ជាតិ
លោក William A. Heidt៖ អាមេរិក ពេញចិត្តការសន្ទនាដោយស្មោះត្រង់ជាមួយកម្ពុជា
លោក William A.Heidt
×![]()
ឯកអគ្គរដ្ឋទូតអាមេរិកប្រចាំនៅកម្ពុជា លោក William A. Heidt បានបញ្ជាក់ពីជំហររបស់រដ្ឋាភិបាលអាមេរិក ក្នុងការចរចាជាមួយកម្ពុជា ដើម្បីដោះស្រាយបញ្ហានានា។ ជំហរបែបនេះ ត្រូវបានលោក Heidt ថ្លែងនៅក្នុងពិធីបុណ្យរាជ្យជាតិអាមេរិកខួបលើកទី ២៤១ នៅសណ្ឋាគារ Intercontinental កាលពីយប់ថ្ងៃទី ២៩ ខែមិថុនា។
តាមរយៈឯកអគ្គរដ្ឋទូតអាមេរិកប្រចាំនៅកម្ពុជា រដ្ឋាភិបាលអាមេរិក បានបង្ហាញជំហរល្អ ក្នុងការពិភាក្សាជាមួយកម្ពុជា។«អាមេរិក ពេញចិត្តនឹងការសន្ទនាគ្នាដោយក្តីស្មោះត្រង់ជាមួយកម្ពុជា លើបញ្ហាជាច្រើន»។ នេះជាប្រសាសន៍សំខាន់ខ្លីរបស់លោក William A. Heidt ដែលថ្លែងទៅកាន់ភ្ញៀវជាតិ និងអន្តរជាតិ ក្នុងពិធីអបអរបុណ្យឯករាជ្យជាតិអាមេរិកលើកទី ២៤១ នៅរាជធានីភ្នំពេញ ។ ភ្ញៀវរបស់ទូតអាមេរិក ដែលបានចូលរួមពិធីនេះ មានទាំងអ្នកនយោបាយ មន្ត្រីរដ្ឋាភិបាល សង្គមស៊ីវិល មន្ត្រីទូត និងអ្នកសារព័ត៌មានជាដើម។
ជាការកត់សម្គាល់ ការបញ្ជាក់ពីការពេញចិត្តក្នុងការចរចារបស់អាមេរិកពេលនេះ បន្ទាប់ពីលោកឯកអគ្គរដ្ឋទូត Heidt ជួបពិភាក្សាជាមួយមេដឹកនាំគណបក្សប្រឆាំង និងមន្ត្រីសង្គមស៊ីវិល ហើយជាពិសេសជួបសន្ទនាជាមួយនាយករដ្ឋមន្ត្រី។ កាលពីថ្ងៃទី ២៦ ខែមិថុនា លោក Heidt បានជួបសន្ទនាជាមួយសម្តេច ហ៊ុន សែន នៅភូមិគ្រឹះរបស់សម្តេច ដោយលោកឯកអគ្គរដ្ឋទូតបានសរសើរសម្តេចនាយករដ្ឋមន្ត្រី ជុំវិញភាពជោគជ័យនៃការបោះឆ្នោតឃុំ សង្កាត់ កន្លងទៅថ្មីៗនេះ។ ហ្វេសប៊ុកផ្លូវការស្ថានទូតអាមេរិកប្រចាំនៅកម្ពុជា បានឲ្យដឹងថា ពេលសន្ទនាគ្នានោះ លោក Heidt និងសម្តេច បានពិភាក្សាគ្នាពីទំនាក់ទំនងសេដ្ឋកិច្ចរបស់អាមេរិក និងកម្ពុជា បញ្ហាសិទ្ធិមនុស្ស និងបញ្ហាដទៃទៀត ដែលមានសារៈសំខាន់សម្រាប់ទំនាក់ទំនងកម្ពុជាអាមេរិក។
សម្តេច ហ៊ុន សែន ជួបជាមួយលោក Heidt កាលពីថ្ងៃទី ២៦ ខែមិថុនា។ រូបថតពីហ្វេសប៊ុកស្ថានទូតអាមេរិក។
នៅក្នុងពិធីបុណ្យឯករាជ្យដដែលនោះ លោក William A. Heidt ក៏បញ្ជាក់ពីការតាំងចិត្តរបស់អាមេរិក ក្នុងការគាំទ្រការអភិវឌ្ឍនៅកម្ពុជាផងដែរ។ លោក បន្ថែមថា កន្លងមកនេះ ទំនាក់ទំនងសេដ្ឋកិច្ចរវាងអាមេរិក និងកម្ពុជា មានការរីកចម្រើន ដោយនៅក្នុងនោះ អាមេរិក គឺជាទីផ្សារដ៏ធំសម្រាប់នាំចូលផលិតផលពីកម្ពុជា។ បើតាមលោកឯករដ្ឋទូត នៅឆ្នាំ ២០១៧ មានរោងចក្រផលិតកាបូប កាតាប ជាដើម ចំនួន ២០ រោងចក្រ ដើម្បីនាំផលិតផលទៅលក់នៅអាមេរិក ដោយមានការអនុគ្រោះពន្ធ ហើយរោងចក្រទាំងនេះ បានផ្តល់ការងារដល់កម្មករប្រមាណ ១៥០០០ នាក់៕
