ជាតិ
NGO Forum៖ជម្លោះដីធ្លីដែលមានអាជ្ញាធររងគ្រោះដែរ ភាគច្រើនស្រួលដោះស្រាយ លោក វង្ស កុសល នៅកណ្តាល
×
វេទិកាអង្គការមិនមែនរដ្ឋាភិបាលស្តីពីកម្ពុជា ( NGO Forum) បានចេញរបាយការណ៍ស្តីពីស្ថិតិវិវាទដីធ្លីនៅកម្ពុជា ក្នុងអំឡុងពេលឆ្នាំ ២០១៦ កន្លងទៅ។ នៅឆ្នាំ ២០១៦ អង្គការ NGO Forum រកឃើញករណីវិវាទដីធ្លីចំនួន ៣៨២ ករណីនៅទូទាំង ២៤ រាជធានី ខេត្ត។ ក្រោយបញ្ចប់សិក្ខាសាលាបង្ហាញស្ថិតិជម្លោះដីធ្លី នៅថ្ងៃទី ៦ ខែមិថុនា ឆ្នាំ ២០១៧ មន្ត្រីសម្របសម្រួលគម្រោងសុវត្ថិភាពដីធ្លីអង្គការ NGO Forum លោក វង្ស កុសល បានថ្លែងថា កត្តាដែលបណ្តាលឲ្យមានជម្លោះដីធ្លីនៅកម្ពុជា មានបីចំណុចសំខាន់ៗ គឺការផ្តល់ដីសម្បទានសេដ្ឋកិច្ច ការប្រើប្រាស់អំណាចជាមន្ត្រីរាជការ ការប្រើប្រាស់កងកម្លាំងប្រដាប់អាវុធ ការប្រើងារឧកញ៉ា និងការរំលោភយកដីរដ្ឋធ្វើជាកម្មសិទ្ធិ ជាដើម។
លោក វង្ស កុសល បន្ថែមនៅក្នុងបទសម្ភាសជាមួយលោក ជា ធីរិទ្ធ និពន្ធនាយករងនៃសារព័ត៌មានថ្មីៗថា ករណីវិវាទដីធ្លី ដែលងាយដោះស្រាយកន្លងមក គឺនៅពេលដែលជម្លោះនោះ មិនមែនត្រឹមតែមានពលរដ្ឋធម្មតារងគ្រោះទេ តែមានមន្ត្រី ឬអាជ្ញាធរមូលដ្ឋាន ក៏រងគ្រោះដោយសារវិវាទដីធ្លីនោះដែរ។
សូមស្តាប់ការបកស្រាយបន្ថែមរបស់លោក វង្ស កុសល ខាងក្រោម៖
© រក្សាសិទ្ធិដោយ thmeythmey.com