RMA Cambodia រៀបចំជំនួបនាយកប្រតិបត្តិ និងអ្នកគ្រប់គ្រងដើម្បីពង្រឹងចំណងមិត្តភាពអាជីវកម្ម

រថយន្ត

អត្ថបទពាណិជ្ជកម្ម

21, Jun 2017 , 11:43 am

រូបភាព

ក្រុមហ៊ុន អ អិម អេ ខេមបូឌា (RMA Cambodia) បានរៀបចំកម្មវិធីជួបជុំជាមួយនាយកប្រតិបត្តិ និងអ្នកគ្រប់គ្រងពីបណ្ដាក្រុមហ៊ុនផ្សេងៗ ដើម្បីពង្រឹងចំណងមិត្តភាពអាជីវកម្មរវាងគ្នាឲ្យកាន់តែទូលំទូលាយ។ កម្មវិធីនេះ ត្រូវបានរៀបចំឡើងនៅមជ្ឍមណ្ឌលតាំងលក់់ និងថែទាំជួសជុល រថយន្តJaguar Land Rover កាលពីពេលថ្មីៗកន្លងទៅ។

ក្នុងនោះផងដែរ លោក ងន សាំង នាយកប្រតិបត្តិ នៃក្រុមហ៊ុន អ អិម អេ ខេមបូឌា បានថ្លែងប្រាប់ដល់អ្នកចូលរួមក្នុងកម្មវិធីទាំងអស់ថា ក្រុមហ៊ុន អ អិម អេ ខេមបូឌា នឹងនាំចូលរថយន្តសេរីថ្មីម៉ាក Land Rover ម៉ូដែល All-New Land Rover Discovery និង All-New Range Rover Velar មកកាន់ទីផ្សារកម្ពុជានាពេលឆាប់ៗនេះ។ លោក ក៏បានពន្យល់ណែនាំពីអត្ថប្រយោជន៍នៃការទិញរថយន្ដថ្មីសុទ្ធ ពីរោងចក្រដែលមានការធានាលើ លក្ខខណ្ឌបច្ចេកទេស និងសមស្របជាមួយអាកាសធាតុ ប្រេងឥន្ធៈ ស្ថានភាពផ្លូវ។ ឧបករណ៍ និងសម្ភារៈសម្រាប់ជួសជុលរថយន្តសុទ្ធ ទំនើប និងទាន់សម័យនៃបច្ចេកវិទ្យាចុងក្រោយ បង្អស់ដែលមានតែនៅក្រុមហ៊ុន អ អិម អេ ខេមបូឌា ។ មេជាងត្រូវបានទទួលស្គាល់ស្នាដៃកំពូលពីចក្រភពអង់គ្លេស (កម្រិតទី ៤ ) និងមានសមត្ថភាពជួសជុលរថយន្តគ្រប់ម៉ូដែលរបស់ Jaguar និង Land Rover បុគ្គលិកត្រូវបានទទួលស្គាល់ពីក្រុមហ៊ុន Jaguar Land Rover ទាំងផ្នែកលក់ និងជាងទទួលបានការហ្វឹកហាត់នៅបរទេសយ៉ាងត្រឹមត្រូវជាដើម។

គួរបញ្ជាក់ផងដែរថា រថយន្ដម៉ាក Jaguar Land Rover ត្រូវបានផ្តល់សិទ្ធនាំចូល និងចែកចាយផ្ដាច់មុខដោយក្រសួងពាណិជ្ជកម្មលេខ១៤៥៧ ព.ណកសប ជូនទៅក្រុមហ៊ុន RMA Cambodia ដែលមានមជ្ឍមណ្ឌលតាំងលក់ និងថែទាំជួសជុលរថយន្ដនៅតាមបណ្ដោយផ្លូវសហព័ន្ធរុស្សី សង្កាត់ទឹកថ្លា រាជធានីភ្នំពេញ។