ជាតិ
កសិករដាំថ្នាំជក់នៅស្រុកក្រូចឆ្មារត្អូញពីតម្លៃថ្នាំធ្លាក់ចុះខ្លាំង
×![]()
ត្បូងឃ្មុំ៖ ខុសពីឆ្នាំទៅ ដែលផលថ្នាំជក់ប្រមូលដល់ផ្ទះសឹងមិនទាន់ ត្បិតឈ្មួញដណ្តើមគ្នាចាំទទួលទិញ។ ឆ្នាំនេះ ក្រោយប្រមូលផលជាង២ខែមកហើយ គំនរថ្នាំជក់នៅសល់ស្ទើរគ្រប់ផ្ទះរបស់ប្រជាពលរដ្ឋនៅស្រុកក្រូចឆ្មារ ដែលជាតំបន់លេខមួយ ក្នុងការផលិតថ្នាំជក់។
កសិករថ្នាំជក់នៅស្រុកក្រូចឆ្មារ ហាក់យំមិនចេញ ត្បិតតម្លៃថ្នាំធ្លាក់ចុះខ្លាំង គួបផ្សំផលមិនសូវល្អ ដូចរាល់ឆ្នាំ។ ឈ្មួញបានទម្លាក់តម្លៃថ្នាំជក់ថោកជាងឆ្នាំទៅ ពី២០០០រៀល ទៅ៣០០០រៀលក្នុងមួយគីឡូ។ នៅឆ្នាំនេះ ថ្នាំជក់ក្នុងមួយគីឡូ លក់បានក្នុងតម្លៃពី៥៥០០រៀល (គុណភាពមិនសូវល្អ) ទៅ៧០០០រៀល(គុណភាពល្អជាងគេ) ដែលឆ្នាំទៅ មួយគីឡូតម្លៃចន្លោះពី ៧០០០រៀល ទៅ១០០០០រៀល។
កសិករមួយរូបនៅភូមិ៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ លោក ហាក់ ម៉ាត់ បានឲ្យដឹងថា ថ្នាំជក់នៅឆ្នាំនេះលក់អត់ចេញ ព្រោះមិនសូវមានឈ្មួញដើរទិញ ហើយបើទិញ ក៏ឲ្យក្នុងតម្លៃថោកដែរ។ លោក ហាក់ ម៉ាត់ ទទួលស្គាល់ថា គុណភាពថ្នាំជក់ថ្នាំនេះ ពិតជាថយគុណភាពមែន ព្រោះត្រូវទឹកភ្លៀងច្រើនពេលប្រមូលផល តែលោកទទួលមិនបានទេសម្រាប់តម្លៃថោកបែបនេះ។
ទាំងលោក ហាក់ ម៉ាត់ និងពលរដ្ឋនៅស្រុកក្រូចឆ្មារទាំងមូល ហាក់អស់សង្ឃឹម និងគ្មានកម្លាំងចិត្តធ្វើថ្នាំជក់ទៀតទេនៅឆ្នាំក្រោយ។ មានគ្រួសារខ្លះ ខាតបង់ច្រើន ដោយផលបានតិច ថ្លៃក៏ចុះថោក និងថែមទាំងជាប់បំណុលគេថែមទៀត ត្បិតអ្នកខ្លះជួលដីពីគេ និងខ្លះខ្ចីលុយពីគេ ក្នុងអំឡុងចុះធ្វើថ្នាំជក់ម្តងៗ។
ឈ្មួញកណ្តាលទិញលក់ថ្នាំជក់ លោក ភី បានពន្យល់ពីហេតុផលពីរចំណុច ដែលធ្វើឲ្យថ្នាំជក់ ឆ្នាំំនេះ មិនសូវបានថ្លៃ និងគ្មានទីផ្សារ។ លោក ភី បញ្ជាក់ថា ហេតុផលទីមួយ ដោយសារ បរិមាណថ្នាំឆ្នាំមុនសល់ច្រើន និងហេតុផលទីពីរ គុណភាពថ្នាំជក់ឆ្នាំនេះ មិនសូវល្អ ត្រូវភ្លៀង ច្រើន ទើបបណ្តាលឲ្យគ្មានទីផ្សារ និងលក់បានក្នុងតម្លៃថោកជាងឆ្នាំទៅ។
