ជាតិ
ការនាំចេញផលនេសាទ៥ខែដើមឆ្នាំ២០១៧ ថយចុះជាង២០០តោន
× ភ្នំពេញ៖ ៥ខែដំបូងក្នុងឆ្នាំ២០១៧នេះ ការនាំចេញផលនេសាទរបស់កម្ពុជា បានថយចុះ២២០តោន បើធៀបនឹងរយៈដូចគ្នាកាលពីឆ្នាំ២០១៦។
យោងតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទ ការនាំចេញផលនេសាទស្រស់រយៈពេល៥ខែដើមឆ្នាំនេះ មានចំនួន៤,០៨០តោន ថយចុះ១២០តោន បើធៀបនឹងរយៈពេលដូចគ្នាកាលពីឆ្នាំមុន ខណៈការនាំចេញផលនេសាទកែច្នៃ ក្នុងរយៈពេល៥ខែឆ្នាំ២០១៧ មាន២,៣០០តោន ថយចុះចំនួន១០០តោន បើប្រៀបធៀបនឹងរយៈពេលដូចគ្នាកាលពីឆ្នាំ២០១៦។
របាយការណ៍ដដែល បានបង្ហាញថា រដ្ឋទទួលបានចំណូលពីវិស័យជនផលក្នុងខែឧសភា មានទឹកប្រាក់ចំនួន ១០១,៦៦១,០៨៣ រៀល។
ទន្ទឹមគ្នានឹងការទទួលបានចំនូល របាយការណ៍បានបង្ហាញថា មានបទល្មើសជនផលចំនួន១៨៩ករណី ក្នុងនោះបទល្មើសទឹកសាបមានចំនួន១៦៧ករណី ខណៈបទល្មើសទឹកសមុទ្រមានចំនួន២២ករណី៕
© រក្សាសិទ្ធិដោយ thmeythmey.com