ជាតិ
សង្គមជាតិ
×![]()
ភ្នំពេញ៖ អាជ្ញាធរថៃ បានឃាត់ខ្លួនពលករខ្មែរ ចំនួន ២២៥ នាក់ នៅក្នុងកន្លែងស្នាក់នៅរបស់ពលករសំណង់ ក្នុងស្រុកបាងឡាមុង ខេត្តឈុនបុរី កាលពីថ្ងៃទី២២ មិថុនាកន្លងមក។ ក្នុងចំណោមពលករខ្មែរទាំង ២២៥នាក់នេះ មានពលករ៤២នាក់ ដែលត្រូវភាគីថៃបញ្ជូនទៅតុលាការ។ នេះបើតាមសេចក្តីប្រកាសព័ត៌មានរបស់ក្រសួងការបរទេសកម្ពុជា ដែលទើបចេញផ្សាយកាលពីថ្ងៃទី២៨មិថុនា។
ស្ថានឯកអគ្គរាជទូតកម្ពុជាប្រចាំប្រទេសថៃ បានឲ្យដឹងថា ក្រោយបានទាក់ទងជាមួយអាជ្ញាធរថៃ ហើយទទួលបានព័ត៌មានថា ក្នុងចំណោមពលករខ្មែរចំនួន ២២៥នាក់ ដែលត្រូវបានសមត្ថកិច្ចថៃឃាត់ខ្លួន នៅក្នុងកន្លែងស្នាក់នៅរបស់ពលករសំណង់ ប្រទេសថៃ មានពលករចំនួន ៤០នាក់ មានបណ្ណពណ៌ស៊ីជម្ពូតែធ្វើការខុសកន្លែង និងពលករ១៨៣នាក់ ពុំមានឯកសារអ្វីទាំងអស់ រួមទាំងពលករ២នាក់ មានបណ្ណអនុញ្ញាតការងារក្លែងក្លាយ។
បើតាមក្រសួងការបរទេសកម្ពុជា ពលករខ្មែរដែលពុំមានឯកសារ ត្រូវបានអាជ្ញាធរថៃបញ្ជូនទៅការិយាល័យអន្តោប្រវេសន៍ ដើម្បីរៀបចំបញ្ជូនត្រឡប់មកកម្ពុជាវិញ។ ចំណែក ពលករមានបណ្ណពណ៌ស៊ីជម្ពូតែធ្វើការខុសកន្លែងចំនួន៤០នាក់ និងពលករមានបណ្ណអនុញ្ញាតការងារក្លែងក្លាយពីរនាក់ នឹងត្រូវបញ្ជូនឡើងតុលាការ។ ហើយនៅពេលនេះស្ថានឯកអគ្គរាជទូតកម្ពុជា ក៏កំពុងតាមដាននិងជួយដោះស្រាយលើបញ្ហាខាងលើនេះ៕
Tag:
ពលករ
ថៃ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
