានយន្តកើន តែក៏នាំមកនូវការស្ទះចរាចរណ៍ ខូចផ្លូវ បំពុលបរិយាកាស...

ជាតិ

បទយកការណ៍ / បទសម្ភាសន៍

រថយន្ត

19, Jun 2017 , 8:39 pm

រូបភាព

ដោយ: នាយយ៉ាន

ចំនួនយានយន្តនៅកម្ពុជា កើនឡើងយ៉ាងសម្បើមនៅរយៈពេលជាង១០ឆ្នាំចុងក្រោយ ពោលគឺកើនពីជិត៤ម៉ឺនគ្រឿង នៅឆ្នាំ២០០៤ ដល់ប្រមាណ៧លានគ្រឿងនៅឆ្នាំ២០១៦ ។ កំណើនយ៉ាងច្រើននេះ គឺជាសញ្ញាល្អនៃកំណើនសេដ្ឋកិច្ចកម្ពុជា ក៏ប៉ុន្តែវាក៏បានបង្កឲ្យមានផលប៉ះពាល់មួយចំនួនដែរ ដូចជាគ្រោះថ្នាក់ចរាចរណ៍កើនឡើង ការស្ទះចរាចរណ៍ក្នុងទីក្រុង ផ្លូវខូច និងការបំពុលបរិយាកាសជាដើម។

រយៈពេលជាង១០ឆ្នាំចុងក្រោយនេះ ចំនួនយានយន្តដែលបានចុះបញ្ជីនៅក្រសួងសាធារណការ និងដឹកជញ្ជូន បានកើនឡើងយ៉ាងសម្បើម។ យានយន្តដែលបានចុះបញ្ជីនៅក្រសួងសាធារណការ កើនពីជិត៤ម៉ឺនគ្រឿង ក្នុងឆ្នាំ២០០៤ ដល់ប្រមាណ៧លានគ្រឿងនៅឆ្នាំ២០១៦ ។

លោក ឡុង សុភ័ក្ត្រ ប្រធានផ្នែកជួសជុលរថយន្តរបស់ក្រុមហ៊ុន AC AUTOGAZ CAMBODIA មើលឃើញថា ចំនួនយានយន្តនៅកម្ពុជាកើនយ៉ាងសម្បើមបែបនេះ ដោយសារតែចំនួនប្រជាជនកើនឡើង ទន្ទឹមនឹងកំណើនសេដ្ឋកិច្ច រួមនឹងសេវាខ្ចីប្រាក់ទិញយានយន្តងាយស្រួលដែរ។ កំណើនយានយន្តយ៉ាងគំហុកនេះ ក៏បានបង្កឲ្យមានផលប៉ះពាល់ជាច្រើនដែរ។ បញ្ហាទាំងនោះរួមមានគ្រោះថ្នាក់ចរាចរណ៍កើនឡើង ផ្លូវខូចបន្តបន្ទាប់ដោយសាររថយន្តដឹកលើសទម្ងន់ ការបំពុលបរិយាកាស និងការស្ទះចរាចរណ៍ក្នុងទីក្រុងជាដើម។

សូមអញ្ជើញស្តាប់បទសម្ភាសន៍រវាង នាយ យ៉ាន និងលោក ឡុង សុភ័ក្ត្រ ប្រធានផ្នែកជួសជុលរថយន្តរបស់ក្រុមហ៊ុន AC AUTOGAZ CAMBODIA ដូចតទៅ៖