យ៉ាងណាក៏ដោយ ទីផ្សារថ្នាំជក់ហាក់មានការប្រែប្រួលខ្លាំង មិនខុសពីផលកសិកម្មផ្សេងៗ ទៀត ដូចជាដំឡូងមី កៅស៊ូ ។ល។ ប្រជាពលរដ្ឋទទួចឲ្យរាជរដ្ឋាភិបាល គួរស្វែងរកទីផ្សារ និងកំណត់តម្លៃផលិតផលកសិកម្មរបស់ពួកគេឲ្យបានត្រឹមត្រូវ ចៀសវាងតម្លៃស្ថិតនៅលើបបូរមាត់ឈ្មួញកណ្តាល៕
កសិករថ្នាំជក់នៅស្រុកក្រូចឆ្មារ ហាក់យំមិនចេញ ត្បិតតម្លៃថ្នាំធ្លាក់ចុះខ្លាំង គួបផ្សំផលមិនសូវល្អ ដូចរាល់ឆ្នាំ។ ឈ្មួញបានទម្លាក់តម្លៃថ្នាំជក់ថោកជាងឆ្នាំទៅ ពី២០០០រៀល ទៅ៣០០០រៀលក្នុងមួយគីឡូ។ នៅឆ្នាំនេះ ថ្នាំជក់ក្នុងមួយគីឡូ លក់បានក្នុងតម្លៃពី៥៥០០រៀល (គុណភាពមិនសូវល្អ) ទៅ៧០០០រៀល(គុណភាពល្អជាងគេ) ដែលឆ្នាំទៅ មួយគីឡូតម្លៃចន្លោះពី ៧០០០រៀល ទៅ១០០០០រៀល។
កសិករមួយរូបនៅភូមិ៥ ឃុំស្វាយឃ្លាំង ស្រុកក្រូចឆ្មារ ខេត្តត្បូងឃ្មុំ លោក ហាក់ ម៉ាត់ បានឲ្យដឹងថា ថ្នាំជក់នៅឆ្នាំនេះលក់អត់ចេញ ព្រោះមិនសូវមានឈ្មួញដើរទិញ ហើយបើទិញ ក៏ឲ្យក្នុងតម្លៃថោកដែរ។ លោក ហាក់ ម៉ាត់ ទទួលស្គាល់ថា គុណភាពថ្នាំជក់ថ្នាំនេះ ពិតជាថយគុណភាពមែន ព្រោះត្រូវទឹកភ្លៀងច្រើនពេលប្រមូលផល តែលោកទទួលមិនបានទេសម្រាប់តម្លៃថោកបែបនេះ។
ទាំងលោក ហាក់ ម៉ាត់ និងពលរដ្ឋនៅស្រុកក្រូចឆ្មារទាំងមូល ហាក់អស់សង្ឃឹម និងគ្មានកម្លាំងចិត្តធ្វើថ្នាំជក់ទៀតទេនៅឆ្នាំក្រោយ។ មានគ្រួសារខ្លះ ខាតបង់ច្រើន ដោយផលបានតិច ថ្លៃក៏ចុះថោក និងថែមទាំងជាប់បំណុលគេថែមទៀត ត្បិតអ្នកខ្លះជួលដីពីគេ និងខ្លះខ្ចីលុយពីគេ ក្នុងអំឡុងចុះធ្វើថ្នាំជក់ម្តងៗ។
ឈ្មួញកណ្តាលទិញលក់ថ្នាំជក់ លោក ភី បានពន្យល់ពីហេតុផលពីរចំណុច ដែលធ្វើឲ្យថ្នាំជក់ ឆ្នាំំនេះ មិនសូវបានថ្លៃ និងគ្មានទីផ្សារ។ លោក ភី បញ្ជាក់ថា ហេតុផលទីមួយ ដោយសារ បរិមាណថ្នាំឆ្នាំមុនសល់ច្រើន និងហេតុផលទីពីរ គុណភាពថ្នាំជក់ឆ្នាំនេះ មិនសូវល្អ ត្រូវភ្លៀង ច្រើន ទើបបណ្តាលឲ្យគ្មានទីផ្សារ និងលក់បានក្នុងតម្លៃថោកជាងឆ្នាំទៅ។
យ៉ាងណាក៏ដោយ ទីផ្សារថ្នាំជក់ហាក់មានការប្រែប្រួលខ្លាំង មិនខុសពីផលកសិកម្មផ្សេងៗ ទៀត ដូចជាដំឡូងមី កៅស៊ូ ។ល។ ប្រជាពលរដ្ឋទទួចឲ្យរាជរដ្ឋាភិបាល គួរស្វែងរកទីផ្សារ និងកំណត់តម្លៃផលិតផលកសិកម្មរបស់ពួកគេឲ្យបានត្រឹមត្រូវ ចៀសវាងតម្លៃស្ថិតនៅលើបបូរមាត់ឈ្មួញកណ្តាល៕
Tag:
ថ្នាំជក់
ស្រុកក្រូចឆ្មារ
© រក្សាសិទ្ធិដោយ thmeythmey.com