តាមរយៈឯកអគ្គរដ្ឋទូតអាមេរិកប្រចាំនៅកម្ពុជា រដ្ឋាភិបាលអាមេរិក បានបង្ហាញជំហរល្អ ក្នុងការពិភាក្សាជាមួយកម្ពុជា។«អាមេរិក ពេញចិត្តនឹងការសន្ទនាគ្នាដោយក្តីស្មោះត្រង់ជាមួយកម្ពុជា លើបញ្ហាជាច្រើន»។ នេះជាប្រសាសន៍សំខាន់ខ្លីរបស់លោក William A. Heidt ដែលថ្លែងទៅកាន់ភ្ញៀវជាតិ និងអន្តរជាតិ ក្នុងពិធីអបអរបុណ្យឯករាជ្យជាតិអាមេរិកលើកទី ២៤១ នៅរាជធានីភ្នំពេញ ។ ភ្ញៀវរបស់ទូតអាមេរិក ដែលបានចូលរួមពិធីនេះ មានទាំងអ្នកនយោបាយ មន្ត្រីរដ្ឋាភិបាល សង្គមស៊ីវិល មន្ត្រីទូត និងអ្នកសារព័ត៌មានជាដើម។
ជាការកត់សម្គាល់ ការបញ្ជាក់ពីការពេញចិត្តក្នុងការចរចារបស់អាមេរិកពេលនេះ បន្ទាប់ពីលោកឯកអគ្គរដ្ឋទូត Heidt ជួបពិភាក្សាជាមួយមេដឹកនាំគណបក្សប្រឆាំង និងមន្ត្រីសង្គមស៊ីវិល ហើយជាពិសេសជួបសន្ទនាជាមួយនាយករដ្ឋមន្ត្រី។ កាលពីថ្ងៃទី ២៦ ខែមិថុនា លោក Heidt បានជួបសន្ទនាជាមួយសម្តេច ហ៊ុន សែន នៅភូមិគ្រឹះរបស់សម្តេច ដោយលោកឯកអគ្គរដ្ឋទូតបានសរសើរសម្តេចនាយករដ្ឋមន្ត្រី ជុំវិញភាពជោគជ័យនៃការបោះឆ្នោតឃុំ សង្កាត់ កន្លងទៅថ្មីៗនេះ។ ហ្វេសប៊ុកផ្លូវការស្ថានទូតអាមេរិកប្រចាំនៅកម្ពុជា បានឲ្យដឹងថា ពេលសន្ទនាគ្នានោះ លោក Heidt និងសម្តេច បានពិភាក្សាគ្នាពីទំនាក់ទំនងសេដ្ឋកិច្ចរបស់អាមេរិក និងកម្ពុជា បញ្ហាសិទ្ធិមនុស្ស និងបញ្ហាដទៃទៀត ដែលមានសារៈសំខាន់សម្រាប់ទំនាក់ទំនងកម្ពុជាអាមេរិក។
សម្តេច ហ៊ុន សែន ជួបជាមួយលោក Heidt កាលពីថ្ងៃទី ២៦ ខែមិថុនា។ រូបថតពីហ្វេសប៊ុកស្ថានទូតអាមេរិក។
នៅក្នុងពិធីបុណ្យឯករាជ្យដដែលនោះ លោក William A. Heidt ក៏បញ្ជាក់ពីការតាំងចិត្តរបស់អាមេរិក ក្នុងការគាំទ្រការអភិវឌ្ឍនៅកម្ពុជាផងដែរ។ លោក បន្ថែមថា កន្លងមកនេះ ទំនាក់ទំនងសេដ្ឋកិច្ចរវាងអាមេរិក និងកម្ពុជា មានការរីកចម្រើន ដោយនៅក្នុងនោះ អាមេរិក គឺជាទីផ្សារដ៏ធំសម្រាប់នាំចូលផលិតផលពីកម្ពុជា។ បើតាមលោកឯករដ្ឋទូត នៅឆ្នាំ ២០១៧ មានរោងចក្រផលិតកាបូប កាតាប ជាដើម ចំនួន ២០ រោងចក្រ ដើម្បីនាំផលិតផលទៅលក់នៅអាមេរិក ដោយមានការអនុគ្រោះពន្ធ ហើយរោងចក្រទាំងនេះ បានផ្តល់ការងារដល់កម្មករប្រមាណ ១៥០០០ នាក់៕
Tag:
William A. Heidt
ទូតអាមេរិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
